Share
 
Comments
The time is ripe to redefine ‘R&D’ as ‘Research’ for the ‘Development’ of the nation: PM Modi
Science is after all, but a means to a far greater end; of making a difference in the lives of others, of furthering human progress and welfare: PM
An 'Ethno-Medicinal Research Centre' has been set up in Manipur to undertake research on the wild herbs available in the North-East region: PM
State Climate Change Centres have been set up in 7 North-Eastern States: PM Modi
Our scientific achievements need to be communicated to society. This will help inculcate scientific temper among youth, says the Prime Minister
We are committed to increasing the share of non-fossil fuel based capacity in the electricity mix above 40% by 2030: Prime Minister
We have set a target of 100 GW of installed solar power by 2022: PM Narendra Modi
We have to be future ready in implementing technologies vital for the growth and prosperity of the nation, says PM Modi
I call upon the scientific community to extend its research from the labs to the land: PM

মনিপুরগী রাজ্যপাল, দা: নাজমা হেপতুলা,

মনিপুরগী চীফ মিনিস্তর, শ্রী এন বিরেন সিংহ,

ঐগী মিনিস্তর, দা: হার্স ভরধন

দাইজদা ফমলিবা অতৈ শক্নাইরবশিং

ইবুঙো, ইবেম্মাশিং,

হন্দক ঐখোয়গী ইরক্তগী চৎখ্রবা ভারতকী শক্নাইরবা সাইন্সতিষ্ট অহূম- পদ্ম ভিবুষন প্রোফেসার য়াসপাল , পদ্ম ভিবুষন প্রোফেসার য়ু আর রাও অমশুং পদ্ম শ্রী দা: বালদেব রাজগী মফমদা ঐহাক্না অহানবদা ইকায়খুম্নবা উৎচরি । ভারতকী সাইন্স অমশুং মহৈ-মশিংদা মখোয়না মশক থোকপা থবকশিং তৌরমখি ।

মোর্দন কোস্মোলোজিগী অঙানবা থৱান্মিচাক, ঐখোয়গী মতম অসিগী মশক্নাইরবা ফিজিসিষ্ট ষ্টেফেন হাওকিন লৈখিদবদা মালেমগী ওইনা অৱাবা ফোংদোক্লিবা অসিদা ঐখোয়শু শরুক য়ামিন্নসি । মহাক ভারতকী মরুপনি অমশুং ঐখোয়গী লৈবাক্তা অনিরক লাক্লম্লে । মহাক্কী ব্লেক হোলগী মরমদা মীচম মীয়াম্না হাওকিনগী মমিং খঙবা নত্তে, ঐখোয়না মায়োক্নরিবা কয়াগী মরমদা মহাক্না পীখিবা তোখায়বা মহাক্কী ৱারোলশিং অদুগী শক খঙবনি । মহাক মতম চুপ্পদা মালেমগী খ্ৱাইদগী চাওবা মোতিবেতর ওইনা নিংশিংদুনা লৈহৌরগনি।

মরুপশিং,

১০৫ শুবা ইন্দিয়ান সাইন্স কংগ্রেসগী মীফমদা ঙসি ঐ ইম্ফালদা লাকপদা হরাওই । তুংগী য়াইফনবা লম্বী য়াৎলিবা সাইন্সতিষ্টশিংগী মরক্তা লৈবদা ঐ অপেনবা পোকই । মনিপুর য়ুনিভরসিতিনা অসিগুম্বা মরুওইবা থৌরম অমা য়ুম্বু ওইবদা ঐ অপেনবা পোকই । য়ুনিভরসিতি অসি অৱাং-নোংপোক্তা অৱাংবা থাক্কী মহৈ তম্বগী য়াম্না মরুওইবা মফম অমা ওইরক্লি । চৎলিবা চহিচা অসিদা অৱাং-নোংপোক্তা ইন্দিয়ান সাইন্স কংগ্রেসগী মীফম পাংথোকপা অসি হন্দক্কী অসিনা অনিশুবনি । মসি অৱাং-নোংপোক ফগৎলকপগী খুদম অমনি ।

