Share
 
Comments
গুজরাততা রেলৱে সেক্তরগা মরী লৈনবা অতোপ্পা প্রোজেক্ত কয়াসু শঙ্গাখ্রে
এম.জি.আর.দা মহাক্কী মপোক কুমওন্না লাকপদা ইকাই খুম্নবা উৎখ্রে
কেৱারিয়ানা মালেমগী খ্বাইদগী অচৌবা লমকোইবশিংগী লমথুংফম অমা ওইবা ঙমখ্রে
পান্দমদা য়ুম্ফম ওইরগা হোৎনবগী খুত্থাংদা ইন্দিয়ন রেলৱেদা অওনবা পুরক্লি

প্রধান মন্ত্রী শ্রী নরেন্দ্র মোদীনা লৈবাক অসিগী অতোপ্পা মফম কয়াগা গুজরাতকী কেৱারিয়াগা ফাওনহনগদবা ত্রেন তিপান ঙসি ভিদিও কনফরেন্সিংগী থোংদা লমথাখ্রে। ত্রেনশিং অসিনা স্তেচ্যু ওফ য়ুনিতী ফাওবা লেপ্পা লৈতনা রেলগী কন্নেক্তিবিতী লৈহনবা ঙম্লগনি। প্রধান মন্ত্রীনা দভোই – চান্দোদ গেজ ওন্থোক্লবা ব্রোদ গেজ রেলৱে লাইন, চান্দোদ – কেৱারিয়া ন্যু বোর্দ গেজ রেলৱে লাইন, নৌনা ইলেক্ত্রিফাইদ তৌরবা প্রতাপনগর – কেৱারিয়া সেক্সন অমসুং দভোই, চান্দোদ অমসুং কেৱারিয়াগী অনৌবা স্তেসন বিল্দিংশিং শঙ্গাখ্রে। থৌরম অসিদা গুজরাতকী মুখ্য মন্ত্রী অমসুং কেন্দ্রগী রেলৱেজ মন্ত্রী শরুক য়াখ্রে।

প্রধান মন্ত্রীনা হায় রেলৱেজকী ইতিহাস্তা লৈবাক অসিগী তোঙান তোঙানবা মফমশিংদগী চপ মান্নবা লমথুংফম অমগীদমক ত্রেনশিং লমথাবা অসি মসিনা অহানবা ওইরম্বা য়াই। মহাক্না হায় মসিগী মরমদি কেৱারিয়া অসি স্তেচ্যু ওফ য়ুনিতী অমসুং সর্দর সরোভর লৈবনা মরু ওই। ঙসিগী থৌরম অসিনা রেলৱেজকী মঙলান অমসুং সর্দর পতেলগী পান্দম অদু মাই পাকহল্লে।

কেৱারিয়াদা লাক্কদবা ত্রেন অমদি পুরুচি তলাইবর দা. এম. জি. রমাচন্দ্রন সেন্ত্রেল রেলৱে স্তেসনদগী লামথদুনা ভারত রতনা এম.জি.আর.বু মহাক্কী মপোক নুমিৎতা ইকাই খুম্নবা উৎলি হায়না প্রধান মন্ত্রীনা ফোঙদোকখ্রে। শ্রী মোদীনা মহাক্না ফিল্মগী লমদা অমসুং রাজনিতীগী লমদা পাঙথোক্লবশিং অদুবু থাগৎখ্রে। মহাক্না হায় এম.জি.আর.গী রাকনিতীগী ওইবা খোঙচৎ অসি লাইরবশিংগীদমক কত্থোকখি অমসুং মহাক্না শোত্থরবশিংগী পুন্সি ফগৎহন্নবা চোকথবা লৈতনা হোৎনরমখি। প্রধান মন্ত্রীনা হায় ঐখোয়না মহাক্কী ৱাখল্লোনশিং অদু থুংনবা হোৎনরি অমসুং লৈবাক অসিনা চেন্নাই সেন্ত্রেল রেলৱে স্তেসনবু এম.জি.আর.গী মমিং লৌদুনা করম্না থোনখিবগে নীংশিংলুবদা নুংঙাইবা পোকই।

