জনজাতিয়া গৌরব দিবস থৌরম শরুক য়ানবা নবেম্বর ১৫ দা প্রধান মন্ত্রী শ্রী নরেন্দ্র মোদী বিহারগী জামুইদা চৎকনি। থৌরম অসিদা ধর্থি আবা ভগবান বিরসা মুন্দগী ১৫০শুবা মপোক কুমওন থৌরম হৌদোক্কনি। অয়ুক পুং ১১ রোম তাবদা, ভগবান বিরসা মুন্দা ইকায়খুম্নবা উৎপা ওইনা প্রধান মন্ত্রীনা নিংশিং শেনয়েক অমা অমসুং পোস্তেল স্তাম্প মাইখুম হাংদোক্কনি। ত্রাইবেলশিংগী ফিবম ফগৎনবা অমসুং লমদম অসিগী খুঙ্গং অমসুং মনুং-হুঞ্জিনবা মফমশিংদা ইনফ্রাস্ত্রকচর ফগৎনবা প্রধান মন্ত্রীনা লুপা করোর ৬৬৪০ হেনগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি।
প্রধান মন্ত্রী জনজাতি অদিবাসি ন্যায় মহা অভিয়ান ( পি.এম-জনমন)গী মখাদা শাবা য়ুম ১১,০০ গী গ্রিহ প্রভেস প্রধান মন্ত্রীনা শরুক য়াগনি। ত্রাইবেলশিংগী লমদমশিংদা অনা-লায়েংগী খুদোংচাবশিং হেন্না ফংহন্নবা মহাক্না পি.এম-জনমনগী মখাদা মোবাইল মেদিকেল য়ুনিতস (এম এম য়ু) ৩৩ অমসুং ধর্তি আবা জনজাতিয়া গ্রাম উতকার্স অভিয়ান (দাজগুৱা) গী মখাদা মোবাইল মেদিকেল য়ুনিত ৩০ শঙ্গাগনি।
ত্রাইবেল ওন্ত্রেপ্রেন্যুরসিপ চাউখৎনবা অমসুং হিংনবগী লম্বী পীনবা প্রধান মন্ত্রীনা বন ধন বিকাস কেন্দ্র ( ভি দি ভি কে) ৩০০ শঙ্গাগনি অমসুং লুপা করোর ৪৫০ রোমগী এক্লাব্যা মোদেল রেসিদেন্সিএল স্কুল ১০ ত্রাইবেল মহৈরোয়শিংদা কৎথোক্কনি। ত্রাইবেলশিংগী ইনাকখুল্লবা পুৱারি অমসুং হেরিতেচ ঙাক-শেন্নবা মহাক্না মধ্য ছিন্দৱারা অমসুং জবলপুরদা ত্রাইবেল নিংতম লান্মীশিংগী ম্যুজিয়ম অনি অমসুং জম্মু অমসুং কাস্মিরগী শ্রীনগর অমসুং সিক্কিমগী গেংতোক্তা ত্রাইবেল রিছার্স ইন্সতিতুসন অনি শঙ্গাগনি।
ত্রাইবেলশিংগী লমদমদা লম্বী-থোং ফগৎনবা কিমি ৫০০গী অনৌবা লম্বীশিংগী পি.এম জনমনগী মখাদা কম্মুনিতি হবশিং ওইনা থবক তৌনবা মল্তি-পর্পজ সেন্তর ১০০ প্রধান মন্ত্রীনা উরেপ-উয়ুং তমগনি। মহাক্না ত্রাইবেল মহৈরোয়শিংদা মগুন লৈবা লাইরিক-লাইশু তম্বগী খুদোংচাবা মখা তানা ফংহন্নবা লুপা করোর ১,১১০ রোমগী এক্লাব্যা মোদেল রেসিদেন্সিএল স্কুল ২৫ শানবা উরেপ-উয়ুং তমগনি।
প্রধান মন্ত্রীনা সেঙ্কসন তৌগদবা তোঙান-তোঙানবা চাউখৎ-থৌরাংগী প্রোজেকশিংগী মনুংদা পি.এম-জনমনগী মখাদা লুপা কারোর ৫০০ রোমগী অনৌবা অৱাস ২৫,০০০ অমসুং ধর্তি আবা জনজাতিয়া গ্রাম উতকার্স অভিয়ানগী মখাদা লুপা করোর ১৯৬০ রোমগী অৱাস লাখ ১.১৬; পি.এম-জনমনগী মখাদা হোস্তেল ৬৬ অমসুং ধর্তি আবা জনজাতিয়া গ্রাম উতকার্স অভিয়ানগী মখাদা লুপা করোর ১১০০ হেনবগী হোস্তেল ৩০৪; অনৌবা মল্তি পর্পজ সেন্তর ৫০; পি.এম-জনমনগী মখাদা মোবাইল মেদিকেল য়ুনিত ৫৫ অমসুং অঙ্গনৱাদি সেন্তর ৬৫; ধর্তি আবা জনজাতিয়া গ্রাম উতকার্স অভিয়ানগী মখাদা লুপা করোর ৫০০ গী সিক্কল সেল এনেমিয়া মুৎথৎনবা সেন্তর ওফ কম্পেতেন্সি ৬ অমসুং অশ্রাম স্কুলশিং, হোস্তেলশিং, সরকারগী রেসিদেন্সিএল স্কুলশিং ফগৎহন্নবা প্রোজেক ৩৩০ য়াওরি।
