প্রধান মন্ত্রী শ্রী নরেন্দ্র মোদীনা ঙসি কোবিদ-১৯ বেক্সিন ফংহন্নবা শেম-শারিবা, য়েন্থোকপগী অমসুং হিদাক থাবগী থৌওংগী মতাংদা য়েংশিনখ্রে। প্রধান মন্ত্রীনা ইন্নোবেতরশিং, সাইন্তিস্তশিং, একাদেমিসিয়নশিং অমসুং ফার্মা-কম্পনীশিংনা বেক্সিন দিবেলপ তৌনবা হোৎনখিবশিং অসিগীদমক থাগৎপা ফোঙদোকখি অমসুং বেক্সিনগী রিসর্চ, দেবেলপমেন্ত অমসুং মেন্যুফেকচর তৌবা হেনগৎহন্নবা কন্না হোৎন্নবা য়াথং পীখি।
ভারত্তা বেক্সিন মঙাদি এদভান্স স্তেজতা লৈরে, মসিগী মনুংদা ৪না ফেস-II/IIIদা অমসুং অমনা ফেস- I/IIদা লৈরি। বাঙ্গলাদেশ, ম্যান্মার, কতার, ভুতান, স্বিৎজর্লেন্দ, বহরেন, ওস্ত্রিয়া অমসুং সাউথ কোরিয়া অসিগুম্বা লৈবাকশিং অসিনা ভারতকী বেক্সিনশিংগী বেক্সিন দিবেলপমেন্তদা অমসুং মতুং তারকপদা শীজিন্নবগী মতাংদা চুংশিন্নবা পাম্নরকখি।
অহানবা ফংবগী খুদোংচাবা লাকপদা বেক্সিন শীজিন্ননবা হোৎনবদা হেল্থকিয়র অমসুং ফ্রন্তলাইন ৱার্করশিংগী দেতাবেজ, কোল্দ চেনশিং চাউথোকহনবা অমসুং সিরিঞ্জশিং, য়েতুমশিং অসিনচিংবা লৈশিনবগী শেম-শাবা অসি এদভান্স স্তেজশিংদা লৈরে।
বেক্সিনেসনগী সপ্লাই চেন অসি ফগৎহনখ্রে অমসুং নন-বেক্সিন সপ্লাইশিং অসি হেনগৎহনখ্রে। বেক্সিনেসন প্রোগ্রাম অসিগী ত্রেনিং অমসুং ইমপ্লিমেন্ত তৌবদা মেদিকেল অমসুং নর্সিং মহৈরোয়শিং অমসুং ফেকল্তী য়াওগনি। অহানবা খুদোংচাবা পীবগী প্রিন্সিপলশিংগী মতুং ইন্না মফম অমসুং মীপুম খুদিংমক্তা বেক্সিনশিং য়ৌহন্নবা তপ্না-তপ্না থবক খুদিংমক পাইখৎলি।
প্রধান মন্ত্রীনা মমিং লৈবা নেস্নেল অমসুং ইন্তরনেস্নেল ইন্সতিত্যুসন অমসুং রিগুলেতর পুম্নমক্কা লোইননা চুংশিন্নদুনা থবক তৌদুনা ভারতকী রিসর্চ অমসুং মেন্যুফেকচরিংগী লমদা মালেমগী খ্বাইদগী ৱাংবা থাকশিং য়ৌবা ঙম্নবা খঙহনখ্রে।
রাজ্য সরকারশিং অমসুং মরী লৈনবা স্তেকহোল্দর পুম্নমক্কা লোইননা তান্নদুনা নেস্নেল এক্সপর্ত গ্রুপ ওন বেক্সিন এদমিনিস্ত্রেসন ফোর কোবিদ-১৯ (এন.ই.জি.ভি.এ.সি.)না অহানবা তাঙ্কক্তা অহানবা খুদোংচাবা ফংগদবা কাংলুপশিংদা বেক্সিনেসন তৌনবা ইমপ্লিমেন্ত তৌবগী খোঙজেল য়াংশিনখ্রে।
বেক্সিন থাবগী অমসুং য়েন্থোকপগী দিজিতেল প্লেৎফোর্ম অসি শেমখ্রে অমসুং রাজ্য অমদি জিলাগী থাক্তা লৈরিবা স্তেকহোল্দরশিংগা লোইননা পার্তনরশিপ ওইদুনা তেস্ত কয়া তৌরি।
মন্ত্রীনা ইমর্জেন্সী ওইনা শীজিন্নবগী ওথোরাইজেসনগী অমসুং হিদাক শাবগী অমদি লৈশিনবগী হিরমশিং য়েংশিনখ্রে। নেস্নেল অমসুং ইন্তরনেস্নেল বেক্সিনগী ফেস III ত্রাইএলশিংগী ফলশিং লাকপা অসিদা ঐখোয়গী অচৌবা অমসুং ইন্দিপেন্দেন্ত রিগুলেতরশিংনা শীজিন্ননবগী ওথোরাইজেসন পীনবগী খোঙজেল য়াংনা অমসুং কন্না য়েংশিনগনি।
সরকারনা কোবিদ সুরক্ষা মিসনগী মখাদা কোবিদ-১৯ বেক্সিনেসনগী রিসর্চ অমসুং দিবেলপমেন্তদা মতেং পাংনবা লুপা করোর ৯০০কী তেংবাং পীখ্রে।
প্রধান মন্ত্রীনা খোঙজেল য়াংনা রিগুলতরী ক্লিয়রেন্সশিং পীনবা অমসুং ঙন্না বেক্সিনেসন দ্রাইফ চত্থনবা মতম চানা লৈশিন্নবা অকক্নবা মতমগী থৌরাং অমা পাইখৎনবা খঙহনখ্রে।
প্রধান মন্ত্রীনা বেক্সিন দিবেলপমেন্তগী কন্না হোৎনরিবশিং অসিবু থাগৎখি। হৌজিক থোক্লিবা লাইচৎ অসিগী ওইরিবা ফীভম অসি য়েংলগা মাস্ক উপ্পা, অরাপ্পা থম্বা অমসুং লুনান্না লৈবা অসিগুম্বা চেকশিল থৌরাংশিং অসিদা কোমথোকপা য়াদে হায়নসু মহাক্না ফোঙদোকখি।
মীফম অসিদা পি.এম.গী প্রিন্সিপল সেক্রেতরী, কেবিনেৎ সেক্রেতরী, মেম্বর (হকশেল) নিতি আয়োগ, প্রিন্সিপল সাইন্তিফিক এদভাইজর, সেক্রেতরী হেল্থ, দি.জি. আই.সি.এম.আর., পি.এম.ও.গী ওফিসরশিং অমসুং মরী লৈনবা ভারত সরকারগী বিভাগশিংগী সেক্রেতরীশিংনা শরুক য়াখি।
Reviewed various issues like prioritisation of population groups, reaching out to HCWs, cold-chain Infrastructure augmentation, adding vaccinators and tech platform for vaccine roll-out.
— Narendra Modi (@narendramodi) November 20, 2020
Held a meeting to review India’s vaccination strategy and the way forward. Important issues related to progress of vaccine development, regulatory approvals and procurement were discussed. pic.twitter.com/nwZuoMFA0N
— Narendra Modi (@narendramodi) November 20, 2020
