প্রধান মন্ত্রী শ্রী নরেন্দ্র মোদী অমসুং রসিয়াগী রাষ্ট্রপতি ব্লাদিমির পুতিন্না ঙসি তেলিফোন্দা অনৌবা চহী ২০১৯গীদমক অমনা অমগী মফমদা য়াইফ পাওজেল পীনখ্রে। রসিয়াদা ঙসি ফাওবা পাংথোক্লিবা খৃষ্টমাসকী থৌরম অদুদা প্রধান মন্ত্রীনা রাষ্ট্রপতি অমদি রসিয়াগী প্রজাশিংগী মফমদসু য়াইফ পাওজেল পীখি।
হৌখিবা চহীদা লৈবাক অনিগী মরক্তা স্পিসিয়েল অমসুং প্রিভিলেজ স্ত্রেতেজিক পার্তনরশিপ্তা ফংখিবা অচৌবা মাইলস্তোন অদু লুচিংবা অনিনা থাগৎপা ফোংদোকখি। মে থাদা সোচিদা পাংথোকখিবা ইন্তর এলিয়া অমসুং চহীগী মীফমগীদমক ওক্তোবর থাদা ন্যু দিল্লীদা রাষ্ট্রপতি পুতিনগী খোংচৎ মনুংদা মায় পাক্না পাক চাওনা খন্ন-নৈনখিবা অদু নৌহৌনা নিংশিংখি অমদি লুচিংবা অনিমক্না নাকল অনিগী ওইবা মরীশিংদা মোমেন্তম ঙাক্তুনা থম্বদসু য়ানখি। রাষ্ট্রপতি পুতিন্না ২০১৯গী সেপ্তেম্বর থাদা পাংথোক্কদৌরিবা চহীগী ইস্তর্ন ইকোনোমিক ফোরমদা বার্তন তৌরকপা অদু অমুক হন্না নিংশিংখি।
ঙাকশেল অমসুং তেরোরিজম থেংনবা য়াওনা মরুওইবা লমশিংদা নাকল অনিগী ওইবা তেংবাং পীনবগী মতাংদসু খন্ন-নৈনখি।
গ্লোবেল মল্তিলেতরেল ওর্দরদা ইন্দিয়া-রসিয়া কোওপরেসন্না মরুওইবা থৌদাং লৌরি হায়বা লুচিংবা অনিমক্না য়ানখি। মরম অদুনা লৈবাক অনিমক্না য়ুনাইতেদ নেসন্স, ব্রিক্স, এস.সি.ও. অমসুং অতোপ্পা মল্তিলেতরেল ওর্গনাইজেসনশিংদা মখা তানা নক্ননা চৎমিন্নখিগনি।
