Share
 
Comments

ফম্বাকথক্তা লেংশিনবীরিবা মন্ত্রীমন্দলদা ঐহাক্কী খোংলোয় শ্রীমান শ্রীপদ য়েশো নাইকজী, মনা ফংলবা মরূপশিং, আযুশ শেক্তরগা মরী লৈনরিবা প্রোফেস্নেলশিং, ওফিসিয়েলশিং, তিনবীরিবা পুম্নমক!

লৈবাক অসিদা ফিৎ ইন্দিয়া খোংজং হৌদোকখিবা মতুং মথং নুমিৎমক্তদা আয়ুশ অমসুং য়োগগা মরী লৈনবা থৌরম পাংথোকপা অসি তান য়াম্না চান্নবা অমনি। আয়ুশ অমসুং য়োগ অসি ফিৎ ইন্দিয়া খোংজংগী য়াম্না মরু ওইবা শরুক্নি।

মরূপশিং,

ঙসি মফম অসিদা থৌরম অহুম পাংথোকখ্রে। অনি অমনা ঐখোয়গী ত্রেদিসন, ঐখোয়গী হেরিতেজদা মনা অমদি ইকায় খুম্নবগী মরী লৈনরি অদুগা অমনা হেল্থকেয়র ইনফ্রাস্ত্রকচরগা মরী লৈনরি। ঙসি হরিয়ানাদা আয়ুশ হেল্থ এন্দ ৱেলনেস সেন্তর ১০ হাংদোকখ্রে। মসিগীদমক ঐহাক্না হরিয়ানা মীয়ামদা হন্না-হন্না নুংঙাইবা ফোংদোকচরি।

ঐহাক্না য়োগবু থিজিল্লিবশিং, য়োগগী সেবা তৌরিবশিং, মালেম পুম্বদা য়োগগী পাউজেল চেল্লিবা মরূপশিং অমসুং সংস্থানশিংগী মফমদা মনা লান্থোক্নবগী খুদোংচাবা অদুসু ফংজরে। মসিদা চহী তরাগী খুজিং কয়াদগী য়োগগী পাউজেল চেনবদা থৌদাং লৌরিবা ইতলী অমসুং জাপানগী মরুপশিংসু য়াওরি। এন্তোনিয়েতা রোজীনা চহী তরাগী খুজিং মরিদগী য়ুরোপ পুম্বদা য়োগ ইন্তর্নেস্নেলগী খুত্থাংদা য়োগগী পাউজেল শন্দোক্তুনা লাক্লি। মতৌ অসুম্না জাপান পুম্বদা জাপান য়োগ নিকেতনগী কেন্দ্র লিশিং কয়া লৈরি। সংস্থান অসিনসু হৌখিবা চহী তরাগী খুজিং মরিদগী জাপানবু লায়না চেহহন্দনা লৈহনবগী অথোইবা থবক তৌরি। মনা ফংলবা মরূপ পুম্নমকপু ঐহাক্না নুংঙাইবা ফোংদেকচরি অমদি মখোয়গী মায় পাক্নবগীদমক থৌনীজরি।

ঙায়হাক্কী মমাংদা আয়ুশ সিস্তেমবু অৱাংবা থাক্তা পুখৎপীখিবা শক্নাইরবা ১২বু ইকায় খুম্নবা উৎতুনা পোস্তেল স্তাম্পসু রিলিজ তৌখ্রে। মরূপশিং অদুনা মখোয়গী মপুন্সিবু মীয়ামগী য়াইফনবা হোৎনবদা কত্থোকখি।

কনাগুম্বা অমনা য়োগবু পাম্বৈ ওইনা শিজিন্নখি অদুগা কনাগুম্বা অমনা অযুর্বেদপু পাম্বৈ ওইনা শিজিন্নখি।

কনাগুম্বনা য়ুনানীগী মতেংনা মীয়ামগী সেবা তৌখি অদুগা কনাগুম্বা অমনা হোমিওপেথীগী থোংদা মীয়াম্বু লায়না তিলনা কোকহনখি।

ঐহাক্না পোস্তেল বিভাগপুসু নুংঙাইবা ফোংদোকচরি, মরমদি ভারত্তা সেৎ অমখক্তদা পোস্তেল স্তাম্প ১২ পাক্না রিলিজ তৌদে। পোস্তেল স্তাম্প অসিনা লৈবাক মীয়ামগী মফমদা আয়ুশকী ৱাখল্লোন দিবেলপ তৌবদা মতেং ওইরগনি হায়না ঐহাক্না থাজবা থম্লি।

