Share
 
Comments

প্রধান মন্ত্রী, শ্রী নরেন্দ্র মোদীনা অসমগী ধেমাজীদগী ইন্দিয়ন ওইলগী বোঙ্গাইগাও রিফাইনরীদা লৈবা ইন্দমেক্স য়ুনিৎ, ওইল ইন্দিয়া লিমিতেদকী দিব্রুগর, মধুবন্দা লৈবা সেকন্দরী তেঙ্ক অমসুং তিন্সুকিয়াগী মাকুমদা লৈবা হেবেদা খুঙ্গংদা গ্যাস কম্প্রেসর স্তেসনশিং লাপতক্ননা লৈবাক্তা শিন্নখ্রে। মহাক্না ধেমাজী ইঞ্জিনীয়রিং কোলেজসু শঙ্গারদুনা অসমগী সুৱালকুচী ইঞ্জিনীয়রিং কোলেজগী উরেপ-উয়ুংসু তমখ্রে।

থৌরম অদুদা অসমগী রাজ্যপাল, প্রোফঃ জগদিশ মুখী, মুখ্য মন্ত্রী, শ্রী সর্বানন্দ সোনোৱাল, কেন্দ্রগী পেত্রোলিয়ম অমসুং নেচরেল গ্যাস মন্ত্রী, শ্রী ধরমেন্দ্র প্রধান অমসুং ফুদ প্রোসেসিং ইন্দস্ত্রীজকী রাজ্য মন্ত্রী, শ্রী রামেশ্বর তেলীসু শরুক য়াখি।

মীয়ামগী থৌরম অদুদা ৱা ঙাংবদা, প্রধান মন্ত্রীনা অৱাং-নোংপোক্কী লমদম অসিনা ভারতকী চাউখৎপগী অনৌবা ইঞ্জিন অমা ওইরগনি অমসুং অসমগী মীয়ামগীদমক্তা অহেনবা থবক কয়া তৌনবা মঙোন্দা ইথিল লৈ হায়না হায়খি। জোয়মোতী হায়রিবা ফিল্ম অসিগা লোয়ননা দিকেদ কয়াগী মমাংদা ব্রহ্মপুত্রগী অৱাং থংবা তোর্বানগী মফম্না অসমগী সিনেমা হৌদোকখিবগী ৱাফম্বুসু নৌহৌননা নীংশিংখি। মহাক্না হায়খিবদা, লমদম অসিনা অসমগী চৎনবীবু মীয়াম মাংদা চাউথোকচবা হেলহনখিবা মীওই কয়া অমসু পুথোকখি হায়খি। অসমদা খল মান্নবা চাউখৎপগী ফিভম অমা পুরক্নবা রাজ্য অমসুং কেন্দ্র সরকারনা থবক তৌমিন্নরি হায়না মহাক্না ফোংদোকখি। অমসুং মসিগী থৌওং অসিনা রাজ্যগী ইনফ্রাস্ত্রকচরদা অহেনবা মিৎয়েং চংগলই হায়নসু ফোংদোকখি।

ওপোজিসনগী মাইয়োক্তা ঙাংলদুনা, প্রধান মন্ত্রীনা অৱাং থংবা শরুক অসিদা তৌবা ঙম্বগী মতিক কয়া লৈরবসু, হান্নগী সরকারনা লমদম অসিবু লায়থোক্তুনা লৈখি অমসুং মফম অসিগী কন্নেক্তিবিতী, হোস্পিতাল, মহৈ তম্ফমশঙ, ইন্দস্ত্রীগী হীরমদা, মমাংগী সরকারনা হান্না পাংথোক্কদবনি হায়না মিৎয়েং অমত্তা চঙলমদে হায়না ফোংদোকখি। মীয়ামগা লোয়ননা মীয়ামগী চাউখৎপা অমসুং মীয়ামগী থাজবগী মন্ত্রা অসিদা থবক তৌরিবা ঐখোয়গী সরকারনা মসিগী অচান-মীরায় খায়বা অসি লৈহনখিদে হায়বা ৱাফমসু মহাক্না থমখি। মহাক্না সরকার অসিনা রাজ্য অসিদা শঙ্গাখিবা ইনফ্রাস্ত্রকচর প্রোজেক্ত কয়া অমগী পরিংসু মীয়ামদা খঙহনখি।

 

মহাক্না লমদম অসিদা ঙসিসু লুপা করোর ৩০০০গী শেনফমগী ইনর্জী অমসুং এজুকেসন ইনফ্রাস্ত্রকচর প্রোজেক্ত কয়া অমা হৌদোক্লে হায়না হায়খি। মসিগী প্রোজেক্তশিং অসিনা লমদম অসিবু ইনর্জী অমসুং এজুকেসনগী হব অমনি হায়না শকখঙনরিবা অসিবু হেন্না মপাঙ্গল হাপ্লগনি অমসুং মখোয়শিং অসিনা অসমগী খুদম অমা ওইহল্লগনি হায়না ফোংদোকখি।

