Share
 
Comments
Christmas is the time to remember the invaluable teachings of Jesus Christ: PM Modi during #MannKiBaat
We believe in ‘Nishkaam Karma’, which is serving without expecting anything in return. We are the believers in ‘Seva Parmo Dharma’: PM during #MannKiBaat
#MannKiBaat: Guru Gobind Singh ji’s life, filled with courage and sacrifice, is a source of inspiration for all of us, says PM Modi
Indian democracy welcomes our 21st century 'New India Voters': PM Modi on new age voters during #MannKiBaat
The power of vote is the biggest in a democracy. It is the most effective means of bringing positive change in the lives of millions of people: PM during #MannKiBaat
#MannKiBaat: The young voters of 18 to 25 years of age are the ‘New India Youth.’ They are filled with energy and enthusiasm, says PM Modi
Our vision of a ‘New India’ is one that is free from the menace of casteism, communalism, corruption, filth and poverty: PM Modi during #MannKiBaat
#MannKiBaat: PM Narendra Modi speaks about organising mock parliament in India’s districts to educate new age voters
Let us welcome the New Year with the smallest happiness and commence the journey from a ‘Positive India’ towards a 'Progressive India': PM Modi during #MannKiBaat
#MannKiBaat: Swachhata Andolan is a clear demonstration of how problems can be changed and solved through public participation, says Prime Minister
#MannKiBaat: PM Modi speaks about Haj, says government has done away with ‘Mehram’ aspect
‘Nari Shakti’ can take India’s development journey to new heights: PM Modi during #MannKiBaat

ঐগী নুংশিজরবা ইরৈবাকচাশিং খুরুমজরি। হন্দক্কী ‘মন কী বাত’ অসি চহি অসিগী অরোইবা থৌরম্নি অমসুং তাঞ্জা চানরুদুনা ঙসি অসি চহি অসিগী অরোইবা নুমিৎসুনি। চহি চুপ্পা অসি ঐহাক্না মীয়ামগা লোইননা ৱাফম কয়া খন্ন–নৈনমিন্নখি, ‘মন কী বাত’তা মীয়াম্না ইরকপা চিথী, ৱাখল্লোনশিং অদুনা ঐঙোন্দা অনৌবা থৌনা হাপ্পীখি। পুংজা খরগী মতুংদদি অনৌবা চহি লাক্লগনি। অদুবু ঐখোয়গী ৱারি–ৱাতাইগী থৌরম অসি মখা অদুম চৎথখিগনি। লাক্কদৌরিবা চহি অসিদা ঐখোয়না অনৌ অনৌবা ৱাফম কয়া তান্নমিন্নগনি। পুম্নমক্কী মফমদা ২০১৮গী য়াইফ–পাউজেল পীজরি। হৌখিবা দিসেম্বরগী ২৫দা মালেম শিনবা থুংনা ক্রিসমসকী কুম্মৈ য়াম্না চাওনা পাংথোকখি। ভারত্তসু মীয়াম্না য়াম্না থৱাই য়াওনা পাংথোকখি। ক্রিসমসকী মতম অসিদা ঐখোয়না যিশুগী অথোইবা পাউতাকশিংবু নীংশিংই অমসুং মহাক্না মীওইবগী সেবাগী ৱাখল অসিবু য়াম্না লুম্না লৌখি। সেবাগী ৱাখল্লোন অসিগী শম্লপ্পা ৱারোল ঐখোয়না বাইবলদা উবা ফংই।

মীওইবগী মচানা লাক্লিবসি, সেবা ফংনবগীদমক নত্তে,

সেবা তৌনবগীদমক্তনি,

অমসুং মাগী পুন্সি কৎথোক্নবনি, থৌজাল ওইনা,

মীওইবা জাতিগীদমক্তা।

মসিদা সেবাগী অথোইবা শক্তমদু উৎথোক্লি! মালেম অসিদা জাতি কয়া লৈরমগনি, ধর্ম কয়া লৈরমগনি, চৎনবী কয়া চৎনরমগনি, মচু কয়া শংলমগনি, অদুবু মীওইবগা সেবা হায়বসিদি মমল নাইদ্রবা শক্তম্নি। ঐখোয়গী লৈবাক অসিদা মীগী সেবা তৌরুরবা মতুংদা মদুদা করিসু ফংলক্কনি হায়বগী আশা তৌনদে। ঐখোয়গীদি হায়নরিবা অসিনি ‘সেবানা অথোইবা ধর্মনি’। মীওইববু সেবা তৌবা হায়বা অসি ঈশ্বরবু সেবা তৌবনি। গুরুদেব রামকৃষ্ণ পরমহংসনা হায়বীরম্মি – ঈশ্বরগী ৱাখল্লোন্দা জিবগী সেবা তৌ মসিনা মালেম পুম্বগী মীওইবশিং সেবা তৌবগা মান্নৈ। ঐখোয়না অথোইবা মীওইপোকশিংগী মরমদা নীংশিংদুনা, অশেংবা নুমিৎশিংবু নীংশিংদুনা, ঐখোয়গী মপান নাইদ্রবা চৎন–লোনচৎ অসিবু অনৌবা ৱাখল্লোন, অনৌবা থৌনা পীদুনা হিংননবা হোৎনমিন্নরসি।