ইচিল-ইনাও অমসুং ইচল-ইচেশিং,

ঙসি রিলিজ তৌরিবা পোস্তেল স্তাম্প অসিদা অমদি দিনশা মেহতাজীগী মিংদসু য়াওরি। দিনশা মেহতা, গান্ধীজীগী ফিজিসিস্তসু ওইবীরম্মি অমদি নেচরোপেথীদা কত্থোক্লবা থৌমীসু ওইবীরম্মি। গান্ধীজীনা হায়বীরম্মি মদুদি- “নেচর ক্যুর অসি পুন্সি হিংনবা পাম্বৈনি, লায়েংনবা পাম্বৈ নত্তে”। মহাক্না পুন্সি চুপ্পা ৱাফম অসি ঙাক্তুনা চৎখি অমদি নেচর ক্যুরগী পাম্বৈবু পুন্সিগী য়ুমফম ওইহনখি।

মরূপশিং,

গান্ধীজীনা তমখিবা অদুগী মরুমদা ভারতকী প্রিভেন্তিব অমসুং ক্যুরেতিব হেল্থকেয়রগা মরী লৈনবা পাক চাউখ্রবা হেরিতেজ লৈরি। ঐখোয়গী নাক্তা চহী লিশিং কয়া লীরবা লিতরেচর লৈরি, বেদশিংদা অরুবা লায়নাশিংগা মরী লৈননা লায়েংবগী ৱাফম য়াওরি। অদুবু লাইবক থিবদগী ঐখোয়না ঐখোয়গী অসিগুম্লবা লীরবা রিসর্স অসিবু, জ্ঞানগী লনগৈ অসিবু অনৌবা য়ুগ অসিগা শম্নহনবদা অদুক হক্না মায় পাকপা ঙমদ্রি।

ফিভম অসি হোংদোক্নবা ঐখোয়না হৌখিবা চহী মঙাদগী হোৎনরি। মসিগী মখাদা আয়ুশপু ভারতকী হেল্থকেয়র সিস্তেমগী মরুওইবা শরুক ওইহন্নবা কন্না হোৎনরি।

সোৱা রিগপা সিস্তেম্বু আয়ুশ ফেমিলীগী মনুং চলহল্লে হায়বা ইফমদা তাকপীরে। আয়ুর্বেদ, য়োগ অমসুং নেচরোপেথী, য়ুনানী, সিদ্ধ অমসুং হোমিওপেথীগী মতুং সোৱা রিগপা অসি আয়ুশ ফেমিলীগী তরুকশুবা মেম্বর ওইরে। মসিগীদমক অদোম্বু হন্না-হন্না নুংঙাইবা ফোংদোকচরি।

ইচিল-ইনাও অমসুং ইচল-ইচেশিং,

করিগুম্বা ভারতকী হেল্থকেয়র সিস্তেম অসি ত্রান্সফোর্ম তৌগে হায়রবা, মশা-মউ ফবা সমাজ লিংখৎকে হায়রগদি ঐখোয়না হোলিস্তিক ওইবা ৱাখল্লোনগা লোয়ননা থবক তৌবা তাবনি। ত্রেদিস্নেল অমসুং মোদর্ন ত্রিৎমেন্তকী অপুনবা পাঙ্গল অদু চেৎশিলহনবা তাই। আয়ুশ অমসুং মোর্দন হেল্থকেয়রবু পুল্লপ পুন্না, অমত্তা ওইনা দিবেলপ তৌরবা মতমদতা ঐখোয়না হেন্না ফবা হেল্থ সোলুসন থৌরাং তৌবা ঙমগনি।

মরূপশিং,

আয়ুশ্মান ভারত য়োজনা অসি ৱাখল্লোন অসিগী মহৈনি। মসিদা প্রিভেন্তিব হেল্থকেয়রবু পুক্নিংদা থমদুনা হেল্থ অমসুং ৱেলনেস সেন্তর হাংদোকপগী থবক চত্থরি অমদি নাকল অমরোমদা অরুবা লায়নাশিংবু লেম্না লায়েংনবগীদমক প্রধান মন্ত্রী জন আরোগ্য য়োজনা পায়খৎলি।