ভারতনা মরোমদোম লেপচবা লেপ্তনা ঙম্নবগীদমক্তা, ঐখোয়গী পাঙ্গল অমসুং থবক তৌবা ঙম্বগী মতিক হেনগৎহনবগী তঙাই ফদবা লৈ হায়বা ৱাফম ফোংদোকখিবগা লোয়ননা মহাক্না হৌখিবা চহি কয়াদা, মরু ওইনা বোঙ্গাইগাও রিফাইনরীদসু রিফাইনিং কেপাসিতী অসি হেনগৎহনবতা নত্তনা ভারতমক্তদা রিফাইনিং অমসুং ইমর্জেন্সীগীদমক্তা থাউ থম্ফমগী কেপাসিতীসু য়াম্না হেনগৎহনখ্রবনি হায়না পাউদমখি।

ঙসি হৌদোকখ্রিবা গ্যাস য়ুনিৎ প্লান্ত অসিনা এল.পি.জি. পুথোকপগী মতিকসু হেনগৎহল্লগনি অমসুং মসিনা অসম অমসুং অৱাং-নোংপোক লমদমগী মীওইশিংগী পুন্সি মহিংদসু লাইহল্লগনি হায়না মহাক্না মখা তানা হায়খি। মসিনা লমদম অসিগী নহাশিংগী ওইনসু থবক ফংবগী খুদোংচাবা য়াম্না হেনগৎহল্লগনি হায়নসু মহাক্না ফোংদোকখি।

লায়রবা ইচল-ইচানুপীশিংনা মখোয়গী চাকখুমগী শিঙদগী থোক্লকপা মৈখু অমসুং অনাবা কয়াগী মরক্তা খাঙদুনা লাকখিবা অদুবু উজ্বালা স্কিমগী খুত্থাংদগী নিং-তম্বা ফংহল্লে হায়না মহাক্না হায়খি। অসমদা ঙসি গ্যা কন্নেক্সন ফংবগী চাং অসি চাউরাক্না চাদা ১০০ ওইরবগুম্বনি হায়না মহাক্না মখা তানা পনখি। মহাক্না হন্দক্কী কেন্দ্রগী বজেত্তা লায়রবা ইচে-ইচল করোর ১দা উজ্বালা এল.পি.জি. কন্নেক্সন লেম্না পীবগী খুদোংচাবা য়াওরিবা অসিবুসু মীয়ামগী মিৎয়েং চীংশিনখি।

লায়রবা মীওইশিং অসিনা গ্যাস, ইলেক্ত্রিক কন্নেক্সন অমসুং হার ফংদবনা মরম ওইদুনা খ্বাইদগী য়াম্না অৱাবা মাইয়োক্নৈ হায়না প্রধান মন্ত্রীনা ফোংদোকখি। নিং-তম্বা ফংলবা মতুংগী দিকেদ ৭ ফাওবদা মৈ ফংদবা খুঙ্গং ১৮,০০০গী মনুংদা অয়াম্বদি অসম অমসুং অৱাং-নোংপোক লমদমদগীনি অমসুং সরকারনা মসিগী হীরম অসিবু শেমদোক্নবা হোৎনরি হায়না মহাক্না ফোংদোকখি।

মহাক্না মখা তানা হায়খিবদা, লমদম অসিগী তোঙান-তোঙানবা হারগী ইন্দস্ত্রীশিং অসি গ্যাস লৈতবদগী থিংজিনখিবা নত্ত্রগা নীংথিনা মথৌ তৌদ্রে হায়না ফোংদোকখিবনি অমসুং মসিনা লায়রবা, তঙাই ফদবা অমসুং মিদ্দল ক্লাসকী মীওইশিংদা অৱাবা কয়া পীখি হায়না মহাক্না ফোংদোকখি।

শ্রী মোদীনা প্রধান মন্ত্রী উর্জা গঙ্গা য়োজনাগী মখাদা নোংপোকথংবা ভারত অসি মালেমগী খ্বাইদগী চাউবা পাইপলাইনগা শম্নহনবগী থবক চত্থরি হায়না ফোংদোকখি।

