চান্সেলর স্কোলজ,
মরুপশিং,
গুতন তাগ, নমস্কার!
অহানবা ওইনা, ঐহাকপু অমসুং ঐগী দেলিগেশনবু তরাম্না ওইকপগীদমক্তা ঐহাক্না চান্সেলর স্কোলজবু থামোই শেংনা থাগৎপা ফোংদোক্লি। চহি অসিগী অহানবা ফোরেন ত্রিপ অসি জর্মনীদা ওইবসি ঐহাক য়াম্না হরাওই। হন্দক চহিগী অহৌবদা মপাল লমগী লুচিংবা অমগা এগী অহানবা তেলিফোনদা ৱারী শান্নবা অদুসু ঐগী মরুপ, চান্সেলর স্কোলজনি। চান্সেলর স্কোলজগীদমক্তা, ঙসিগী ভারত-জর্মনী আই.জি.সি. অসি হন্দক্কী চহিগী ওইনা লৈবাক অমহেক্তগী পাংথোকপা খ্বাইদগী অহানবা আই.জি.সি. নি। অসিগী অহানবা ময়াম অসিনা তাক্লিবসি ভারত অমসুং জর্মনীনা মসিগী পার্তনরশীপ অসিদা কয়ামুক য়াম্না মরু ওইনা লৌবগে হায়দু উৎলি। গনতন্ত্র চৎপা লৈবাক অমা ওইনা ভারত অঞসুং জর্মনীনা মান্নবা ভেল্যু কয়া অমা লৈ। মসিগী মান্নবা ভেল্যুশিংশিং অমসুং মান্নবা অনিংবা-অপাম্বশিং অসিদা য়ুমফম ওইরগা চহি কয়া অসিদা ঐখোয়গী নাকল অনিমক্কী মরীদা শিংথানিংঙাই ওইবা মওংদা খুমাং চাউশিল্লকখি।
ঐখোয়গী খ্বাইদগী অকোনবা আই.জি.সি. অসু ২০১৯দা পাংথোকখি। মদুগী মতুংদা মালেম অসিদা অহোংবা কয়া অমা লৈখ্রে। কোবিদ-১৯ লাইচৎ অসিনা গ্লোবল ইকোনোমী য়াম্না মাং-তাক্নিংঙাই ওইনা মওংদা শোক্নখি। হন্দক্কী জিয়োপোলিতিকেল ইভেন্তশিং অসিনসু মালেম অসিগী শান্তি অমসুং স্তেবিলিতী অসি কয়ামুক য়াম্না শোবগে হায়বদু উৎখি, অমসুং লৈবাক পুম্নমক্না কয়ামুক য়াম্না মরী লৈনবগে হায়দু উৎখি। য়ুক্রেনগী ঈরাং অসিনা হেক হৌরকপদগী, ঐখোয়না খুদক্তা সীজ ফায়র তৌনবগীদমক্তা হায়খি অমসুং ৱারী শান্নবা হায়বসিনা য়ানদবা অদুবু ৱারোইশিন অমা পুরক্নবগী অমত্তা ঙাইরবা পাম্বৈনি হায়না হায়খি। মরম অদুনা ঐখোয়না শান্তিগীদমক্তা লেপ্লিবসে। য়ুক্রেনগী লান্না মরম ওইরগা থোক্লকপা তুংদা-লৈতাদবা অদুনা থাউগী মমলশিংদা য়াম্না ৱাংখৎখ্রে; মালেম অসিদা চেং-হৱাইঅমসুং ফর্তিলাইজরগী অৱাৎপসু লৈরে। মসিনা মালেম অসিদা লৈরিবা ইমুং খুদিংমক ৱাহল্লে, অদুবু মসিনা চাউখৎলক্লিবা অমসুং লাইরবা লৈবাকশিংদনা অমুক্কসু হেন্না শোকহল্লে। মসিগী লান অসিনা মীওইবা জাতিদা শোকহল্লিবা অসিনা অমুক্ককসু হেন্না অৱাবা ফাওই। ঐখোয়না ঐখোয়গী মাইকৈদগী য়ুক্রেন্দা মীওইবা অমা ওইবগী তেংবাং থাখি। ঐখোয়না অতোপ্পা নুংশি-চান্ননা লৈবা লৈবাকশিংগীসু চেক-চাক এক্সপোর্ত তৌদুনা, থাওগী সপ্লাইশিং অমসুং শেনমিৎলোনগী ওইবা তেংবাং পীদুনা মতেং পাংনবা হোৎনরি।
