প্রধান মন্ত্রীনা সি.বি.এস.ই.গী ক্লাস তুয়েল্ব বোর্দ একজামগী মতাংদা পাংথোকখিবা রিভিউ মীতিং অমদা সভাপতি ওইখ্রে। ওফিসিএলশিংনা য়াম্না কুপ্না খন্ন-নৈনবা পাংথোকখিবা অমসুং রাজ্য সরকারগী য়াওনা স্তেকহোল্দর পুম্বগী অপাম্বশিংগী মরীক চুম্বা প্রজেন্তেসন পীখি।
কোবিদনা ওইহল্লিবা তং তাদবা ফিভম অমদি স্তেকহোল্দর কয়ানা পীরকপা ৱারোলগী মতুং ইন্না হন্দক্কী চহি অসি ক্লাস তুয়েল্বকী বোর্দ একজাম পাংথোক্তবদা লেপ্লে। লোয়ননা সি.বি.এস.ই.না ক্লাস তুয়েল্বকী ফল অসি মতম চানা নিংথিনা শেমদোক্লবা ক্রাইতেরিয়াদা পীরগনি হায়না লেপ্লে।
প্রধান মন্ত্রীনা হায়খি মদুদি ক্লাস ১২কী সি.বি.এস.ই.গী একজাম অসি মহৈরোয়শিংগী য়েংলগা ফিরেপ লৌবনি। মহাক্না হায়খি মদুদি কোবিদ-১৯না একাদেমীক কেলেন্দরদা য়াম্না শোকহল্লি অমদি বোর্দ একজামগী থেংনরিবা অৱাবা অসিদা মহৈরোয়, মমা-মপা অমসুং ওজাশিংদা নুংনাংবা ফাওরিবা অসি অথুবা মতমদা কোকহনগদবনি।
প্রধান মন্ত্রীনা হায়খি মদুদি হৌজিক ওইরিবা কোবিদকী ফিভম অসি লৈবাক অসিগী ওইনা য়াম্না চাওবা অৱাবা অমনি। লৈবাক অসিদা কোবিদকী মশীং অসি খর হন্থরকলবসু রাজ্য খরদা মাইক্রো কন্তেনমেন্তগী খুত্থাংদা মায় পাক্না লাকশিল্লি, রাজ্য খরদনা হৌজিকসু লোকদাউন্দ তৌবা তারি। ফিভম অসিদা মহৈরোয়, মমা-মপা অমসুং ওজাশিংনা মহৈরোয়শিংগী হকশেলগীদমক থৱায় ৱারি। প্রধান মন্ত্রীনা হায় মদুদি অসুক লুরবা তানফম অসিদা মহৈরোয়শিংদা একজাম থাননবা নম্ফু-শাফু তৌরোইদবনি।
প্রধান মন্ত্রীনা মরুওইবা পীদুনা হায়খি মদুদি মহৈরোয়শিংনা মশা-মউ ফনা লৈবা অমসুং তেক্ত-কাইদনা লৈহনবা অসিনা খ্বায়দগী হেন্না মরুওইবনি অমদি হিরম অসিদা করিগুম্বা অমত্তদা য়াশিন্নবা লৈরোই। মহাক্না হায়খি মদুদি অসিগুম্বা ঙসি ওইরিবা তাঞ্জা অসিদা ঐখোয়গী নহারোলশিং অসিবু একজাম অসিনা মরম ওইদুনা অৱাফমদা তাহল্লোইদবনি।
প্রধান মন্ত্রীনা হায়খি মদুদি থৌবুশিংনা মহৈরোয়শিংগীদমক ইথিল উৎপা মথৌ তাই। প্রধান মন্ত্রীনা ওফিসিএলশিংদা ফলশিং অসি মতম চানা নিংথিনা শেমদোক্লবা ক্রাইতেরিয়াদা শোইদনা পীনবা খঙহনখি।
য়াম্না কুপ্না খন্ন-নৈনরবা মতুংদা প্রধান মন্ত্রীনা থাগৎপা ফোংদোকখি মদুদি ভারতকী কাচিন কোয়া কয়া অমগী থৌবুশিংগা খন্নরবা মতুংদা মহৈরোয়শিংগীদমক য়াইফনবা ফিরেপ অমা লৌরে। হিরম অসিগী মতাংদা ৱারোলশিং পীবিরকপগীদমক মহাক্না রাজ্যশিংদা থাগৎপা ফোংদোকখি।
হায়রিবা অসিদা ফিরেপ অমসু লৌখি মদুদি মমাংগী চহিগুম্না, একজাম পীবা পাম্বা মহৈরোয় খরগীদমক, মতাং চাবা অমা য়েংদুনা অসিগুম্বা খুদোংচাবা অসি মখোয়দা সি.বি.এস.ই.না পীগনি।
ইকাই খুম্নজরিবা প্রধান মন্ত্রীনা ২১/০৫/২১দা মন্ত্রীশিং অমসুং ওফিসিএলশিংনা শরুক য়াবা অৱাংবা থাক্কী মীফম অমা হান্ননা পাংথোকখ্রে। মসিগী মতুংদা ২৩.০৫.২০২১দা য়ুনিয়ন দিফেন্স মিনিস্তরগী চেয়রমেনশীপ মখাদা রাজ্যশিংগী এজুকেসন মন্ত্রীশিংনা শরুক য়াবা মীফম অমা পাংথোকখ্রে। সি.বি.এস.ই. একজামিনেসন পাংথোক্নবা পাম্বৈ কয়া অমা মীফম অসিদা খন্নখি অমসুং রাজ্য অমসুং য়ু.তি.শিংদগী ৱারোল কয়া অমা ফংখি।
ঙসিগী মীফম অসিদা হোম, দিফেন্স, ফাইনান্স, কম্মর্স, ইনফোর্মেসন অমসুং ব্রোদকাস্তিং, পেত্রোলিয়মগী কেন্দ্রগী মন্ত্রীশিং অমসুং ৱুমেন অমসুং চাইল দিবলপমেন্ত মিনিস্ত্রীশিং অমসুং পি.এম.গী প্রিন্সিপাল সেক্রেতরী, কেবিনেৎ সেক্রেতরী অমসুং স্কুল এজুকেসন অমসুং হায়র এজুকেসন দিপার্তমেন্ত অমসুং অতৈ ওফিসিএলশিংনা মীফম অসিদা শরুক য়াখি।