মরোমদোম লেপচবা ভারত অমা ওইহবদা ঐখোয়গী হৈ-শিংলবা সাইন্তিস্ত, ইঞ্জিনীয়র অমসুং তেক্নিসিয়নশিংনা অচৌবা থৌদাং লৌরি হায়না প্রধান মন্ত্রীনা ফোংদোকখি। হৌখিবা চহিশিংদা, নহাশিংনা স্তার্ত-অপশিংগী খুত্থাংদা লৈবাক অসিগী শিংনবা কয়াগী ৱারোইশিন পুরকপা ঙম্বা অকোয়বা অমা শানবা ঐখোয়না কন্না হোৎনদুনা লাক্লি। অসমগী নহাশিংদা তৌবা ঙম্বগী মতিক য়াম্না লৈ। রাজ্য সরকারনসু মসিগী মতিক অসি হেন্না হেনগৎহন্নবা হোৎনরি। ঙসিদি, অসম সরকারগী হোৎনজমন্দগী মফম অসিদা ইঞ্জিনীয়রিং কোলেজ ২০দগী হেন্না লৈরবনি। মসিগী ফিভম অসি ঙসিদি, ধেমাজী ইঞ্জিনীয়রিং কোলেজ শঙ্গাখিবা অমসুং সুৱালকুচী ইঞ্জিনীয়রিং কোলেজকী উরেপ-উয়ুং তমখিবা অসিনসু হেন্না মপাঙ্গল লৈহল্লে। অতোপ্পা ইঞ্জিনীয়রিং কোলেজ অহুমগী থবক অমসু কন্না চত্থরি অমসুং অসম সরকারনা অথুবা মতমদা নেস্নেল এজুকেসন পোলিসীবুসু থবক্তা ওন্থোক্নবা কন্না হোৎনরি হায়না মহাক্না লাউথোকখি। মসিনা মহৈ তম্বীবদা মফম-মফমগী লোলদা তাকপীগদৌরিবা ওইবনা অসমগী মীয়ামদা, মরু ওইনা চা বগানগী থৌমীশিং, সেদ্যুল ত্রাইবশিংদা কান্নবা য়াম্না পীগনি হায়না ফোংদোকখি।

অসম অসি মালেম শিনবা থুংবদা মহাক্কী চা, হেন্দলুম অমসুং তুরিজমগীদমক্তা মমিং চৎলি হায়না প্রধান মন্ত্রীনা ফোংদোকখি। মরোমদোম লেপচবা ঙম্বনা মসিগী মপাঙ্গল অমসুং তৌবা ঙম্বা অসি হেন্না হেনগৎকনি। চা পুথোকপা অসিনা অসমগী মরোমদোম লেপচবা ঙম্বগী মঙলান অসিবুসু মপাঙ্গল হাপকনি। অসিগুম্বা ফিভম অসিদা, মফম অসিগী নহাশিংনা স্কুল অমসুং কোলেজতা স্কিল তম্লক্লবদি, হেন্না কান্ননবা ওইগনি হায়না মহাক্না ফোংদোকখি। হন্দক্কী বজেৎ অসিদা ত্রাইবেলগী মফমশিংদা এক্লাব্যা মোদেল স্কুল চাম্মা-চাম্মা হাংদোকপগী খুদোংচাবা য়াওরি অমসুং মসিনা অসমগী ওইনা য়াম্না কান্নবা ওইগনি হায়না মহাক্না মখা তানা ফোংদোকখি।

প্রধান মন্ত্রীনা রাজ্য অমসুং কেন্দ্র সরকারনা অসমগী লৌমীশিংগীদমক্তা মখোয়গী তৌবা ঙম্বগী মতিক অমসুং চাগা হেনগৎহন্নবা থবক পায়খৎমিন্নরি হায়না ফোংদোকখি। লৌমী, ঙা-য়োকপগী সেক্তরগী ওইনা লুপা করোর ২০০০০গী অচৌবা স্কিম অমা শেম্লে অমসুং মসিনা অসমগী মীওইদা য়াম্না কান্নহল্লগনি হায়নসু মহাক্না ফোংদোকখি। অসমগী লৌমীশিংগী পোত্থোকশিং অসি মালেমগী কৈথেলদা য়ৌহনবা ঙম্নবা সরকারনা হোৎনরি হায়না মহাক্না মখা তাখি। অৱাং থংবা তোর্বানগী চা বগানশিংনা অসমগী শেন্মিৎলোন্দা মরু ওইবা থৌদাং লৌরী হায়নসু মহাক্না ফোংদোকখি।

মহাক্না অসম সরকারবু চা পাম্বী মশিং য়ামদনা থাবা মীওইশিংদা লম ৱাইহনবগী খোঙথাং অমা চত্থবগীদমক্তা থাগৎপা ফোংদোকখি। হৌজিক্কী ওইবা অসমগী মীওইশিংগী তঙাই ফদবা অসিদি চাউখৎপা অমসুং শাহৌ লৌবগী ইঞ্জিন অনি অসিগী মপাঙ্গল কনখৎহনবনি হায়না মহাক্না হায়খি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Narendra Modi, President Joe Biden hold first bilateral meeting, say 'new chapter in Indo-US ties has begun'

Media Coverage

PM Narendra Modi, President Joe Biden hold first bilateral meeting, say 'new chapter in Indo-US ties has begun'
...

Nm on the go

Always be the first to hear from the PM. Get the App Now!
...
PM pays tributes to Pandit Deendayal Upadhyaya on his birth anniversary
September 25, 2021
Share
 
Comments

The Prime Minister, Shri Narendra Modi has paid tributes to Pandit Deendayal Upadhyaya Ji on his birth anniversary.

In a tweet, the Prime Minister said;

"एकात्म मानव दर्शन के प्रणेता पंडित दीनदयाल उपाध्याय जी को उनकी जयंती पर शत-शत नमन। उन्होंने राष्ट्र निर्माण में अपना जीवन समर्पित कर दिया। उनके विचार देशवासियों को सदैव प्रेरित करते रहेंगे।"