মসিনা তুংগী লম্বী শেম্ৱনি । নিংশিংবা থোক্ত্রিঙৈ মতমদগী সাইন্স অসি চাওখৎপা অমশুং নুংঙাইবগী মশক অমা ওইদুনা লাক্লি। সাইন্সগী লমদা লৈবাক অসিগী খ্ৱাইদগী হৈ-শিংলবা ময়াম অমা মফম অসিদা পুল্লে অমশুং অহোঙবা অমা পুরকপদা মতেং পাংবা ঙম্লগনি ।

আর অমশুং দি অসি লৈবাক্কী চাওখৎনবনি হায়না ফোঙদোকপা মতম চারবনি। সাইন্সগী মরুওইবা পান্দমদি মীওইবা খুন্নাইগী চাওখৎনবা অমশুং নুংঙাইনবা থবক তৌবনি । সাইন্স অমশুং তেক্নোলোজিগী মতেংনা ভারত মচা কোতি ১২৫গী য়াইফনবা অমশুং হিংবদা কোম্নবা থবক তৌবা মতম ওইরে ।

ইং ১৯৪৪ গী এপ্রিলদা নেতাজি সুভাস চন্দ্র বোসগী আই এন এনা নিংতম্বা লাওথোকখিবা থৌনা লৈরবা লম মনিপুরদা ঐ হৌজিক লৈরি । নখোয়না মনিপুরদগী চৎখিবা মতমদা লৈবাক অসিদা তুংকোয়না চৎনগদবা মহৈ-মশিং তম্বগী মওং পুখিগনি হায়না ঐনা থাজৈ । মফম অসিদা উনরিবা সাইন্সতিষ্টশিংনা মখা তানা পুন্না থবক তৌমিন্নগনি হায়না ঐনা খল্লি ।

তোঙান-তোঙানবা হিরমগী সাইন্সতিষ্টশিংনা পুন্না থবক তৌমিন্নদুনা সাইন্স অমশুং তেক্নোলোজিগী অরুবা থবকশিং পাংথোকপা ঙমগনি । সাইন্সগী লমদা অৱাং-নোংপোক্কী থৌরম কয়া ভারত সরকারনা পায়খৎলে । এগ্রো-মিতিওরোলোজিকেলগী থবক থৌরমশিং পায়খৎলে । মসিনা লৌমী লাখ মঙা রোম কান্নবা ফংহল্লগনি । মসিগী খুদোংচাবা অসি অৱাং-নোংপোক্কী জিলা খুদিংমক্ত ফংহন্নবা ঐখোয়না থবক পায়খৎলি । অনৌবা সেন্তর কয়ানা মফম অসিদা সাইন্স অমশুং তেক্নোলোজিগী থবক কয়া পায়খৎলি । মনিপুরদা ইথনো মেদিসিনেল রিসাস সেন্তর অমা হাংদোক্লে । মসিনা অৱাং-নোংপোক্ত ফংবা হিদাক কান্নবা অমশুং মনম নুংশিবা লম্লক্ত ফংবা পাম্বীশিং থিজিনবদা ঙম্লগনি ।

অৱাং-নোংপোক্কী রাজ্য ৭ দা ষ্টেদ ক্লাইমেত চেন্জ সেন্তরশিং লিংখৎলে । মখোয়না ক্লাইমেত চেন্জগী মাংজবা অমশুং মীয়ামদা ভাব তাহন্নবা থবক তৌগনি । ঐখোয়না ‘ৱা’ অসি ‘উ’ ওইনা লৌরম্বা অদু তোক্লে অমশুং নাপী ওইনা শকখঙলে । মসিগীদমক ঐখোয়না চহি কয়া শুরবা আইন শেমদোক্লে । শেমদোক্লবা আইন অসিনা ৱা পুবদা অথিংবা থমদ্রে । মসিন ৱা পুথোকপা অমশুং শীজিন্নবশিং নুংঙাইহল্লগনি । লুপা কোতি ১২০০ খাকতুনা সরকারনা নেসনেল বেম্বু মিসন মথৌ হাপ্লি । মসিগী খুদোংচাবা মনিপুরশু ফংগনি ।

