প্রধান মন্ত্রী শ্রী নরেন্দ্র মোদীনা লৈবাকপোকপা নুমিত্তা পাৱর, রেন্যুএভল ইনর্জী, পেত্রোলিয়ম অমসুং নেচরেল গ্যাস, কোইলা, অমসুং মাইনিংগী মরু ওইবা ইনফ্রাস্ত্রকচরগী থবক-থৌরমশিং য়েংশিনখ্রে। পুং অনি চুপ্না চৎথখিবা য়েংশিনবগী মীফম অদুদা, ইনফ্রাস্ত্রকচরগা মরি লৈনবা মন্ত্রালয়শিং, নীতি আয়োগ অমসুং প্রধান মন্ত্রী ওফিসকী মকোক থোংবা ওফিসিএলশিংনা শরুক য়াখি।
নীতি আয়োগকী সি.ই.ও. শ্রী অমিতাব কান্তনা পুথোকপা প্রজেন্তেসন অদুদা ভারত্তা শেমগৎলিবা পাৱর জেনরেসন কেপাসিতী অসি গিগাৱাৎ ৩৪৪দা হেনগৎলে হায়না পনখি। ২০১৪দা চাদা ৪দগী হেন্না ওইরম্বা ভারতকী ইনর্জী দিফিজিৎ অদু ২০১৮দা চাদা ১ হন্থখি।
ত্রান্সমিসন লাইনশিং, ত্রান্সফোর্মর কেপাসিতী, অমসুং ইন্তর-রিজনেল ত্রান্সমিসন্দা অহেনবা মরুওইবা কেপাসিতী হাপচিল্লে। ভারত অসি ৱার্ল্দ বেঙ্ককী “ইলেক্ত্রিসিতী লাইনা ফংহনবা”গী পরিংদা ২০১৪দা ৯৯দা লৈরম্বদগী হৌজিক ২৬শুবা রেঙ্কতা লৈরে। সৌভাগ্য খোংথাংগী মখাদা য়ুমথোং খুদিং ইলেক্ত্রিক ফংহনবগী থবক য়েংশিনখ্রে।
শহর অমসুং খুঙ্গং অনিমক্তা অরোইবা মাইল ফাওবা শম্নহনবা অমসুং য়েন্থোকপগী থবক্তসু খন্ন-নৈনদুনা মীৎয়েং চংখি। অনৌবা অমসুং রেন্যুএবল ইনর্জীগী লমদা, অপুনবা শেমগৎলবা কেপাসিতী অসি ২০১৩-১৪দা গিগাৱাৎ ৩৫.৫ ওইরম্বদগী ২০১৭-১৮দা গিগাৱাৎ ৭০ ওইদুনা চাউরাক্না শরুক অনি ওইরে। মতম অসিমক্কী মনুংদা সোলর ইনর্জীদা শেমগৎলবা কেপাসিতী অসি গিগাৱাৎ ২.৬তগী গিগাৱাৎ ২২দা হেনগৎলে। ওফিসিএলশিংনা থাজবা ফোংদোকখি মদুদি ২০২২ ফাওবগী মনুংদা রেন্যুএবল ইনর্জীগী কেপাসিতী গিগাৱাৎ ১৭৫ ওইহনবগী প্রধান মন্ত্রীগী পান্দম অদু লাইনা য়ৌবা ঙম্বগী লম্বীদা ভারতনা চংশিল্লি।
প্রধান মন্ত্রীনা ওফিসিএলশিংদা খঙহনখি মদুদি সোলর ইনর্জীগী কেপাসিতী হেনগৎহন্দুনা মসিগী কান্নবা অসি মতিক চাবা থৌরাংশিং খুদম ওইনা সোলর পম্প, অমসুং খুৎলোইবা সোলরগী চাক থোংনবা পাম্বৈশিংগী থোংদা লৌমীশিংদা য়ৌহনবা ঙম্নবগী মাইকৈদা থবক পাইখৎকদবনি।
পেত্রোলিয়ম অমসুং নেচরেল গ্যাসকী মতাংদা, মসি পনখি মদুদি প্রধান মন্ত্রী উজ্জ্বালা য়োজনাগী মখাদা লেপথোকখিবা পান্দম অদু শেনবা চহি অসিগী মনুংদা লাইনা ফংবা ঙমগনি। কোইলাগী লমদা, খন্ন-নৈনদুনা পোৎথোক পুথোকপা হেনগৎহনবদা মীৎয়েং থমখি।
