শ্রী শিঞ্জো অবেনা মনুং মতম চাদনা অমসুং লাইবক থিবা থৌদোক্তা লৈখিদবা অসি প্রধান মন্ত্রী নরেন্দ্র মোদীগী ওইনা অচৌবা মাংজবা ওইখি। ত্বীত মথং-মথং তৌরদুনা মহাক্কী অৱাবা অমসুং নুংঙাইতবা ফোঙদোকখি।

জাপানগী হান্নগী পি.এম. অমসুং প্রধান মন্ত্রী মোদীগী মরক্তা অখন্নবা মরী অমা লৈখি, লোয়ননা চহি কয়াগী মমাংদগী মরূপ-মপাং ওইদুনা লাকখি।                                                  

ইং কুমজা ২০০৭তা, গুজরাতকী মুখ্য মন্ত্রী ওইরিঙৈদা অহানবা ওইনা মহাক্কী জাপান খোঙচৎতা শ্রী শিঞ্জো অবেগা থেংনখি। শ্রী অবে অসি মতম অদুদা জাপানগী প্রধান মন্ত্রী ওইখি। অখন্নবা মতৌ উৎলদুনা শ্রী অবেনা শ্রী মোদীবু ওকখি অমসুং চাউখৎ-থৌরাংগী হীরম কয়ামরুমদা মহাক্কা ৱারী শাখি। মীকুপ অসিদগী হৌদুনা লুচিংবশিং অসিনা থেংখাং কয়ারক উন্নখি, মসিনা লৈবাক অনিগী মরক্তা লৈনরিবা মরীশিং মপাঙ্গল খনখৎহনবা খক নত্তনা মখোয় অনিগী মরক্তা তুং কোইনা লৈহৌরগদবা মরী অমা শেমখি।

ইং কুমজা ২০১২দা শ্রী মোদীনা গুজরাতকী সি.এম. ওইনা জাপান্দা নুমিৎ মরিনিগী খোঙচৎ চৎখি। খোঙচৎ অসিদসু শ্রী মোদীনা মতম অদুগী বিরোধীগী লুচিংবা ওইরিবা শিঞ্জো অবেগা উন্নখি।

ৱারী-ৱাতাই শাবা মখা চত্থখি অমসুং লৈবাক অনিগী মরক্তা লৈরিবা মরীশিং চেৎশিনখি, ইং কুমজা ২০১৪দা শ্রী মোদীনা অহানবা ওইনা ভারতকী প্রধান মন্ত্রী ওইনা জাপানগী ক্যোতোদা চৎখি। ভারত-জাপানগী অচেৎপা মরীবু তাকপা ওইনা শ্রী অবেনা পি.এম. মোদীবু নুমিদাংগী চাকলেন চামিন্ননবা কৌখি। পি.এম. অবেনা ক্যোতোগী কলচরেল হেরিতেজকী ফজবা অসি উবদা পি.এম. মোদীনা নুংঙাইখিবা অদুদা হরাওবা ফোঙদোকখি। লুচিংবা অনিমক্না পুন্না ক্যোতোদা লৈবা তোজি তেম্পলদা চৎমিন্নখি। 

লুচিংবা অনিগী মরক্তা লৈরিবা মরূপ-মপাং ওইবগী মরী অসি তাক্লদুনা পি.এম. অবেনা ইং কুমজা ২০১৪দা পাঙথোকখিবা জি. ২০ সম্মিৎ মনুংদা ব্রিসবেন্দদা পি.এম. মোদীবু অখন্নবা নুমিদাংগী চাকলেন অমা চামিন্ননবা কৌখি। মহাক্না ইং কুমজা ২০১৪দা পি.এম. মোদীনা নুমিৎ মঙানিগী খোঙচৎতা জাপান্দা লাকখিবদা ইম্পেরিএল গেস্ত হাউসতা মহাকপু নুমিদাংগী চাকলেনগীদমক কৌখি।

মহাক্না উৎখিবা নুংশিবা অমসুং মরূপ-মপাং ওইবগী মতৌ অদুবু তৌবীমল খঙবা উৎপা ওইনা প্রধান মন্ত্রীনা পি.এম. অবেবু ইং কুমজা ২০১৫দা বারানসীগী মমিং লৈরবা গঙ্গা আর্তী য়াওহনখি। মখোয়না দশাশ্বমেঘ ঘাত্তা থৌনীমিন্নখি অমসুং গঙ্গা আর্তী য়েংমিন্নখি।

সিম্পোজিয়ম অমদা মহাক্কী ৱাখল্লোন ফোঙদোক্লদুনা জাপানগী প্রধান মন্ত্রীনা গঙ্গাগী আর্তী তৌবগী থৌরম অদুবু “শেংলবা এতমোস্ফিয়রগী মনুংদা য়াম্না নীংথিনা লাংনা উখি” হায়না ফোঙদোকখি। পি.এম. অবেনা মখা তারদুনা হায়খি, “তুরেল ইমাগী তোর্বান্দা, ঐহাক্না ইশাবু ঈশৈ অমদি মৈরাশিংগী তান নাইনা হাই-হুমলিবা অসিদা লুপচহনখি, এসিয়াগী অরোইবা অনিমকপু শম্নহল্লিবা পুৱারীগী লোইনাইদ্রবা ইরোল নুংদা ঐহাক লুপচখি”। পি.এম. অবেনা অরিবা মতমদগী হৌদুনা জাপানিজশিংনা লুম্না লৌরিবা, সমাসারা’গী মরমদা বারানসীনা মঙোন্দা নীংশিংহনখি হায়না ফোঙদোকখি।

