ময়াম পুম্নমকপু বিবেকানন্দ জয়েন্তী অমসুং নেস্নেল য়ুথ দেগী য়াইফ পাওজেল পীজরি ।
ঙসি বেলগাবীগী অসিগুম্লবা শক্তম অসি উরুবদা মীপুম খুদিংমক বিবেকানন্দগী মফমদা লুপচরবা মাল্লি । ঙসিমফম অসিদা সর্ব ধর্ম সভাশু পাংথোক্কদৌরি । মসিগীদমকশু ময়াম পুম্নমকপু য়াইফ পাওজেল পিজরি । মতমঅসিদা ঐহাক্না উবা ফংলিবা থৱায় য়াওবগী মতৌ অসিনা ময়াম পুম্নমক্কী পুক্নিং–ৱাখল্লোন অদু অমতা ওইনাউবা ফংলে । মসি পুম্নমক অসি শ্রী সিদ্ধলিংগ মহারাজ, শ্রী য়ল্লালিংগ প্রভুজী অমসুং শ্রী সিদ্ধ রমেশ্বরমহাস্বামীগী থৌজালদগী ওইজবা ফংলিবনি । মখোয়গী থৌজালগী শক্তি অদু মতম অসিদা ময়াম পুম্নমক্কীমায়থোংদা মমি তারি । শক্তি অদুমক, থৌজাল অদুমক ঐহাকশু ফংবা ঙমজরি । ইচল ইচে ইচিল ইনাওশিং, বেলগাবীদা লাকচবা অসি ঐহাক্কী ওইনা মতম পুম্নমক্তা নুঙাইজবা অমনি । মফম অসিদা ভারতকী শেংলবাশক্তম অদু উবা ফংই । অপিকপা মফম অসিদা তোঙান তোঙানবা লোন মঙা ঙাংনরিবা অসি লৈবাক্কী অতোপ্পামফমশিংদা পাক্না উবা ফংদে । ঐহাক্না ময়াম পুম্নমক্কা লোয়ননা বেলগাবীগী লমদমবু খুরুমজরি । বেলগাবীঅসি কিত্তুরগী রানী চেত্তমাগী লমদম্নি, অংগ্রেজশিংগা মায়োক্নখিবা অথৌবা লান্মী রায়ত্তাগী লমদম্নি । স্বামীবিবেকানন্দজীনশু বেলগাবীদা নুমীৎ তরানি লেক চাদুনা লৈখি ।
মহাক্না মৈসুরগী মমিং চৎলবা মহলদশু পন্থখি । মৈসুর ফাওদুনা মহাক্না কেরলা অমসুং তামিলনাদুদা চৎখিদুনাকন্যাকুমারীদা মহাক্না অনৌবা ৱাখল্লোন ফংখি । ৱাখল্লোন অদুগা লোয়ননা মহাক শিকাগো চৎখি অমসুংমালেম পুম্নমকপু শুমখি । চহি অসিদা স্বামী বিবেকানন্দনা শিকাগোদা ৱা ঙাংখিবা অদুগী ১২৫ শুবা চহি ওইরে ।মহাক্না ৱা ঙাংখিবা অদুগী চামশুরকপা চহিদা ঐহাক্না অখন্ননা শিকাগোদা চৎখি । মহাক্না ৱা ঙাংখিবা মতুং চহিকয়া অমা হৌখ্রবা ফাওবা মহাক্কী ৱাহৈশিং অদু নিংশিংলি । ভারত মচা অমনা করম তৌগদবনো হায়বগী মতাংদাবিবেকানন্দজীনা য়াম্না মগুন লৈবা মন্ত্র পিবিরম্মী । মদুদি স্বদেশ মন্ত্রনি । মসিগী লৈই অমমমদা শক্তি অমসুংৱাখল্লোন থন্না য়াওরি । চহি চামগা কুনমঙা মমাংদা মহাক্না হায়বিখিবা অদু ককপিনবা ঙসি ফাওবা কনাগুম্বাঅমত্তগী থৌনা লৈত্রি । মরূপশিং ঐখোয়না অসিগুম্বা ফিভম অসি হোংদোকপা তাবনি, অসিগুম্বা ৱাখল্লোনঅসি হোংদোকপা তাবনি । বিবেকানন্দবু নিংজগে হায়রগদি থমোয়নুংদা লৈরিবা জাত বিজাত নায়বগী হু অদুমপান্দা হুন্দোক্তুন মাংহনবা তাই ।
