প্রধান মন্ত্রী, শ্রী নরেন্দ্র মোদীনা মরন্নাইগী ওইবা থবক অমগীদমক্তা হৌজিক ভারত্তা লাক্লিবা কেনয়াগী হান্নগী প্রধান মন্ত্রী, ঐচ.ই. রাইলা অমোলো ওদিঙ্গাগা ঙসি উন্নখ্রে। লুচিংবা অনি অসিনা দিকেদ কয়াদগী মখোয়গী মরক্তা লৈনরক্লিবা মরুপ-মপাংগী মরীগী মতাংদা ৱাফম কয়া নীংশিংনখি।
প্রধান মন্ত্রী মোদীনা চাউরাকপা চহি অহুম মখায়গী মতুংদা শ্রী ওদিঙ্গাগা অমুক্কা হন্না উন্নবা ফংবদা নুংঙাইবা ফোংদোকখি। ইং ২০০৮দগী হৌদুনা ভারত অমসুং কেনয়াগী মফমশিংদা শ্রী ওদিঙ্গাগা উন্নখিবা অমসুং ইং ২০০৯ অমসুং ২০১২দা পাংথোকখিবা ভাইব্রেন্ত গুজরাত সম্মিত্তা শ্রী ওদিঙ্গানা শৌগৎখিবগী থৌওংশিংবু প্রধান মন্ত্রী মোদীনা নীংশিংখি।
লুচিংবা অনিমক্না পাম্বা মান্নবা হীরম কয়াগী মতাংদসু মখোয়না ৱারী শাখি। প্রধান মন্ত্রী মোদীনা ভারত অমসুং কেনয়াগী মরীবু হেন্না ফগৎহন্নবা খোঙফম চেৎপগী ৱাফমস ফোংদোকখি।
প্রধান মন্ত্রীনা শ্রী ওদিঙ্গানা হকশেল ফনা লৈনবা অমসুং তুংগী থবক কয়াদা মায় পাকপা ওইয়ু হায়নসু য়াইফ পাউজেল পীখি।
Delighted to receive my friend H.E. Raila Amolo Odinga, former Prime Minister of Kenya. I fondly recollect my past interactions with him in India and Kenya.
— Narendra Modi (@narendramodi) February 13, 2022
India and Kenya enjoy strong bilateral relations and we welcome further strengthening of our ties. pic.twitter.com/vz39ij5y4f
