প্রধান মন্ত্রী শ্রী নরেন্দ্র মৌদীনা তেক্সাসকী হৌস্তোন্দা শ্রী সিদ্ধি ভিনায়ক লাইশং অমসুং হৌস্তোন ইভেন্ত সেন্তরগী গুজরাতি সমাজ শঙ্গাখ্রে। ‘হাওদী মোদী’ থৌরমগী মতুং তেক্সাস ইন্দিয়ান ফোরম্না শিন্দুনা পাংথোকপা ইন্দিয়ান কমুনিতী রিসিপসন থৌরমদা মহাক শরুক য়াখি।
প্রধান মন্ত্রীনা হৌস্তোন্দা ইতর্নেল গান্ধী ম্যুজিয়ম শানবা লৈবাক তৌবা হৌবগী খুদম ওইনবা প্লেক অমসু মায়খুম হাংদোকখি।
শঙ্গাবগী থৌরম লোইরবা মতুং মীয়াম তিনখিবা অদুদা ৱা ঙাংলদুনা প্রধান মন্ত্রীনা মখোয়বু ‘হাওদী মোদী’ শিল-লাংবগীদমক থাগৎপা ফোংদোকখি। মহাক্না হায়খি, “ময়াম পুম্নমক্না ভারত-অমেরিকাগী লৈনরিবা মরীশিংগা মরি লৈননা মশেক-মঙাল লৈবা তুংলমচৎ অমগীদমক স্তেজ অমা শেমলে। ময়াম পুম্নমকপু ঐহাক্না থাগৎচরি।”
ইতর্নেল গান্ধী ম্যুজিয়মগী মতাংদা ঙাংলদুনা প্রধান মন্ত্রীনা হায়খি মদুদি ম্যুজম অসি হৌস্তোন্দা মমল য়াম্লবা কলচরেল লেন্দমার্ক অমা ওইরগনি। প্রধান মন্ত্রীনা মখা তাখি, “মতম খরগী ওইনা ঐহাক হোৎনরিবা অসিগী শরুক ওইখি। মসিনা মহাত্মা গান্ধীগী ৱাখল্লোনশিং অদু নহাশিংগী মরক্তা শুংশোই শোইদনা পাম্নহল্লগনি।”
য়ামদ্রবদা ইমুং মঙাবু লমকোইবা ওইনা ভারত্তা চৎনবা হায়নবা প্রধান মন্ত্রীনা ইন্দিয়ান কমুনিতীদা অপিল তৌখি। মখোয়না চৎপা মফম খুদিংদা মখোয়গী মমালোনগা শোক্ন-শম্ননবা মহাক্না ইন্দিয়ান-অমেরিকান কমুনিতীদা তকশিনখি।
