ভিদিও কনফরেন্সিংগী খুৎথাংদা লখনৌগী কৃষি কুম্ভদা প্রধান মন্ত্রি নরেন্দ্র মোদীনা ৱা ঙাংখি ।
প্রধান মন্ত্রিনা হায়খি,লৌমীশিং পুনবা অসিনা লৌউ-শিংউগী লমদা অনৌবা তেক্নোলোজিশিং অমসুং হেন্না ফবা খুদোংচাবা কয়া শেম্নবগী লম্বী অমা শেম্লগনি ।
মহৈ-মরোংগী পোৎথোক হেনগৎনবা থবক পায়খৎপগীদমক প্রধান মন্ত্রিনা উত্তর প্রদেস সরকার থাগৎখি । মহাক্না হায়খি, লৈবাক অসি মাংলোমদা পুখৎলিবশিংগী মরক্তা লৌমীশিংসু অমনি । ২০২২দা লৌমীশিংগী শেন্থোক শরুক অনিদা হেনগৎহন্নবা কেন্দ্র সরকারনা পায়খৎলিবা থবকশিং মহাক্না অমুক হন্না নিংশিংখি । মসিগী মতাংদা মহাক্না হায়খি, লৌ উবদা শেন চংবা হন্থনবা অমসুং শেন্দোং হেন্না ফংনবা খোঙথাং কয়া সরকার অসিনা পায়খৎলি । তুংদা লৈবাক অসিগী লৌবুকশিংদা মশীং য়াম্লবা সোলার পম্পশিং খিল্লগনি । লৌউ-শিংউগী লমদা সাইন্সকী কান্নবশিং য়ৌহন্নবা সরকার অসিনা থবক পায়খৎলি ।মসিগী শরুক অমা ওইনা বনারাসিদা রাইস রিছাস সেন্তর লিংখৎলে ।
লৌ উবদা মগুন হেনগৎহনবগী মরুওইবগী মতাংদা প্রধান মন্ত্রিনা পনখি । মহাক্না হায়খি, চিন্জাক শেম-শাবগী হিরমদা থবক কয়া পায়খৎলে । গ্রিন রিভোলুসনগী মথংদা শঙ্গোম পুথোকপা ,খোইহি পুথোকপা, য়েন পুথোকপা অমসুং ঙা পুথোকপা হেনগৎহন্নবা থবক পায়খৎলে ।
ঈশিং ফজনা শীজিন্ননবা, লীদুনা থম্নবা হেন্নবা ফবা তেক্নোলোজি শীজিন্নবা অমসুং লৌ উবদা খ্বাইদগী নৌবা তেক্নোলোজি শীজিন্ননবা কৃষি কুম্ভা অদুদা প্রধান মন্ত্রিনা তকশিনখি ।
লৌমীশিংনাচরুমৈথাদনবাপাম্বৈশিংঅমসুংঅনৌবাতেক্নোলোজিশিংপ্রধানমন্ত্রিমোদীনাতকশিনখি।
