য়োর এক্সিলেন্সী রাস্ত্রপতি

মুন-জে-ইন

শক্নাইরবা মীহুৎ কাংবুশিং,

মরূপশিং,

আনয়োং

হা-সেয়ো!

নমস্কার!

কোরিয়াদা লাক্নবা বার্তন তৌবীরকপগীদমক, অমসুং ঐখোয়বু তরাম্না ওকপীরিবা অসিগীদমক, ঐহাক্না রাস্ত্রপতি মুনবু থম্মোই শেংনা তৌবীমল খঙবা উৎচরি। ঐহাক্না মমাংদা কয়ারক হন্না হায়জখ্রে, ঐহাক্না প্রধান মন্ত্রী ওইদ্রিঙৈ মমাং, মতম অদুদগী ঐহাক্না নীংদুনা লাক্লি, মদুদি ভারতকী চাউখৎ থৌরাংগীদমক, কোরিয়াগী মোদেল অসি খ্বাইদগী ফিদম্নীংঙাইনি। কোরিয়াগী খোংজেল ভারতকীদমক্তা ইন্সপিরেসনগী হৌরকফম ওইরি। মরম অদুনা কোরিয়াদা চৎপা অসি ঐহাক্কী ওইনা মতম পুম্নমক্তা হরাওনীংঙাইগী হিরম ওইরি।

মরূপশিং,

মমাং চহীগী জুলাই থাদা ঐহাক্না রাস্ত্রপতি মুনবু ভারত্তা তরাম্না ওকচবগী খুদোংচাবা তঞ্জা অদু ফংজখি। ইস্ত এসিয়া সম্মিৎ অমসুং জি-২০ সম্মিৎকী মতমদসু ঐখোয়না উনখি। ঐঙোন্দা ফাওরি মদুদি ভারতকী এক্ত ইস্ত পোলিসী অমসুং কোরিয়াগী ন্যু সাউদর্ন পোলিসীগী কো-ওর্দিনেসন অসিনা ঐখোয়গী অখন্নবা স্ত্রাতেজিক পার্তনরশিপ্পু অহেনবা অচেৎপা মরী পীনবা প্লেৎফোর্ম পীরি।
অমদি ঐহাক্না নুংঙাইবা ফাওরি মদুদি মমাং চহীগী রাস্ত্রপতিগী খোংচৎ মতুংদা য়াম্না তেল্লবা মতমগী মনুংদা ঐখোয়না ঐখোয়গী লৈনরিবা মরীদা মরুওইবা খোংজেল পুরকখি। খোংজেল অসিমক অমদি ঐখোয়গী লৈনরিবা মরীগী রোদমেপ, প্রজা, শান্তি অমসুং চাউখৎপগী ওইবা ঐখোয়গী অপুনবা মীৎয়েং অদুদা য়ুমফম ওইরি।

মরূপশিং,

মমাং হপ্তা ভারতকী পুলৱামাদা থোকখিবা তেরর এতেক্কী মতু, রাস্ত্রপতি মুনগী অৱা-নুংঙাই য়ামিন্নবা অমদি শৌগৎপিবগী পাওজেল অদুগীদমক ঐখোয়না মফমদা তৌবীমল খঙবা উৎচরি। ঐখোয়না তেরোরিস্তশিংগী মায়োক্তা ঐখোয়গী লৈবাক অনিগী অমদি ইন্তর্নেস্নেল সপোর্ত অমদি কোওর্দিনেসনবু হেন্না চেৎশিনহন্নবগীদমক্তা ৱারেপ লৌরে।

ঙসি ভারতকী ইমুং মনুংগী মন্ত্রালয় অমসুং কোরিয়াগী নেস্নেল পুলিস এজেন্সীগী মরক্তা চত্থখিবা য়ানা ৱারোলনা ঐখোয়গী তেরোরিজম থেংনবগী মতে পীনবা অদু মাংলোমদা হেন্না চংশিল্লগনি। অমদি হৌজিক মতম অদু য়ৌরক্লে মদুদি গ্লোবেল কম্মুনিতীসু ৱারী শান্নবা তোক্তুনা মাংলোমদা চংশিল্লগা সমস্যা অসিগী মায়োক্তা অমত্তা ওইনা থবক পায়খৎকদবনি।

মরূপশিং,

ভারতকী শেল-থুমগী অহোংবা পুরকপদা ঐখোয়না কোরিয়াবু ভেল্যু লৈবা মপাং ওইনা লৌই। ঐখোয়গী ত্রেদ অমসুং ইনবেস্তমেন্তকী মরী হেঙ্গৎলক্লি। ঙসি রাস্ত্রপতি মুন অমসুং ঐহাক্না ২০৩০ ফাওবদা লৈবাক অনিগী ওইবা ললোন ইতিক অসি হেঙ্গৎহন্দুনা দোলর বিলিয়ন ৫০ ফাওবা য়ৌহন্নবা পান্দমদা ঐখোয়গী ৱারেপ অদু অমুক হন্না নীংশিংনখি।

ইনফ্রাস্ত্রকচর, পোর্ত দিবেলপমেন্ত, মেরিন অমদি ফুদ প্রোসেসিং, স্তার্ত-অপ্স অমসুং স্মোল অমদি মেদিয়ম ইন্তর্প্রাইজেসগুম্বা সেক্তরশিংদা ঐখোয়গী তেংবাং পীনবা হেঙ্গৎহনবদা য়ানবা পুরক্লে।

