প্রধান মন্ত্রী শ্রী নরেন্দ্র মোদীনা ঙসি তেলঙ্গানাগী হাইদরাবাদতা চাউরাক্না লুপা করোর ৯,৪০০গী ওইবা চাউখৎ-থৌরাংগী প্রোজেক্ত কয়া শঙ্গাখ্রে, উরেপ-উয়ুং তমখ্রে অমসুং জাতিদা কত্থোকখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রীনা হাইদরাবাদকী ত্রান্সফোর্মেস্নেল মরুওইবা অসি নেস্নেল অমসুং গ্লোবেল অনিমক্কী মরুওইবা সেন্তর অমা ওইনা ফোংদোকখি। তেলঙ্গানা অমসুং লৈবাক পুম্বগী চাউখৎ-থৌরাং য়াংনা পুরকপদা লমদম অসিগী মরু ওইবা থৌদাং অদু পল্লদুনা মহাক্না ঙসি হৌদোকখিবা অচৌবা প্রোজেক্ত কয়ানা তেলঙ্গানাবু মেন্যুফেকচরিংগী মরু ওইবা মফম অমা ওইহল্লগনি হায়খি। প্রোজেক্তশিং অসি শঙ্গাবা অসিনা রিজনেল কন্নেক্তিবিতী মপাঙ্গল কনখৎহন্দুনা অনৌবা থবক ফংবগী খুদোংচাবা লিশিং কয়া ফংহল্লগনি হায়না পল্লদুনা প্রধান মন্ত্রীনা প্রোজেক্তশিং অসিগীদমক তেলঙ্গানাগী মীয়ামদা নুংঙাইবা ফোংদোকখি।
সেক্তর পুম্নমক্তা মোদর্ন ইনফ্রাস্ত্রকচর শেমগৎপগা লোয়ননা রিফোর্মস এক্সপ্রেসতা ভারতনা মাংলোমদা চংশিল্লিবা অসিগী মতাংদা পল্লদুনা প্রধান মন্ত্রীনা জহিরবাদ ইন্দস্ত্রীএল এরিয়াবু অসিগুম্বা ত্রান্সফোর্মেসন অসিগী য়ুম্ফম অমা ওইনা শকখঙখি। মসিনা ইন্দস্ত্রীএল কোরিদোরশিং শেমগৎনবা ভারত সরকারগী নেস্নেল মিসনগী মহুৎ শিনখি। অনৌবা কমপ্লেক্স অসি ইন্দস্ত্রীএল স্মার্ত সিতী অমা ওইনা মালেমগী থাক্কী ইনফ্রাস্ত্রকচর, অফবা পাৱর সপ্লাই অমসুং এদভান্স ওইরবা আই.সি.তি. নেৎৱার্কশিং লৈদুনা গ্লোবেল ইনভেস্তরশিংদা ওপরেসনশিং তৌবদা মথৌ তাবা ফেসিলিতী ফংহনগনি। শেলগী ওইবা অচেৎপা থৌরাংগী মতাংদা পল্লদুনা প্রধান মন্ত্রীনা হায়খি মদুদি কেন্দ্র সরকারনা লুপা করোর লিশিং কয়াগী শেনফম্না তেলঙ্গানা অমসুং হাইদরাবাদকী নহা লিশিং কয়াগীদমক থবক ফংহন্নবা খুদোংচাবা পীগনি। মলতিপ্লাইয়র ইফেক্তকী মতাংদা পল্লদুনা শ্রী মোদীনা হায়খি, মফম অসিদা শাবা ভেহিকলশিং, মেছিনরীশিং অমসুং মফম অসিদা ফুদ প্রোসেসিং ইন্দস্ত্রীশিং লিংখৎপনা তেলঙ্গানাগী শিন্মীশিং অমসুং লৌমীশিংবু শক্তি পীরগনি।
