Share
 
Comments

ঙসি প্রধান মন্ত্রী নরেন্দ্র মোদীনা ইকোনোমীক তাইম্স গ্লোবেল বিজিনেস সমিৎতা ৱা ঙাংখ্রে।

মহাক্না হায়খি, ২০১৩-১৪গী মতমদগী হৌনা ভারতনা পোৎ মমল হেনগৎপা, ফিসিকেল দিফিজিৎ ৱাংবা অমসুং থৌশিল শোইবগী খুদোংচাদবা কয়া থেংনখি অমসুং অহোংবশিং হৌজিক উবা ফংলে। চিংনবশিং থাজবনা মহুৎ শিল্লে অমসুং অপনবশিং থাজবনা মহুৎ শিল্লে।

প্রধান মন্ত্রীনা হায়খি, ২০১৪দগী হৌনা ভারতনা ইন্তর্নেস্নেল রেঙ্কিং অমসুং ইন্দেক্সশিংদা শিংথাবা য়ানা ফগৎলক্লে। রেঙ্কিংশিং অসি থবক ওইনা পাংথোক্লবা মতুংদা তুংদা পীরকপনি। মসিগী মতাংদা খুদম ওইনা পীরদুনা মহাক্না হায়খি, ইজ ওফ দুইং বিজিনেস অসি হিরম কয়াদা ফগৎলকপা ঐখোয়না লাইনা উবা ফংলে।

মহাক্না হায়খি, ভারতকী গ্লোবেল ইন্নোবেসন ইন্দেক্স অসি ২০১৪দা ৭৬ ওইরম্বদগী ২০১৮দা ৫৭তা লৈরে, ইন্নোবসনগী থবক ফগৎলকপা অসি উবা ফংলে। হৌজিক অমসুং ২০১৪গী মমাংদা লৈরম্বা তোঙান-তোঙানবা মখলগী চাংদম্নবা মওংশিং প্রধান মন্ত্রীনা পুথোকখি।

মহাক্না হায়খি, হৌজিক চাংদম্নবা অসি চাউখৎপনা ওইরি অমসুং সেনিতেসন মপুংফানা ফংহনবা নত্ত্রগা মৈ মপুংফানা ফংহনবা নত্ত্রগা শেন য়াম্না থাদরকপা অসিগী পান্দমশিং ফংনবা হোৎনরি। মমাংদা থেংথবা অমসুং শেঞ্জা-থুমগী চাংদম্নবা কয়া লৈখি। ভারতনা পাংথোকপা ঙমদবা থবক অয়াম্বা হৌজিক ৱারী ওইদুনা লৈহৌরে।

মহাক্না হায়খি, ওইথোক্তবশিং হৌজিক থবক ওইনা পাংথোকপা ঙম্লে, অনানবা অমসুং শেঞ্জা-থুমজা লৈতবা ভারত অমা ওইনা মাংলোমদা চংশিল্লি; লায়রবশিংনা তেক্নোলোজীগী কান্নবা ফংনবা অমসুং থৌশীল শেম্বদা মীচং-মীখাই নাইবা লৌথোক্নবা হোৎনরি। সরকারনা চাউখৎ-থৌরাংগী অমসুং লায়রবশিংগী য়াইফনবা মতম অমদা থবক পাংথোকপা ঙম্লোই হায়না থাজনবা অমা লৈখি, অদুবু ভারতকী মীয়াম্না থবক অদু পাংথোকপা ঙমহল্লে।

মহাক্না হায়খি, ২০১৪দগী ২০১৯ফাওবগী মনুংদা, লৈবাক অসিদা চাংচত্তা গ্রোথ চাদা ৭.৪ লৈখি অমসুং ইনফ্লেসন চাদা ৪.৫গী মখাদা লৈখি। লিবেরেলাইজেসন মতুংগী ভারতকী ইকোনোমীদা মসিনা চাংচত্তা খ্বাইদগী ৱাংবা গ্রোথ রেত ওইখি অমসুং সরকার অমা হেক্তগী মতমদা লৈখিবা খ্বাইদগী নেম্বা ইনফ্লেসন রেত ওইখি।

প্রধান মন্ত্রীনা হায়খি, হৌখিবা চহি মরিদা লৈবাক অসিনা ফংখিবা এফ দি আই অসি ২০১৪গী চহি ৭গী মমাংদা ফংখিবা অদুগা মান্নখি। মসি ফংনবা ভারতনা অওনবা কয়া পুরকপা দরকার ওইখি। বেঙ্করপসী কোদ, জি এস তি, রিয়েল ইস্তেৎ এক্ত হায়রিবা মমিং পনবা য়াবা খরা অসিগী খুৎথাংদা চহি কয়া গ্রোথ লৈনবগী য়ুম্ফম ওইখি।

