Share
 
Comments
The fundamentals of our economy are sound. We are well set to become a 5 trillion dollar economy in the near future: PM
In the last four years, we have jumped 65 places in the World Bank’s Ease of Doing Business ranking, to 77th: PM Modi
Research and innovation would be the driving force in 4th industrial revolution era: PM Modi

ইকায়খুম্নরজবা,

ত্রেদ, ইন্দস্ত্রী অমসুং ইনর্জী মিনিস্তর, য়ুনমো সুং,

শক্নাইরবা ললোন-ইতিক্কী লুচিংবশিং,

মরূপশিং,

অদোম ময়ামগা সিওলদা উনবদা ঐ অপেনবা পোকই। মসি শুপ্নগী থা ১২গী মনুংদা কোরিয়াগী ললোন-ইতিক্কী লুচিংবশিংগা ঐগা উনবা অহুমলক শুবনি। মসি থওইনা উনবনি। কোরিয়াগী ললোন-ইতিক্কী থবকশিং হেন্না ভারত্তা থৱায় য়াওবা হেল্লক্কনি হায়না ঐনা থাজবা থম্লি। ঐনা গুজরাতকী মুখ্য মন্ত্রী ওইরিঙৈ মতমদসু, ঐ কোরিয়াদা চৎখি। হৌজিক ফাওবা কোরিয়া অসি ঐগী মফমদা শেন-থুম চাউখৎনবগী তমজনফম অমা ওইদুনা লৈরি।

মরূপশিং,

মীওই বিলিয়ন ১.২৫ লৈরবা লৈবাক অমা ওইনা ঙসি ভারত অচৌবা অওনবা কয়া লৈরে।

লৈবাক অসি হোংলক্লি:

• লৌউ-শিংউনা মাংজিল থাবা ইকোনোমী অমা ওইরম্বদগী ইন্দস্ত্রী অমসুং সর্বিসনা লুচিংবা ইকোনোমী অমা ওইরে;

• মালেমগী ওইনা অমগা অমগা শম্নরবা ইকোনোমী অমা ওইরে;

• মতম অমদা ৱাচৎ-ৱানোমগী মমিং লৈরবা ইকোনোমী অমা ওইরম্বা অদু হৌজিক তরাম্না ওকপগীদমক মমিং লৈরে।
ভারত খুদোংচাবা কয়া মরাং কাইনা লৈবা লৈবাক অমা ওইরে। ঐখোয়না ভারতকী মঙলান মঙফাওন্নবা থবক তৌরকপা মতমদা, ৱাখল মান্নবা লৈবাকশিং ঐখোয়না থিরি। মখোয়গী মরক্ত, খা-কোরিয়া অসি অশেংবা মরূপ অমনি হায়না ঐখোয়না লৌরি। হৌখিবা চহি কয়া অসিদা ভারত-কোরিয়াগী ললোন-ইতিক্কী মরি অসি মতম শাংনা চৎথদুনা লাক্লি অমসুং হৌখিবা চহি খর অসিদা হেন্না নকশিন্নরক্লি। কোরিয়াদা ললোন-ইতিক তৌমিন্নরিবা মাংজিল থাবা লৈবাক ১০গী মনুংদা ভারত য়াওরি অমসুং ভারত অসি কোরিয়াগী পোৎ-চৈ মপান্দা থাদোকফম ওইবা খ্বাইদগী চাউবা ৬সুবা লৈবাক ওইরি। ২০১৮গী ওইনা ঐখোয়গী ললোন-ইতিক্কী ভোল্যুম অসি দোল্লর বিলিয়ন ২১.৫ য়ৌরে। ২০৩০ফাওবদা নাকল অনিগী ললোন-ইতিক্কী ভোল্যুম দোল্লর বিলিয়ন ৫০ য়ৌহন্নবা ইকোনোমীক পার্তনরশিপ এগ্রিমেন্ত অমা লৈহন্নবা ৱারী শানরি। ললোন-ইতিক্কী থবক খক নত্তনা, শেন থাদরকপদসু অফবা অহোংবা কয়া লাকপা ঐখোয়না উরে। কোরিয়ানা ভারত্তা থাদরকপা শেনফম অসি দোল্লর বিলিয়ন ৬ য়ৌরে।

