Those who sacrificed their lives for nation security will continue to live in our hearts: PM Modi
Vande Bharat Express is a successful example of #MakeInIndia initiative: PM ModiOur efforts are towards making a modern Kashi that also retains its essence: PM Modiপ্রধান মন্ত্রী শ্রী নরেন্দ্র মোদীনা ঙসি বরানসীগীদমক লুপা কোতি ৩৩৫০গী ওইবা দিবেলপমেন্ত প্রোজেক্তশিং মায়খুম হাংদোকখ্রে। প্রোজেক্তশিং অসি হেল্থ, সেনিতেসন, স্মার্ত সিতী, কনেক্তিবিতী, পাৱর হাউজিং অমসুং অতোপ্পা তোঙান তোঙানবা সেক্তরশিংগী শরুক ওইগনি। উত্তর প্রদেশকী রাজ্যপাল শ্রী রাম নায়ক, উত্তর প্রদেশকী মুখ্য মন্ত্রী শ্রী যোগী অদিত্যনাথ অমসুং শক্নাইরবা কয়ানা থৌরম অদুদা শরুক য়াখি।
অহানবা মক্তদা প্রধান মন্ত্রীনা পুলৱামাগী তেরর এতেক্তা লৈবাক অসিগীদমক থৱায় থাখ্রবা বরানসীদগী লৈখিদ্রবা শ্রী রামেশ য়াদবকী মফমদা ইকায় খুম্নবা উৎখি।
বরানসীগী শহর চিদায়দা লৈরিবা ঔরে খুঙ্গংদা মীয়াম তিনখিবা মীফম অমদা ৱা ঙাংলদুনা মহাক্কী সরকারনা চাউখৎ থৌরাংদা ইনোৎ অমা পীনবা ফ্রন্ত অনিদা থবক তৌরি হায়না প্রধান মন্ত্রীনা ফোংদোকখি। অহানবা অদুনা হাইৱেজ, রেলৱেজ অসিগুম্বা ইনফ্রাস্ত্রকচর শেমগৎপগা মরী লৈনৈ, অতোপ্পা অদুনা চাউখৎ থৌরাংগী কানবশিং অদু মীয়ামগী মফমদা শোয়দনা য়ৌহনবনি। মসিগা মরী লৈননা বজেৎতা কয়া অমা লাওথোকখ্রে হায়না মহাক্না মখা তাখি।
ঙসি মায়খুম হাংদোকখিবা প্রোজেক্তশিংগী মতাংদা ঙাংলদুনা প্রধান মন্ত্রীনা হায়খি মসি বরানসীবু অনৌবা ভারতকী মরুওইবা সেন্তর অমা শেম্নবগী মায়কৈদা হোৎনরিবা অমনি। মসিগা মরী লৈননা মহাক্না ঙসি বরানসীগী দি.এল.দবল্যু.দা লোকোমোতিব ত্রেন লমথাখিবা অদু পনখি অমদি হায়খি মেক ইন ইন্দিয়াগী মখাদা মসিগী ইনিসিয়েতিব অসিনা ইন্দিয়ন রেলৱেগী কেপাসিতী অমসুং স্পীদ হেঙ্গৎহনবদা মতেং ওইরগনি। মহাক্না মসিমসু হায়খি, হৌখিবা চহী মরি মখায়দগী রেলৱেজবু ত্রান্সফোর্ম তৌনবা খোংথাং কয়া অমা লৌখৎখ্রে, অমসুং দিল্লী-বরানসী রুৎতা চেল্লিবা ভারতকী অহানবা সেমী হাই-স্পীদ ত্রেন, বন্দে ভারত এক্সপ্রেস অসি অসিগুম্বা খোংথাং অমনি। মসিগী প্রোজেক্তশিং অসিনা ত্রান্সপোর্তেসন ফগৎহনবতা নত্তনা বরানসী, পুর্বাঞ্চল অমসুং মনাক নকপা লমদমশিংদা অনৌবা ইন্তর্প্রাইজশিং লিংখৎপদসু মতেং ওইরগনি হায়না মহাক্না ফোংদোকখি।
প্রধান মন্ত্রীনা তোঙান তোঙানবা স্কিমশিংগী বেনেফিসরীশিংদা সর্তিফিকেৎশিং য়েন্থোকখি। মহাক্না আই.আই.তি. বি.ঐচ.য়ু.গী চহী ১০০ মপুং ফাবগী নীংশিংনীংঙাই ওইরবা পোস্তেজ স্তাম্পসু রিলিজ তৌখি।
বি.ঐচ.য়ু. কেন্সর সেন্তর অমসুং ভাভা কেন্সর হোস্পিতাল, লহরতারানা বিহার, ঝার্খন্দ, ছত্তিসগর অমসুং অতোপ্পা মনাক নকপা রাজ্যশিংদগী লাকপা অনাবশিংদা এদভান্স ত্রিৎমেন্ত ফংহল্লগনি হায়না প্রধান মন্ত্রীনা হায়খি।
আয়ুশ্মান ভারতকী মতাংদা প্রধান মন্ত্রীনা হায়খি, উত্তর প্রদেশকী প্রজা চাউরাক্না লিশিং ৩৮না মসিগী মখাদা কানবা ফংখ্রে। স্কিম অসিনা উত্তর প্রদেশতা চাউরাক্না ইমুং কোতি ১গা লাখ ২০দা কানবা ফংহল্লগনি হায়না মহাক্না ফোংদোকখি।
মহাক্না প্রধান মন্ত্রী কিসান সম্মান নিধী য়োজনাগী মতাংদসু ঙাংখি অমসুং মসিনা উত্তর প্রদেশকী লাইরবা লৌমী কোতি ২.২৫বু কান্নহল্লগনি হায়না হায়খি।
প্রধান মন্ত্রীনা শনবীশিং অমসুং মখোয়গী প্রোজেনীগী কঞ্জার্বেসন, প্রোতেক্সন অমসুং দিবেলপমেন্তকীদমক রাস্ত্রীয় কামধেনু অয়োগকী মতাংদসু পনখি।
বরানসীদা উরেপ উয়ুং তমখিবা প্রোজেক্তশিং মতম চানা মপুং ফানা লোইশিনখিবা অদু মহাক্না য়েংশিনখি।
তুংদা মহাক্না শোয়নাইরবশিংদা মতেং ওইনবা পোৎলমশিংসু য়েন্থোকখি।
প্রধান মন্ত্রীনা ছত্রপতি শিবাজী মহারাজ জয়েন্তীদসু নুংঙাইবা ফোংদোকখি।
