Share
 
Comments
ভারতনা কোরোনা থেংনরিবা অসি মশাবু থাজজবা অমদি মরোমদোম লেপচবগী খোঙফম্নি; পি.এম.
মালেমসিনা অসিগুম্বা থাক্কী তিকা থাবগী থৌওং উখিদ্রি: পি.এম.
ভারতনা কোরোনা থেংনরিবা অসি মালেম অসিনা খঙলি: পি.এম.
মাঙজিন থাখিবা কোরোনা লান্মীশিংদা শ্রদ্ধাঞ্জলি কৎখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা ভারত পুম্বগী ওইবা কোবিদ-১৯ ভেক্সিনেসন দ্রাইভ হৌদোকখ্রে‍। ভারতকী পাক চাউবা শিন্বা থুংনা য়ৌগদৌরিবা তিকা থাবগী থবক অসি মালেমগী খ্বাইদগী চাউবা থৌরম ওইরি‍। হৌদোকপগী থৌরমদুদা স্তেত অমসুং য়ু.তি. খুদিংমক্তা লৈরিবা সেসন মফম ৩০০৬মক ভর্চুএল ওইনা শম্নখি‍।

প্রধান মন্ত্রীনা মহাক্কী ৱারোল তিকা অদু পুথোকপদা থৌদাং লৌখিবা সাইন্তিস্তশিংবু থাগৎলদুনা হৌখি‍। তিকা অমা পুথোকপা হায়বসি চহী কয়া চঙনৈ অদুবু মফমসিদা তেল্লবা মতমসিদা অমখক্তা নত্তনা ভারত্তা পুথোকপা তিকা অনি শীজিন্নবা হৌদোক্লি‍ হায়না মহাক্না ফোঙদোকখি‍। প্রধান মন্ত্রীনা মীয়ামদা অনিসুবা দোজ অদু শোয়দনা কাথোক্নবা চেকশিনৱা থমখি‍। দেজ অনিসিগী মরক্তা থা অমগী মতম লৈগনি‍ হায়না হায়খি‍। অনিসুবা দোজ কাপথোক্লবা মতুং চয়োল অনিগী মতুংদা কোরোনা থেংননবা মথৌ তাবা ইম্ম্যুনিতী শেমগৎলক্কদবা মরম্না মহাক্না মীয়ামদা চেকশিন থৌরাং মখা তানা লৌখৎনবা ৱাফমসু থমখি‍।

প্রধান মন্ত্রীনা হান্না পানরুদবা চাংদা তিকা থাগদৌরিবা অসিগী মতাঙদা পল্লদুনা অহানবা তাঙ্কক্তা মীওই করোর ৩, মালেমগী লৈবাক ১০০রোমগী মীশিংগা মান্নবা চাংদা, তিকা থাগদৌরি‍। মশিং অসি অনিসুবা তাঙ্কক্তা অহল ওইরবশিং অমসুং অতোপ্পা শাথিবা অনাবা লৈবা মীওই করোর ৩০দা তিকা থাগনি‍। মীশিং করোর ৩০ হেন্না লৈবা লৈবাকশিংদি ভারত, য়ু.এস.এ. অমসুং চাইনা হায়রিবা অহুমসিখক্তনি‍।

প্রধান মন্ত্রীনা মীয়ামদা তোকঙা অমসুং কন্সপিরেসী থিওরীশিংদা পুক্নিং চঙদনবা ৱাফম থম্লদুনা হীরম অসিগী মতাঙদা ভারতকী ভেক্সিনগী সাইন্তিস্তশিং, মেদিকেল সিস্তেম, ভারতকী থৌওং অমসুং ইন্সতিত্যুসনেল মেকানিজম অসি মালেম পুম্বনা থাজনরি অমদি থাজবা অসি চাং নাইবা ত্রেক রেকোর্দনা পুরকপনি হায়খি‍।

প্রধান মন্ত্রীনা লৈবাক মীয়ামদা কোরোনাগী মায়োক্তা অমত্তা ওইনা থৌনা লৈনা থেংনবগীদমক নুংঙাইবা ফোঙদোকখি‍। ভারতনা কোরোনা লান্থেংনরিবা অসি মশাবু থাজজবা অমদি মরোমদোম লেপচবগী থৌওংনি হায়না মহাক্না হায়খি‍। মহাক্না ভারত মচা খুদিংদা লৈরিবা থাজববু মাঙহন্দনবগী ফিরেপ অদুবুসু পনখি‍। মহাক্না দোক্তর, নর্স, পেরা মেদিকেল স্তাফ, এম্বুলেন্স দ্রাইভর, আশা ৱর্কর, সেনিতেসন ৱর্কর, পুলিস অমসুং অতৈ মাঙজিন থাবা শিন্মীশিংনা মীয়ামগী পুন্সি কন্ননবা মখোয়গী মপুন্সি খুদোংথিবা মরক্তা চোঙথোক্তুনা লৌখিবা থৌদাংগী মতাঙদা মচা খায়না ৱা ঙাঙখি‍। মখোয়গী মরক্তা মীওই খরদি ভাইরস অসিগা থেংনবদা মপুন্সি মাঙখিদুনা ময়ুমদা হনবা ঙমখিদে হায়না প্রধান মন্ত্রীনা নুংঙাইতবা মতৌ উৎলদুনা ফোঙদোকখি‍। মাঙজিন থাবা লান্মীশিং অসিনা নীংবা কায়বা অমদি অকিবশিংগী মরক্তা থাজবগী ৱাখল্লোনশিং পুরকখিবনি, অদুনা ঙসি মখোয়বা হান্না তিকা থাদোক্তুনা লৈবাক অসিনা মখোয়গী থৌদাংবু তৌবিমল খঙবা উৎলিবনি হায়না শ্রী মোদীনা হায়খি‍।