শ্রী সিদ্ধলিংগ মহারাজজীগী ৱাখল্লোন, অদোমগী লম্বোইবশিংগী শঙ অসিনশু হৌখিবা চহি কয়া অসিদাজাতিগী খেৎনবা থম্লিবা অসি মুথৎনবা থবক তৌরি । কনাগুম্বা জাতি অমত্তবু খল্লুবা তৌদনা, কনাগুম্বা অমত্তদাকরি জাতিনো হংলুবা তৌদনা সমাজকী চাওখৎত্রিবা অমসুং অশোনবা কাংলুপতা অদোম্না মথৌতাবা মতেং অদুপিনবিরি । অদোমগী লম্বোইবশিংগী শঙ অসিগা মরি লৈনবা মীওইশিংনা খুঙ্গং খুঙ্গংশিংদা চৎতুনা ইচাওনাশোকহল্লবা মীওইশিংদা মতেং পিরি, লাইরবশিংদা লেম্না হিদাক লাংথক য়েন্থোক্লি, ফ্রী মেদিকেল কেম্পপাংথোক্লি, মীয়ামদা চান্ন–থক্নবা পিরি, ফি–রোল পিরি, মদু জাত বিজাৎতা য়ুমফম ওইব্রা? ওইদে । য়াম্না ৱানা চহিকয়া হোৎনরকপনা লৈবাক অসি জাত–বিজাৎকী কিশী অদুদগী নানথোক্নবগী মায়কৈদা চংশিল্লি । অদুবুঅদোমগুম্লবা মীওই লাখ কোতী কয়ানা হোৎনরিবা অসিদা সমাজকী য়েক্নবা খরনা মীৎয়েং থম্লি । মীওইশিংঅসিনা লৈবাক অসিবু জাত বিজাতকী মিংদা থুগায়নবা হোৎনরি । অসিগুম্বা মীওইশিং অসিবু ঙসিগীনহারোলশিংনা পাওখুম পিরি । ভারতকী নহারোলশিং অসি মীওই খুজোক খরনা ইন্সিনবদা চৎলোয় । লৈবাকঅসিদা জাত–বিজাত, অন্ধ বিশ্বাস মুৎথৎনবা ৱারেপ লৌখিবা, অনৌবা ভারতকী মংলানবু মংফাওহন্ননবা ৱারেপলৌখিবা অদুগুম্লবা নহারোলশিং অদু বিবেকানন্দনি । নহারোলশিংবু লৈবাক অসি শেমগৎ শাগৎপদা ইচং থৌনামথৌ পাংথোকহন্দুনা অনৌবা ভারতকী মংলান অদু মংফাওহন্নবা থবক তৌরিবা অদু বিবেকানন্দনি । লৌবুকঅমদা, কারখানা অমদা, স্কুল অমদা, কোলেজ অমদা, লম্বী সোরোক কাচিন কোয়াদা লৈবাক্কী য়াইফনবাহোৎনরিবা মীওই খুদিংমক বিবেকানন্দনি ।
হৌজিক হৌজিকমক স্বচ্ছ ভারত মিশনবু মাংলোমদা পুদুনা চৎলিবা মীওই, খুঙ্গং খুঙ্গং চৎতুনা মীয়াম্বুদিজিতেলগী ওইবা মঙাল পিরিবা মীওই, মখোয় অদু বিবেকানন্দনি । লাইর অনং, তোল্ল–তারবা, তুহৎপিরবাকাংলুপকীদমক থবক তৌরিবা মীওই অদু বিবেকানন্দনি । মখোয় মশাগী পাঙ্গল শক্তিবু, মখোয় মশাগীৱাখল্লোনবু, মখোয় মশাগী ইনোবেসনশিংবু সমাজকী কান্ননবা শিজিন্নরিবা মখোয় অদু বিবেকানন্দনি ।
