প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুত্থাংদা তামিল নাদুদা থাও অমসুং গ্যাসকী সেক্তরদা মরুওইবা প্রোজেক্তশিং লৈবাক অসিদা কৎখ্রে অমসুং উরেপ উয়ুং তমখ্রে। প্রধান মন্ত্রীনা লৈবাক অসিদা রামানাথাপুরম – থুথুকুরি নেচুরেল গ্যাস পাইপলাইন অমসুং মানালিগী, চেনাই পেত্রোলিম কোওপরেসন লিমিতেৎ গেসোলিন দিসলফরাইজেসন য়ুনিৎ অসি কৎখ্রে।মহাক্না নাগাপতিনমদা কবেরী বেসিন রিফাইনরীগী উরেপ উয়ুং তমখ্রে। তামিল নাদুগী রাজ্যপাল অমসুং চীফ মিনিস্তর অমসুং পেত্রোলিয়ম অমসুং নেচুরেল গ্যাসকী য়ুনিয়ন মিনিস্তরনা থৌরম অসিদা শরুক য়াখি।
প্রধান মন্ত্রীনা মায়োক্নরিবা অসি পুখৎলকখি মদুদি ২০১৯-২০দা ইন্দিয়ানা মীরমদগী থাংদা চাদা ৮৫ অমা অমসুং গ্যাস্তা চাদা ৫৩ অমা শিজিন্নবা কোন্নবা পুশিল্লকখি। মহাক্না হংখি মদুদি মখল য়াম্না লৈরবা অমসুং হৈ-শিংলবা ঐখোয়গুম্বা লৈবাক অমনা ইনর্জি পুশিল্লকপগী মীপাল তাংগদরা? মহাক্না মরুওইনা হায়খি মদুদি ঐখোয়না অসিগুম্বা হীরম অসিদা হান্ননা মিয়েং থম্লমলবদি মিদ্দল ক্লাসশিং অসি পোৎলুম পুরম্লোই। হৌজিক্তি ঐখোয় পুন্না হোৎনমিন্নদুনা অনানবা অমসুং অশংবা ইনর্জিদা চংদুনা ইনর্জি অসিগী মীপাল তাংবা হন্থহনবা অসি ঐখোয়গী ইথৌনি। “ঐখোয়গী সরকারনা মিদ্দল ক্লাসকীদমক য়াম্না চেকশিন্না লৌই” হায়না মহাক্না মরুওইবা পীখি।
মসি ফংননবা ইন্দিয়ানা হৌজিক লৌমী অমসুং কঞ্জুমরশিংগীদমক ইথানোলদা মিয়েং চংবা হৌরে। সেক্তর অসিদা মকোক্তা লৈনবা সোলার পৱারদা মখা তানা শিজিন্ননবা মিয়েং চংলি। মীয়ামগী ওইবা ত্রান্সপোর্ত অসিশু পুক্নিং থৌগৎলি অমসুং মিদ্দল ক্লাসকী ইমুংশিংদা অতোপ্পা পাম্বৈ মদুদি এল.ই.দি. বলব য়াম্না শিজিন্নদুনা হেন্না ইনর্জি কন্নবা হোৎনশি হায়না প্রধান মন্ত্রীনা হায়রি।
প্রধান মন্ত্রীনা হায় মদুদি ইন্দিয়া অসিনা ইনর্জি অসিগী শিজিন্নবা কোন্নবা হোৎনরিঙৈ অসিদা, ইনর্জি মীপাল তাংবা অসি হন্থরক্লি। মসিগীদমক মথৌ কয়া অমা পীরি। ২০১৯-২০দা, ইন্দিয়া অসি মালেমদা রিফাইন্নিং পুথোকপদা ৪শুবদা লৈখি। পেত্রোল্লিয়মগী পোত্থোক চাওরাক্না তোন মিল্লিয়ন ৬৫.২ লোম মীরমদা পুথোকখি। মসিগী মশীং অসি মখা তানা হেনগৎলকখিগনি হায়না আশা তৌই হায়না প্রধান মন্ত্রীনা হায়রি।
শমু্দ্রগী ৱাংমদা লৈরিবা ইন্দিয়াগী থাও অমসুং গ্যাস কম্পনি লৈবাক ২৭ অসিদা ৱা ঙাংলদুনা প্রধান মন্ত্রীনা হায় মদুদি শেলথং অসি লুপা করোর লাখ অনি লিশিং ৭০লোম ওইরি।
‘ৱান নেসন ৱান গ্যাস গ্রীদ’ অসিগাী মিয়েং অসিদা প্রধান মন্ত্রীনা হায় মদুদি, “ঐখোয়না চহি মঙা অসিদা করোর লুপা লাখ তরেৎ অমসুং মখায় অমা থাও অমসুং গ্যাসকী ইনফ্রাস্ত্রকচরদা চাদিং তৌনবা থৌরাং তৌরি। য়াম্না কনবা মরুওইবা পীদুনা সহরশিং অসি গ্যাস পীদুনা দিস্ত্রীক্ত ৪০৭ য়ৌনা শন্দোক্নবা থাদরি”।