তেক্সতাইল ইন্দস্ত্রীনা অহোংবা পুরক্নবা থৌদাং অমা লৌখিবা মতমদা মালেমগী শেন্মিৎলোনগী পাৱর অমা ওইনা ভারতকী পুৱারীগী ওইবা মফম অদু নৌহৌনা নিংশিংলদুনা, প্রধান মন্ত্রীনা স্ত্রেতেজিক সেক্তর অসিবু মতমগা চুনবা থৌরাংশিংগী খুত্থাংদা নৌহৌনা হিংগৎহন্নবা সরকারগী অচেৎপা ফিরেপ অদু ফোংদোকখি। মহাক্না ৱারাঙ্গলদা পি.এম. মিত্রা পার্ক অসিনা পি.এল.আই. স্কিম য়াওনা কেন্দ্র সরকারগী স্কিমশিংগী কান্নবা কয়া শরুক য়াবা য়ুনিৎশিংদা ফংহন্দুনা করম্না নেস্নেল তেক্সতাইল রিভোলুসন অমা পুরক্কদগে হায়বগী মতাংদা পনখি। বেনিফিসরী এন্তরপ্রাইজশিংনা পি.এল.আই. স্কিমগী মতেং লৌবা হৌখ্রে হায়না পল্লদুনা শ্রী মোদীনা হায়খি, "তেক্সতাইল পার্ক অসিনা মীওই মশিং য়াম্না, মরুওইনা ঐখোয়গী ইচিল-ইনাও অমসুং ইচানুপীশিংগীদমক থবক ফংহল্লগনি।"
ভারত সরকারনা মমাংদা অমুক্তা ওইখিদ্রিবা মওংদা লম্বী, রেলৱেজ অমসুং এয়রপোর্তকী অনৌবা কন্নেক্তিবিতী ইনফ্রাস্ত্রকচরদা চহি ১২গী ইনভেস্তমেন্ত ত্রেজেক্তরীগী মতাংদা পল্লদুনা প্রধান মন্ত্রীনা হায়খি মদুদি নেস্নেল হায়ৱেজ দিবেলপমেন্ত খক্তদা চাউরাক্না লুপা করোর লাখ ১,৭৫,০০০ কাইথখ্রে। তেলঙ্গানাদা হৌখিবা চহি ১২দা নেস্নেল হায়ৱে নেৎৱার্ক শরুক অনি হেনগৎলকপগা লোয়ননা নেস্নেল ফোকস অসিদগী কান্নবা কয়া ফংলে হায়না মহাক্না ফোংদোকখি। তেলঙ্গানা-কর্নাতকা নেস্নেল হায়ৱে পাকথোক চাউথোকহনবগী প্রোজেক্তনা চৎথোক-চৎশিন তৌবদা চংগদবা মতম অমসুং ত্রান্সপোর্তেসনগী শেনফম হন্থহল্লগনি হায়না পল্লদুনা প্রধান মন্ত্রীনা পথাপ নাইনা ইনফ্রাস্ত্রকচর ইনবেস্তমেন্ত তৌবগী তংদু লৈতাবা ইথিল অদু ফোংদোকখি। শ্রী মোদীনা হায়খি, "তেলঙ্গানা অমসুং কর্নাতকা শম্নহল্লিবা নেস্নেল হায়ৱে অসি পাকথোক চাউথোকহনবনা অচৌবা খুদোংচাবশিং ফংহল্লগনি।"
তেলঙ্গানাগী শেমদোক্লবা রেলৱেজ ইনভেস্তমেন্ত প্রোফাইল অসি ২০১৪গী মমাংগী বেজলাইনগা চাংদম্নবদা, প্রধান মন্ত্রীনা য়াম্না চাউনা হেনগৎলকপা উবা ফংখি: ২০১৪গী মমাংদা খাইদোক্ত্রিবা অন্ধ্র প্রদেশকী রেলৱেজকী বজেৎ অসি লুপা করোর লিশিং অমদগী হন্থরম্মি, তেলঙ্গানাগী হৌজিক্কী চহিগী ওইবা রেলৱেজগী এলোকেসন অসি লুপা করোর লিশিং মঙা মখাইদগী হেনখ্রে। চাউরাক্না লুপা করোর লিশিং ৫০গী রেলৱে প্রোজেক্তশিং মতম অমত্তদা ইমপ্লিমেন্ত তৌরি হায়না পল্লদুনা মহাক্না তেলঙ্গানাদা ভন্দে ভারত ত্রেন মঙা অমসুং অমৃত ভারত ত্রেন তরুক