মরূপশিং,

২০১৫দা ঐনা কোরিয়াদা চৎলুরবা মতুংদা, ঐখোয়না কোরিয়া প্লস কৌবা অখন্নবা কোরিয়াগী ফেসিলিতেসন সেল অমা ইনভেস্তরশিং লমজিংনবা ইনভেস্ত ইন্দিয়াগী মখাদা হাংদোকখি। হুন্দাই, সামসুং, এল জি ইলেকত্রোনিক্স অসি ভারত্তা থাজরবা ব্রান্দশিং ওইরে। মসিদা কিয়াসু অথুবদা শরুক য়ারগনি। কোরিয়াগী কম্পেনী ৬০০ হেন্না ভারত্তা শেন থাদরি। অহেনবা কয়া তরাম্না ওক্নবা ঐখোয়না শেম-শারি। অদোমগী নুংঙাইনবা, হৌখিবা চহিগী ওক্তোবরদগী কোরিয়ামচাশিংগী ওইনা ভিসা ওন এরাইবেলগী খুদোংচাবা লৈরে। ভারত্তা কোরিয়ন ত্রেদ ওফিসশিং হাংদোক্নবা ঐখোয়না পুক্নীং থৌগৎলি। অহমেদবাত্তা হন্দক কোত্রাগী ৬সুবা ওফিস হাংদোকপদা ঐ হরাওই। হৌজিক ভারত্তা করি ওইরিবগে হায়বদু ঐ খরা মখা তানা হায়জগে। ঐখোয়গী শেন-থুমগী ফিবম মরা চেৎলে। তুংদা ঐখোয় দোল্লর ত্রিলিয়ন ৫গী ইকোনোমী অমা ওইনা থৌরাং তৌরি। চহি খুদিংগী ওইনা মালেমগী অচৌবা ইকনোমী অমত্তা চাদা ৭ গ্রোথ লৈতে। হৌখিবা চহি মরি অসিদা ৱার্ল্দ বেঙ্কগী ইজ ওফ দুইং বিজিনেস রেঙ্কিংদা মফম ৬৫ হাইগৎলক্তুনা হৌজিক ৭৭সুবা মফমদা লৈরে। মথং চহিদা মকোক ৫০গী মনুংদা য়াওনবা ঐখোয়না পান্দম থম্লি। ঙসি ঐখোয় অসি ফোরেন দাইরেক ইনভেসমেন্তগী খ্বাইদগী মনীং তম্বা লৈবাকশিংগী মরক্ত অমা ওইরে। ঐখোয়গী সেক্তরশিংদা চাদা ৯০ হেন্না ওতোমেতিক রুতশিংদা অয়াবা ফংখি। মসিগী মহৈ ওইনা হৌখিবা চহি মরি অসিদা ঐখোয়না দোল্লর বিলিয়ন ২৫০গী এফ দি আই ফংখি।