মরুপশিং,

ইন্দিয়ান সাইন্স কংগ্রেসকী ইনাকখুল্লবা ৱারি লৈজরি । মসি ভারতকী মমিং লৈরবা সাইন্সতিষ্টশিং হায়বদি, অচরয়া জে সি বোস, সি ভি রমান, মেঘনাথ সাহ অমশুং এস এন বোসনা হৌদোক্লমবনি। অচৌবা সাইন্সতিষ্টশিং অসিনা পায়খৎলমবা থবকশিং তুংইন্নদুনা অনৌবা ভারত অসিনা থবক তৌনবা হোৎনগদবনি । থৌরম কয়াদা ঐহাক্না সাইন্সতিষ্টশিংগা উনবদা ঐখোয়গী খুন্নাইগী শেল-থুমগী ফিভম ফগৎনবা থবক তৌনবা ঐনা সাইন্সতিষ্টশিংদা তকশিনখি । খুন্নাই অমগী লায়রবশিং অমশুং শোৎথরবশিংগী য়াইফনবা থবক পায়খৎনবা ঐনা তকশিনখি ।

মতাং অসিদা চহি অসিগী ইন্দিয়ান সাইন্স কংগ্রেসকী থিম ‘ কান্নবা ফংদ্রিবশিং সাইন্স অমশুং তেক্নোলোজিনা য়ৌহনবা ‘ অসি য়াম্না চান্নৈ । থিম অসি ঐগী থম্মোয়দা পাল্লি ।

২০১৮ দা পদ্ম শ্রী ফংখিবা রাজাগোপালন ভসুদেবান মতাং অসিদা পনবা য়াই । মহাক অসি অমনবা প্লাষ্টিক শীজিন্নদুনা লম্বী শেম্বগী অনৌবা মওং অমা পুথোকখিবা অমশুং পেতেন্ত তৌখিবা মদুরাইদগী প্রোফেসার অমনি । মওং অসিদ শেম্বা লম্বীশিং মতম শাংনা চৎলি, ঈশিংনা মাংহনবা ঙমদে অমশুং অরুমবা য়াম্না চৎপা য়াই । মসিগা লোয়ননা প্লাষ্টিককী অৱাবা থেংনরিবা অসি কোকহন্নবগী উপায় অমা মহাক্না পুথোক্লে । ভসুদেবান্না তেক্নোলোজি অসি সরকারদা লেম্না পীবনি । তেক্নোলোজি অসি শীজিন্নদুনা রাজ্য ১১ দা কিলোমিতর ৫,০০০ গী লম্বী শেমখ্রে ।

সাইন্সগী চাংয়েং তৌনবা য়ুমগী অমোৎ-অকায়দগী শান্নপোৎ শানবা অঙাংশিংদা লৌশিং পীবগীদমক ইং ২০১৮ দা অরবিন্দ গুপ্তদা পদ্ম শ্রী পীখি । সারি শাবদা মতম অমশুং পাঙ্গল চংবা হন্থহনবা লক্সমী এ এস য়ু মেছিন পুথোকপগীদমক ২০১৭ দা চিনতাকিন্দি মালেসামদা পদ্ম শ্রী পীখী । নহাক্না থিজিল্লিবা অদু মতম অসিদা থেংনরিবা অৱাবশিং কোক্নবা অমশুং মীয়ামগী য়াইফনবা থবক তৌনবা ঐহাক্না আপীল তৌরি । সাইন্তিফিক সোসিয়েল রেস্পেন্সিবিলিতি অসি তঙাইফদবা অমা ওইরে ।

