খ্বাইদগী নৌবা মন কী বাদকী ৱারোলদা প্রধান মন্ত্রীনা হায়খি সেপ্তেম্বর থা অসি পোসন মাহ-ন্যুত্রিসন মন্থ হায়না থৌরম পাংথোক্কনি। লৈবাক অমা অমসুং মচি ওইবা চীঞ্জাক অসি য়াম্না নক্নবা মরী লৈনৈ। “থাথা অন্নম তাথা মান্নম” হায়বদি ৱাখল অমসুং লৌশিং ফগৎলকপা অসি ঐখোয়না চারিবা অফবা চীঞ্জাক্কা হকথেংন্না মরী লৈনৈ। অঙাংশিং অমসুং মহৈরোইশিং মথৌ ফজনা পাংথোকপা অমসুং মখোয়গী হৈশিংবা উৎথোকপদা মচি ওইবা অমসুং অফবা চীঞ্জাক্কী অচৌবা থৌদাং অমা লৈ। অঙাংশিং মশা-মউ ফনা লৈনবা মমাশিং মচি ওইবা চীঞ্জাক চাবা দরকার ওই । মচি ওইবা চীঞ্জাক হায়বসি শুপ্নবগী চাবা অদু খক নত্তে মসিদা মচি ওইবা বিতামিনশিং অমসুং থুমশিং য়াওরি।
প্রধান মন্ত্রীনা হায়খি মীয়ামদা মচি ওইবা চীঞ্জাক্কী মতাংদা ৱাখল তাহন্নবা পাংথোকপা মচি ওইবা চীঞ্জাক্কী চয়োলগী অমসুং থাগী ওইবা থৌরমশিংদা খুঙ্গংশিংগী মীয়াম্না শরুক য়ানবা হৌখিবা চহি খর অসিদা লৈবাক অসিনা থবক কয়া পায়খৎলে। মচি ওইবা চীঞ্জাক্কী মতাংদা ৱাখল তাবা হেনগৎহন্নবা মসিগী খোঙজং অসি স্কুলশিংদা পায়খৎতুনা অঙাংশিংগী মরক্তা চাংদম্না কয়া পাংথোক্লে।
প্রধান মন্ত্রীনা হায়খি ক্লাস অমদা, ক্লাস মোনিতর অমা লৈবগুম, ন্যুত্রিসন মোনিতর অমা লৈগদবনি; রিপোর্ত কার্দ অমা লৈবগুম, ন্যুত্রিসন কার্দ অমা লৈগদবনি। ন্যুত্রিসন থা মনুংদা মাই গোভ পোর্তেলদা চীঞ্জাক অমসুং মচি ওইবা চীঞ্জাক্কী মতাংদা কুইজ অমা পাংথোক্কনি অমসুং মেমে চাংদম্নবা অমা পাংথোক্কনি। মসিদা মীয়াম্না শরুক য়াবীয়ু।
প্রধান মন্ত্রীনা হায়খি স্তেচু ওফ য়ুনিতিদা তোপ তোপ্পা মখলগী ন্যুত্রিসন পার্ক অমা শেমগৎলে অমসুং মসিদা কনাগুম্বা অমনা মচি ওইবা চীঞ্জাক্কী মতাংগী ই-পাউশিং ফংগনি। ভারত্তা মখল কয়াগী চীঞ্জাক অমসুং থক্নবা পোৎলমশিং মরাংকাইনা ফংলি। অকক্নবা মফম অমদা মতম মতমগী ওইনা ফংবা মনা-মশিং, উহৈ-ৱাহৈশিং অমসুং হৱায়-চেংৱাইশিং মরাং কাইনা চাগদবনি। ‘এগ্রিকলচরেল ফন্দ ওফ ইন্দিয়া’ শেম্লে অমসুং মসিনা জিলা অমদা হৌরিবা মহৈ-মরোংশিং অমসুং মখোয়দা য়াওরিবা মচি ওইবশিংগী মতাংদা মপুংফাবা ই-পাউশিং ফংহল্লগনি। ন্যুত্রিসন থা মনুংদা মীয়াম্না মচি ওইবা চীঞ্জাক চাবীয়ু অমসুং হকচাং ফনা লৈবীয়ু।
