ঙসি নই দিল্লীগী ৭, লোক কলয়ান মার্গতা প্রধান মন্ত্রী শ্রী নরেন্দ্র মোদীনা য়ুরোপিয়ন পর্লিয়ামেন্তগী মেম্বরশিং উনখ্রে। মখোয়গী তার্ম হৌরকপদা মখোয়গা ভারতকা লৈনবা মরিগী মরুওইবা খঙদুনা ভারত্তা লাকপগীদমক প্রধান মন্ত্রীনা থাগৎখি।
প্রধান মন্ত্রীনা হায়খি য়ুরোপিয়ন য়ুনিয়নগা ভারতকা লৈনবা মরি অসি গনতন্ত্রগী মগুনশিংদা মান্নবা থাজবা লৈনবা অদুদা য়ুম্ফম ওইবনি। ফজবা অমসুং থোং মান্নবা বি তি আই এ অমা অথুবদা লৈহনবা অসি সরকার অসিগী অপাম্বনি।লমদম অসিগী অমসুং মালেমগী ৱাথোকশিংদা ই য়ুগা পুন্না থবক তৌমিন্নবা হেনগৎহনবগী তঙাইফদবগী মতাংদা প্রধান মন্ত্রীনা তেরোরিজম থেংন্নবা মালেমগী ওইনা মতেং পীনবগী মরুওইবা অদু পনখি। ইন্তরনেসনেল সোলার এল্লাইন্স অসি মালেমগী চুংশিন্নবা অমা ওইনা ফগৎলক্লিবা অসি মহাক্না পনখি।
মীহুৎকাংবু অদু ভারত্তা তরাম্না ওক্লদুনা মখোয়না জে অমসুং কে য়াওনা লৈবাক্কী তোঙান-তোঙানবা মফমশিংদা কান্নবা খোঙচৎ চৎকনি হায়বগী থাজবা প্রধান মন্ত্রীনা ফোঙদোকখি। জে অমসুং কেদা চৎকদৌরিবা মখোয়গী খোঙচৎ অদুনা জম্মু, কাস্মির অমসুং লাদাখ লমদমগী কলচর, ধর্ম্মগী মতাংদা ফজনা খঙবা ঙম্লগনি অমসুং লমদম অদুগী লৈঙাক অমসুং চাউখৎ-থৌরাংগী মরুওইবশিংগী অশেংবা শক্তমা অমা উবা ফংলগনি।
২০১৪দা ভারতকী ইজ ওফ দুইং বিজিনেস রেঙ্কিং ১৪২দা লৈরম্বদগী হৌজিক ৬৩শুবা মফমদা হাইগৎলক্লিবা অসিগী মতাংদা প্রধান মন্ত্রীনা পাউদমখি। মহাক্না হায়খি মসি ভারতকী পাকচাউবা, মীশিং অমসুং খেন্নবা ময়াম অসিগী অচৌবা মাইপাকপা অমনি। ঙসি লৈরবা লৈবাক ঙাকপগী মওং অসিনা মীয়ামগী অপাম্বা অনিংবশিংগী মাইকৈদা চৎপা ঙম্লে।
ভারতমচাশিং হিংবদা লাইনবা সরকারনা পায়খৎলিবা থবকশিং প্রধান মন্ত্রীনা ফোংদোকখি। শ্বাছ ভারত অভিয়ান অমসুং অয়ুসমান ভারত য়াওনা সরকারনা মাইপাক্না পায়খৎলিবা মরুওইবা থবকশিং মহাক্না পনখি। মালেমগী ওইনা থম্লিবা পান্দম অদুদগী চহি ৫ ঙনখৎনা ২০২৫দা ভারতনা তি বি মুৎথৎনবা থম্লিবা পান্দম অদু মহাক্না পনখি। অকোয়বগী ফিবম ঙাক্নবা অমসুং রিনিউয়েবল ইনর্জি শীজিন্নবা হেনগৎহন্নবা অমসুং অমুক খক শীজিন্নবা প্লাস্তিক্কী মায়োক্ত চংশিল্লিবা খোঙজংগী মতাংদা মহাক্না পনখি।
