অদোম্না ফবদগী ফরবা সোলুসনশিংদা থবক তৌরি। লৈবাক অসিগী মাংদা তারিবা শিংনবশিং অসিগী সোলুসন পুথোক্লি, দেতা, দিজিতাইজেসন অমসুং হাই-তেক ফ্যুচরদা ভারত অসিনা পাংথোক্নীংলিবশিং অসি হেন্না ফগৎহল্লি।
মরূপশিং, ঐখোয়না হৌখিবা চহিশিংদা ঐখোয়না ফর-ফরবা সাইন্তিস্ত, অফবা তেক্নিসিয়নশিং, তেক্নোলোজী ইন্তর্প্রাইজগী লুচিংবশিং পীবগীদমক মতম পুম্নমক্তা চাউথোকচৈ। অদুবু মসি ২১শুবা চহি চানি অমসুং য়াংনা হোংলক্লিবা মালেম অসিদা ভারতনা মহাক্কী নীংথিবা থৌদাং লৌনবগীদমক্তা মশাবু য়াংনা হোংহল্লকপা তাবনি।
ৱাখল্লোন অসিগা লোয়ননা ইনোভেসনগীদমক্তা, রিসর্চকীদমক্তা, দিজাইনগীদমক্তা, দিবেলপমেন্তকীদমক্তা, ইন্তর্প্রাইজগীদমক্তা মথৌ তাবা ইকোসিস্তেম অসি থুনা-য়াংনা শেমগৎপা তাবনি। হৌজিক এজুকেসনগী ক্বালিতীদা কন্না শাফু পীরি, ২১শুবা চহি চা অসিদা তেক্নোলোজীগা লোয়ননা মথৌ তাবশিং অদু ফংহনবা ঙম্বা এজুকেসনগী ইকোসিস্তেমগীসু মথৌ তারে।
প্রধান মন্ত্রীনা ই-এজুকেসনগী থৌরাংবু ওইরো নত্ত্রগা অতল ইনোভেসন মিশনবু ওইরো, লৈবাক অসিগী সাইন্তিফিক ওইবা তেম্পরামেন্ত পগৎহনববু ওইরো হিরম কয়াদা স্কোলরশিপ অসি পাকথোক-চাউথোকহনবা ওইরো, নত্ত্রগা শান্ন-খোৎনবগী ওইবা হিরমশিংগা মরি লৈনবা তেলেন্তপু অনৌবা ফেসিলিতীশিং অমসুং শেলগী তেংবাং, রিসর্চপু হেন্না ফগৎহন্নবগী স্কীমশিং ওইরো নত্ত্রগা ভারত্তা মালেমগী থাক্কী ইমিনেন্সকী ইন্সতিত্যুৎ ২০ শাবগী মিশন, ওনলাইন এজুকেসনগীদমক্তা অনৌবা পাম্বৈশিং শেম্বা ওইরো নত্ত্রগা স্মার্ত ইন্দিয়া হেকাথোনগুম্বা কেম্পেন অসিনা ভারতকী এজুকেসন অসি হেন্না অনৌবা মওংদা ওইহন্নবা, মোদর্ন ওইহন্নবা মফম অসিগী তেলেন্তশিংদা মপুং ফাবা খুদোংচাবা ফংহনগনি।
মরূপশিং, হিরম অসিদা নুমিৎ খরনিগী মমাংদা লৈবাক অসিদা অনৌবা এজুকেসন পোলিসী লাওথোকখ্রে। মসিগী পোলিসীশিং অসিনা ২১ শুবা চহি চাগী নহারোলশিং অসিনা খনবা, মখোয়গী মথৌ তাবা, মখোয়না তৌনীংবা-ওইহন্নীংবশিং অদুগী য়েংলগা শেম্নবা পাক-চাউনা হোৎনরি। চহি ৫ ফাওবা লৈবাক শিন-থুংনা মসিগী পোইন্ত খুদিংমক্তা চাউনা দিবেৎ অমসুং দিস্কসন তৌদুনা থাক খুদিংদা পাংথোক্লবা মতুংদা মসিগী পোলিসী অসি শেমখি।