ইং কুমজা ২০১৬তা অতোপ্পা জাপানগী খোঙচৎ অমদা পি.এম. মোদী অমসুং পি.এম. অবে বুল্লেৎ ত্রেন তোংমিন্নখি। মখোয়না শিনকান্সেন ত্রেন তোংদুনা তোকিওদগী কোবে তম্না চৎখি। 

ইং কুমজা ২০১৭কী সেপ্তেম্বরদা পি.এম. অবে ভারত্তা লাকখি। মরূপ-মপাং ওইবগী খুদম ওইনা, ১২শুবা ইন্দিয়া জাপান এনুএল সম্মিৎকীদমক পি.এম. অবেনা ইং কুমজা ২০১৭তা অহমদাবাদ এয়রপোর্ত্তা থুংখিবদা পি.এম. মোদীনা মহাকপু ওক্নবা প্রোতোকল থুগাইদুনা চৎখি। তরাম্না ওকপগী থৌরম হেক লোইবগা পি.এম. অবে, মহাক্কী লোয়নবী অমসুং পি.এম. মোদীনা মহাত্মা গান্ধীদা ইকাই খুম্নবা উৎনবগীদমক সাবরমতি আশ্রমদা ওপন-রুফ জীপ তোংদুনা কি.মি. ৮গী রোদশোগীদমক খোঙশানখি। মতুংদা মখোয়না সিদী সইদ মসজিৎ লোয়ননা দান্দী কুতীরদা চৎখি।

 

 

লুচিংবা অনিনা অহমদাবাদ অমসুং মুম্বাইগী মরক্তা অহানবা হায়-স্পীদ রেল প্রোজেক্তকী পুন্না উরেপ-উয়ুং তমখিবা অদু পুৱারী ওইরবা মীকুপ অমা ওইখি। পি.এম. মোদীনা প্রোজেক্ত অসিগীদমক তেক্নিকেল অমসুং ফাইনান্সিএল সপ্পোর্ত পীখিবগীদমক পি.এম. অবেদা তৌবীমল খঙবা উৎখি।

ইং কুমজা ২০১৮ লাকখি মতম অদুদা পি.এম. অবেনা শুমহৎনীংঙাই ওইরবা য়ামানাশীগী পর্ফেজচরদা পি.এম. মোদীবু কৌখি। মসি খক নত্তনা মহাক্না য়ামানাশীগী লেক কাৱাগুচি মনাক্তা লৈবা মহাক্কী য়ুমদা পি.এম. মোদীবু কৌখি।

লুচিংবা অনিনা য়ামানাশীদা লৈবা মালেমগী ইন্দস্ত্রিএল রোবোতশিংগী খ্বাইদগী চাউবা মেকর অমা ওইরিবা জাপানগী এফ.এ.এন.য়ু.সি. কোর্পোরেসন্দসু চৎখি। লুচিংবশিংনা রোবোতিক্স অমসুং ওতোমেসন ফেসিলইতীশিং য়েংখি।

ইং কুমজা ২০১৯দা থা মরি খক্তগী মতমগী মনুংদা মখোয়না ওসাকা (জি. ২০ সম্মিৎ মনুংদা), ব্লাদিবোস্তোক (ইস্তর্ন ইকনোমিক ফোরম মনুংদা) অমসুং বেঙ্কোক্তা (ইন্দিয়া-এসিয়ন অমসুং ইস্ত এসিয়া সম্মিৎ মনুংদা) অহুমলক উন্নখি।

ইং কুমজা ২০২০গী ময়াই চল্লকপদা শ্রী অবেনা অনাবা অমনা মরম ওইদুনা জাপানগী প্রধান মন্ত্রীগী ফম থাদোকখিবদা পি.এম. মোদীনা মহাকপু অথুবদা নাবা ফগৎলক্নবা য়াইফ-মঙ্গল পীখি। পি.এম. মোদীগী মতৌ অদুদা শ্রী অবেনা অপেনবা পোকই আয়না ফোঙদোকখি অমসুং মহাক্কী “নুংশিরবা ৱাহৈশিং” অসিগীদমক পি.এম. মোদীদা থাগৎপা ফোঙদোকখি।

 

হন্দক্তা ক্বাদ সম্মিৎকীদমক পি.এম. মোদীনা চৎখিবা জাপানগী মহাক্কী খোঙচৎ মনুংদা পি.এম. মোদীনা জাপানগী হান্নগী প্রধান মন্ত্রী শিঞ্জো অবেগা অমুক হন্না উন্নখি, মখোয়না ইন্দিয়া-জাপান পার্তনরশিপকী পাক চাউরবা হীরম লোয়ননা ঐখোয়গী লৈবাক অনিগী মরক্তা লৈরিবা নাৎ অমসুং মীয়ামগী মরীশিং অসি মখা তানা চেৎশিনহন্নবগী মতাংদা খন্ন-নৈনখি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Unveiling India’s market magnetism: Why international brands flock to expand amidst rising opportunities

Media Coverage

Unveiling India’s market magnetism: Why international brands flock to expand amidst rising opportunities
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 16 জুন, 2024
June 16, 2024

PM Modi becomes synonymous with Viksit Bharat at home and abroad