মরুপশিং,

মীফম অসিগী থিম অসিনা ৱাহং খরা হংহল্লি। ভারতকী অঙাংশিংনা সাইন্স মশক খঙনবা ঐখোয়না করি তৌরবগে ? মখোয়গী নুঙদা লোৎতুনা লৈরিবশিং ফুদোক্নবা ঐখোয়না করি খুদোংচাবা পীরবগে ? সাইন্সগী ওইনা মায়পাকলিবশিং অদু মীয়ামগা শম্নগদবনি। মসিনা অঙাংশিংদা সাইন্সগী ওইবা ৱাখল্লোন পোকহনবদা মতেং ওইগনি । মসিনা নহারোলশিং মথুম-মরাং পোকহনগনি অমশুং ঐখোয়গী অঙাংশিং সাইন্সতা শীনফম অমা ওইনা চংনিংগনি । ঐখোয়গী লৈবাক্কী লেবোরেতোরিশিং অমশুং মহৈশঙশিং নহারোলশিংগীদমক থোঙ লাওনা হাংদোকসি । স্কুল চৎলিবা মহৈরোয়শিংগা সাইন্তিষ্টশিংগা উন্নবা থৌরাং অমা শীনগদবনি । সাইন্তিষ্টশিংনা চহি অমগী মনুংদা পুং ১০০ , ক্লাস ১০,১১,১২ গী মহৈরোয় ১০০ গা উন্নবা ঐনা তকশিল্লি । মহৈরোয় ১০০ গী পুং ১০০ ওইরবদি, মওং অসিনা ঐখোয়না সাইন্তিষ্ট কয়া য়াম্না পুথোকপা ঙমগনি হায়বদু খন্দুনা য়েংউ ।

মরুপশিং,

২০৩০ ফাওবদা মৈ পুথোকপদা নন-ফোসিল ফুয়েল চাদা ৪০ শীজিন্নবা ঐখোয়না থাজবা থম্লি । ভারত অসি লৈবাক কয়া য়াওবা ইন্তরনেসনেল সোলার এলাইন্সগী লুচিংবা অমনি । লুপ অসিনা তরু-তনানবা ইনর্জি পুথোক্নবা আর অমশুং দিদা মীৎয়েং থম্লি । অমমমদা মেগাৱাদ ৭০০ পুথোক্কদবা প্রেসরাইজ হিভি ৱাতর রিয়েক্তর অনৌবা ১০ এতোমিক ইনর্জি বিভাগনা শারগনি। মসি লৈবাক অসিগী নিউক্লিয়ার ইন্দসত্রিগী মাংজিল থাবা অমনি । মসি ভারত অসি নিউক্লিয়ারগী পোৎথোক শাবা ঙম্বগী পাঙ্গল অদু উৎপা ঙম্লগনি । ইকুই কুইদনা সি এস আই আরনা খুৎনা পায়গদবা শঙ্গোম তেষ্ট তৌনবা মেছিন পুথোক্লে । মসিনা য়ুম খুদিংমক্না মিকুপ খরগী মনুংদা শঙ্গোম তেষ্ট তৌবা য়ারগনি । অরুবা জিনগী লায়নশিং খঙদোক্নবা কিদসশিং সি এস আই আরনা পুথোক্লে অমশুং লৌমীশিংগী ইনকম হেনগৎহন্নবা অফবা মখলগী হিদাক কান্নবা অমশুং মনম নুংশিবা পাম্বীশিং পুথোক্লে ।

ভারত্তগী তি বি মুথৎনবা ঐখোয়না থবক কন্না লৌখৎলি । নুমিৎ খরনিগী মমাংদা নিউ দিল্লিদা এন্দ তি বি মীফম পাংথোকতুনা , ৱার্ল্ড হেল্ড ওর্গেনাইজেসন্না ২০৩০ গী মনুংদা মালেমদগী তি বি মুথৎনবা পান্দম থম্লিবা অদুদগী চহি ৫ ঙনখৎনা ২০২৫ দা ভারত্তগী তি বি মুথৎনবা ঐখোয়না হোৎনরিবা অদু উৎখ্রে । সুন্দ্রংদা অমুকতদা সেতিলাইদ ১০০ হেন্না থাগৎতুনা ঐখোয়গী স্পেসগী মায়পাকপশিং অদু উৎলে । মসি ঐখোয়গী সাইন্তিষ্টশিংগী থবক কনবা অমশুং কৎথোকপগী মহৈনা ওইবনি ।

