ঙসি হিমাচল প্রদেশকী লাহুল-স্পিতিগী সিসুদা পাংথোকপা 'অভার সমারোহ’দা প্রধান মন্ত্রী শ্রী নরেন্দ্র মোদী শরুক য়াখ্রে।
তনেলনা পুরক্কদবা অওনবশিং
মহাক্না থৌমী অমা ওইনা থবক তৌরিঙৈ মতমদা রোহতাং ফাওরগা চৎখিবা শাংলবা লম্বী অমসুং নিংথমথা মতমশিংদা রোহতাং পাসনা মরম ওইদুনা মীয়াম্না খুদোংচাদবশিং মায়োক্নখিবা অদু প্রধান মন্ত্রীনা নিংশিংখি। হায়রিবা মতম অদুদা শ্রী থাকুর এন নেগিগা মহাক্কা উনখিবা অদু মহাক্না নিংশিংখি। মহাক্না হায়খি অৱাবশিং অসি হান্নগী প্রধান মন্ত্রী শ্রী অতল বিহারি বাজপায়িনা ফজনা খঙখি অমসুং মরম অদুনা ২০০০দা তনেল অসি শানবা মহাক্না লাউথোকখি।
প্রধান মন্ত্রীনা হায়খি কিলোমিতর ৯ শাংবা তনেল অসিনা কিলোমিতর ৪৫-৪৬গী অরাপ্পা হন্থহল্লগনি। তনেল অসিনা মরম ওইদুনা লমদম অসিগী মীয়ামগী পু্ন্সিদা অহোংবা পুরক্লগনি। লৌমীশিং, হোর্তিকলচরগী থবক তৌরিবা মীওইশিং, শা-শন লোইরিবশিং, মহৈরোইশিং, ললোনবশিং য়াওনা লাহুল-স্পিতি অমসুং পাঙ্গিগী মীয়ামদা তনেল অসিনা কান্নবা পীরগনি। কৈথেলশিংদা য়াম্না য়াংনা য়ৌদুনা লমদম অসিগী লৌউ-শিংউগী পোৎথোকশিং অমাং-অতা থোকপদগী তনেল অসিনা কল্লগনি। লমদম অসিগী চন্দ্রমুখি অলুশিং অনৌবা কৈথেলশিংদা য়ৌবদা তনেল অসিনা মতেং পাংলগনি। লাহুল-স্পিতি লমদমদা হৌরিবা হিদাক কান্নবা পাম্বীশিং য়োনবা অমসুং লমদম অসি মালেমদা খঙহনবদা তনেল অসিনা মতেং পাংলগনি। ইমুং-মনুংশিংনা মখোয়গী মচাশিং লাইরিক তম্নবা মপান্দা চৎপা অদু তনেল অসিনা হন্থহল্লগনি।
তুরিজম অমসুং থবক ফংবগী খুদোংচাবশিং হেনগৎলকপা
লমদম অসিদা লৈরিবা তুরিজমগী খুদোংচাবশিং পল্লদুনা প্রধান মন্ত্রীনা হায়খি হৌজিক লাহুল-স্পিতি অসি দেব দর্সন অমসুং বুদ্ধ দর্সনগী পুনফম ওইনা অনৌবা শক্তম অমা হাপচিল্লগনি। হৌজিক মালেমগী মীয়াম্না স্পিতি তম্পাক্তা লৈরিবা তাবো মোনাস্ত্রি য়াম্না লাইনা য়ৌবা ঙম্লগনি। লমদম অসি শীনবা থুংনা নোংপোক এসিয়া অমসুং মালেমগী অতোপ্পা লৈবাকশিংগী বুদ্ধিস্তশিংগী য়াম্না চাউবা মফম অমা ওইরগনি। তুরিজম হেনগৎলকপা অসিনা নহারোলশিং থবক ফংনবগী খুদোংচাবা কয়া ফংলগনি।
খ্বাইদগী লাপ্পা মফম ফাওবা য়ৌবা
