Share
 
Comments

ইকায়খুম্নরজবা, রাস্ত্রপতি রামাফোসা,

খা অফ্রিকাদগী মফম অসিদা লাক্লিবা শক্নাইরবশিং,

মরূপশিং,

ভারতকা থাদোক্নবা য়াদ্রবা মরূপ অমা, রাস্ত্রপতি রামাফোসা ঙসি ঐখোয়গী ইরক্তা য়াওবা অসি ঐখোয়গী য়াম্না নুংঙাইবা অমনি। মহাক্কী মফমদা ভারত অসি অনৌবা অমা নত্তে, অদুবু মসি মহাক্না রাস্ত্রপতি অমা ওইনা ভারত্তা লাকপা মহাক্কী অহানবা খোংচৎনি। মহাক্কী ভারত খোংচৎ অসি ঐখোয়গা লৈনরিবা মরিগী অখন্নবা তাঞ্জা অমদা থোক্লে। তাঞ্জা অদু মহাত্মা গান্ধীগী চহি ১৫০শুবা মপোক কুমওন থৌরমদনি। হৌখিবা চহিদা নেলসন মন্দেলাগী চহি ১০০শুবা মপোক কুমওন তাখি। হৌখিবা চহিদা ঐখোয়গা দিপ্লোমেতিক্কী মরি লৈনরকপগী সিলভর জুব্লী তাখি। মসিগী অখন্নবা থৌরম অসিদা রাস্ত্রপতি রামাফোসানা ভারত্তা লাকপা অসিদা ঐ হরাওই। মহাক্না ভারত্তা লাকপা অসি ঐখোয়গী ওইনা য়াম্না মরুওইবনি, মরমদি হয়েং মহাক্না ঐখোয়গী গনতন্ত্র নুমিৎতা চীফ গেস্ত ওইগনি। মসিগী ইকায়খুম্নবা অসিগীদমক অমসুং ঐখোয়দা চাউথোকচবা পোকহনবগী ভারতনা থাগৎলি। ঐখোয়না মসিগী ইকায়খুম্নবা অসি উৎপা য়াহনবগীদমক ভারত পুম্বনা থাগৎলি।

মরূপশিং,

২০১৬তা ঐনা খা অফ্রিকাদা চৎপা মতমদা ঐনা অহানবা ওইনা রাস্ত্রপতি রামাফোসাগা উনখি। মতম অদুদা মহাক উপ-রাস্ত্রপতি ওইরি। ঐখোয় অহানবা ওইনা উনবা অদুদা মহাক্না ভারত নুংশিবা অদু ঐনা খঙবা ঙমখি। হৌখিবা চহিদা খা অফ্রিকাদা পাংথোকখিবা ব্রিক্স সমিৎ মনুংদা মহাক্কী নীংথিরবা মীওক-মীচান অদু ঐনা খঙবা ঙমখি। দিল্লীদা হৌজিক নিংথম থা ওইজরবসু, খোংচৎ অসিদা রাস্ত্রপতি রামাফোসানা ভারতনা তরাম্না ওকপগী ফোঙ-ফোঙ শাবা অদু ফাওরমগনি হায়না ঐনা খল্লি। ঐনা রাস্ত্রপতি অমসুং মহাক্কী মীহুৎ কাংবু ভারত্তা তরাম্না ওক্লি।

