স্বামী বিবেকানন্দগী মপোক কুমওন নীংশিংবা ওইনা নেস্নেল য়ুথ দেগী থৌরমদা, প্রধান মন্ত্রী শ্রী নরেন্দ্র মোদীনা জনুৱারীগী তাং ১২গী নুংথিল পুং ৪.৩০ রোম তাবদা নই দিল্লীগী ভারত মন্দপমদা ভিক্সিৎ ভারত য়ং লীদর্স দাইলোগ ২০২৬গী অরোইবা সেসনদদা শরুক য়াগনি।
প্রধান মন্ত্রীনা লৈবাক শীনবা থুংবদগী লাকপা নহারোল ৩০০০রোমগা লোয়ননা মালেমগী মফম কয়াদগী লাকপা নহা ওইরিবা মীহুৎশিংগা ৱারী শানগনি। খনগৎলবা শরুক য়ারিবা মীওইশিংনা মখোয় মখোয়গী অরোইবা প্রজেন্তেসনশিং প্রধান মন্ত্রীদা থিমেতিক ত্রেক ১০গী মখাদা উৎকনি, মখোয়না নহারোলশিংনা লমজিংবা ৱাখল্লোনশিং অমসুং জাতিগী মরুওইবা লমশিংদা থবক ওইনা পাংথোকপা য়াবা ৱাখল্লোনশিং ফোংদোক্কনি।
থৌরম অদুগী মনুংদা, প্রধান মন্ত্রীনা ভারতকী চাউখৎ-থৌরাংগী মরুওইবশিং অমসুং লৈবাক শেমগৎপগী অশাংবা মতমগী পান্দমশিংগী মতাংদা নহা ওইরিবা শরুক য়ারিবশিংনা ইবা খনগৎলবা এসেশিং য়াওবা ভিক্সিৎ ভারত য়ং লীদর্স দাইলোগ ২০২৬গী এসে কমপাইলেসন ফোংগনি।
হৌজিক অনিশুবা ইদিসন পাংথোক্লিবা ভিক্সিৎ ভারত য়ং লীদর্স দাইলোগ অসি ভারতকী নহাশিং অমসুং নেস্নেল লিদরশিপকী মরক্তা স্ত্রকচর তৌরবা এঙ্গেজমেন্ত অমা ওইহন্নবা শেম-শারবা নেস্নেল প্লেৎফোর্ম অমনি। ভিক্সিৎ ভারত য়ং লীদর্স দাইলোগ অসি প্রধান মন্ত্রীনা নীংতম্বা নুমিৎকী থৌরমদা নহারোল লাখ অমা রাজনিতীদা য়াওহন্নবা অমসুং ভিক্সিৎ ভারতকীদমক মখোয়গী ৱাখল্লোনশিং অদু তশেং তশেং ওইহন্নবা নেস্নেল প্লেৎফোর্ম অমা পীনবা হায়খিবগী পরিং মখাদা চত্থবনি।
২০২৬গী জনুৱারী ৯দগী ১২ ফাওবা পাংথোক্কদৌরিবা ভিক্সিৎ ভারত য়ং লীদর্স দাইলোগ ২০২৬ অসিদা লৈবাক শিনবা থুংনা লৈরিবা নহা লাখ ৫০ হেনবনা তোঙান তোঙানবা থাকশিংদা শরুক য়াখ্রে। নেস্নেল লেভেল চেম্পিয়নশিপ্তা শরুক য়াগদৌরিবা নহা ওইরিবা লুচিংবশিং অসি নেস্নেল দিজিতেল ক্বিজ, এসে চেলেঞ্জ অমসুং স্তেৎ লেভেল ভিজন প্রজেন্তেসন য়াওবা মেরিৎতা য়ুম্ফম ওইবা তাঙ্কক অহুমগী সেলেক্সন প্রোসেস অমগী খুত্থাংদা খনগৎখ্রে।
দিজাইন ফোর ভারত, তেক ফোর ভিক্সিৎ ভারত - হেক ফোর সোসিএল কোজ, পাকথোক চাউথোক্লবা থীমেতিক এঙ্গেজমেন্ত অমসুং অহানবা ওইনা ইন্তর্নেস্নেল পার্তিসিপেসনগী খোঙথাংশিং য়াওনা মরুওইবা অনৌবশিং য়াওবগা লোয়ননা অনিশুবা ইদিসনগী দাইলোগ অসি মসিগী অহানবা ইদিসন মায় পাকখিবা অদুদা য়ুম্ফম ওইদুনা পাংথোক্লি, মসিনা দাইলোগকী স্কোপ অমসুং ইম্পেক্ত হেন্না মপাঙ্গল কনখৎহল্লি।