ঙসি, ভারত-জর্মনী পার্তনরশিপনা মখোয়গী তরুকশুবা আই.জি.সি.দগী অনৌবা মাইকৈ অমা ফংলে। মসিগী আই.জি.সি. অসিনা ইনর্জী অমসুং এনভাইরনমেন্ত সেক্তরশিং অনিমক্তা ঐখোয়গী কোওপরেশন অসিবু মরু ওইবা লমজিং-লমতাক পীবীরে। ঙসি লৌখিবা ৱারেপ অসিনা ঐখোয়গী রিজন অমসুং মালেম অসিদা পোজিতিব ইমপেক্ত অমা পীরগনি হায়না ৈহাক্না থাজৈ। ঙসি ঐখোয়না গ্রীন অমসুং সস্তেন্নেবল দেবেলপমেন্তকী মতাংদা ইন্দো-জর্মনী পার্তনরশিপকীদমক্তা হোৎনরি। ভারতনা গ্লাসগোদা ক্লাইমেতকী অনিংবা-অপাম্বা অদু পুখত্তুনা ভারতনা মালেমদা অশং-অমান অমসুং সস্তেন্নেবল গ্রোথ অসি ঐখোয়গী ওইনদি আর্তিকল ওফ ফেথ অমনি। মসিগী অনৌবা পার্তনরশীপ অসিগী মখাদা, জর্মনীনা ২০৩০ ফাওবদা য়ুরো বিলিয়ন ১০গী চাউখৎ-থৌরাংগী অহেনবা তেংবাংগা লোইননা ভারতকী গ্রী গ্রোথ প্লানশিং মতেং পাংনবা লেপখি।
ঐখোয়গী কমপ্লিমেন্তরী স্ত্রেন্থ অসি য়েংলগা, ঐখোয়না গ্রীন হাইদ্রোজেন তাস্ক ফোর্স অমা শেম্নবা লেপ্লে। মসিনা লৈবাক অনিমক্তা গ্রীন হাইদ্রোজেন ইনফ্রাস্ত্রকচর ফগৎহনবদা য়াম্না কান্নগনি। ভারত অমসুং জর্মনী অনিমক অসিনা অতোপ্পা লৈবাকশিংগা চাউখৎ-থৌরাংগী লমদা কোওপরেশণ পীনবদা এক্সপরিয়েন্স য়াম্না লৈরে। ঙসি ঐখোয়না ঐখোয়গী এক্সপরিয়েন্সশিং অসি পুনশিন্নবা অমসুং ত্রাইলেতরেল কোওপরেশণগী খুত্থাংদা থর্দ কন্ত্রীশিংদা জোইন্ত প্রোজেক্তশিংদা থবক তৌনবা লেপ্লে। ঐখোয়গী কোওপরেশন অসিনা দেবেলপিং ৱার্ল্দ অসিগীদমক্তা ত্রান্সপরেন্ত অমসুং সস্তএন্নেবল দেবেলপমেন্ত প্রোজেক্তশিংদা অল্তর্নেতিব অমা পীরগনি।
মরুপশিং,
পোস্ত-কোবিদ মতমদা অতোপ্পা চাউখৎলক্লিবা ইকোনোমীশিংগা চাংদম্নবদা ভারত্না খ্বাইদগী হেন্না গ্রোথ লাকপা থেংনরি। ভারতনা গ্লোবল রিকোভরীগী মরু ওইবা পিল্লর অমা ওইগনি হায়না ঐখোয়না থাংজৈ। হন্দক্তা ঐখোয়নাঅতেনবা মতমগী মনুংদা য়ু.এ.ই. অমসুং ওস্ত্রেলিয়াগা ত্রেদ এগ্রিমেন্তশিং খুৎয়েক পীনখি। ঐখোয়না ই.য়ু.গসু এফ.তি.এ. নেগোশিয়েশনশিংদা য়াম্না য়াংনা খুমাং চাউশিনহন্নবা অচেৎপা ফিরেপ লৌরি। ভারতকী হৈ-শিংলবা ৱার্করশিং অমসুং প্রোফে্নেলশিংনা লৈবাক কয়া অমা কান্নহনখি। ভারত অমসুং জর্মনীগী মরক্তা কম্প্রেহেন্সিব মাইগ্রেশন অমসুং মোবিলিতী পার্তনরশিপ এগ্রীমেন্ত অসিনা লৈবাক অনি অসিগী মরক্তা মুভমেন্ত তৌবদা মতেং পাংগনি হায়না ঐহাক্না থাজৈ।
ঐহাক্না অমুক্কসু হন্না নখোয়বু মসিগী সম্মিত অমসুং অনৌবা খোংথাং অসিগীদমক্তা থাগৎপা ফোংদোক্লি।
