শ্রী লঙ্কাগী রাস্ত্রপতি শ্রী মাইত্রিপাল সিরিসেনানা ২০১৯গী মে ৩০দা নই দিল্লীদা প্রধান মন্ত্রী শ্রী নরেন্দ্র মোদীগী ৱাশক লৌবগী থৌরমদা মগুন হেঙ্গৎহনখ্রে।
ঙসি পাংথোকখিবা লৈবাক অনিগী মীফমদা রাস্ত্রপতি সিরিসেনানা প্রধান মন্ত্রীবু হন্দক্তা পাংথোকখিবা মীখলদা মহাক্কী পার্তীনা মায় পাক্লক্তুনা অমুক হন্না ওফিস পায়রকপদা নুংঙাইবা ফোংদোকখি অমদি ঐখোয়গী লমদম অসিদা শান্তি, চাউখৎপা অমসুং শোইদ-ঙামদবা পুরক্নবগীদমক লৈবাক অনিগী মরক্তা লৈনরিবা মরী হেন্না চেৎশিলহন্নবা অচেৎপা ৱাফম থমনখি।
প্রধান মন্ত্রী শ্রী নরেন্দ্র মোদীনা রাস্ত্রপতি সিরিসেনাবু ৱাশক লৌবগী থৌরমদা শরুক য়াখিবা অমসুং মহাক্কী ওইবা য়াইফ-পাওজেলগীদমক থাগৎপা ফোংদোকখি। মহাক্না শ্রীলঙ্কাগা লোয়ননা লৈবাক অনিগী ওইবা মরূপ ওইবগী মরী মখা তানা চেৎশিলহন্নবা মহাক্কী সরকারগী ফিরেপ অদু ফোংদোকখি।
তেরোরিস্তকী অমসুং এক্সত্রিমিস্তকী থৌওংনা মীওইবা জাতিদা খুদোং থিনীংঙাই ওইরি হায়না লুচিংবা অনিমক্না ফোংদোকনখি অমদি খা এসিয়া অমসুং ভারত মহাসাগরগী লমদমদা শান্তি অমসুং শোইদ-ঙামদবা পুরক্নবগীদমক হেন্না চেৎপা লৈবাক অনিগী ওইবা তেংবাংগীদমক অচেৎপা ৱাফম ফোংদোকনখি।
Strengthening ties with Sri Lanka.
— PMO India (@PMOIndia) May 31, 2019
PM @narendramodi and President @MaithripalaS held talks at Hyderabad House.
The two leaders discussed various aspects of improving India-Sri Lanka cooperation. pic.twitter.com/Bs6OfSBtzn