প্রধান মন্ত্রীনা হন্দক্তা কেৱারিয়া অমসুং চেন্নাই, বরানাসি, রেৱা, দদর অমসুং দিল্লীগী মরক্তা নৌনা কন্নেক্তিবিতী লৈহনখিবা অমসুং কেৱারিয়া অমদি প্রতাপনগরগী মরক্তা লৈরিবা এম.ই.এম.য়ু. অমসুং দভোই-চান্দোদ গেজিং অমসুং চান্দোদ – কেৱারিয়াগী মরক্তা লৈরিবা অনৌবা লাইন অসিনা কেৱারিয়াগী চাউখৎ-থৌরাংদা অনৌবা পন্দুপ অমা ইহৌরগনি হায়না ফোঙদোকখ্রে। মসিনা লমকোইবশিং অমসুং লোকেল অদিবাসিশিং অনিমক্তা কান্নহল্লগনি মরমদি মসিনা মশানা মশাগী থবক পীজবা অমসুং থবক পীবগ অনৌবা এভেন্যুশিং লৈহল্লগনি। রেলৱে লাইন অসিনা কর্নালি, পোইচা অমসুং নর্মদাগী গরুদেশ্বরগুম্বা লাইফমশিংগা লম্বী ফাওনহল্লগনি।

কেৱারিয়াগী চাউখৎ-থৌরাংগী খোঙচৎকী মতাংদা মখা তারদুনা প্রধান মন্ত্রীনা হায় কেৱারিয়া অসি অরাপ্পা মফমদা লৈবা অপিকপা ব্লোক অমা ওইরম্বা অদু ওইদ্রে, মসি মালেমগী লমকোইবশিংগী লমথুংফমশিংগী মরক্তা অমা ওইরক্লে। প্রধান ন্ত্রীনা স্তেচ্যু ওফ য়ুনিতীনা স্তেচ্যু ওফ লিবর্তীদগী হেন্না লমকোইবা মশিং কয়াগী পুক্নিং চিংশিল্লি। হায়রিবা অসি জাতিদা কত্থোকখ্রবা মতুংদা লম কোইবা লাকপা মীওই লাখ ৫০ হেনবনা মসি য়েংবা লাকখ্রে অমসুং কোরোনাগী থাশিংদা লোনদুনা লৈরুরবা মতুং অমুক হন্না হাংদুনা মশিং হেনগৎহল্লি। লম্বী থোং ফগৎলবনিনা কেৱারিয়াদা নোংমদা লমকোইবা লাখ অমামুক লাকপা য়াই হায়না পান্নরি। কেৱারিয়া অসি শেন্মীৎলোন অমসুং ইকোলোজীগী চাউখৎ-থৌরাং নীংথিজনা থৌরাং তৌবা লোইননা অকোইববু ঙাকশেনবগী অফবা খুদম অমনি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় কেৱারিয়াবু অচৌবা লমকোইবশিংগী লমথুংফম অমা ওইনা শেমগৎনবা প্রপোজ তৌখিবদা মসি অহানবদা পাইপদ্রীম অমা ওইনা উরমখি। হান্না লৈরম্বা থবক শুবগী মওংশিং অদু য়েংলুরবদি থাজবা ঙম্লমদবা অসি য়ুম্ফম য়াওই মরমদি মতম অদুদা লম্বী থোং লৈরমদে, স্ত্রীৎ লাইৎ থালমদে, রেল, লমকোইবশিংগী লৈফম চাফম অমত্তা লৈরমদে। হৌজিক্তি কেৱারিয়া অসি খুদোংচাবা পুম্নমক য়াওরবা মপুং ফাবা ফেমিলী পেকেজ অমা ওলহনখ্রে। মফম অসিদা গ্রান্দ স্তেচ্যু ওফ য়ুনিতী, সর্দর সরোবর, অচৌবা সর্দর পতেল জুলোজিকেল পার্ক, অরোগ্যা ভেন অমসুং জঙ্গল সফারি অমসুং পোশন পার্ক লৈরে। মসিদা গ্লো গার্দেন, এক্তা ক্রুজ অমসুং ৱাতর স্পোর্তসশিংসু লৈ। প্রধান মন্ত্রীনা হায় তুরিজম হেনগৎলকপনা মরম ওইরগা অদিবসি নহাশিংনা থবক ফংলে অমসুং মফম অদুগী মীয়ামনা মতমগা চুন্নবা খুদোংচাবশিংসু ফংলে। এক্তা মোলদা লোকেল হেন্দিক্রাফকী পোৎলমশিংগী অনৌবা খুদোংচাবশিং লৈরে। মহাক্না অদিবসি খুঙ্গংদা হোম স্তেগীদমক্তা কা ২০০রোম শেমগৎলি হায়নসু ফোঙদোকখ্রে।