মসিনা অচুম্বা মওংদা ভারত পুম্বগী ওইনা, ভারতকী মংলানগী ওইনা, ভারতকী ৱাখল লৈরবা মীরোল অসিগী অনীংবা-ওইহন্নীংবশিং অদু পুনশিন্নদুনা অনৌবা এজুকেসন পোলিসী অসি ওইরকখি। মসিদা লম খুদিংগী, রাজ্য খুদিংগী অখঙ-অহৈশিংগী ৱাখল্লোনশিং পুনশিন্নখি। মরম অদুনা মসি পোলিসীগী দোকুমেন্ত খক্তা নত্তনা ভারতকী মীওই কোতী ১৩০গী অনীংবশিং অদুগী থক্তোরকপা মঙালসুনি।
মরূপশিং, অদোম্না অদোমগী অনকপদা লৈবা মফমশিংদা উবীরমগনি, হৌজকসু অঙাং কয়ানা খল্লি মদুদি মখোয়শিং অসি মখোয়না তৌনীংদবা হিরম খক্তদা য়ুম্ফম ওইরগা অফ-ফত্ত য়েংই। মমা-মপাগী, মরী-মতাশিংগী, মরূপ-মপাংশিংগী, অকোয়বদা লৈরিবা পুম্নমক্না প্রেসর পীরবদি অতোপ্পনা খনবা সবজেক্তশিং পানরকই। মসিগী মওং অসিনা ঐখোয়গী লৈবাক অসিদা লৈরিবা মীওই কয়া অমদি মখোয়না তম্লকপা মহৈশিং অদুদগী অয়াম্বনা মখোয়দা কান্নহন্দবা ওইহল্লে। দিগ্রী কয়া লৈদুনসু মহাক্না মহাক্না ইৱাৎ-ৱাৎপদৌনা ফাওজৈ। মখোয়গী নুংদা লৈরিবা থাজবা লৈবা তাবনি, মহাক্না অৱাৎপা ফাওরিবা অদু মঙোন্দা থাজবা লৈহল্লকপা তাবনি। মসিগী চৈথেং অসি মাগী মপুন্সি চুপ্পদা লৈগনি।
মরূপশিং, অনৌবা এজুকেসনগী পোলিসী অসিদী মসিগী ৱাখল্লোন অসি হোংহন্নবা হোৎনরি, অহানবদা অৱাৎপশিং অসি লৈহন্দনবা তৌরি। ভারতকী মহৈ-মশিং তম্বগী মওং অসিদা হৌজিক সিস্তেমেতিক ওইবা রিফোর্ম, মহৈ-মশিংগী ইন্তেন্ত অমসুং কন্তেন্ত অনিমক হোংহন্নবা হোৎনরি।
মরূপশিং, ২১শুবা চহি চা অসি ৱাখল-লৌশিংগী য়ুগনি।
মতম অসি লর্নিং, রিসর্চ অমসুং ইন্নোবেসনদা মিৎয়েং থমগদবনি। মসি চপ চানা ভারতকী নেস্নেল এজুকেসন পোলিসী ২০২০দা ওইবদুমক্নি। পোলিসী অসিনা নখোয়গী স্কুল, কোলেজ অমসুং য়ুনিভর্সিতীদা তৌবশিং অদু ফগৎহনবা পাম্মি, মহৈ য়ালহন্নবা ব্রোদ-বেজদা। কনাগুম্বনা নহাক্না পামজবা লম্বীদা লমজিংবীবা ঙম্বা।
মরূপশিং,