মরূপশিং,

ভারত্তা ঐখোয়না পুন্না চাউখৎমিন্ননবা ঐখোয়না হোৎনরি। মসিগীদমক ঐখোয়না শেন-থুমগী কান্নবশিং পুন্না ফংহন্নবা অকনবা থবকশিং পায়খৎলি। হৌখিবা চহি ৩দা ঐখোয়না বেঙ্ক একাউন্ত লৈত্রিবশিংগী অনৌবা বেঙ্ক একাউন্ত মিলিয়ন ৩০০ হেন্না হাংদোকখি। হৌজিক ভারতকী য়ুমশিংগী চাদা ৯৯ বেঙ্ক একাউন্ত অমা লৈরে অমসুং হায়রিবা একাউন্তশিং অসিদা দোল্লর বিলিয়ন ১২ হেন্না থমজিল্লে। মুদ্রা স্কিমগী মখাদা মীওই মিলিয়ন ১২৮দা দোল্লর বিলিয়ন ৯০গী লোন হৌখিবা চহি অহুম অসিদা পীখ্রে। হায়রিবা লোনশিং অসিগী চাদা ৭৪ নুপীশিংদা পীরি। মমাংদা বেঙ্কগী খুদোংচাবা ফংদ্রিবশিংদা সবসিদীশিং অমসুং থবকশিং ফংহন্নবা ঐখোয়না বাইওমেত্রিক আইদেন্তিতী সিস্তেম, বেঙ্ক একাউন্তশিং অমসুং মোবাইল ফোনশিং শীজিন্নরি। নারোলদা লৌথোকপা লৈহন্দনা সরকারনা দোল্লর বিলিয়ন ৫০ হেনবগী শেনফম কান্নবা ফংগদবশিংদা হকথেংননা য়ৌহল্লে। খুঙ্গংদা মৈ ফংহনবগী থবক ঐখোয়না ফজনা পায়খৎলে। ২০১৮দা ইন্তর্নেস্নেল ইনর্জী এজেন্সীনা ভারত অসি খুঙ্গংদা মাইপাক্না মৈ ফংহনবগী হৌজিক মশক খঙলে। ঐখোয়না মালেমদা রেন্যুএবল ইনর্জী পুথোকপা খ্বাইদগী চাউবা তরুকশুবা লৈবাক ওইরে। ঐখোয়না ইন্তর্নেস্নেল সোলার এলাইন্স শেম্নবা মাংজিল থানা হোৎনদুনা মৈখু থাংদবা মালেম অমা ওইহন্নবা ভারতনা মাংজিল থারি। হায়রিবা থবকশিং অসিনা লৈবাক অসিগী মফম কয়াদা লৈরিবা মীয়ামগী পুন্সি মহিংদা অহোংবা পুরকলে।

মরূপশিং,

শেন-থুম চাউখৎপা অসি মালেম থাক্কী ইনফ্রাস্ত্রকচর লৈবগা নক্নবা মরি লৈনৈ। মসি ত্রান্সপোর্ত, পাৱর, হিথাংফমশিং, জহাজ শাবা, হাওসিং অমসুং শহর শেমগৎপা ওইগেরা হায়রিবা থবকশিং অসিগী মতেং কয়া ভারতনা কোরিয়াদগী লৌবা দরকার ওইরি। ২০২২ ফাওবদা ইনফ্রাস্ত্রকচরগী দোল্লর বিলিয়ন ৭০০ ইনভেস্ত তৌবা দরকার ওইরি। সাগরমালা প্রোজেক্তকী মখাদা দোল্লর বিলিয়ন ১০ হেনবগী ইনভেসমেন্ত হিথাংফমশিং শেমগৎনবা দরকার ওইরি। ২০২৫ ফাওবগী মনুংদা ভারতকী মীওই মিলিয়ন ৫০০ হেন্না শহরদা লৈগনি অমসুং মসিনা ভারত্তা স্মার্ত সিতী কয়া শেমগৎনবা মতেং পীনবা থোং লাওনা হাংলি।

ভারতকী প্রোজেক্তশিংদা থাদনবা কোরিয়াগী ইকোনোমিক দিবলপমেন্ত কোওপরেসন ফন্দ এন্দ এক্সপোর্ত ক্রেদিৎগী মখাদা ভারত অমসুং কোরিয়ানা দোল্লর বিলিয়ন ১০ মশক খঙদোক্লে। নেস্নেল ইলেকত্রিক মোবিলিতী মিসন্না অহোংবা মমলদা শীজিন্নবা য়াবা ইলেকত্রিক্কী গারীশিং শানবা পান্দম থমলি। খা কোরিয়া অসি ইলেকত্রিক্কী গারীশিং শাবদা মাংজিল থাবা লৈবাক অমা ওইবনা মসিগী সেক্তরদা ভারত্তা খুদোংচাবা কয়া লৈরে।

