প্ৰধানমন্ত্ৰী শ্ৰী নৰেন্দ্ৰ মোদীয়ে মঙলবাৰে মুখ্য আন্তঃগাঁথনিমুলক খণ্ড যেনে-বিদ্যুৎ, নবীকৰণযোগ্য শক্তি, পেট্ৰ’লিয়াম আৰু প্ৰাকৃতিক গেছ, কয়লা আৰু খনিৰ কাম-কাজৰ প্ৰগতিৰ পৰ্যালোচনা কৰে। দুঘণ্টাতকৈ অধিক সময় ধৰি অনুষ্ঠিত পৰ্যালোচনা বৈঠকত আন্তঃগাঁথনিৰ সৈতে জড়িত মন্ত্ৰালয়, নিটী আয়োগ আৰু প্ৰধানমন্ত্ৰীৰ কাৰ্যালয়ৰ শীৰ্ষ বিষয়াসকল উপস্থিত থাকে।

এই উপলক্ষে নিটী আয়োগৰ মুখ্য কাৰ্যবাহী বিষয়া শ্ৰী অমিতাভ কাণ্টে এক প্ৰদৰ্শনযোগে উল্লেখ কৰে যে ভাৰতত স্থাপন কৰা শক্তি উৎপাদন কেন্দ্ৰৰ উৎপাদনক্ষমতা ৩৪৪ গিগাৱাটলৈ বৃদ্ধি পাইছে। ২০১৪ চনত ভাৰতৰ বিদ্যুতৰ নাটনি ৪ শতাংশতকৈ অধিক থকাৰ বিপৰীতে ২০১৮ চনত এই হাৰ ১ শতাংশলৈ হ্ৰাস পাইছে। এই উপলক্ষে কেতবোৰ বিশেষ পদক্ষেপ যেনে-ট্ৰেন্সমিচন লাইন, ট্ৰেন্সফৰ্মাৰৰ সক্ষমতা আৰু আন্তঃআঞ্চলিক ট্ৰেন্সমিচনৰ ব্যৱস্থা কৰা হৈছে।

বিশ্ব বেংকৰ “সহজে বিদ্যুৎ লাভ কৰা” সুচকত ভাৰতে ২০১৪ চনৰ ৯৯তম স্থানৰ পৰা ২৬তম স্থানলৈ উন্নীত হৈছে। বৈঠকত ‘সৌভাগ্য’ প্ৰচেষ্টাৰ অধীনত ঘৰে ঘৰে বিদ্যুৎ লাভ কৰাৰ সন্দৰ্ভত পৰ্যালোচনা কৰা হয়। আলোচনাত নগৰ আৰু গ্ৰামাঞ্চলত অন্তিমটো সংযোগৰ তথা বিতৰণৰ ওপৰত গুৰুত্ব আৰোপ কৰা হয়।

নব্য আৰু নবীকৰণযোগ্য শক্তি খণ্ডত সামূহিক সংস্থাপন সক্ষমতা প্ৰায় দুগুণ বৃদ্ধিৰে ২০১৩-১৪ৰ ৩৫.৫ গিগাৱাটৰ পৰা ২০১৭-১৮ত ৭০ গিগাৱাট হৈছে। সৌৰ শক্তি সংস্থাপন সক্ষমতা একেটা সময়ত ২.৬ গিগাৱাটৰ পৰা ২২ গিগাৱাট হৈছে। বিষয়াসকলে বিশ্বাসেৰে কয় যে ২০২২ চনৰ ভিতৰত নবীকৰণযোগ্য শক্তি সক্ষমতা ১৭৫ গিগাৱাটৰ বাবে প্ৰধানমন্ত্ৰীৰ লক্ষ্য অনায়াসে উপনীত হ’ব ভাৰত।

প্ৰধানমন্ত্ৰীয়ে সৌৰ শক্তি সক্ষমতা বৃদ্ধিৰ জৰিয়তে কৃষকসকলৰ বাবে উপযুক্ত ব্যৱস্থা যেনে-সৌৰ পাম্প আৰু ব্যৱহাৰ উপযোগী সৌৰ ৰন্ধনশৈলীৰ সুবিধা নিশ্চিত কৰিবলৈ বিষয়াসকলক আহ্বান জনায়। 

উল্লেখ যে চলিত বিত্তীয় বৰ্ষত পেট্ৰ’লিয়াম আৰু প্ৰাকৃতিক গেছ খণ্ডত প্ৰধানমন্ত্ৰী উজ্জ্বালা যোজনাৰ অধীনত ধাৰ্য কৰা লক্ষ্যত উপনীত হৈছে। কয়লা খণ্ডৰ সন্দৰ্ভত হোৱা আলোচনাত অধিক উৎপাদনৰ ব্যৱস্থা কৰাৰ বিষয়ে গুৰুত্ব আৰোপ কৰা হয়।

Explore More
৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ

Popular Speeches

৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ
Around 8 million jobs created under the PMEGP, says MSME ministry

Media Coverage

Around 8 million jobs created under the PMEGP, says MSME ministry
NM on the go

Nm on the go

Always be the first to hear from the PM. Get the App Now!
...
চ'ছিয়েল মিডিয়া কৰ্ণাৰ 23 জুলাই 2024
July 23, 2024

Budget 2024-25 sets the tone for an all-inclusive, high growth era under Modi 3.0