হৌদোকখিবগী মতাংদা পনখি। মসিনা মোদর্ন রেল ত্রান্সপোর্ত্তা অহোংবা পুরকপগী খুদম অমনি। কাজিপেৎ-বিজয়ৱাদা মল্তি-ত্রেকিং প্রোজেক্তকী খনগৎলবা সেক্সনশিং শঙ্গাখিবা অমসুং কাজিপেৎ রেল আন্দর বাইপাস লাইনগী উরেপ-উয়ুং তম্বগী মতাংদা পল্লদুনা শ্রী মোদীনা হায়খি, "মসিগী খুদোংচাবশিং অসিনা চৎথোক-চৎশিনদা লাইথোকহল্লগনি অমসুং ত্রান্সপোর্তেসন হেনগৎহল্লগনি।"
২১শুবা চহি-চাগী মালেমগী ওইরিবা ফীভম অসিদা ইনর্জী সেক্যুরিতীগী মরুওইবা অদু পল্লদুনা প্রধান মন্ত্রীনা হায়খি মদুদি ইনর্জীগী খুদোংচাদবশিংনা ইকোনোমিক এক্তিবিতী পুম্নমক থিংবা ঙম্মি। মালেমগী ওইনা মীওই খুদিংমক্না ইনর্জী সেক্যুরিতীগী মরুওইবা অদু খঙলে। মহাক্না হায়খি মদুদি ভারত সরকারনা নেস্নেল ইনর্জী সেক্যুরিতী মপাঙ্গল কনখৎহন্নবগীদমক মমাংদা অমুক্তা ওইখিদ্রিবা মওংদা ইনভেস্তমেন্ত তৌরি। মালকাপুরদা ইন্দিয়ন ওইলগী অনৌবা তর্মিনেল শঙ্গাবসি মরুওইবা স্ত্রেতেজিক ওইবা খোংথাং অমনি হায়না মহাক্না খঙহনখি। প্রোজেক্ত অসিগী মরুওইবা অসি তুংকোইনা চৎথগদবা লমদমগী চাউখৎ-থৌরাংগীদমক শন্দোক্না তাক্লদুনা শ্রী মোদীনা হায়খি, "তর্মিনেল অসিনা তেলঙ্গানাগী হেনগৎলক্লিবা ইনর্জীগী মথৌ তাবশিং ফংহল্লগনি অমসুং সপ্লাই চেন মপাঙ্গল কনখৎহল্লগনি।
হৌখিবা চহিশিংদা মালেমগী সোলর পাৱর পুথোকপা লৈবাকশিংগী মরক্তা ভারতনা মকোক থোংবা ঙমখিবগী মতাংদা পল্লদুনা, প্রধান মন্ত্রীনা সরকারগী ইনর্জী দাইবর্সিফিজেসনগী স্ত্রেতেজীগী মতাংদা পল্লদুনা পেট্রোলদা ইথানোলবু পুনশিন্নবদা মমাংদা অমুক্তা ওইখিদ্রিবা খুমাং চাউশিল্লকপা অদু পনখি। মহাক্না হায়খি মদুদি য়ুনিভর্সেল এল.পি.জি. কভরেজদা অহানবা ওইনা মরুওইবা পীরম্বদগী হৌজিক্তি লৈবাক শিনবা থুংনা হেন্না মমল হোংবা পাইপকী থোংদা নেচরেক গ্যাস য়েন্থোকপা অমসুং সি.এন.জি.-বেজ সিস্তেম খুমাং চাউশিল্লি। অসিগুম্বা মপুং ফাবা খোংথাংশিং অসিনা হৌজিক মালেমগী ওইবা ইনর্জীগী অৱাবা অসি থেংনবদা ভারতনা মতেং পাংলি হায়বা খঙলদুনা, প্রধান মন্ত্রীনা ইনর্জী য়োকশিনবগী তঙাই ফদবা অদু ফোংদোকখি। মহাক্না অকনবা ৱাফম থমখি মদুদি ইনর্জীগী পোত্থোকশিং অসি অশেংবা মথৌ তাবশিং অদুগী মতুং ইন্না লৌশিং লৈবা মওংদা শিজিন্নগদবনি। শেন্মিৎলোন অমসুং জিওপোলিতিকেল অনিমক্তা রেস্ত্রেন্ত লৈবগী কান্নবা পল্লদুনা শ্রী মোদীনা হায়খি, "ঐখোয়না ফোরেন ক্রেদিৎ কনবা অমসুং লানগী অৱাবা কয়াদগী কনবা ঙম্নবগীদমক্তা মথৌ তাবা খক্তমক শিজিন্ননবা হোৎনগদবনি।"