প্রধান মন্ত্রীনা তুরিজম হেনগৎহন্নবা ৱাখল্লোনগা লোইননা শাগৎখিবা কেৱারিয়া স্তেসনগী মরমদা ৱা ঙাংখ্রে। মসিদা ত্রাইবেল আর্ত গেলরী লৈ অমসুং স্তেচ্যু ওফ য়ুনিতী উবা ফংবা গেলরীসু লৈ।

প্রধান মন্ত্রীনা ইন্দিয়ন রেলৱেজনা পান্দমদা য়ুম্ফম ওইদুনা হোৎনবনা পুরকপা ঙমখিবা অওনবগী মতাংদা শাংনা ৱা ঙাংখ্রে। মহাক্না হায় পেসেঞ্জর অমসুং পোৎচৈশিং পুথোক-পুশিন তৌবগী থৌদাং অসিগী মথক্তা রেলৱেজনা লমকোইফম অমসুং লাইনিং লাইশোনগী মরু ওইবা মফমশিংগা লম্বী থোং ফাওনহনবা ঙমখ্রে। মহাক্না হায় অহমদাবাদ-কেৱারিয়া জানশতাবতি য়াওনা রুৎ কয়ানা ‘বিস্তা-দোম কোচেস”কী মীৎয়েং চিংশিল্লগনি।

প্রধান মন্ত্রীনা রেলৱেগী ইনফজ্রাস্ত্রকচর শেমগৎনবা এপ্রোচতা অহোংবা পুরকখিবা অদু থমখ্রে। মহাক্না হায় মমাংদদি হৌজিক লৈরিবা ইনফ্রাস্ত্রকচর অসিদা অদুমক চেলহনবদা খক্তা মীৎয়েং থমলমখি অমদি অনৌবা ৱাখল্লোন নত্ত্রগা অনৌবা তেক্নোলোজীদা মীৎয়েং চংবা ৱাৎলম্মি। এপ্রোচ অসি হোংদোকপা তঙাই ফখিদে। হৌখিবা চহি খরা অসিদা অপুনবা রেলৱে সিস্তেমদা চাউনা অওনবা পুরক্নবা থবক পাইখৎখ্রে অমসুং মসি বজেৎকী অমসুং অনৌবা ত্রেনগী লাউথোকপা খক্তদা ওইখিদে। অওনবা অসি লম কয়াদা পুরকপা ঙমখ্রে। মহাক্না হৌজিক লৈরিবা কেৱারিয়াগী প্রোজেক্ত অসি মখল কয়াগী লালোং শীজিন্নদুনা রেকোর্দ ওইনা অতেনবা মতমদা লোইশিনবা ঙমখিবা অসি খুদম ওইনা পীখ্রে।

প্রধান মন্ত্রী দেদিকেতেদ ফ্রৈৎ কোরিদোর অসি মমাংঙৈ মতমদগী এপ্রোচতা অহোবা লাকপা অসিগী খুদম ওইনা পীখ্রে। প্রধান মন্ত্রীনা হন্দক্তা ইস্তর্ন অমসুং ৱেস্তর্ন দেদিকেতেদ ফ্রৈৎ কোরিদোরশিং শঙ্গাখ্রে। প্রোজেক্ত অসিগী থবক পাইখৎখি অমসুং ২০০৬-২০১৪ ফাওবদা থবক অসি চেশিংদা খক্তা ওইনা পাইখৎখি কিলোমিতর অমগী ত্রেক ওইবা শেমলমখিদে। হৌজিক নুমিৎ খরনি অসিদা পুন্না কিলোমিতর ১১০০ মপুং ফানা লোইশিল্লগনি।