মরূপশিং, মমাং চহিদা থৌরম অমা পাংথোকখি– স্মার্ত ইন্দিয়া হৈকাথোন । থৌরম অদুদা নহারোল লিশিং ৪০হেনবনা লৈবাক অসিনা থেংনরিবা সমস্যা ৬০০ লোমগী ৱারোইশিং পুথোক্নবা পুনখি । মদুমক ঐহাক্কী ওইনদিবিবেকানন্দনি । থৌরম অসিদা শরুক য়ারিবা বিবেকানন্দ খুদিংমকপু, লৈবাক অসিদা লৈরিবা বিবেকানন্দপুম্নমকপু ঐহাক্না খুরুমজরি ।
ইচল ইচে অমসুং ইচিল ইনাওশিং, চহি লিশিং কয়াগী পুৱারিদা ঐখোয়গী লৈবাক অসিদা মতমগী মতুং ইন্না অহোংবা কয়া লাক্লি । মীওই অমসুং সমাজদা অওনবা । অদুবু মতমগা লোয়ননা ফৎতবা খরশু সমাজ অসিদা পুল্লরি ।
মসি ঐখোয়গী সমাজকী মগুন অমনি মদুদি অসিগুম্বা মখলগী ফৎতবশিং লাকপা মতমদা সমাজকী মরক্তগী কনাগুম্বা অমনা মদুবু চুমথোরকই । অসিগুম্বা অফাওবা সমাজপু চুমথোকপগী থবক তৌরিবশিং অদুনা মতম পুম্নমক্তা মীয়ামগীদমক থবক তৌখি । লৈবাক অসিগী মীচম প্রজাবু অরাইবা মওংদা খংহনবিখি । মসি মখল অমগী মীয়ামগী ইহৌনি ।
ইহৌ অসি খারোমদা মধ্বাচার্য়, নিম্বার্কাচার্য়, রামানুজাচার্য়, নোংচুপলোমদা মীরাবাই, একনাথ, তুকারাম, রামদাস, নর্সী মেহতা, অৱাংদা রামানন্দ, কবীরদাস, গোস্বামী তুলসীদাস, সুরদাস, গুরু নানকদেব, সন্ত রৈদাস, নোংপোক্তা চৈতন্য মহাপ্রভু অমসুং শঙ্কর দেব গুম্বা লাইনিংবশিংগী ৱাখলোনশিংনা লমজিংখি ।
ঐখোয়না চাওথোক্না হায়জবা ঙম্লি মদুদি হিন্দুস্থানগী ওইনা অসিগুম্বা মগুন লৈবা চৎন লোনচৎ লৈজরি, অসিগুম্বা অফাওবা লাইনিংবশিং লৈখি মখোয়না মশাগী পুক্নিং লৌশিং অদু লৈবাক অসিগী শেমগৎ শাগৎপদা শিজিন্নখি ।
মতাং অসিদা স্বামী দয়ানন্দ সরস্বতী, রাজা রাম মোহন রায়, জ্যোতিবা ফুলে, মহাত্মা গান্ধী, বাবা সাহেব অম্বেদকর, বাবা আম্তে, পান্দুরংগ শাস্ত্রী আঠৱলে, বিনোবা ভাবে অসিনচিংবা মশিং থিঙমদ্রবা অফাওবা মীওইশিং লৈরি । মখোয়না সেবাবু থমোয়নুংদা থমদুনা সমাজপু চুমথোকপদা শরুক য়াখি ।
মরূপশিং, অদোমগী ওইবা লাইনিংবশিংগী মফম অসিনশু কৎথোকপগা লোয়ননা সেবা তৌরি । অদোমগী ওইবা লাইনিংবশিংগী মফম অসি বিরক্ত হায়নশু খংনৈ । বিরক্ত হায়বদি মখল অমত্তগী ওইবা সংসারগী অপাম মীহৌ লৈতবা হায়বনি । তোঙান তোঙানবা রাজ্যশিংদা শন্দোক্লিবা অদোমগী লাইনিংবশিংগী মফম ৩৬০ হেনবনা লাইরবা অমসুং মপুক লাম্লবা মীওইশিংবু চাক পীজরিবা অদু তশেংনা মালেম ইমাগী, মীওইবা জাতিগী খ্বাইদগী ফবা সেবানি । ঐখোয়গী লৈবাক্কী পুৱারিদা সেবাগী ৱাখল্লোন অদু উরি । মফম মফমশিংদা লাইরবশিংগী চান্ন থক্নবা অমসুং লেক চানবগী খুদোংচাবা ফংহনবা অসি ঐখোয়না চৎনদুনা লাক্লি । ঙসিশু তোঙান তোঙানবা শহরশিং-খুঙ্গংশিংদা থৌরম অসি চৎথরি ।