নখোয় পুম্বা ভারতকী খ্বাইদগী ফবা অমসুং খ্বাইদগী মঙাল লৈবশিংনি। মসিগী হেকাথোন অসি নখোয়না কোকহন্নবা হোৎনগদবা অহানবা প্রোব্লেম নত্তে, অমদি মসিনা অরোইবসু নত্তে। ঐহাক্না নহা ওইরিবশিংদা লেপ্তনা থবক অহুম তৌহন্নীংই: তমশিনবা, ৱাহং হংবা অমসুং ৱারোইশিন পীবা।
নখোয়না হৈরবা মতমদা ৱাহং হংনবা লৌশিং লৈরকই। নখোয়না ৱাহং হংবদা, নখোয়দা প্রোব্লেমশিং অসি সোল্ব তৌনবা আউৎ-ওফ-বোক্সকী মেথদ অদু ফংই। নখোয়গী হোৎনজমন্না ঐখোয়গী লৈবাক অসি চাউখৎলকই। ঐখোয়গী গ্রহ অসি অৱাৎ-অপা লৈহন্দে।
মরীপশিং,
ভারতকী নেস্নেল এজুকেসন পোলিসীনা মসিগী ৱাখল্লোন অসি ফাওহল্লি। ঐখোয়না স্কুলদগী হেন্দোকখিবদা কান্নফম লৈত্রবা স্কুল বেগকী পোৎলুম অদুদগী মফম হোংদোক্লগনি। পুন্সিদা মতেং ওইরগদবা মহৈগী থৌজালদা। চুম্না চিনফা পুরম্বদগী অচৌবা ৱাখল খলহনবদা। মিৎয়েং হোংদোকপা তাই হায়না মহাক্না ফোঙদোকখি।
চহি কয়াদগী সিস্তেম অসিগী অথিংবশিং অসিনা মহৈরোইশিংগী পুন্সিদা শাথিনা শোকহনখি। হৌজিক্তি মদু লৈররোই! নেস্নেল এজুকেসন পোলিসী অসিনা ভারতকী নহা ওইরিবশিংনা পামজবশিং অদু মমি তাই। মসি সেন্ত্রিক ওইবগী থবক চত্থবা নত্তে। মসি মীশিংগী সেন্ত্রিক অমসুং তুংগী সেন্ত্রিক ওইবনি।
মরূপশিং, ইন্তর্দিসিপ্লিনরী স্তদীদা মিৎয়েং চংবা হায়বা অসি অনৌবা এজুকেসন পোলিসীগী খ্বাইদগী পুক্নীং চিংশিন্নবা মচাক অমা ওইরি। মসিগী ৱাখল্লোন অসি মায়াম্না পাম্নরক্লি। অমদি হৌজিকসু। মফম অমদা মীপুম খুদিংমক চল্লু য়াদে। হিরম অমনা নহাক অসি কনানো হায়বা চপ চানা তাকপা ঙমদে। অনৌবা খরা পুথোক্নবা হোৎনবা অসি লোইবা নাইবা নত্তে। মীওইবগী পুৱারী অসিদা হিরম কয়াদা লোইনা খঙ-হৈবগী খুদম কয়া অমা লৈখ্রে। আর্য়ভত্ত, লিওনার্দো দা ভিন্সী, হেলেন কেলর, গুরুদেব তেগোরনচিংবা কয়া। হৌজিক ঐখোয়না আর্ত, সাইন্স, কম্মর্সকী মরক্তা পনশিং খরা লৈরম্বা অদু লৌথোকখ্রে। কনাগুম্বনা পাম্লগদি মখোয়না অঙ্ক অমসুং ইশৈ অসি পুন্না তম্বা য়াই, নত্ত্রগা কোদী অমসুং কেমিস্ত্রী অসি পুন্না তম্বা য়ারি। মসিনা মহৈরোইশিংদা মখোয়গী অপাম্বা অদুদা মমায় ওনশিলহনগনি। খুন্নাই অসিনা মহৈরোই অদুদা থম্লিবা ৱাখল্লোন অদুদং নত্তবদা। ইন্তর-দিসিপ্লিনরী স্তদিজনা নখোয়বু লাকশিনবা ঙমগনি। চত্থরিবা থবক অদুদা নখোয়দা ফ্লেক্সিবল ওইহনগনি।