প্রধান মন্ত্রীনা হায়খি চাউখৎপগী কান্নবশিং মীওই খুদিংমক ফংগদবনি হায়বা সরকারগী পান্দম অদু অতল তনেলনা খুদম ওইনা উৎলে। মমাংদা লাহুল-স্পিতি অমসুং অতোপ্পা অসিগুম মফমশিং মখোয় মরোমদোম থাদোক্তুনা থম্লমখি, মরমদি হায়রিবা মফমশিং অসি মীওই খরগী রাজনিতিগী খুদোংচাবশিং ফংখিদে। অদুবু হৌজিক লৈবাক অসি অনৌবা ৱাখল্লোল অমগা লোয়ন্না থবক পাংথোক্লি অমসুং হৌজিক ভোৎ মশিংদা য়ুম্ফম ওইরগা থৌশিলশিং শেমদ্রে, ভারতমচা অমতা চিৎথহৌদনবা থবক পাংথোকপা অসিনা পান্দম ওইরে। লাহুল-স্পিতি অসি মসিগী অহোংবা অসিগী অচৌবা খুদম অমনি, য়ুমথোং খুদিং তোতি ঈশিং ফংহনবা থৌরাং তৌরিবা জিলাশিংগী মনুংদা লাহুল-স্পিতি য়াওরিবা অসি খুদম অমনি।
প্রধান মন্ত্রীনা হায়খি দলিৎশিং, ত্রাইবেলশিং, অৱাবা নংলবশিং অমসুং তোল্লবশিংগী দরকার ওইবশিং ফংহন্নবা সরকারনা থবক পায়খৎলি। খুঙ্গংদা মৈ ফংহন্নবা, এল.পি.জি গ্যাস কন্নেক্সন পীনবা, তোইলেৎশিং শানবা অমসুং অয়ুশ্মান ভারত য়োজাগী মখাদা অনা-লায়েংগী কান্নবশিং ফংহনবা য়াওনা মীয়ামগী য়াইফনবা সরকারনা থবক কয়া পায়খৎলে। কোরোনাভাইরসতগী ঙাকথোক্নবা মিকুপ-নাহুম শিংনা লৈনবা মীয়ামদা খঙহল্লদুনা মহাক্কী ৱারোল অদু লোইশিনখি।
अटल टनल के बनने से लाहौल-स्पीति और पांगी के किसान हों, बागवानी से जुड़े लोग हों, पशुपालक हो, स्टूडेंट हों, नौकरीपेशा हों, व्यापारी-कारोबारी हों, सभी को लाभ होने वाला है।
— PMO India (@PMOIndia) October 3, 2020
अब लाहौल के किसानों की गोभी, आलू और मटर की फसल बर्बाद नहीं होगी बल्कि तेज़ी से मार्केट पहुंचेगी: PM
स्पीति घाटी में स्थित देश में बौद्ध शिक्षा के एक अहम केंद्र ताबो मठ तक दुनिया की पहुंच और सुगम होने वाली है।
— PMO India (@PMOIndia) October 3, 2020
यानि एक प्रकार से ये पूरा इलाका पूर्वी एशिया समेत विश्व के अनेक देशों के बौद्ध अनुयायियों के लिए भी एक बड़ा सेंटर बनने वाला है: PM
ये टनल इस पूरे क्षेत्र के युवाओं को रोज़गार के अनेक अवसरों से जोड़ने वाली है।
— PMO India (@PMOIndia) October 3, 2020
कोई होम स्टे चलाएगा, कोई गेस्ट हाउस, कोई ढाबा, कोई दुकान करेगा तो वहीं अनेक साथियों को गाइड के रूप में भी रोज़गार उपलब्ध होगा: PM
अब देश में नई सोच के साथ काम हो रहा है।
— PMO India (@PMOIndia) October 3, 2020
सबके साथ से, सबके विश्वास से, सबका विकास हो रहा है।
अब योजनाएं इस आधार पर नहीं बनतीं कि कहां कितने वोट हैं।
अब प्रयास इस बात का है कि कोई भारतीय छूट ना जाए, पीछे न रह जाए।
इस बदलाव का एक बहुत बड़ा उदाहरण लाहौल-स्पीति है: PM