মরূপশিং,

ঙসি রাস্ত্রপতিগা লোয়ননা ঐখোয়না ৱারী শানবদা, ঐখোয়গী মরিগী শরুকশিং ঐখোয়না অমুক হন্না য়েংশিল্লে। ঐখোয়গী ললোন-ইতিক অমসুং শেন থাদবগী মরি হেন্না কনখৎলক্লি। ঐখোয়গী লৈবাক অনিগী ললোন-ইতিক অসি য়ু এস দোল্লর বিলিয়ন ১০ হেল্লে। চহি অসিদা পাংথোক্লিবা বাইব্রেন্ত গুজরাত সমিৎতা খা অফ্রিকা শরুক য়াখি। খা অফ্রিকাদা শেন থাদবা হেনগৎহন্নবা রাস্ত্রপতি রামাফোসানা কন্না হোৎনরিবা অসিদা ভারতকী কম্পেনিশিংনা অকনবা থৌদাং লৌরি। খা অফ্রিকাগী স্কিল দিবলপমেন্তগী থবকশিংদা ঐখোয়সু শরুক য়ারি। প্রেতোরিয়াদা অথুবা মতমদা গান্ধী-মন্দেলা স্কিলস ইন্সতিত্যুৎ লিংখৎলগনি। লৈবাক অনিগী লৈনরিবা মরি অসি অনৌবা থাক অমদা পুখৎনবা ঐখোয় অনিনা থাজবা পীরি। মরম অদুনা, হৌজিক ঙাইহাক্কী মতুংদা লৈবাক অনিমক্কী ললোন-ইতিক্কী লুচীংবশিং উনরগনি।

মরূপশিং,

করিগুম্বা ঐখোয়না মালেমগী মেপ য়েংলবদি, ভারত অমসুং খা অফ্রিকা অনিমক ইন্দিয়ন ওসিনগী য়াম্না মরুওইবা মফমশিংদা লৈবা থেংনগনি। ঐখোয় অনিমক খেন্নবা কয়া লৈবা গনতন্ত্র চৎপা লৈবাকশিংনি। ঐখোয় মহাত্মা গান্ধী অমসুং নেলসন মন্দেলাগী ৱাখল্লোনশিং ইন্নরিবশিংনি। মরম অদুনা লৈবাক অনিমক্কী মালেমগী মীৎয়েং অসি অমগা অমগা মান্নৈ। ব্রিক্স, জি-২০, ইন্দিয়ন ওসিন রিম এসোসিয়েসন, আই বি এস এনচিংবা ফোরমশিংদা ঐখোয়না অমনা অমগী মতেং পাংনরি। য়ু এন সেক্যুরিতী কাউন্সিল শেমদোকপদা ঐখোয় পুন্না থবক তৌমিন্নরি। রাস্ত্রপতিগী ভারত খোংচৎ অসিগী অখন্নবা শরুক অমা ওইনা ঙসি অহানবা “গান্ধী-মন্দেলা ফ্রিদম লেকচর” পাংথোক্লি। ঐ খক নত্তনা, ভারত পুম্বা অমসুং খা অফ্রিকা পুম্বনা রাস্ত্রপতিগী ৱারোল তানবা খৌরাংনা ঙাইরি।

মরূপশিং,

গনতন্ত্র দিবসতা রাস্ত্রপতি রামাফোসানা চীফ গেস্ত ওইনা শরুক য়াবা অসিনা ঐখোয়গী লৈনরিবা মরি অসি মপাঙ্গল কনখৎহনবগী খুদম্নি। ঐনা অমুক হন্না রাস্ত্রপতিবু তরাম্না ওকচরি।

অদোমবু থাগৎচরি।

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India achieves 40% non-fossil capacity in November

Media Coverage

India achieves 40% non-fossil capacity in November
...

Nm on the go

Always be the first to hear from the PM. Get the App Now!
...
PM condoles the passing away of former Andhra Pradesh CM Shri K. Rosaiah Garu
December 04, 2021
Share
 
Comments

The Prime Minister, Shri Narendra Modi has expressed grief over the passing away of the former Chief Minister of Andhra Pradesh, Shri K. Rosaiah Garu.

In a tweet, the Prime Minister said;

"Saddened by the passing away of Shri K. Rosaiah Garu. I recall my interactions with him when we both served as Chief Ministers and later when he was Tamil Nadu Governor. His contributions to public service will be remembered. Condolences to his family and supporters. Om Shanti."