চন্দ্রয়ান-১ মায়পাক্লবা মতুংদা ঐখোয়না চন্দ্রয়ান-২ থাগৎনবা হোৎনরি । ইশানা শেমজবা থৌরাং অসিনা থা গী লৈমায়দা রোবরনা তাগনি অমশুং চৎকনি । চৎখিবা চহিচাগী খ্ৱাইদগী চাওবা সাইন্তিষ্ট অলবার্দ এন্সতেন্তাইনা গ্রেভিতেসনেল ৱেবগী থিওরি পুথোকখি । ঐখোয়গী চাওথোকচনিংঙাই ওইবা অমনা,ইন্তরনেসনেল লেজর ইন্তরফেরোমেতর গ্রেভিতেসনেল ৱেব ওজার্ববেতরি (লিগো) দা ভারতগী মহৈলোয়শঙ ৯ গী সাইন্তিষ্ট ৩৭ শরুক য়াদুনা চহি অহূমগী মমাংদা থিওরি অদু চুম্লে হায়না প্রামান তৌখ্রে । লৈবাক অসিদা অহূমশুবা লিগো দিতেক্তর লিংখৎপদা ঐখোয়গী সরকারনা অয়াবা পীরে । মসিনা লেজর,লাইদ ৱেবস অমশুং কম্পুতিংগী লমদা ঐখোয়গী হৈশিংবা হেনগৎহল্লগনি । মসি ওইথোক্নবা ঐখোয়গী সাইন্তিষ্টশিংনা চোকথবা নাইদনা থবক শুরি । মরুওইবা সাইনতিফিক ইন্সতিতুসনশিংগী অকোয়বদা সাইন্সগী কলষ্টরশিং শেমগৎনবা খন্নরি । মসিগী পান্দমদি সহরদা য়ুমফম ওইবা সাইন্সগী আর অমশুং দি কলষ্টরশিং শেমগৎপনি । মসিনা অনৌবা পুথোকপদা, মালেমগী ওইনা চাংদম্নবদা মতেং ওইগনি ।

অনৌবা প্রাইম মিনিষ্টর রিশাস ফেল্লো স্কিম ঐখোয়না অয়াবা পীরে । স্কিম অসিগী মখাদা লৈবাক অসিগী মমিং লৈরবা আই আই এস সি, আই আই তি,এন আই তি, আই আই এস ই আর অমশুং আই আই আই তিশিংদা আই আই তি অমসুং আই আই সিগী লমদা পি ঐচ দিগী মিং চনবা য়াবগী খুদোংচাবা পীগনি । স্কিম অসিনা লৈবাক অসিগী অখঙ-অহৈশিং মপান লৈবাক্ত চৎখিবদগী কনবা ঙমগনি। মসিনা লৈবাক অসিদা মশাগী ওইনা সাইন্স অমশুং তেক্নোলোজিগী লমদা থিজিনবা ঙমগনি ।

মরুপশিং,

ঐখোয়গী য়াম্লবা মীশিং খুন্নাইগী ওইবা শেল-থুমগী অৱাবা থেংনরি । ভারত অসি তরু-তনানবা, নুংশিৎ শেংবা অমশুং নুংঙাইবা লৈবাক অমা ওইহনবদা ঐখোয়না সাইন্স অমশুং তেক্নোলোজি দরকার ওইরি । ঐখোয়গী মশিং য়াম্লবা ত্রাইবেল কয়া অৱাবা কয়া থেংনরি । মখোয়গী অৱাবশিং কোকহননবা ঐখোয়গী সাইন্তিষ্টশিংনা মতেং পাংগদবনি। মশীং য়াম্লবা ঐখোয়গী অঙাংশিং মচি ওইবা চিন্জাক চাবা ৱাৎপগী খুদোংচাদবা থেংনরি । মসি কোকহন্নবা ভারত সরকারনা নেসনেল নিউত্রিসন মিশন হৌদোক্লে । মীসন অসি মায়পাকহন্নবা নখোয়গী পাওতাক ঐখোয়না মথৌ তারি ।