ঐখোয়গী হেঙ্গৎলক্লিবা স্ত্রাতেজিক পার্তনরশিপতা দিফেন্স সেক্তরগী অচৌবা থৌদাং লৈরি। মসিগী খুদম অমদি ভারতকী কংফাল লান্মীদা K-9 “বজ্র” অর্তিলরী গন য়াওরকপা অসিদা উবা ফংবা ঙম্লে।

ঙাকশেলগী পোত্থোক্তা য়েংশিন্নীংঙাই ওইবা তেংবাং অদু মাংলোংমদা পুখৎনবগীদমক ঐখোয়না দিফেন্স তেক্নোলোজী অমসুং কো-প্রদক্সন্দা রোদমেপ অমা শেম্বদসু য়ানরে। অমদি মসিগী মনুং চন্না ঐখোয়না ভারত্তা শাগৎলিবা দিফেন্স ইন্দস্ত্রীয়েল কোরিদোরশিংদা কোরিয়াগী কম্পেনীশিংনা শরুক য়াবদসু তরাম্না ওকচগনি।

মরূপশিং,

মমাং চহীগী নবেম্বর থাদা অয়োধ্যাদা পাংথোকখিবা থৌরমদা ফাস্ত লেদী কিম্না অথোইবা মীথুংলেন ওইনা শরুক য়াখিবা অদু ঐখোয়গীদমক চাউথোকচনীংঙাই হিরম্নি। মহাক্কী খোংচৎ অদুনা চহী লিংশিং কয়াগী ওইবা ঐখোয়গী কলচরেলগী ওইবা মরী অদুদা অনৌবা মঙাল অমা তারি।

ঐখোয়গী পুৱারী ওইরবা প্রজাশিংগী মরক্তা লৈনরিবা মরী অদু হেন্না চেৎশিনহন্নবগীদমক ঐখোয়না ভারত্তা কোরিয়াগী নাগরিকশিংগীদমক ভিজা ওন এরাইবেলগী খুদোংচাবা মমাং চহীগী ওক্তোবর থাদা হৌদোকখ্রে।

কোরিয়ানা ভারতকী নাগরিকশিংগীদমক গ্রুপ ভিজা লাইথোকহনবগী ৱারেপ অদু ঐহাক্না তরাম্না ওকচরি। মসিনা ঐখোয়গী লৈবাক অনিগী তুরিজম চাউখৎহল্লগনি।

ঐহাক্কী হন্দক্কী কোরিয়াগী খোংচৎ অসি মহাত্মা গান্ধীগী ১৫০শুবা মপোক কুমওন পাংথোকলিবা মরুওইবা চহীদা ওইররে। অমদি কোরিয়াদা লোকতন্ত্রগী খোংজংগী চহী চামা শুবা থৌরম পাংথোক্লি।

মরূপশিং,

ঙসি কোরিয়ান পেনিসুলাদা ঐখোয়না শান্তি অমসুং তংদু লৈতাবা উরিবা অসিগী ক্রিদিৎ রাস্ত্রপতি মুন্না কন্না হোৎনরিবা অদুদা চৎলি। মহাক্কী অচেৎপা থাজবা অমসুং খাংবা কনবা অদুগীদমক ঐহাক্না মফমদা থাগৎপা ফোংদোকচরি। ঙসি নুমীৎয়ুংবা মতুং সিওল পিছ প্রাইজ ফংগদৌরিবা অসি ঐহাকী ওইনদি য়াম্না চাউনা ইকায় খুম্নবীবগী ৱাফম্নি।

ঐহাক্না অসিগুম্লবা ইকায় খুম্নবিবা অসি ঐহাক খক্তগী এচিবমেন্তকী মওংদা নত্তবিদা ভারত মীয়ামগীদমক কোরিয়াগী প্রজাশিংগী পুচেল শেংবা অমসুং এফেক্তসনগী খুদম ওইনা লৌগনি। ঐহাক অমসুং ঐহাক্কী মীহুৎ কাংবুবু তরাম্না ওকপীরিবা অমসুং হোস্পিতালিতীগীদমক ঐহাক্না রাস্ত্রপতি মুন, কোরিয়াগী সরকার অমসুং কোরিয়াগী মীয়াম্বু থম্মোই শেংনা থাগৎচরি।

খমসা-হম-নিদা

থাগৎচরি।

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
'Appreciate PM Modi’s point': US Vice President JD Vance on fear of jobs being replaced by AI

Media Coverage

'Appreciate PM Modi’s point': US Vice President JD Vance on fear of jobs being replaced by AI
NM on the go

Nm on the go

Always be the first to hear from the PM. Get the App Now!
...
Prime Minister applauds Neeraj Chopra’s efforts to promote fitness and fight obesity
February 12, 2025

The Prime Minister, Shri Narendra Modi has applauded Olympic Gold Medalist Neeraj Chopra’s efforts to promote fitness and fight obesity. Shri Modi emphasized the need to combat obesity and maintain a healthy lifestyle.

In response to an article by Olympic Gold Medalist Neeraj Chopra on the importance of collective efforts for a Fit India, Shri Modi said in a post on X;

“An insightful and motivating piece by Neeraj Chopra, which reiterates the need to fight obesity and remain healthy. @Neeraj_chopra1”