প্রধান মন্ত্রী শ্রী নরেন্দ্র মোদীনা ২৩ জনুৱারী ২০১৯দা নই দিল্লীগী লাল কিলাদা সুভাশ চন্দ্র বোস ম্যুজিয়ম শঙ্গাগনি।
মহাক্না নেতাজী সুভাশ চন্দ্র বোস অমসুং ইন্দিয়ন নেস্নেল আর্মী ম্যুজিয়ম শঙ্গাগাবগী প্লেক মায়খুম হাংদোক্কনি। প্রধান মন্ত্রীনা ম্যুজিয়মদসু চত্তুনা য়েংগনি।
প্রধান মন্ত্রীনা য়াদে জালিয়ান ম্যুজিয়ম (জল্লিয়ানৱালা বাগ অমসুং ৱার্ল্দ ৱার ১গী ম্যুজিয়ম)দা চৎকনি।
মহাক্না নই দিল্লীগী লাল কিলাদা লৈবা ১৮৫৭দা শাখিবা ম্যুজিয়ম-নীংতম্বগী ওইবা ভারতকী অহানবা লান অমসুং দৃশ্যকালা-ম্যুজিয়ম ওন ইন্দিয়ন অর্ত্তসু চৎকনি।
নেতাজী সুভাশ চন্দ্র বোস অমসুং ইন্দিয়ন নেস্নেল আর্মীদা শারিবা ম্যুজিয়ম অসিনা সুভাশ চন্দ্র বোস অমসুং ইন্দিয়ন নেস্নেল আর্মীগী পুৱারীগী অকুপ্পা ৱারোল ফংহল্লগনি। মসিনা সুভাশ চন্দ্র বোস অমসুং আই.এন.এ.গা মরী লৈনবা তোঙান তোঙানবা পোৎলমশিংসু উৎকনি। পোৎলমশিং অদুদা নেতাজীনী শিজিন্নরম্বা উগী চৌক্রি অমসুং থাংশাং, মেদলশিং, বেজশিং, য়ুনিফোর্মশিং অমদি আই.এন.এ.গা মরী লৈনবা অতোপ্পা পোৎলমশিং য়াওরি। ম্যুজিয়ম অসিগী উরেপ উয়ুং প্রধান মন্ত্রীনা ২০১৮গী ওক্তোবর ২১দা তমখি। মদুনা নেতাজী সুভাশ চন্দ্র বোসনা লিংখৎখিবা অজাদ হিন্দ সরকারগী ৭৫শুবা এনিবর্সেরী পাংথোকপগী খুদম ওইখি। থৌরম অসিদা নীংতম্বগী ভেল্যু অদু ৱাংনা থম্দুনা প্রধান মন্ত্রীনা লাল কিলাদা জাতিগী ফিরাল পায়হনখি।
দিজাস্তর রেস্পোন্স ওপরেসনশিংদা শরুক য়ারিবা মখোয়শিং অদুবু ইকায় খুম্ননবা প্রধান মন্ত্রী নরেন্দ্র মোদীনা নেতাজী সুভাশ চন্দ্র বোসকী মিংদা এৱার্দ অমা লাওথোকখি। মসি ২১ ওক্তোবর ২০১৮দা নেস্নেল পুলিস মেমোরিয়েল জাতিদা খুৎশিন্নবগী থৌরমদা পাংথোকখি।
নেতাজী সুভাশ চন্দ্র বোস অমসুং আই.এন.এ.গী ভেল্যুশিং অমসুং ৱাখল্লোনশিং অদু প্রধান মন্ত্রীনা ২০১৮গী দিসেম্বর ৩০দা অন্দমান অমসুং নিকোবর আইলেন্দদা অমুক হন্না পুখৎখ্রে। মহাক্না নীংশিংনিঙায় ওইবা পোস্তেল স্তাম্প, কোইন অমসুং নেতাজী সুভাশ চন্দ্র বোসনা ভারতকী লৈবাক লৈহাওদা মচু অহুমগী ফিরাল পায়হনখিবগী ৭৫শুবা চহী থৌরম নীংশিংনবা ফার্সত দে কোভর অমা রিলিজ তৌখি। নেতাজীনা মতৌ করম্না অন্দমানগী নহাশিংবু ভারতকী নীংতম্বগীদমক মখোয় মশাবু কত্থোক্নবা হায়খিবগে হায়বদু মহাক্না নৌহৌনা নীংশিংখি। ফীৎ ১৫০ ৱাংনা পায়রিবা ফিরাল অসি ১৯৪৩দা নেতাজীনা মচু অহুমগী ফিরাল পায়হনখিবা নুমীৎ অদু প্রিজার্ব তৌনবা হোৎনবা অমনি। নেতাজীবু ইকায় খুম্নবা অদু খুদম ওইনবা রোস আইলেন্দবু নেতাজী সুভাস চন্দ্র বোস দ্বীপ হায়না মমিং থোনখি।
মমাংদা ২০১৫গী ওক্তোবর থাদা নেতাজী সুভাস চন্দ্র বোসকী ইমুংগী মীওইশিংনা প্রধান মন্ত্রীগা উনখি অমসুং ভারত সরকারনা ফংলিবা নেতাজীগা মরী লৈনবা ফাইলশিং দিক্লাসিফিকেসন তৌবিনবা হায়জখি।
১০০ নেতাজী ফাইল্সকী দিজিতেল কোপীশিং প্রধান মন্ত্রীনা নেস্নেল অর্কাইব ওফ ইন্দিয়াদা পব্লিক দোমেন্দা ২০১৮গী জনুৱারী থাদা রিলিজ তৌখি।
য়াদে জালিয়ান ম্যুজিয়মনা ১৯১৯গী এপ্রিল ১৩দা থোকখিবা জল্লিয়ানৱালা বাগ মীহাৎকী প্রমান ওইবা শক্তম অমা উৎলি। ম্যুজিয়ম অসিনা ৱার্ল্দ ৱার-১গী মতমদা ভারতকী লান্মীশিংনা কত্থোকখিবশিং, লান, অমসুং অথৌবগী মওং মতৌ অদুসু উৎলি।
১৮৫৭দা শাখিবা ম্যুজিয়ম- নীংতম্বগী ওইবা ভারতকী অহানবা লান্না ১৮৫৭গী নীংতম্বগী লানগী পুৱারী ওইরবা ৱারীশিং, লান অদুগী শক্তম অমসুং মতম অদুদা ইন্দিয়নশিংনা কত্থোকখিবা অদু য়েক্তুনা তাক্লি।
দি দৃশ্যকালা- একজিবিসন ওন ইন্দিয়ন আর্তনা ১৬শুবা চহীচাদগী ভারতকী নীংতম্বা ফাওবগী ইন্দিয়ন আর্ত ৱার্কশিং উৎলি।
রিপব্লিক দেগী মাংওইননা ম্যুজিয়মশিং অসিদা প্রধান মন্ত্রীগী খোচৎ অসি লৈবাক্কীদমক মখোয়গী মথৱায় থাখ্রবা অথৌবা ফ্রিদম ফাইতরশিংবু নীংশিংদুনা ইকায় খুম্নবা উৎপা অমনি।
