ঐহাক্না শ্রীমান হরিবনশজীনা অনিরক শুবা ওইনা হাউসকী দিপুতী চিয়রমেন ওইনা খল্লকপদা হাউস অমদি ইরৈচা পুম্নমক্কী মফমদা নুংঙাইবা ফোংদোকচরি।
মসোসিএল সর্ভিসশিং অমসুং জর্নেলিজমগী তাইবংদা হরিবনশজীনা মশাগী মপুকচেল শেংবা শক্তম অমা ওইনা খংনখিবা অদুগী মরম্না ঐহাক্কী থমোইনা মতম চু্প্পদা মহাকপু ইকাই খুম্নজৈ। ঐহাক্কী ঐহাক্না হরিবনশজীগীদমক্তা ঐহাক্না ফাওরিবা ইকাই খুম্নবা অমদি মশাগী মী ওইনা খনবগী মওং অসি ঐহাক্কী থমোইদা ফাওরিবা অসিগুম্না ঙসি হাউসকী মীহুৎ খুদিংমক্কী থমোইদসু ফাওবিরমগনি হায়না ঐহাক্না খল্লি। মসিগী ৱাখল্লোন, মসিগী লোন্দিন্নবগী মওং অসি হরিবনশজীনা তানশিঞ্জবা মরলনি। মহাক্কী থবক তৌবদা হৈশিংনা তৌবা অসিনা হাউসকী থবক মহাক্না তৌবিরিবা অসি উবদা মসি মশানা অদুম মহৌশানা অদুমসু ওইহনবনি। । হাউসতা করিগুম্বা মীচং-মীখাই নাইদনা অদোম্না দেমোক্রেসী অসিবু হেন্না মপাঙ্গল কনখৎহন্নবগী অদোম্না লৌবিরিবা থৌদাং লৌবিরি।
ইকাই খুম্নজরবা থৌরম মপু, হন্দক্তি হাউস অসিনা পুৱারীদগী খ্বাইদগী ইতোং-তোঙান্না অমদি তোপ-তোপ্পা মওং অমদা থবক অসি চত্থরি। কোরোনানা মরম ওইরগা অসিগুম্বা ফীভম অসিদা হাউসতা থবক তৌবা, লৈবাক অসিগীদমক্তা মরুওইবা থৌদাং অসি মপুং ফানা পাংথোকপা অসি ঐখোয় পুম্নমক্কী থৌদাংনি। ঐখোয় পুম্নমক্না মিৎকুপ-নাহুম শিংনা, চৎন-কাংলোন পুম্বা ঙাক্না চত্তুনা ঐখোয়গী ইথৌদাং অসি পাংথোক্কনি হায়না ঐহাক্না থাজৈ।
রাজ্যসভাগী মীহুৎ, চিয়রমেনজীনা হৌজিক দিপুতী চিয়রমেনজীবু হাউসকী থৌগাই অসি নিংথিনা পাংথোকপদা মতেং পাংলিবমখৈ অদু্ক্কী মতিক অফবা মওংদা কান্নগনি অমদি পুম্নমকপু তেক্ত-কাইদনা লৈগনি। চেয়রমেন্না, সংসদকী অপ্পর হাউসকী থৌদাং লৌবিনবগীদমক্তা হরিবনশজীদা ঐখোয় খুদিংমক্কী থাজবা লৈখি। হরিবনশজীনা মদু থাক খুদিংমক্তা মপুং ফাহনবিরি। ঐহাক্না মমাংদা হরি অসি ময়াম পুম্নমক্কী ওইরিবা অসিগুম্বা হাউসকী হরি অসি ঐগীসু-মীগীসু অনিমক্কী ওইগনি হায়না ঐহাক্না ৱাফম থম্বদা হায়জখি। হাউসকী ঐখোয়গী হরি, হরিবনশজীনা শোমদসু-অশোমদসু মীপুম পুম্বগী ওইনা মান্ননা লৈনবা, মীচং-মীখাই নাইদনা, ঐগী-মীগী নাইদবনি।