নেস্নেল এজুকেসন পোলিসীদা ফ্লেক্সিবিলিতী অসিনা অদুক্কী মতিক কান্নবা পী। মল্তিপল ওইনা এন্ত্রি অমসুং একজিৎ তৌবগী থৌরাং কয়া লৈ। মহৈরোইগী ওইনা লম্বি অমত্তা লৈতে। গ্রেজুএত অসি চহি অহুম নত্ত্রগা মরিগী খোংচৎ ওইবা য়াই। মহৈরোইশিংনা মথৌ তাবা একাদেমিক ক্রেদিৎ পুম্নমক তুংশিনগদবা ক্রেদিৎকী একাদেমিক বেঙ্ক অমগী খুদোংচাবা অসিদা নুংঙাইনা তৌবা য়াই। মসি ত্রান্সফর তৌবা য়াই অমসুং ফাইনেল দিগ্রীদা মশিং থিবা য়াই। অসিগুম্বা ফ্লেক্সিবিলিতী অসি ঐখোয়গী এজুকেসন সিস্তেমদা চহি কয়াদগী হৌনা মথৌ তারকখি। নেস্নেল এজুকেসন পোলিসী অসিনা মসিগী মতাংদা য়াওরিবা অসিদা ঐহাক নুংঙাই।
মরূপশিং, নেস্নেল এজুকেসন পোলিসী অসি প্রাইমরী এজুকেসন্দগী হৌরগা এজুকেসন ফংহনবদা অচৌবা অমা ওইরি। হায়র এজুকেসন্দা, ২০৩৫ ফাওবদা গ্রোস এনরোলমেন্ত রেসিও অসি চাদা ৫০দা হেনগৎহন্নবা পান্দম থম্লি। অতোপ্পা হোৎনরিবশিংদি জেন্দর ইনক্লুজন ফন্দ, স্পিসিএল এজুকেসন জোন্স, ওপন অমসুং দিসতেন্স লর্নিং ওপ্সনশিং অসিদসু মতেং ওইগনি।
মরূপশিং, ঐখোয়গী লৈবাক অসিগী খ্বাইদগী অথোইবা এজুকেসনিস্ত ওইখিবা বাবা সাহেব অম্বেদকরনা এজুকেসন অসি মীপুম খুদিংমক্না ফংবা ঙম্বা অমসুং ফংহনগদবনি হায়না হায়বীখি। মসিগী এজুকেসন পোলিসী অসিনা মহাক্কী ৱাখল্লোন অদুবুসু দেদিকেত তৌগনি। মসিগী এজুকেসন পোলিসী অসিনা থবক থিবগী মহুত্তা থবক শেম্বশিং ওইনা ওইহনবদা পাঙ্গল হাপকনি। হায়বদি, মখল অমদা মসিনা ঐখোয়গী ৱাখল খনবগী মওংদা, ঐখোয়গী থবক তৌবগী মওংদা অদুম্মক রিফোর্ম তৌনবা হোৎনবনি। মসিগী পোলিসী অসিনা মরোমদোম লেপচবা ঙম্বা নহারোলশিং শেমদুনা মখোয়না থবক তৌগদ্রা, সর্ভিস তৌগদ্রা নত্ত্রগা ওন্ত্রপ্রিনর ওইগদ্রা হায়বদু লেপচবা ঙমহনগনি।