প্রধান মন্ত্রীনা খঙহনখি মদুদি মসিগী গ্যাস অসি ইন্দিয়াগী ইমুং খুদিংদা কঞ্জুমরশিংনা স্কীমশিং মদুদি পাহল অমসুং পি.এম. উজালা য়োজনা অসিনা মতেং পীরি। তামিল নাদুগী এল.পি.জি. কস্তম্মরশিং ৯৫%অমনা পাহল স্কীম অসি য়াওরি। ৯০% অমদি হকথেংননা সবসিদি ফংলি। উজালা য়োজনা স্কীমগী মখাদা তামিল নাদুদা বি.পি.এল. ইমুং লাখ ৩২মুক অনৌবা কন্নেক্সন পীখ্রে। পি.এম. গরীব কালয়ান য়োজনাগী মখাদা ইমুং লাখ ৩১.৬কী মথক্তা লেম্না রিফিল তৌবগী কান্নবা ফংখ্রে।
প্রধান মন্ত্রীনা খঙহনখি মদুদি ঙসি হৌদোকখিবা ইন্দিয়ন ওইলগী কিলোমিতর ১৪৩ শাংবা রামানাথাপুরমদগী তুতিকোরিন ফাওবা তিংলিবা নেচুরেল গ্যাস পাইপলাইন অসিনা ও.এন.জি.সি. গ্যাস ফিলদদগী গ্যাস শেনফম কয়া অমা কারক্কনি।
মসিগী গ্যাস পাইপলাই প্রোজেক্ত অসিনা হায়বদি তামিল নাদুগী দিস্ত্রীক্ত ১০দা লুপা করোর ৫,০০০ থাদদুনা চাওখৎ খোঙথাং লৌখৎলিবা অসিনা সহরদা গ্যাস প্রোজেক্ত কয়া অমা চাওখৎহনবা ঙম্লগনি। মসিগী গ্যাস পাইপলাই অসিনা অহোংবা মমল অমদা পীদুনা এস.পি.আই.সি.দা পীদুনা হার শুংবদা শিজিন্নগনি। ফীস্তোক অসি হৌজিক মরাং কাইনা ফংলে। মসিনা চহিদা লুপা করোর ৭০ দগীনা ৯৫ ফাওবা তুংশিনবগী পারি। মসিনা হার পুথোকপগী অরোইবা মমল ওইগনি হায়না প্রধান মন্ত্রীনা হায়খি।
প্রধান মন্ত্রীনা ফোংদোকখি মদুদি লৈবাক অসিগী ইনর্জি শিজিন্নবগী শরুক অসি ৬.৩ পর্সেন্তদগী হৌজিক্কী ওইনা ১৫ পর্সেন্তদ ওইরি।
লোকেলগী সহরশিং অসিনা কান্নবা মথং মথং পল্লদুনা প্রধান মন্ত্রীনা হায় মদুদি নাগাপাত্তিনামদা লৈরিবা সি.পি.সি.এল.গী অনৌবা রিফাইনরী অসিনা ৮০% ইরমদমগী ওইনা পারি। রিফাইনরী অসিনা ত্রান্সপোর্তকী কান্নবা, দাউন্দস্ত্রীম পেত্রোকেমিকেল ইন্দস্ত্রীশিং অমসুং ইন্দস্ত্রীশিং মফম অসিদা চাওখৎপদা মতেং পীগনি।
ইন্দিয়াগী রিনেৱেবলগী লমদগী ইনর্জিগী শরুক অসি মরু ওইবা পীরি। ২০৩০দা, ইনর্জিগী ৪০% অমা অশংবা ইনর্জিদগী পুথোক্লবা য়ারি হায়না প্রধান মন্ত্রীনা হায়খি। মহাক্না হায় মানালিদা ঙসি হৌদোকখিবা সি.পি.সি.এল.গী অনৌবা গেসোলিন দিসলফরাইজেসন য়ুনিৎ অসিনা অতোপ্পা তুংগী ওইবা অশংবা শাফু অমা ওইরগনি।
হৌখিবা চহি ৬ অসিদা তামিল নাদুদা থাও অমসুং গ্যাসকী প্রোজেক্তশিং লুপা করোর ৫০,০০০গী মথক্তা হাপ্নবা অয়াবা পীখ্রে। চপ মান্নবা মতমদা, লুপা করোর ৯১০০ হেনবা প্রোজেক্ত অমা ২০১৪গী মমাংদা কাইথখ্রে।মখা তানা,লুপা করোর ৪,৩০০ চংবা প্রোজেক্ত পাইপলাইন্দা পীখ্রে। তামিল নাদুদা পীখিবা প্রোজেক্ত পুম্বা অসি ইন্দিয়গী লেঙদবা চাওখৎপা অমা পুরক্নবা হোৎনরিবা ঐখোয়গী লেপ্পা লৈতবা পোলিসি অমসুং খোঙথাং অসিগী মহৈনি হায়না শ্রী মোদীনা লোইশিনখি।