ঐহাক্না মসিমসু হায়খি মদুদি হাউসকী লম্পাক্তা শান্নরোইসিংদগী হেন্না অম্পায়রনা হেন্না ৱাই হায়না হায়জখি। চৎন-কাংলোন নাইনা শান্ননবগীদমক্তা সংসদশিংবু নম্ফু-হাফু তৌবা অসি য়ম্না শিংননিংঙাই ওইবা থবক্নি। অম্পায়রগী থবক অসি নিংথিনা তৌগনি হায়বা ঐহাক্না থাজখি অদুবু অম্পায়রগী থবক অসি নিংথিনা তৌগনি হায়বা ঐহাক্না থাজখি অদুবু হরিবনশজীবু মশক খংবিরমখিদবশিংসু হরিবনশজী মহাক্কী ৱারেপ লৌবা ঙম্বগী থৌনা, মহাক্কী ৱারেপ অদুনা মীপুম খুদিংমক্কী থম্মোয়দা থাজহনবা ঙম্লে।
ইকাইখুম্নজরবা চিয়রমেন, না মশাগী থৌদাং অদু কয়াগী মতিক মায় পাক্না পাংথোকখিবগে হায়বসি চহি অনিসিনা সাক্ষীনি। হাউসতা চাউর-চাউরবা এম.এল.এ.শিংগা মপুং ফানা খন্ন-নৈনহনখিদুনা য়াম্না থুনা বিল পাস তৌনবগীদমক্তা হরিবনশজীনা পুং কয়া চুপ্না ফমদুনা লৈখি, হাউসতা হৈ-শিংনা থবক পাংথোক্তুনা লৈবিখি। হৌজিক্কী মতম অসি লৈবাক অসিগী তুংদা ওইরক্কদবা পুন্সি অসিদা, লৈবাক্কী মাইওন অসি ওন্থোকপা ঙম্বা বিল পুৱারীগী ওইবা কয়া অমা হাউসতা পাস তৌরি। হৌখিবা চহিদখক্তা মসিগী হাউস অসিনা চহি তরাদা থ্বাইদগী য়াম্বা প্রদক্তিবিতী রেকোর্দ থমখ্রে। মদুসু হৌখিবা চহিদা লোকসভাগী মীখল পাংথোকপা চহি অদুদা।
প্রদক্তিবিতীগা লোয়ন-লোয়ননা পোজিতিবিতীসু হেনগৎহনবা হায়বসি মীহুৎ খুদিংমক্কী ওইনা চাউথোকচনিংঙাইনি। মফমসিদসু মীওই খুদিংমক্না ফোংনা ৱা ঙাংবা ঙমহনসি। হাউসকী থবক-ইনখাং তৌবা লেপ্তনবা, থংথখিদনবা লেপ্তনা থবক হোৎনবা উখি। হাউসকী লেমজনিংঙাই ওইবা মতৌ অদুসু হেনগৎহনগনি। সংসদকী অপ্পর হাউসতগী মসিদগী লৈঙাক শেম্লিবশিংনা মসিগী অনিংবা-অপাম্বা অসি তৌহন্নিংহল্লকখি। দেমোক্রেসীগী লমদম ওইরিবা বিহারদগী জেপী অমদি কর্পুরী থাকুরগী লমদমদগী, বাপুগী চম্পারনগী লমদগী কনাগুম্বা মীওই অমনা দেমোক্রেসী অসিদা মমাং থানা থোরক্লগা থৌদাং লৌবা মতমদা হরিবনশজীনা তৌরিবা অসিগুম্বা মতৌ উবা ফংই।
করিগুম্বা অদোম্না হরিবনশজীগা নক্নবা মীশিংগা ৱারী শান্নবা মতমদা মহাক অসি করিগীদমক্তা লৈমায়গা মরি লৈনরিবগে হায়বদু খংবা ঙমগনি। মহাক্কী খুঙ্গংদা মহাক্না লাইরিক তম্বা হৌরকখিবা মফম ওইরিবা নীম পাম্বিগী মখাদা স্কুল হাংলমখি। লৈবাক্তা ফম্মগা লৈবাকপু খংবা, লৈবাক্কা মরি লৈনবা মহৈ-মশিং অদু মফমদুদা ফংখি।
হরিবনশজী খুঙ্গং অসি জয়প্রকাশজীগী সিতাব দিয়ারাদনি হায়বা মীপুম খুদিংমক্নি হায়বা খংবিরি। মসিগী খুঙ্গং অসি জয়প্রকাশজীগীসু পোক্নফম লমদম্নি। উত্তর প্রদেশ, বিহার রাজ্য অনিগী জিলা অহুম আরা, বলিয়া অমদি ছপরা অসি খাইদোকপা মফম, গঙ্গা অমসুং ঘাঘরাগী মরক্তা লৈবা দিয়ারা, তাপুগুম্বা চহি খুদিংগী ইচাও থোকপনা লৈবাক কিন্থবা, য়াম্না ৱানা চহি অমদা লৌ অমুকখক্তং লোকপা ঙম্মি। মতম অদুদা চত্থোক-চৎশিন তৌবা অসি হি মচানা তুরেল লান্দুনা চৎনরম্মি।