মরূপশিং, ঐখোয়গী লৈবাক অসিদা লোন অসি য়াম্না সেন্সিতিব ওইবা হিরম অমা ওইরি। মসিগী মরুওইবা মরমদি ঐখোয়গী লমশিংগী ওইবা লোনশিং অসি মাগী-মাগী ওইরিবা ফীভমদুদা অদুম্মক থাদোক্তুনা থম্মি, মাবু চাউখৎহন্নবা অমসুং ফগৎহন্নবগী খুদোংচাবা অসি য়াম্না তাংনা ফংই। হৌজিক এজুকেসন পোলিসীদা অহোংবা অমা লাকখ্রে, মসিদা ভারতকী লোলশিং অসিগী ফীভম ফগৎহল্লগনি, মখোয়শিং হেন্না চাউখৎহল্লগনি। মসিনা ভারতকী ৱাখল-লৌশিং অসিবুদি হেনগৎহল্লগনি অদুগা অপুনবা শক্তমসু হেনগৎহল্লগনি। ঐখোয়গী ভারতকী লোলশিং অসিদা নীংথিজরবা রচনা কয়া লৈরি, চহি কয়াদগী লৈরক্লবা ৱাখল-লৌশিং লৈরক্লি, খঙউ-উরুবা লৈরক্লি, মসি পুম্নমক অসি হেন্না পাকথোক-চাউথোক্লগনি। ভারতকী লোল কয়া অসি মালেমদা উৎপা ঙমহল্লগনি। খ্বাইদগী চাউনা কান্নগদবা অমদি মসি মহৈরোইশিংদা মাগী চহি হৌরকপদা মাগী মরোন্দা তম্বা ফংহল্লগনি।
মসিদগী মখোয়গী তেলেন্ত অদু হেন্না লৈশাৎ তম্ননবা তাঞ্জা কয়া অমা ফংলগনি, মহাক্না লায়না, কনাগীসু নম্ফু য়াওদনা অনৌবা পোৎশিং তম্নবগী ইনোৎ ফংদুনা মহৈ-মশিং তম্বগা শমজিন্নরকপা ঙম্লগনি। অদুম ওইরগসু ঙসি জি.দি.পি.দা য়েংলগা মালেমগী খ্বাইদগী মকোক থোংবা লৈবাকশিংগী লিস্তা য়েংবা মতমদা অয়াম্বা লৈবাকশিংনা য়ুমগী লোল, মমা লোলদা মহৈ-মশিং তম্মি। মসিগী লৈবাকশিং অসিনা মরৈবাক্কী নহারোলশিং অদুগী ৱাখল্লোনশিং অমসুং খঙ-হৈবা অদু শাগী লোলদগী ফগৎহল্লি অদুগা মালেমগী অতৈ লৈবাকশিংগা ৱারী শান্ননবগীদমক্তা অতোপ্পা লোলশিংদসু থৌনা হাপ্পি। মসিগী পোলিসী অমসুং লাল্লোং অসিনা ২১শুবা চহি চাগী ভারত অসিদসু য়াম্না কান্নহনগনি। তম্বদা পুন্সি চুপ্পা তম্লবসু কোন্নররোইদবা অঙকপা মওংগী লোনগী খাওজাও লৈরি অমদি ঙসি মালেম অসিনা লাংতক্নরি।
মরূপশিং, অনৌবা এজুকেসনগী পোলিসী অসিনা অতোপ্পা অথোইবা ৱাফম অমসু লৈরি। মসিদা লোকেলদা অদুক্কী মতিক মাই পান্দম থম্লিবা অসিগুম্বা মসিবু মালেমগী থাক্তা পুনশিন্ননবগীসু কন্না হোৎনখ্রে। মফমদুগী ওইবা ফোল্ক আর্তশিং অমসুং মহৈশিং, শাস্ত্রগী ওইবা কলাশিং অমসুং ৱাখল-লৌশিং অসি মশানা মফম লৈহন্নবগী ৱাফমদি মালেমগী থাক্তা লৈবা মকোক থোংবা ইন্সতিত্যুসনশিং অসি ভারত্তা কেম্পস হাংনবা হায়রকখ্রে। মসিদগী ঐখোয়গী নহারোলশিং অসি ভারত্তা অদুম্মক মালেমগী থাক্তা পুতোক্তুনা খঙহনবা অমসুং খুদোংচাবসু ফংগনি অদুগা মালেমগী ওইবা চাংদম্নবশিংগী ওইনা হেন্না থৌরাং তৌবসু ঙম্লগনি। মসিদগী মালেমগী থাক্কী ইন্সতিত্যুসন শেম্বদা ভারত অসি গ্লোবেল এজুকেসনগী হব ওইহনবদসু মতেং য়াম্না ফংগনি।
