মখাগী ৱাফম অসি প্রধান মন্ত্রী শ্রী নরেন্দ্র মোদীনা স্বীদেন অমসুং য়ু কে চৎত্রিঙৈগী মাংওইননা পীখিবা ৱাফমশিংনি।
“লৈবাক অনিগী ওইবা মীফমশিংগীদমক অমদি ইন্দিয়া-নোর্দিক সমিৎ অমসুং কমনৱেল্থ হেদস ওফ গবর্নমেন্তকী মীফমগীদমক ঐহাক ইং ২০১৮গী এপ্রিল ১৭তগী ২০ ফাওবা স্বীদেন অমসুং য়ু কেদা চৎকনি।
স্বীদেনগী প্রধান মন্ত্রী স্তেফেন লোফবেনগী বার্তন্দা ঐহাক এপ্রিল ১৭তা স্তোকহোমদা থুংলুগনি। মসি স্বীদেন্দা ঐহাক্কী অহানবা খোংচৎনি। ভারত অমসুং স্বীদেন্না মরূপ ওইবগী অফবা মরি অমা থম্লি। ঐখোয়গী পার্তনরশিপ অসি দেমোক্রেতিক্কী ওইবা ভেল্যুশিংদা য়ুমফম ওই। স্বীদেন অসি ঐখোয়গী চাউখৎ-থৌরাংগী অনৌবা খোংথাংশিংদা ভেল্যু লৈবা খোংলোই অমনি। প্রধান মন্ত্রী লোফবেন অমসুং ঐহাক্না লৈবাক অনিমক্কী ললোন-ইতিক্কী মকোকথোংবা লুচিংবশিংগা উনদুনা ৱারি শান্নবগী তঞ্জা ফংলগনি। ঐহাক্না স্বীদেনগী নিংথৌ, হিজ মাজেস্তী কিং কার্ল XVI গুস্তাফকসু উনগনি।
ফিনলেন্দ, নোর্ৱে, দেনমার্ক অমসুং আইসলেন্দগী প্রধান মন্ত্রীশিংগা লোয়ননা এপ্রিল ১৭তা স্তোকহোমদা পাংথোক্কদৌরিবা ইন্দিয়া-নোর্দিক সমিৎ অদু ভারত অমসুং স্বীদেন্না পুন্না ওর্গনাইজ তৌগনি। নোর্দিক লৈবাকশিং অসি ক্লিন তেক্নোলোজীশিং, এনভাইরনমেন্তেল সোলুসনশিং, পোর্তস মোদর্নাইজেসন, কোল্দ-চেনশিং, স্কিল দিবেলপমেন্ত অমসুং ইনোবেসনদা লৈরিবা শক্তিশিং অদুগীদমক মালেম শিনবা থুংনা শকখঙনৈ।
প্রধান মন্ত্রী তেরেসা মেগী বার্তনদা ঐহাক ইং ২০১৮গী এপ্রিল ১৮দা লন্দনদা থুংলুগনি। মমাংদা ইং ২০১৫গী নবেম্বর থাদা ঐহাক য়ু কেদা চৎখি। ভারত অমসুং য়ু কেনা অচেৎপা পুৱারীগী ওইবা মরিনা পুন্দুনা থম্লিবা মোর্দন পার্তনরশিপ অমা সেয়র তৌরি। ঐহাক্কী লন্দন খোংচৎ অসিনা লৈবাক অনিমক্কীদমক লেপ্পা লৈতনা চাউখৎলক্লিবা বাইলেতরেল এঙ্গেজমেন্তা অহেনবা খুদোংচাবা পীরগনি। হেল্থকেয়র, ইনোবেসন, দিজিতাইজেসন, ইলেক্ত্রিক মোবিলিতী, ক্লিন ইনর্জী অমসুং সাইবর সেক্যুরিতীদা ইন্দিয়া-য়ু কে পার্তনরশিপ হেঙ্গৎহনবদা ঐহাক্না মীৎয়েং থম্লি।
ঐহাক্না মহারানীগসু উন্নগনি। ইকোনোমিক পার্তনরশিপকী অনৌবা এজেন্দা অমদা থবক তৌরিবা লৈবাক অনিমক্কী সি ই ওশিংগা লোয়ননা তেনতক্না উন্নদুনা ৱারি শান্নগনি। লন্দনদা অয়ুর্বেদ সেন্তর ওফ এক্সেলেন্স অমা হৌদোক্কনি। অমসুং ইন্তরনেস্নেল সোলর এলাইন্সতা খ্বাইদগী নৌবা মেম্বর ওইনা য়ু কেবু তরাম্না ওক্কনি।
এপ্রিল ১৯ অমসুং ২০দা য়ু কেনা য়ুম্বু ওইদুনা পাংথোক্কদৌরিবা কমনৱেল্থ হেদস ওফ গবর্নমেন্তকী মীফমদা ঐহাক শরুক য়াগনি। মদুদা মালতানা কমনৱেল্থকী অনৌবা লুচিংবা ওইরগনি। কমনৱেল্থ অসি অমত্তা ঙাইরবা মল্তিলেতরেল গ্রুপ অমনি মদুনা মসিগী চাউখৎলক্লিবা মীহুৎ লৈবাকশিংদা কান্নরবা মতেং ফংহনবতা নত্তনা চাউখৎ-থৌরাংগী ওইবা ৱাফমশিংগীদমক অচেৎপা মালেমগী খোল্লাও অমসু পীরি।
স্বীদেন অমসুং য়ু কেগী খোংচৎ অসিনা লৈবাকশিং অসিগা লোয়ননা ঐখোয়গী শরুক য়ামিন্নবা হেঙ্গৎহনবদা কান্নবা ফংহল্লগনি হায়না ঐহাক্না থাজবা থম্লি।”
On 17th April, I will be in Stockholm to hold talks with PM Stefan Lofven. India’s relations with Sweden are warm and friendly. This visit will focus on further deepening India-Sweden ties in sectors such as business, science and technology, energy and smart cities. @SwedishPM
— Narendra Modi (@narendramodi) April 15, 2018
India and Sweden will jointly organize the India-Nordic Summit in Stockholm on 17th April. I look forward to holding talks with leaders of Finland, Norway, Denmark and Iceland during the Summit. https://t.co/y9VBqRMBNZ
— Narendra Modi (@narendramodi) April 15, 2018
Looking forward to strengthening India-UK relations during my visit to UK, which begins on 18th April. Sectors such as healthcare, innovation, digital technology and cyber security will be among the core focus areas during the visit. https://t.co/9RPXg3fRn3
— Narendra Modi (@narendramodi) April 15, 2018
I will call on Her Majesty The Queen, hold talks with PM @theresa_may and meet leading CEOs to deepen economic relations. An Ayurveda Centre of Excellence will be launched in London. During this visit, UK would be welcomed to the International Solar Alliance as well.
— Narendra Modi (@narendramodi) April 15, 2018
On 19th and 20th April I will participate in the Commonwealth Heads of Government Meeting. India attaches great importance to our ties with the Commonwealth Nations. I hope to have fruitful talks with various leaders taking part in the Meeting in UK. https://t.co/JBJAj1wg45
— Narendra Modi (@narendramodi) April 15, 2018