পেন্থোকপা হায়বসিনা নুংঙাইবনি হায়বা ৱাখল-লৌশিং অসি হরিবনশজীনা মহাক্কী খুঙ্গংগী য়ুম অদুগী ফীভমদগী ফংলকখি। মহাক করম্বা বেকগ্রাউন্দগী থোরকপনো হায়বগী ৱারী অমা ঐঙোন্দা কনাগুম্বা অমনা হায়বিরকখি। হাইস্কুলগী লাক্লবা মতুংদা হরিবনশজীগী অহানবা খোংউপ শানবগী ৱারী শান্নখি। মদুগী মমাংদা মহাক্কী খোংউপা অমত্তা লৈরমখিদে অমদি লৈরকপসু লৈরকখিদে। খুঙ্গংগী খোংউপ শাবা মীওই অদুদা হরিবনশজীগী খোংউপ শাবিনবা হায়রমখি। হরিবনশজীনা তত্তনা শারিবা খোংউপ অদু কয়া য়াম্না শারবগে হায়না য়েংবা চৎখিরম্মি। মহাক হন্না-হন্না চৎখরিম্মি; হরিবনশজীনা মহাক্কী খোংউপ অদু মতৌ করম্না শারিবনো, কয়া য়াম্না শারবগে হায়বদু য়েংনবা চৎলমখি। খোংউপ শারিবা মী অদুদা নুতিগী ৱাহং কয়া হংদুনা করম্বা মতমদা লোইগদৌরিবনো হায়না হংলমখি। হরিবনশজীনা লৈমায় মখাগা অদুক্কী মতিক করিগী শম্নরিবনো হায়বদি খন্দুনা য়েংবিয়ু।
জেপীগী মমি অসি মঙোন্দা য়াম্না তাখি। মতম অদুদা মহাক্কী লাইরিকশিং অদুদগীসু পামজবা হেনগৎলকখি। মদুগা মরি লৈনবা ৱারী অমসু ঐহাক খংই। হরিবনশজীনা অহানবা স্কোলর্শিপ ফংলকখিবা মতমদা ময়ুমগী মীশিংনা মচানুপানা স্কোলর্শিপকী শেনফম অদু য়ুমদা পুল্লপ পুদুনা লাক্কনি হায়না খনখি। অদুবু হরিবনশজীনা শেল অদু য়ুমদা পুবগী মহুত্তা লাইরিক ওইনা লোইনা লৈথোক্লমখি। অসিগুম্বা শম্লপ্পা বাইওগ্রাফী, সাহিত্যনচিংবশিং অসি ময়ুমদা পুদুনা লাকখি। হরিবনশজীগী পুন্সিদা মতম অদুদা মহাক্না লাইরিক্তা থৱাই য়াওজখিবা মতৌ অদু হৌজিকসু অদুম লেংদনা লৈরি। ইকাই খুম্নজরবা চিয়রমেন, চহি নিফুরোম খুন্নাইগী ওইবা জর্নেলিজমগী থবক তৌরবা মতুংদা হরিবনশজীনা ২০১৪দা সংসদকা পুন্সি অসিদা চংলকখি। হাউসকি দিপুতী চিয়রমেন ওইনা হরিবনশজীনা চৎন-পথাপ অসি ঙাক্তুনা সংসদ মীহুৎ ওইনা থবক পুখিবা মতম অদু য়াম্না লেমজনিংঙাই ওইখি। মীহুৎ অমা ওইনা শেল-থুমগী ওইরো, লাল্লোংশিং শোই-ঙামহন্দবগা মরি লৈনববু ওইরো হিরম কয়া অমা হরিবনশজীনা মহাক্কী ৱাফম অদু য়াম্না নিংথিনা থম্বিখি।
