প্রধান মন্ত্রী শ্রী নরেন্দ্র মোদীনা ২০২১গী জানুৱারী ৩১গী নুমিৎ য়ুংবা মতুং পুং ৩:১৫ তাবা মতমদা স্বামী বিবেকানন্দনা হৌদোক্লম্বা রামকৃষ্ণ ওর্দরগী থাগী চেফোং অমা ওইরিবা ‘প্রবুদ্ধা ভারত’কী ১২৫শুবা কুমওনগী থৌরমদা ৱা ঙাংগনি। থৌরম অসি অদবৈতা আশ্রম, ময়াৱাতীনা শিনবনি।
‘প্রবুদ্ধা ভারত’কী মরমদা
‘প্রবুদ্ধা ভারত্তা’ চেফোং অসি ভারতকী মমাংঙৈগী লাইনিংগী ওইবা লৌশিংগী পাউতাক শন্দোকপগী য়াম্না মরুওইবা মেদিয়ম অমনি। মসি চেনাই (হান্নগী মাদ্রাস)তগী ফোংবা হৌখি অদুগা চহি অনি ফোংলবা মতুংদা অলমোরাদগী অমুক ফোঙখি। মসিগী মতুং এপ্রিল ১৮৯৯দা চেফোং অসিগী ফোংফম অদু অদবৈতা আশ্রমদা হোংখি অমসুং মতম অদুদগী ঙসি ফাওবা মফম অসিদগী লেপতনা ফোংলি।
মমিং লৈরবা মীওই কয়ানা ভারতকী কলচর, স্পিরিচ্যুলিতী, ফিলোসোফী, হিস্ত্রী, সাইকোলোজী, আর্ত অমসুং অতোপ্পা সোসিএল ইসুশিংদা ইরদুনা ‘প্রবুদ্ধা ভারত’কী চেফোংদা ফোংখি। নেতাজী সুভাস চন্দ্র বোস, বাল গঙ্গাধর তিলক, সিস্তর নিভেদিতা, শ্রী ওরোবিন্দো, হান্নগী রাস্ত্রপতী সর্ভেপল্লী রাধাকৃষ্ণন, অতোপ্পা মমিং লৈরবা মীওইশিংনা চহি কয়াদগী চেফোং অসিদা কন্ত্রিব্যুত তৌখি।
অদবৈতা আশ্রমনা ‘‘প্রবুদ্ধা ভারত’কী আর্কাইব খুদিংমক মসিগী ৱেবসাইত্তা ফংহন্নবা হোৎনরি।
