মখাগী অসি মহাক্না মালদিবস থাদোক্ত্রিঙৈদা প্রধান মন্ত্রীনা পীখিবা ৱারোলনি –
“পুৱারী ওইরবা, রাস্ত্রপতি খল্লবা ইব্রাহিম মোহমদ সোলীনা থবক পায়বা হৌবগী থৌরমদা শরুক য়ানবা মালদিবসকী কোনুং মালেদা চৎপদা ঐ হরাওবা পোকই।
হন্দক পাংথোকখিবা মীখলদা মহাক্না মাইপাকখিবদা ঐনা মহাক তরাম্না ওক্লি। মসিনা মালদিবসগী মীয়ামদা গনতন্ত্র, আইনগী লৈঙাক অমসুং নুংঙাই-য়াইফবা পুরকপা ঙমহনগনি।
পুৱারীদা ভারত অমসুং মালদিবস অকন্নবা মরি লৈনরি, ঐখোয়গী মীয়ামগী মরক্তা অকনবা মরি লৈনরি অমসুং শান্তি অমসুং নুংঙাই য়াইফনা হিংনবগী অপাম্বা লৈরি। ঐগী সরকারগী পুন্না চাউখৎমিন্ননবা ‘সবকা সাথ সবকা বিকাস’ অসি ঐখোয়গা য়ুম্লোন্নরিবশিংদসু য়ৌহল্লি। ভারতনা গনতন্ত্র চৎপা, নুংঙাই-য়াইফবা অমসুং শান্তি লৈবা মালদিবস অমা উনীংবগী খৌরাংবা পোক্লি।
মালদিবসকী চাউখৎ-থৌরাংগী থবকশিং মরুওইনা ইনফ্রাস্ত্রকচর, হকশেল, লম্বী-থোং অমসুং হুমেন রিসোর্স দিবেলপমেন্ত চাউখৎহন্নবা মালদিবসকী অনৌবা সরকার অসিদা ঐহাক্কী সরকার অসিনা মতেং পাংগনি হায়না ঐনা পাউজেল্লি।
ঐগী খোঙচৎ অসিনা ঐখোয়গী লৈবাক অনিগী মরক্তা হেন্না নকশিন্নবা অমসুং মতেং পীনবা হেনগৎহনগনি হায়না ঐনা থাজবা থম্লি।