প্রধান মন্ত্রীনা লৈবাক অসিগী লম্বী ফাওনদ্রিবা শরুকশিং অসি লম্বী ফাওনহল্লিবা অনৌবা কন্নেক্তিবিতীগী মতাংদসু ফোঙদোকখ্রে। ব্রোদ গেজিং অমসুং ইলেক্ত্রিফিকেসনগী খোঙজেল অসি খোঙজেল য়াংখৎহনখ্রে অমসুং খোঙজেল য়াংখৎ্নবা ত্রেকশিং শেম্লি। মসিনা সেমি-হাই স্পীদ ত্রেনশিং চেলহনবা ঙমখ্রে অমসুং ঐখোয়না হাই-স্পীদকী মাইকৈদা চংশিনবা ঙমখ্রে, মসিগীদমক বজেৎ শরুক কয়া হেনগৎহনখ্রে হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় রেলৱেজ অসি অকোইবদা শোকহনদনবসু হোৎনরি। কেৱারিয়া স্তেসন অসি গ্রীন বিল্দিং সর্তিফিকেসনগা লোইননা শাবা অহানবা ভারতকী রেলৱে স্তেসন ওইরগনি।

মহাক্না হৌজিক অফবা ফলশিং হৌরক্লিবা রেলৱেগা মরী লৈনবা মেন্যুফেকচরিং অমসুং তেক্নোলোজীদা আত্মানির্ভরগী কান্নবা অদুসু থমখ্রে। হাই হোর্স পাৱর ইলেক্ত্রিক লোকোমোতিব লমদম অসিদা শাবনা মরম ওইরগা ভারতনা মালেমগী অহানবা দবল স্তেক লোং হোল কন্তেনর ত্রেন হৌদোকপা ঙমহনখ্রে। ঙসি লমদম অসিদা শাজবা মোদর্ন ত্রেন সিরিজ অমনা ইন্দিয়ন রেলৱেজকী শরুক ওইরে।

প্রধান মন্ত্রীনা রেলৱেদা অওনবা পুরক্নবা মথৌ তাবশিং ফংহন্নবা স্কিল স্পেসিলিস্ত মেনপাৱর অমসুং প্রোফেস্নেলশিং মথৌ তাই হায়না ফোঙদোকখ্রে। মসিগীদমক বদোদরাদা দীম রেলৱে য়ুনিভর্সিতী লিংখৎহনখি। অসিগুম্বা স্তেচর অসিগীদমক ইন্সিতিত্যুত অমা লৈবা লৈবাক খুজোক খরদা ভারতসু অমনি। রেল ত্রান্সপোর্তকী মতম অসিগা চুনবা খুদোংচাবশিং, মল্তি-দিসিপ্লিনরী রিসর্চ, ত্রেনিং অসি মসিদা ফংহল্লি। রাজ্য ২০দগী তলেন্ত লৈরবা নহাশিং ত্রেন তৌদুনা রেলৱেগী হৌজিক অমসুং তুংলমচৎকী মমাং চুম্বা ঙম্লগনি। মসিনা ইন্নোবেসন অমসুং রিসর্চকী খুত্থাংদা রেলৱে অসি মতমগা চুনবা মওংদা পুখৎপদা মতেং পাংলগনি হায়না ফোঙদোক্লদুনা প্রধান মন্ত্রীগী ৱারোইশিন ওইখ্রে।

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
An order that looks beyond just economics, prioritises humans

Media Coverage

An order that looks beyond just economics, prioritises humans
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 26 নবেম্বর, 2021
November 26, 2021
Share
 
Comments

Along with PM Modi, nation celebrates Constitution Day.

Indians witness firsthand the effectiveness of good governance under PM Modi.