ইচল ইচে অমসুং ইচিল ইনাওশিং, ভারতনা মতম পুম্নমক্তা মালেম অসিদা হ্যুমেনিতী, দেমোক্রেসী, গুদ গোবর্নান্স, অহিংসাগী পাওজেল পিদুনা লাক্লি । ভগৱান বসবেশ্বরনা তরানিথোইশুবা চহিচাদা মালেম অসিদা দেমোক্রেসীগী ৱাখল্লোন অদু খংহনখি । মহাক্না অনুভব মন্দপ হায়না মীংথোনবা সিস্তেম অমা হৌদোকখি মদুদা লাইর অনং- তুহৎপিরবা- অশোন অনা মখল খুদিংগী মীওইশিংনা মখোয়গী ৱাখল্লোন অদু ফোংদোকপা য়াহনখি । মফম অদুদা পুম্নমক চপ মান্নরম্মী । ইং ২০১৫দা ঐহাক্না ব্রিতেন চৎপা মতমদুদা, মফমদুদা ভগবান বসবেশ্বরগী মীতম মায়খুম হাংদোকপগী খুদোংচাবা অদু ঐহাক্না ফংজখি । হৌখিবা চহি মক্তদা ঐহাক্না ভগবান বসবাশ্বরগী ৱারোলশিংবু লোন ২৩দা হন্দোকখিবা অদু ফোংবগী তঞ্জা ফংজখি । ঐহাক্না থাজবা থম্লি মদুদি মসিনা ভগবান বসবেশ্বরগী পাওজেল অদু মীপুম খুদিংমক্তা য়ৌহনবদা য়াম্না কান্নরবা অমা ওইরমগনি ।
তঞ্জা অসিদা ঐহাক্না হান্নগী রাষ্ট্রপতি শ্রী বি.দি. জত্তীবুশু ইকায় খুম্নবা উৎচরি অমসুং বাসবা সমিতিদা মহাক্কী থৌদাং অদু নিংশিংজরি । শ্রী অর্বিন্দ জত্তীবুশু অখন্ননা নিংশিংজরি ।
মরূপশিং, শ্রী সিদ্ধ রমেশ্বর মহাস্বামীজীনা অনুভব মন্দপ্পু অমুক হন্না হৌদোক্নবা ৱারেপ লৌখি হায়না ইফমদা তাকপিররি । মহাক্না মসি মফম অসিগী লাইনিংবশিংগী লৈফম অসিদা হৌদোকপা পামখি । মসি য়াম্না হরাওনিঙাইগী ৱাফমনি মদুদি মহাক্কী মংলান অদু শ্রী মুরুঘা রাজেন্দ্র মহাস্বামীগী লমজিং মখাদা মংফাওনরে ।
মরূপশিং, ইং ২০২২দা ঐখোয়গী লৈবাক অসিনা নিং তম্বা ফংখিবগী ৭৫ শুবা চহি পালন পাংথোক্কদৌরি । পালন অসি ঐখোয়না লৈবাক অসিদা লৈরিবা শোত্থরিবশিং অসিগা লোয়ননা পাংথোক্কদ্রা? পাংথোক্লোই । ঐখোয় পুম্নমক্না অনৌবা ভারত অমগীদমক ৱাশক্লি । ৱাশক অসি ঙাকপগী খোংচৎ অসিদা অদোমগী থৌদাং অদুনা হেন্না মপুং ফাহল্লগনি । মহৈ মশিংগী লমদা, নুপীমচাশিং মহৈ মশিং তম্বীবগী লমদা, নহারোলশিংবু মতীক চাহনবগী লমদা, হকশেলগী লমদা, লু নানবগী লমদা, দিজিতেল লিতরেসীগী লমদা, অদোমগী মায়কৈদগীশু খোংথাংশিং পায়খৎপা য়াগদ্রা?