মরূপশিং,

৪সুবা ইন্দস্ত্রীয়েল রিভোলুসন্দা রিসর্স অমসুং ইন্নোবেসন অসি মরুওইবা অমা ফোর্স অমা ওইগনি। মসিদা মতেং পাংনবা সরকারগী থৌদাং অদু ঐখোয়না খঙলে। মসিগী মতাংদা ঐখোয়না ভারত্তা স্তার্তঅপ ইকোসিস্তেম অমা শেমগৎনবা চহি মরিগী ওইনা দোল্লর বিলিয়ন ১.৪গী স্তার্তঅপ ইন্দিয়া ঐখোয়না হৌদোকলে। স্তার্তঅপশিং অমসুং ভেঞ্চর নুংঙাইনবা ফিবমশিং শেমগৎনবা ২০২০ ফাওবদা দোল্লর বিলিয়ন ৯.৪ চাদিং তৌগদবা থৌরম অমা প্রসিদেন্ত মুনগী লমজিং মখাদা খা কোরিয়ানা পায়খৎলে।

হায়রিবা থবকশিং অদুদা ভারত অমসুং কোরিয়ানা পামজবা মান্নবা থবকশিং য়াওরি। ইন্দিয়া-কোরিয়া স্তার্তঅপ সেন্তরনা কোরিয়াগী স্তার্তঅপশিংগী মফম অমা পীগনি অমসুং ভারতকী তেলেন্তশিং য়োকখৎকনি। ভারত্তা কোরিয়াগী স্তার্তঅপশিং খুদোংচাবা পীনবা সাউথ কোরিয়ন নেস্নেল আই তি ইন্দস্ত্রী প্রোমোসন এজেন্সীগী ভারতকী ওফিস বেঙ্গালুরুদা হাংদোক্লে। ইন্নোবেসনগী লমদা লৈবাক অনিনা ইন্দিয়া-কোরিয়া ফিচর স্ত্রাতেজী গ্রুপ অমসুং ইন্দিয়া-কোরিয়া সেন্তর ফোর রিসর্স এন্দ ইন্নোবেসন কোওপরেসন লিংখৎনবা ৱারেপ লৌরে অমসুং মসিনা রিসর্স, ইন্নোবেসন অমসুং ইন্ত্রপ্রিনরসিপতা তুংকোইনা মতেং পীন্নবা ঙাক্লৌ পীগনি।

মরূপশিং,

ঐখোয়গী মীয়ামগী মঙলানশিং মঙফাওননবা কোরিয়াগা থবক তৌমিন্নবা অসি ঐখোয়গী অপাম্বনি। ললোন-ইতিক্কী লুচিংবশিংনা মঙ মঙদ্রবদি সরকারশিং খক্তনা হোৎনবনা মঙফাওনবা ওইথোক্লোই। কোরিয়াদা ঙাংনবা ৱাফম অমনা ঐগী ৱারোল লোইশিঞ্জগে।

“করিগুম্বা নহাক্না য়াংনা চৎনিংলবদি নথন্থদা চৎলু, করিগুম্বা নহাক্না লাপ্না চৎনিংলবদি পুন্না চৎমিন্নৌ” হায়রিবা ৱাফম অসি ঐ মপুংফানা য়ানীংই।

অদোমবু থাগৎচরি।

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex kitty continues to swells, scales past $451-billion mark

Media Coverage

Forex kitty continues to swells, scales past $451-billion mark
...

Nm on the go

Always be the first to hear from the PM. Get the App Now!
...
Prime Minister inteacts with scientists at IISER, Pune
December 07, 2019
Share
 
Comments

Prime Minister, Shri Narendra Modi today interacted with scientists from Indian Institute of Science  Education and Research (IISER) in Pune, Maharashtra . 

IISER scientists made presentations to the Prime Minister on varied topics ranging from  New Materials and devices for Clean Energy application to Agricultural Biotechnology to Natural Resource mapping. The presentations also showcased cutting edge technologies in the field of Molecular Biology, Antimicrobial resistance, Climate studies and Mathematical Finance research.

Prime Minister appreciated the scientists for their informative presentations. He urged them to develop low cost technologies that would cater to India's specific requirements and help in fast-tracking India's growth. 

Earlier, Prime Minister visited the IISER, Pune campus and interacted with the students and researchers. He also visited the state of the art super computer PARAM BRAHMA, deployed by C-DAC in IISER, which has a peak computing power of 797 Teraflops.

The Indian Institute of Science Education and Research (IISERs) are a group of premier science education and research institutes in India. 

Prime Minister is on a two day visit to attend the DGP's Conference in Pune.