মরূপশিং, লৈবাক অসিগী নহারোলশিংগী পাৱরদা ঐহাক য়াম্না থাজৈ। মসিগী থাজবা অসি করিগী লৈরিবনো, হায়বসি লৈবাক অসিগী নহারোলশিংনা হন্না-হন্না খুদম ফংখ্রে। হন্দক্তা কোরোনা অসি ঙাকথোক্নবগীদমক্তা ফেস শীল্দশংগী দিমান্দ অসি অদুক্কী মতিক হেনগৎলকখি। মসিগী দিমান্দ অসিদা ৩ দি. প্রিন্তিং তেক্নোলোজীদা মপুং ফাহন্নবা তৌবদা য়াম্না অচৌবা মওংদা নহারোলশিংনা থোক্নরকখি। পি.পি.ই.শিং অমসুং মেদিকেল দিভাইসশিংগী ওইনা নহা ওইরিবা ইনোভেতরশিংনা, নহা ওইরিবা ওন্ত্রপ্রিনরশিংনা থোরকখিবা অদু মায়কৈ খুদিংদা শোন্নরি। আরোগ্য সেতুগী এপকী মওংদা নহা ওইরিবা দিভেলপরশিংনা কোবিদ ত্রেকিং তৌনবগীদমক্তা য়াম্না অফবা মওং অমদগী লৈবাক অসিদা অতেনবা মতমদা শেমগত্তুনা পীখি।
মরূপশিং, নখোয় নহারোল খুদিংমক আত্মনির্ভরতাগীদমক্তা ভারত ওইহন্নীংবগী পাংথোক্নবগী শক্তিনি। লৈবাক অসিগী লায়রবশিংনা হেন্না ফবা পুন্সি মহিং ফংনবা, লায়না হিংবা ঙম্নবগী ঐখোয়গী পান্দম অসি ফংনবগীদমক্তা নখোয় নহারোলশিংগী থৌদাং অসি য়াম্না চাউই। ঐহাক্না মতম পুম্নমক্তা ঐখোগী নহারোলশিংনা থেংনবা ঙম্লোইদবা, মাগী সোলুসন পুথোকপা ঙম্লোইদবা লৈবাক অসিদা লাক্কদবা শিংনবা অমত্তা লৈতে হায়না খল্লি। মথৌ তারকখিবা মতম খুদিংমক্তা লৈবাক অসিনা নহা ওইরিবা ইনোভেতরশিং থিরকপা মতমদা মখোয়শিংনা নীংবা কাইহনখিবা লৈখিদে।
স্মার্ত ইন্দিয়া হেকাথোন্দগীসু হৌখিবা চহিশিংদা অঙকপা ফংনা ইনোভেসনশিং লৈবাক অসিনা ফংখি। হেকাথোন অসিগী মতুংদসু অদোম নহা ওইরিবা মরূপশিংনা লৈবাক অসিগী মথৌ তাবশিং অদু খঙবীদুনা লৈবাক অসি আত্মনির্ভর ওইহন্নবগীদমক্তা অনৌ-অনৌবা সোলুসনশিংদা থবক তৌখিগনি হায়বসি ঐহাক্না মপুং ওইনা থাজৈ।
অমুক হন্না অদোম ময়ামদা য়াইফ-পাউজেল পীজরি।
হন্না-হন্না থাগৎচরি।