য়াম্না ইংবা মওংদা মচং ওইবা ৱা ঙাংবগী মওং অসি মহাক্কী ওইবা শক্তম্নি হায়বসি ঐখোয় পুম্বনা খংই। হাউসকী মীহুৎ অমা ওইনা মহাক্কী ৱাখল-লৌশিং অদুনা, মহাক্না খংলক-উরকপশিং অদুনা লৈবাক অসিগী তৌগল তৌনবা মপুং ফানা হোৎনখি। হরিবনশজীনা ইন্তর্নেস্নেল প্লেৎফোর্মশিংদা ভারতকী লেমজবা মতৌ, ভারতকী অৱাংবা থাক অসি হেনগৎহন্বগীদমক্তা থবক কয়া অমা তৌখি। ইন্তর-পার্লিয়ামেন্তরী য়ুনিয়নগী মীফমশিং ওইরো নত্রগা অতোপ্পা লৈবাকশিংদা ভারতকী নাইকী মীহুৎ কাংবুগী মীহুৎ ওইনা ওইরো অঙম্বা থাক্তা থৌদাং লৌখি। হরিবনশজীনা অসিগুম্বা মফমশিংদা ভারত অমসুং ভারতকী সংসদপু ইকাই খুম্নবা হেনগৎহনখি।
ইকাইখুম্নজরবা চিয়রমেন, হাউসতা দিপুতী চিয়রমেনগী থৌদাং লৌবা অসি নত্তনা হরিবনশজী রাজ্যসভাগী কমিতী কয়াগী অধ্যক্ষ ওইনা থবক কয়া অমা হেন্না নিংথিবা মওংদা ওইহনখি, মহাক্কী মথৌদাং অসি নিংথিনা তৌখি।
হৌখিবা মতমদা ঐহাক্না হরিবনশজীনা পাওমী অমা ওইনা ঐখোয়গী সংসদ অসি মতৌ করি ওইগদগে হায়বা থবক অসিদা লুনা খল্লগা থবক অসি তৌদুনা লাকখি। সাংসদ ওইরবা মতুংদা মহাক্না সাংসদশিংনা পুকচেল শেংনা মথৌদাং পাংথোকহন্নবা হোৎনখি।
ইকাই খুম্নজরবা চিয়রমেন, হরিবনশজী অসি সংসদকী থবক-থৌগাইশিং অসিগী মরক্তসু য়াম্না ৱাখল-লৌশিং লৈবা অমদি ৱাখল খনবা অমা ওইনসু অদুক্কী মতিক নিংথিনা থবক পাংথোকপা ঙম্বা ওই। অদোম পুম্নমকসু লৈবাক অসিদা চৎলি। ভারতকী শেন্মিৎলোন, মীয়ামগী ওইবা, খুন্নাইগী ওইবা অমদি রাজনীতিগী শিংনবশিংগী মতাংদা মীয়ামদসু মিৎ-না শিংহল্লি। মহাক্কী নুংদা পাওমী ওইবা মওং অসি অইবা ওইবা মওং অসি ইমান মান্নৈ। মহাক্কী লাইরিকশিংদা হান্নগী প্রধানমন্ত্রী ক্ষীমান চন্দ্রশেখরজীগী পুন্সিগী মতাংদা মশা খাইনা উবা ফংই, মসিগা লোয়ননা হরিবনশজীগী ইবা ঙম্বগী থৌনা অসি উবা ফংই। হরিবনশজীনা হাউস অসিগী দিপুতী চিয়রমেন ওইনা মতুংদসু লমজিং-লমতাকপীগদৌরিবা অসি ঐঐহাক্কী অমদি হাউস অসিগী মীহুৎ খুদিংমক্কী ওইনা লাইবক ফবনি।
ইকাইখুম্নজরবা চিয়রমেনজী, সংসদকী অপ্পর হাউসকী সেসেন ২৫০দগী হেনবা সেসনশিং খোংচৎ অসি পাংথোকখ্রে। মসিগী খোংচৎ অসি দেমোক্রেসীগী মওং ওইনা ঐখোয়গী মপুং ফাবগী খুদম্নি। অমুক্কা হন্না হরিবনশজী অদোম্বু মসিগী মরুওইবা অমসুং চাউরবা থৌদাং অসিগীদমক্তা য়াইফ পাউজেল পীজরি। অদোম হক ফনা লৈবা ওইবিয়ু অমদি হাউসতসু হকচাং ফবগী মওংদা অপর হাউসতগী পাংথোকহন্নিংলিবশিং অদু মপুং ফানা পাংথোকপা ঙম্বা