হেল্থ অমসুং ৱেলনেস সেন্তর অসি প্রিভেন্তিব অমসুং এফোর্দেবল হেল্থকেয়রগী তোপ তোপ্পা অমদি মমাংদা ওইখিদ্রিবা মোদেলনি। সেন্তরশিং অসিদা ঙাকথোক্নবগী উপায়সু লৈরি অমদি ক্যুরগী খুদোংচাবসু লৈরি।

মরূপশিং,

লৈবাক অসিদা ঐখোয়না হেল্থ অমসুং ৱেলনেস সেন্তর লাখ অমা মখায় হাংদোকপা মতম অদুদা আয়ুশপু কাওথোকপা তৌখিদে। লৈবাক পু্ম্বদা আয়ুশ সেন্তর লিশিং ১২ চামঙা শেমগৎনবা পান্দমসু লৈরি, মদুগী মনুংদা ঙসি আয়ুশ হেল্থ অমসুং ৱেলনেস সেন্তর ১০ শঙ্গাখ্রে। চহী অসিদা অসিগুম্বা আয়ুশ সেন্তর লিশিং ৪ থৌরাং তৌনবা ঐখোয়না হোৎনরি।

ইচিল-ইনাও অমসুং ইচল-ইচেশিং,

প্রিভেন্সন অমসুং এফোর্দেবিলিতীগা লোয়ননা লৈবাক অসিদা মরুওইবা ইনফ্রাস্ত্রকচরদা খুমাং চাউশিলনা থবক তৌরি। নুমিৎ নিনিগী মমাংদা সরকারনা লৈবাক্কী মফম খুদিংদা অনৌবা মেদিকেল কোলেজ ৭৫ শানবা ৱারেপসু লৌরে। মসি লৈবাক অসিগী জিলা খুদিংদা মেদিকেল কোলেজ অমমম শানবা পান্দম অদুগী মায়কৈনা অচৌবা খোংথাং অমনি।

মসিনা অরুবা অনাবশিং লায়েংনবগীদমক খুদোংচাবা হেঙ্গৎহল্লে, লোয়ননা এম.বি.বি.এস.কী শিৎ চাউরাক্না লিশিং ১৬ হেঙ্গৎলগনি। হন্দক্তা শেমখিবা নেস্নেল মেদিকেল কমিসন্নসু লৈবাক অসিদা মেদিকেল এজুকেসন অমসুং মসিগা মরী লৈনবা ইনফ্রাস্ত্রকচরবু চেৎশিলহনবদা মরুওইবা থৌদাং লৌরগনি।

মরূপশিং,

মোর্দন মেদিসিন খক্তমক নত্তনা, আয়ুশকী এজুকেসন্দসু হেন্না ফবা প্রোফেস্নেলশিং লাক্নবগীদমক দরকার ওইবশিং শেমদোক্লি। অখন্ননা হৌজিক তেক্নোলোজী শিজিন্নবগী মতৌ অসিনা আয়ুশপু তুংগীদমক থৌরাং তৌবদা মতেং য়াম্না তৌরগনি।

ইচিল-ইনাও অমসুং ইচল-ইচেশিং,

আয়ুশকী, মেদিকেলগী মোদর্ন ইনফ্রাস্ত্রকচর থৌরাং তৌরিবা অসিগী কান্নবসু শিন থুংলি। হেল্থকেয়রগা লোয়ননা মসিনা ভারত্তা থবক ফংহন্নবগী চাউরবা মরম ওইরক্লি।

অখন্ননা খুঙ্গং মচা মচাশিং, তায়র ২, তায়র ৩ শহরশিংগী নহা ওইরিবা মরূপশিংবু মেদিকেল অমসুং পেরামেদিকেল এজুকেসনগী খুদোংচাবা অদু য়ুমগী মনাক নক্না ফংবগী ওইথোকপা লৈহল্লে।

অনৌবা হোস্পিতাল শাবনা মেদিকেলগা মরী লৈনবা অপুনবা ইকোসিস্তেম অমা মফম অদুদা দিবেলপ তৌরক্লি। মদুদা মহৈগী থাক নেম্বদগী হৌরগা দিগ্রী, দিপ্লোমা লোয়রবা নহা ওইরিবা মরূপশিংবুসু থবক ফংনবগী অনৌবা খুদোংচাবা ফংলে।