তেলঙ্গানাগী নহারোলশিংবু অনৌবা আশাগী আর্কিতেকশিং অমসুং রাজ্য অসিগী লৌমীশিংগী কাংলুপশিংবু অনৌবা আশাগী খুদম ওইনা শকখঙলদুনা প্রধান মন্ত্রীনা ইন্দস্ত্রীশিং, এম.এস.এম.ই.শিং অমসুং স্তার্ত-অপশিংনা চাউখৎলবা তেলঙ্গানা অমা শেমগৎপদা কান্নবা পীননবা হোৎনরিবা অদুগীদমক থাগৎপা ফোংদোকখি। তেলঙ্গানাগী চাউখৎ-থৌরাং অসি লৈবাক্কী চাউখৎ-থৌরাংগী মরুওইবা শরুক অমনি হায়না মহাক্না ফোংদোকখি। মসিনা রাজ্য অমসুং লৈবাক্কী চাউখৎ-থৌরাংগী মরক্তা মরী লৈনহল্লি। তেলঙ্গানাগী ইমুং খুদিংমক্তা অচেৎপা থাজবা পীদুনা প্রধান মন্ত্রীনা হায়খি মদুদি ভারত সরকারনা রাজ্য অসিগী নাগরিকশিংগী অপুনবা মঙলান অমসুং অনীংবশিং মঙফাওনহন্নবা চাউখৎ-থৌরাংগী মীৎয়েং চঙবা খোঙথাংশিংদা লেপ্পা লৈতনা মতেং পাংগনি। “মরমদি তেলঙ্গানা চাউখৎলবদি ভারতসু চাউখৎলগনি” হায়না শ্রী মোদীনা ফোংদোকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज भारत रिफॉर्म्स एक्सप्रेस पर चल रहा है।
— PMO India (@PMOIndia) May 10, 2026
और साथ ही, आज का भारत आधुनिक इंफ्रास्ट्रक्चर भी बना रहा है: PM @narendramodi
अतीत में जब भारत दुनिया की बहुत बड़ी इकॉनॉमी था... तब हमारे वस्त्र उद्योग की बड़ी भूमिका थी।
— PMO India (@PMOIndia) May 10, 2026
अब हम अपनी उस विरासत को फिर से सशक्त कर रहे हैं।
वारंगल का पीएम मित्र पार्क, देश में टेक्सटाइल क्रांति को गति देगा: PM @narendramodi
बीते 12 वर्षों में भारत सरकार की बहुत बड़ी प्राथमिकता... आधुनिक कनेक्टिविटी भी रही है।
— PMO India (@PMOIndia) May 10, 2026
रोड्स हों, रेलवे हो, एयरपोर्ट्स हों... कनेक्टिविटी के हर मोड पर अभूतपूर्व निवेश किया जा रहा है: PM @narendramodi
एनर्जी सिक्योरिटी का क्या महत्व है... ये आज दुनिया का हर व्यक्ति महसूस कर रहा है।
— PMO India (@PMOIndia) May 10, 2026
इसलिए भारत की एनर्जी सिक्योरिटी पर हमारी केंद्र सरकार अभूतपूर्व निवेश कर रही है: PM @narendramodi