ভারতনা অনৌবা য়ুম কোতি কয়া দরকার ওইরি । মসি ফংবা ঙম্নবা ঐখোয়গী সাইন্তিষ্টশিংনা ৩দি প্রিন্তিং তেক্নোলোজি শীজিন্নবা য়ারোইদ্র ?ঐখোয়গী তুরেলশিং মোৎলে । তুরেলশিং শেংদোক্নবা নখোয়গী অনৌবা ৱাখলশিং অমশুং তেক্নোলোজিশিং দরকার ওইরি । নুংশিৎ অমশুং নুমিৎতগী মৈ পুথোক্নবা, মৈ তুংশিন্নবা, মৈখু চেন্দনা চাক থোঙনবা, কোয়লাদগী মিথানোলগুম্বা পুথোক্নবা, কোয়লাগী হেন্না নানবা পৱার পুথোক্নবা, স্মার্দ গ্রিদ, মাইক্রো গ্রিদ অমশুং বাইও-ফুয়েলগী লমদা মায়কৈ কয়াগী থিজিনবা ঐখোয়না মথৌ তারি ।

২০২২ ফাওবগী মনুংদা গিগা ৱাদ ১০০ গী সোলার পৱার পুথোক্নবা ঐখোয়না পান্দম থম্লি । চাদা ১৭ দগী ১৮ ফাওবগী চাংদা সোলার মোদুলশিং হৌজিক কৈথেলদা য়োল্লে । চপ মান্নবা মমলদা ভারত্তা অহোঙবা সোলার মোদুলশিং পুথোক্নবা ঐখোয়গী সাইন্তিষ্টশিংনা থবক লৌখৎপা য়ারোইদ্র ? মসিদা ঐখোয়না কনগদবা য়াম্লবা শেলফম অদু খল্লগা য়েংউ । সুন্দ্রংদা সেতিলাইদশিং মথৌ তৌনবা খ্ৱাইদগী ফবা মখলগী বেত্তরি ইসরোনা শীজিন্নরে । কার অমশুং মোবাইল ফোনশিংগী অফবা বেত্তরিশিং শানবা অতৈ লুপশিংনা ইসরোগা পুন্না থবক তৌমিন্নবা য়াই । মেলারিয়া অমশুং জপানিজ এন্সেফালাইতিসনচিংবা অরুবা লায়নাশিং লায়েংবা অনৌবা হিদাক অমশুং লায়েং-পথাপশিং পুথোকপা দরকার ওইরি । য়োগা, শান্ন-খোৎনবা অমশুং মহৌশাদগী লৈজরক্লবা লৌশিংগী মরমদা থিজিনবা য়াম্না দরকার ওইরি । অপীকপা অমশুং য়াইমরপ ওইনা চাওবা উদোকশিংনা থবক য়াম্না পীরি । মখোয়দা মালেমগী ওইনা শিংনবা কয়া থেংনরে । অপীকপা অমশুং য়াইমরপ ওইনা চাওবা উদোকশিংনা থেংনরিবা অৱাবশিং কোকহন্নবা ঐখোয়গী সাইন্তিফিক অমশুং তেক্নোলোজিকেল লুপশিংনা থবক পায়খৎপা য়ারোইদ্র ?