ইচিল-ইনাও অমসুং ইচল-ইচেশিং,

মরূপশিং,

ঙসি ঐখোয়না দোলর ত্রিলিয়ন ৫গী ইকোনোমীগী পান্ন্দম অদুগা লোয়ননা চংশিল্লিবা অসিদা আয়ুশকী য়াম্না চাউবা থৌদাং লৈরগনি। লাক্কদৌরিবা চহী খরদা প্রিভেন্তিব হেল্থকেয়র মার্কেৎসু হেন্না পাকথোক চাউথোক্লগনি। মসি য়াম্না চাউবা খুদোংচাবা তাঞ্জানি।

ঐখোয়না ঐখোয়গী প্রিভেন্তিব হেল্থকেয়র সিস্তেম্বু মালেম পুম্বগী পুক্নিং চিংশিন্নিংঙাই ওইবা ব্রান্দগী মওংদা দিবেলপ তৌনবা তাই। মালেমগী লৈবাক ১৭কা লোয়ননা ঐখোয়না য়ান্নবা পুরক্লে, হৌজিক ঐখোয়না মসিদা খোংজেল হেঙ্গৎহনবা দরকার ওইরি।

মরূপশিং,

ঙসিদি য়োগ অসি মালেম পুম্বদা পুন্সিগী তৎনবা য়াদ্রবা শরুক ওইরে। হৌখিবা চহী মঙাদা ইন্তর্নেস্নেল য়োগ থৌরমদা মালেম পুম্বদা উবা ফংলিবা য়োগগী ইথিল অদু মমাংদা অমুক্তা ওইখিদ্রিবা মওংনি। ঙসিদি য়োগবু ৱেলনেসকা লোয়ননা মালেম্বু ভারতকা লোয়ননা শম্নহন্নবা য়াম্না চাউবা পাম্বৈ ওইরক্লি।

হৌজিক্তি ঐখোয়না য়োগদা নত্তনা আয়ুশকী অতোপ্পা মওংশিংবুসু মালেম পুম্বদা য়ৌহন্নবগীদমক হোৎনবা তাবনি।

ইচিল-ইনাও অমসুং ইচল-ইচেশিং,

আয়ুশকী অতোপ্পা মায়কৈ অমসু লৈরি মদুদা ঐখোয়না অহেনবা পুক্নিং চংবগা লোয়ননা থবক তৌবা দরকার ওইরি। ভারত্তা মেদিকেল তুরিজম লেপ্পা লৈতনা হেঙ্গৎলক্লি। অদুবু হৌজিকসু মসিদা স্কোপ কয়া অমা লৈরি। মেদিকেল অমসুং মেদিতেসনগীদমক দরকার ওইবা ইনফ্রাস্ত্রকচরশিং অদু রাজ্য সরকারশিংগী মতেংনা থৌরাং তৌবগী থবক চত্থরি।

 

ঐহাক্না আয়ুশ মন্ত্রালয়দা অখন্ননা হায়জরি মদুদি তোঙান তোঙানবা মন্ত্রালয়শিং অমসুং বিভাগশিংগা হিরম অসিদা লেপ্পা লৈতনা পাউ ফাওনবীয়ু। মেদিকেল তুরিজম্বু ঐখোয়না লৈবাক অসিগী মফম খুদিংমক্তা য়ৌহনগদবনি, অখন্ননা অৱাং নোংপোক লমদমদা মসিগীদমক চাউনা ওইথোকপা লৈরি।

মরূপশিং,

লোইশিল্লকপদা অমুক হন্না মনা ফংলবা পুম্নমকপু নুংঙাইবা ফোংদোকচরি। অদোম লৈবাক অসিবু অমদি মালেম অসিবু ফিৎ ওইহন্নবগীদমক মতৌ অসুম্না থবক তৌদুনা লৈখিনি হায়বা থাজবা অসিগা লোয়ননা অদোম্বু হন্না-হন্না তৌবীমল খঙবা উৎচরি।

থাগৎচরি!

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Kevin Pietersen Applauds PM Modi As Rhino Poaching In Assam Drops To Lowest Under BJP Rule

Media Coverage

Kevin Pietersen Applauds PM Modi As Rhino Poaching In Assam Drops To Lowest Under BJP Rule
...

Nm on the go

Always be the first to hear from the PM. Get the App Now!
...
Social Media Corner 20th January 2022
January 20, 2022
Share
 
Comments

India congratulates DRDO as they successfully test fire new and improved supersonic BrahMos cruise missile.

Citizens give a big thumbs up to the economic initiatives taken by the PM Modi led government as India becomes more Atmanirbhar.