প্রধান মন্ত্রী শ্রী নরেন্দ্র মোদীনা কে. করুনানিধিনা লৈখিদবদা অৱাবা ফোংদোকখ্রে।
মহাক্কী অৱাবা ফোংদোকপগী পাউজেলদা মহাক্না হায়খি, “কে. করুনানিধিনা লৈখিদবদা ঐ শাথিনা নুংঙাইতবা ফাওই। মহাক লৈবাক অসিগী খ্বাইদগী অহল ওইরবা লুচিংবশিংগী মনুংদা অমনি। ঐখোয়না মীয়ামগী লুচিংবা, ৱাখল পুথোকপা ঙম্বা, মতিক চারবা অইবা অমসুং লাইরবা অমসুং শোৎথরবশিংগী য়াইফনবগীদমক্তা মপুন্সি কৎথোকখ্রবা শক্নাইরবা লুচিংবা অমা মাংজরে।
করুনানিধিনা লমদমদুগী অপাম্বতা নত্তনা লৈবাক অসিগী চাউখৎ-থৌরাংগীদমক্তসু মতম পুম্নমক্তা শেম-শাদুনা লৈখি। মহাক তমিল মীয়ামগী য়াইফ-থৌরাংগীদমক মপুং ফানা কৎথোকখি অমসুং মতম পুম্নমক্তা তমিল নাদুগী খোঞ্জেল অদু লুম্না লৌননবা হোৎনদুনতা লৈখি।
ঐনা থৌরম কয়াদা করুনানিধিজীগা ৱারী শানবা ফংজখি, রাজনীতিগী মতাংদা মহাক্না খঙবা অমসুং খুন্নাইগী য়াইফ-থৌরাংগা মরি লৈনবা থবকশিংদা মরু ওইনা লৌবা মাগী ৱাখল্লোন অদু পুম্নমক্তগী তোঙানল্লি। মহাক মপুং ফানা দেমোক্রেসীগী ৱাখল্লোনগীদমক্তা কৎথোকখি। মহাক্না ইমর্জেন্সী মতমদা উৎখিবা অকনবা য়ানীংদবা অদু মতম পুম্নমক্তা নীংশিংদুনা লৈহৌরগনি।
অৱাবগী পুংফম অসিদা করুনানিধিজীগী ইমুং মনুংগী অমসুং মহাকপু নুংশিজবশিংগী অৱাবদা শরুক য়াজরি। ভারত অমসুং মরু ওইনা তমিলনাদুনা মহাক্কী অৱাৎপা অসি মতম পুম্নমক্তা ফাওদুনা লৈরগনি। তাইবঙ মপুনা মহাক্কী থৱাইবু ইং-তপ্পা পীনবীসনু।”
My thoughts are with the family and the countless supporters of Karunanidhi Ji in this hour of grief. India and particularly Tamil Nadu will miss him immensely. May his soul rest in peace. pic.twitter.com/7ZZQi9VEkm
— Narendra Modi (@narendramodi) August 7, 2018