মহাক্না হায়খি, ভারত অসি অনিংবা ক্রোর ১৩০ লৈবা লৈবাক অমনি অমসুং চাউখৎপা অমসুং নুংঙাইবগী অমা খক্ত ওইবা মীৎয়েং য়েংবা য়াদে। ঐখোয়না পাম্লিবা অনৌবা ভারত অসিদা শেন-থুমগী ফিবম, কাংলুপ, জাৎ, লোন অমসুং ধর্ম্মগী খেন্নবা থমদনা খুন্নাইগী কাংলুপ খুদিংমক কোনশিনগনি। অনৌবা ভারত অমগী ঐখোয়গী পান্দম আসি তুংগী লাক্কদবা শিংনবশিং থেংনবা অমসুং হৌখ্রবা মতমগী খুদোংচাদবশিং ৱারোইশিন পুরকপনি।

মসিগী মতাংদা, মহাক্না মখাগী খুদমশিং অসি পীখি:

  • ভারতনা লৈবাক অসিগী খ্বাইদগী য়াংবা ত্রেন শারে, লৈবাক অসিনা মী শেন্নদবা রেলৱেজ ক্রোসিং পুম্নমক লৌথোক্লে।
  • ভারতনা আই আই তিশিং অমসুং এ আই আই এম এসশিং য়াংনা শাগৎলে, লৈবাক অসিনা স্কুলশিংদা তোইলেতশিং শারে।
  • ভারতনা লৈবাক শীনবা থুংনা স্মার্ত সিতী ১০০ শাগৎলে, লৈবাক অসিনা এস্পিরেস্নেল দিস্ত্রিক ১০০ শেমগৎলি।
  • ভারত মপান্দা মৈ য়োনবা লৈবাক অমা ওইনা, লৈবাক অসিনা নীংতম্বদগী মমদুনা লাক্লবা য়ুমথোং ক্রোর কয়া মৈ ফংহল্লে।

সোসিয়েল সেক্তরদা অফবা অওনবা পুরক্লিবশিং অসিগী মতাংদা প্রধান মন্ত্রীনা হায়খি, চহি খুদিংগী অপীকপা অমসুং লায়রবা লৌমী ক্রোর ১২দা অমদা লুপা ৬০০ পীনবা সরকারনা থবক পায়খৎপা হৌরে। মসিনা মথং চহি ১০দা ঐখোয়গী লৌমীশিংদা লুপা ক্রোর লাখ ৭.৫ পীগনি।

মহাক্না হায়খি, ঐখোয়না মীৎয়েং থম্লিবা দিজিতেল ইন্দিয়া, স্তার্ত-অপ ইন্দিয়া, মেক ইন ইন্দিয়া অমসুং ইন্নোবেত ইন্দিয়াগী মহৈ চাবা হৌরে। ভারত্তা রেজিস্তার তৌরিবা স্তার্ত অপশিংগী চাদা ৪৪দি তয়ার ২ অমসুং তয়ার ৩গী শহরশিংদগীনি। ঐখোয়গী লৈবাক অসিদা তেক্নোলোজীনা লায়রবশিং অমসুং ইনাকখুনবশিং মরক্তা লৈরিবা অহোবশিং মেনশিনবা ঙম্লে।

প্রধান মন্ত্রীনা হায়খি, ভারত অসি দোল্লর ত্রিলিয়ন ১০গী ইকোনোমী অমা শেমগৎনবা, রেন্যুএবল ইনর্জী ফংফম ওইবদা মালেমগী মাংজিল থানবা, ইলেকত্রি্কীক গারীশিং শাবদা ভারতনা মকোক্তা লৈনবা অমসুং ইনর্জী তুংশিন্নবা খুৎলাইশিং শাবদা মাংজিল থানবা সরকারনা থবক পায়খৎলি।

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Click here to read full text speech

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
‘Salute and contribute’: PM Modi urges citizens on Armed Forces Flag Day

Media Coverage

‘Salute and contribute’: PM Modi urges citizens on Armed Forces Flag Day
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 8 দিসেম্বর, 2019
December 08, 2019
Share
 
Comments

PM Narendra Modi had an extensive interaction with Faculty and Researchers at the Indian Institute of Science Education and Research, Pune over various topics

Central Government approved the connectivity of three airports of Odisha under UDAN Scheme

Netizens praise Modi Govt. efforts in transforming India into New India