লাংফম হৌরকপগী মতম নীংশিংলদুনা প্রধান মন্ত্রীনা ভারতনা মীৎ শিংবা মতৌ উৎলদুনা মতম চানা অচুম্বা ফিরেপ লৌখি হায়বা ৱাফম থমখি‍। জনুৱারী ৩০, ২০২০দা অহানবা কেস থেংনখিবদুগী চয়োল অনিগী মমাঙদা ভারতনা অৱাংবা থাক্কী কম্মিতী অমা শেমখি‍। ভারতনা ঙসিদগী চপ চানা চহী অমগী মমাঙদা মওং চুম্না সর্ভিলেন্স হৌখি‍। জনুৱারী ১৭, ২০২০দা ভারতনা মহাক্কী অহানবা পাউতাক ৱারোল থোকখি অমদি ঋয়রপোর্ত্তা পেসেঞ্জরশিং স্ক্রীনিং হৌখিবা অহানবা লৈবাকশিংগী মনুংদা ভারতসু অমা ওইখি‍।

জনতা কর্ফিউ মনুংদা লিচৎ ফজবগী অমদি খাঙবা কনবগী মতৌ উৎখিবগীদমক প্রধান মন্ত্রীনা লৈবাক মীয়ামগী মফমদা নুংঙাইবা ফোঙদোকখি‍। থৌরাং অদুনা লৈবাক অসিবু লোকদাউনগীদমক পুক্নিং ৱাখল মাঙজৌননা শেম শাহনখি‍। তালি-থালি অমসুং মৈরা থানবনচিংবা কেম্পেনশিংনা লৈবাক অসিগী পুক্নিং ৱাংনা থমখি হায়না প্রধান মন্ত্রীনা মখা তাখি‍।

শ্রী মোদীনা মপান লৈবাকশিংদা পন্দুনা লৈখিবা ভারত মচাশিং পুথোরকখিবগী মতাঙদসু ৱা ঙাঙখি‍। মালেমগী লৈবাক কয়ানা মখোয়গী মীয়ামবু চাইনাদা পন্দুনা লৈহনখিবা মতমদুদা ভারতনা ভারত মচাখক নত্তনা অতোপ্পা লৈবাক্কী মীওইশিংসু পুথোরকখি‍। পুথোরক্কদৌরিবা ভারত মচাশিং তেস্ত তৌবদা খুদোংচাদবা মায়োক্নরিবা লৈবাক অমদা লেব অমা থাখিববুসু মহাক্না নীংশিংখি‍।

ভারতনা লাংফম অসি থেংনরিবা অসি মালেমসিনা খঙই‍। মসি কেন্দ্র, স্তেত, লোকেল লৈঙাক অমসুং লৈঙাক্কী লোয়শঙশিং, খুন্নাইগী লূপশিংনা অমত্তা ওইনা পুনশিন্দুনা পুন্না থেংনমিন্নখিবগী খুদম্নি, হায়রদুনা প্রধান মন্ত্রীনা মহাক্কী ৱারোল লোইশিনখি‍।

ৱারোল অদু পীরবা মতুংদা প্রধান মন্ত্রীনা ত্বীত তৌখিবদা “ভারতনা মালেমগী #LargestVaccineDrive হৌরে‍। মসি ঐখোয়গী সাইন্তিস্তশিং অমসুং মথৌ কনবা ঐখোয়গী মেদিকেল ফ্রেতর্নিতী, নর্সিং স্তাফ, পুলিস পর্সোনেল অমসুং সেনিতেসন ৱর্করশিংগী মতিংগীদমক চাউথোকচবগী, নুংঙাইবা ফোঙদোকপগী নুমিৎনি‍। মীপুম খুদিংমক মশা মউ ফনা লায়না অসিদগী লাপ্না লৈবা ওইরসনু‍।”

মীপুম খুদিংগী হকশেলগী, নুংঙাইবগী, অৱা-অনাদগী মনীং তম্বগী ভেদিক লাইশোল অমগা লোয়ননা

সর্বেভবন্দুসিখিন:সর্বেসন্তুনিরাময়া‍।

সর্বেঙদ্রানিপশ্যন্তুমাকদ্ধিত্দু:খভাগ্ভবেত‍।‍।

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Birthday Special: PM Modi's love for technology and his popularity between the youth

Media Coverage

Birthday Special: PM Modi's love for technology and his popularity between the youth
...

Nm on the go

Always be the first to hear from the PM. Get the App Now!
...
PM expresses gratitude to President, VP and other world leaders for birthday wishes
September 17, 2021
Share
 
Comments

The Prime Minister, Shri Narendra Modi has expressed his gratitude to the President, Vice President and other world leaders for birthday wishes.

In a reply to President, the Prime Minister said;

"माननीय राष्ट्रपति महोदय, आपके इस अनमोल शुभकामना संदेश के लिए हृदय से आभार।"

In a reply to Vice President, the Prime Minister said;

"Thank you Vice President @MVenkaiahNaidu Garu for the thoughtful wishes."

In a reply to President of Sri Lanka, the Prime Minister said;

"Thank you President @GotabayaR for the wishes."

In a reply to Prime Minister of Nepal, the Prime Minister said;

"I would like to thank you for your kind greetings, PM @SherBDeuba."

In a reply to PM of Sri Lanka, the Prime Minister said;

"Thank you my friend, PM Rajapaksa, for the wishes."

In a reply to PM of Dominica, the Prime Minister said;

"Grateful to you for the lovely wishes, PM @SkerritR."

In a reply to former PM of Nepal, the Prime Minister said;

"Thank you, Shri @kpsharmaoli."