প্রধান মন্ত্রী শ্রী নরেন্দ্র মোদীনা ঙসি রাষ্ট্রপতি ভবন্দা ৪৯ শুবা রাজ্যপালশিংগী মীফম হৌদোকপগী থৌরমদা ৱা ঙাংখ্রে।
মখল মখা য়াম্লবা কেন্দ্রগী দিবেলপমেন্ত স্কিমশিং অমসুং ইনিসিয়েতিবশিংগী কান্নবশিং অদু মীয়াম্না ফংবা ঙম্নবগীদমক মতৌ করম্না রাজ্যপালশিংনা পুন্সিগী তোঙান তোঙানবা লম্বীশিংদা মখোয়গী এক্সপরিয়েন্স অদু শিজিন্নগনি হায়বগী মরমদা প্রধান মন্ত্রীনা শন্দোক্না ঙাংখি। রাজ্যপালগী ইনস্তিত্যুৎনা ঐখোয়গী লৈবাক অসিগী ফেদরেল স্ত্রকচর অমসুং কনস্তিত্যুস্নেল ফ্রেমৱার্ক্কী মনুংদা পাংথোক্কদবা মরুওইবা থৌদাং অমা লৌরি।
ত্রাইবেলগী মীশিং য়াম্না লৈবা রাজ্যগী রাজ্যপালশিংনা মহৈ-মশিং, শান্ন-খোৎনবা অমসুং ফাইনান্সিয়েল ইনক্লুজনগুম্বা লমশিংদা ত্রাইবেল কমুনিতীনা সরকারগী ইনিসিয়েতিবশিংদগী কান্নবা ফংহনবদা মতেং পাংবা য়াই হায়না মহাক্না ফোংদোকখি। ত্রাইবেল কমুনিতীশিংনা নীং তম্বগী ইহৌদা মরুওইবা থৌদাং লৌখি অমদি মদু ঐখোয়না শকখঙগদবনি অমসুং দিজিতেল ম্যুজিয়মগুম্বা এভেন্যুশিংগী খুত্থাংদা তুংগী মীরোলগীদমক রেকোর্দ তৌগদবনি হায়না মহাক্না হায়খি।
রাজ্যপালশিং অসি য়ুনিবর্সিতীশিংগী চান্সেলরশিংসু ওইরি হায়না মহাক্না ফোংদোকখি। জুন ২১দা পাংথোক্কদৌরিবা ইন্তর্নেস্নেল যোগ নুমীৎ অসি নহাশিংগী মরক্তা হেন্না ফবা এৱ্যর্নেস জেনরেৎ তৌনবা শিজিন্নবা য়াই। মতৌ অদুম্না য়ুনিবর্সিতীশিংনা মহাত্মা গান্ধীগী ১৫০শুবা মপোক কুমওন পাংথোক্নবা ফোকেল পোইন্তসু ওইরকপা য়াই হায়না মহাক্না অকনবা ৱাফম থমখি।
প্রধান মন্ত্রীনা নেস্নেল ন্যুত্রিসন মিশন, খুঙ্গংশিংদা ইলেক্ত্রিক ফংহনবা অমদি শোত্থরিবা জিলাশিংদা পায়খৎলিবা দিবেলপমেন্ত পেরামীতরশিং অসিনচিংবা দিবেলপমেন্তকী মরুওইবা হিরম খরা পনখি।
হন্দক্তা এপ্রিল ১৪দগী হৌখিবা গ্রাম স্বরাজ অভিয়ানগী মখাদা খুঙ্গং ১৬,০০০ হেনবদা সরকারগী মরুওইবা স্কিম তরেৎ মপুং ফানা হৌদোকখ্রে হায়না মহাক্না হায়খি। জন ভাগীদারীগী খুত্থাংদা খুঙ্গংশিং অসিবু প্রোব্লেম তরেৎতগী নান্থোকহল্লে হায়না মহাক্না ফোংদোকখি। গ্রাম স্বরাজ অভিয়ান অসি ওগস্ত ১৫গী তার্গেৎ তারিক অমগা লোয়ননা অহেনবা খুঙ্গং ৬৫,০০০দা চত্থরি হায়না মহাক্না হায়খি।
প্রধান মন্ত্রীনা মথং চহিদা পাংথোক্কদৌরিবা ৫০শুবা রাজ্যপালশিংগী মীফমগীদমক হৌজিক্তগী হৌনা শেম শাননবা ৱাফম হৌদোকখি।