ওইবিয়ু। হরিবনশজীগা মায়োক্নবিগদৌরিবা মনোজজীবুসু ঐহাক্না য়াইফ-পাউজেল পীজরি। দেমোক্রেসীগী লেমজনিংঙাই ওইবা অসি ঙাক্না থম্নবা মীখলগী থবক চত্থবগী মওং অসি অদুক্কী মতিক মরুওই। ঐখোয়গী বিহার অসি ভারতকী দেমোক্রেতিক ওইবা চৎনবি অসিগী লমদম ওইদুনা লাক্লি। বৈশালীগী ইপা-ইপু হাক্তক্তগী চৎনরকপা, বিহারগী চাউথোকচনিংঙাই ওইবা অদুবু হরিবনশজীগী ফীদম অসিনা হাউসকী থোংদগী অদোম্না নিংথিনা পুথোরক্কনি হায়বা ঐহাক্না থাজৈ।
ঐহাক্না হাউস অসিগী ইকাই খুম্ননিংঙাই ওইরবা মীহুৎ খুদিংমকপু মীখল অসিগী চত্থবা থবক অসিদা য়াওবিবগীদমক্তা থাগৎপা ফোংদোকচরি। অমুক্কা হন্না হরিবনশজীবু, মীহুৎশিংগী মফমদা নুংঙাইবা ফোংদোকচরি।
থাগৎচরি।
I want to congratulate Harivansh Ji. Be it as a journalist or social worker, he has endeared himself to many. We have all seen the manner in which he conducts the House proceedings: PM @narendramodi in the Rajya Sabha
— PMO India (@PMOIndia) September 14, 2020
This time the Parliament has convened in circumstances that were never seen before. It is important to ensure all safety related precautions are taken: PM @narendramodi in the Rajya Sabha
— PMO India (@PMOIndia) September 14, 2020
Harivansh Ji belongs to all sides of the aisle. He has conducted proceedings in an impartial manner. He has been an outstanding umpire and will continue being so in the times to come. He has always been diligent in performing his duties: PM @narendramodi in the Rajya Sabha
— PMO India (@PMOIndia) September 14, 2020
Harivansh Ji has made efforts to ensure productivity and positivity are on the rise in Parliament. He is a torchbearer of democracy, hailing from Bihar, a land known for its democratic ethos. It is Bihar that has a close link with JP and Bapu’s Champaran Satyagraha: PM
— PMO India (@PMOIndia) September 14, 2020
Harivansh Ji has represented India at many global conferences. Wherever he went, he left a mark and raised India’s prestige: PM @narendramodi in the Rajya Sabha
— PMO India (@PMOIndia) September 14, 2020