অদোম্না অসিগুম্বা মখলগী লমশিংদা হান্ননা থবক তৌরি হায়বা ঐহাক খংই । অদুবু অকক্নবা মশিং থমদুনা চংশিনবা য়াগদ্রা । লাক্কদৌরিবা চহি অনি অসিদা খুঙ্গং লিশিং ২বু, খুঙ্গং লিশিং ৫বু লমহাংদা অমাং অশোই তৌবদগী লেপহনবা ঙমগনি হায়না ৱারেপ লৌবা ঙম্লগদ্রা । লাক্কদৌরিবা চহি অনি অসিদা অদোম্না খনগৎলবা খুঙ্গং লিশিং ৫দা, য়ুমথোং খুদিংগী এলইদি বল্ব য়ৌহন্নবা ৱারেপ লৌবা ঙম্লগদ্রা ।
মরূপশিং, সরকার অসিনা সেক্তরশিং অসিদা থবক তৌরি অদুবু মীয়ামগী মরক্তা ভাব তাহনবদা, মীয়াম্বু শরুক য়াহনবদা অদোমগী চাওরবা থৌদাং লৈরি । ঐহাক্না থাজবা থম্লি মদুদি অদোম্না খোং থাংজিল্লকপদা মতমদা বিবেকানন্দ লাখ কয়াগী শক্তীনা অদোমগী পান্দম অদু ফংবা ঙমগনি ।
হৌজিক বেলগাবীদা বিবেকানন্দ লিশিং তরা তিল্লরি, মতম অদুদা লাখ কয়া তিল্লরনি । অদোমগী থবক অদু মায় পাক্লগদি ঐখোয়গী সমাজকী ফিভম ফগৎলগনি । এক ভারত-শ্রেষ্ঠ ভারতকী ওইবা স্বামী বিবেকানন্দগী মংলান অদু মংফাওনরগনি ।
ৱাহৈশিং অসিগা লোয়ননা ঐহাক লোইশিনজরগে । অমুক হন্না ফমফমলাংদা লেংশিনবিরিবা সাধু পুম্নমকপু খুরুমজরি । ময়াম পুম্নমকপু নেস্নেল য়ুথ দে অমসুং সর্ব ধর্ম শভাগী য়াইফ পাওজেল পিজরি ।
হন্না হন্না থাগৎচরি !!!
Swami Vivekananda emphasised on brotherhood. He believed that our wellbeing lies in the development of India: PM @narendramodi https://t.co/mH5WSFU7Je
— PMO India (@PMOIndia) January 12, 2018
There was a lot of propaganda against India in the Western world that Swami Vivekananda proved wrong. He also raised a voice against social evils: PM @narendramodi https://t.co/mH5WSFU7Je
— PMO India (@PMOIndia) January 12, 2018
Some people are trying to divide the nation and the youth of this country are giving a fitting answer to such elements. Our youth will never be misled: PM @narendramodi https://t.co/mH5WSFU7Je
— PMO India (@PMOIndia) January 12, 2018
It is India's youth that is taking the Swachh Bharat Mission to new heights: PM @narendramodi https://t.co/mH5WSFU7Je
— PMO India (@PMOIndia) January 12, 2018
India has been home to several saints, seers who have served society and reformed it: PM @narendramodi https://t.co/mH5WSFU7Je
— PMO India (@PMOIndia) January 12, 2018
Seva Bhav is a part of our culture. All over India, there are several individuals and organisations selflessly serving society: PM @narendramodi
— PMO India (@PMOIndia) January 12, 2018
Let us work to make our nation ODF: PM @narendramodi https://t.co/mH5WSFU7Je
— PMO India (@PMOIndia) January 12, 2018