মরুপশিং,

লৈবাক অসিগী নুংঙাই য়াইফনবা অমশুং চাওখৎনবা মরুওইবা তেক্নোলোজিশিং শীজিন্নবা ঐখোয় তুংগীদমক শেম শাদুনা লৈগদবনি । মহৈ-মশিং তম্বা,হকশেল, বেঙ্কিংদা ঐখোয়গী নাগরিকশিংদা তেক্নোলোজিনা চাওনা মতেং পাংগনি । ২০২২ দা ভারতনা ৫-জি ব্রোদবেন্দ অমশুং তেলিকম্মুনিকেসনগী তেক্নলোজি অমশুং খুলাইশিং শাবদা মাংজিল থাবা লৈবাক অমা ওইরগনি । স্মার্দ মেনুফেকচরিং, স্মার্দ সিতি অমশুং ইন্দষ্ট্রি ৪.০ দা আরতিফিসিয়েল ইন্তিলিজেন্স, বিক দেতা এনালাইতিক্স, মেচিন লারনিং অমশুং সাইবর ফিসিকেল সিষ্টেমনা অচৌবা মতেং ওইরগনি। ২০৩০ ফাওবগী মনুংদা ভারত অসি গ্লোভেল ইন্নোভেসন ইন্দেক্সগী লৈবাক ১০ গী মনুং চনবা লৈবাক অমা ওইনবা পান্দম থম্লসি । 

মরুপশিং,

চহি ৪ গী মতুংদা ঐখোয় ৭৫শুবা নিংতম নুমিৎ পাংথোক্লগনি । ২০২২ দা অনৌবা ভারত অমা শেম্নবা ঐখোয় পুন্না ৱারেপ লৌমিন্নরসি । পান্দম অসি ফংনবা ঐখোয় পুন্না থম্মোয় শেংনা থবক তৌমিন্নবা অমা চংই । ভারতগী শেল-থুমগী ফিভম ফগৎলক্লি । হুমেন দিবলপমেন ইন্দিগেতরদা ঐখোয় নেম্না লৈরি । মসি ফগৎনবা জিলা ১০০ শেমগৎনবা থৌরাং তৌরি । হকশেল, নিউত্রিসন, ইজুকেসন, লোউ-শিংউ, ঈশিং, স্কিল দিবলপমেন্দ অমশুং ইনফ্রষ্টকচরদা অকনবা মীৎয়েং থম্লি । হিরম খুদিংমক চাওখৎনবা অনৌবা ৱাখল্লোন মথৌ তারি । অমখক্তনা ময়াম অমা শীজিন্নবা য়ারোই । মতমগা চুনরবা তেক্নোলোজিশিংনা অনৌবা লৌশিং অমশুং ওন্ত্রেপ্রেনিউয়রসিপ শেমগৎপদা মতেং ওইবা য়ারোইদ্র ?

মসিইমাভারতকীদমক্তাতৌবাসেবাঅমাওইরগনি।ভারত্তাসাইন্সঅমসুংতেক্নোলোজীশিজিন্নবাঅমসুংথিজিন-হুমজিনবগীচৎনবীঅমাথাইনদগীলৈরক্লি।হৌজিক্তীলমঅসোমদাঐখোয়গীমাংদালৈরিবালৈবাকশিংঅসিদগীঐখোয়গীহকঅদুলৌশিন-তাশিঞ্জবগীচপচাবামতমঅদুওইরে।ঐনাসাইন্তিফিক্কীওইবাখুন্নাইদামখোয়গীথীজিন-হুমজিনবগীথবক-

তৌরিবামফমঅদুদগীলমঅসোমদামাইওনশিল্লক্নবাফোংদোকচরি।ঐনাথাজৈমদুদিঐখোয়গীসাইন্তিস্তশিংগীকৎথোকপাঅদুনাহেন্নাফবাঐখোয়গীতুমচমচৎকীলম্বীঅমাশেম্‌বাঙমহনগনি।অদুগুম্বাতুংলমচৎঅদুঐখোয়গীদমকঅমসুংঐখোয়গীঅঙাংশিংগীদমক্তাঐখোয়নাপাম্মি।

ময়াম্বু থাগৎচরি 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
In 100-crore Vaccine Run, a Victory for CoWIN and Narendra Modi’s Digital India Dream

Media Coverage

In 100-crore Vaccine Run, a Victory for CoWIN and Narendra Modi’s Digital India Dream
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ওক্তোবর 2021
October 22, 2021
Share
 
Comments

A proud moment for Indian citizens as the world hails India on crossing 100 crore doses in COVID-19 vaccination

Good governance of the Modi Govt gets praise from citizens