ঐগী নুংশিরবা ইরৈবাকচাশিং, হন্দক্কী চহি অসি গুরু গোবিন্দ সিংহজীগী ৩৫০ শুবা মপোক কুমওনসু তাই। গুরু গোবিন্দ সিংহগী থৌনা অমদি কৎথোকপনা থল্লবা পুন্সি অদুদগী ঐখোয়না তমজরিবনি। গুরু, কবি, ৱাখল লৈবা অফাওবা লান্মী অমা ওইনা গুরু গোবিন্দ সিংহজীনা মীয়ামগীদমক থবক কয়া তৌখি। মহাক্না মীরাইবীরবা অমসুং নৈহৎপীরবশিংগীদমক মায়োক্নখি। মীয়ামদা জাতি অমসুং ধর্ম খাইবা তোক্নবা পাউতাক পীখি। মহাক্কী অসিগুম্লবা হোৎনবা অসিদা মশাগী ওইজবা কয়া মাংখি। অদুবু মানা কৈদৌনুংদসু য়েক্নবগী ৱাখল্লোন্দি পুশিল্লকখিদে। পুন্সিগী মিকুপ খুদিংদা নুংশিবা, কৎথোকপা অমদি শান্তিগী পাউজেল পীখি। ঐগী লাইবক ফবনা চহি অসিগী হৌরকপদা গুরু গোবিন্দ সিংহজীগী চহি ৩৫০ শুবা মপোক কুমওন্দা পতনাসাহিবতা পাংথোকখিবা প্রকাশোৎসবতা শরুক য়াবা ফংজখি। ঐখোয়না গুরু গোবিন্দ সিংহজীগী অথোইবা পাউতাক অমদি ফিদম্নফম ওইরবা পুন্সিদগী তমজদুনা পুন্সিগী মায়োন শেম্লসি।

জনুৱারী অমা, ২০১৮ হায়বদি হয়েং, ঐগী ৱাখলদা হয়েংগী নুমিৎ অসি অখন্নবা নুমিৎ অমনি। অতাবশিংনা ঙকপীরমগনি মদুদি অনৌবা চহিদি লাক্তুনতা লৈ, জনুৱারী অমসু চহি খুদিংগী অদুম্মক লাকই। অদুবু অখন্নবা হায়বদি অখন্নবনি। মরমদি চহি ২০০০ নত্রগা মসিগী মতুংদা পোকপা মীওইশিং হায়বদি ২১ শুবা চহি চাদা পোকপা মীওইশিংদি ২০১৮দগী ভোৎ থাদবা য়াবা মীওই ওইরে। ভারত লৈবাক্কী লৈঙাক, ২১ শুবা চহি চাগী ভোতরশিং, ‘ন্যু ইন্দিয়া ভোতরশিং’ তরাম্না ওকচরি। ঐহাক্না অসিগুম্বা নহাশিংদা য়াইফ-পাউজেল পীজরি অমসুং ইশা ইশাবু ভোতর অমা ওইনা মিং চনশিনবীয়ু হায়জরি। হিন্দুস্তান অপুম্বনা নখোয়বু ২১ শুবা চহি চাগী ভোতর ওইনা ওক্নবা লাংতক্নরি। ২১ শুবা চহি চাগী ভোতর অমা ওইনা নখোয়সু চাওথোকচবা ফাওরমগনি। অদোমগী ভোতনা ‘অনৌবা ভারত’ শেমগদৌরিবনি। ভারতকী শক্তি অসি মীয়াম লৈঙাক্কী খ্বাইদগী চাওবা পাঙ্গলনি। মীওই লাখ কয়াগী পুন্সিদা অচৌবা অহোংবা অমা পুরকপদা ভোৎ অসি খ্বাইদগী চুনরবা পাম্বৈনি। অদোমগী শুপ্নতংগী ভোৎ পীবগী শক্তি অদুতা নত্তে ২১ শুবা চহি চাগী ভারত অসি কমদৌগদগে? মসিদা অদোমগী মংলান করিনো? অদোমসু ২১ শুবা চহি চাগী ভারতপু অনৌবা মায়োন অমদা পুরিবা মীশক ওইগদৌরিবনি। মসি জনুৱারী অমদগী হৌরে। ঙসিগী ঐগী ‘মন কী বাত’ অসিদা ঐনা ভারতকী চহি ১৮দগী ২৫ ফাওবগী মনুংদা লৈবা হৈ শিংবা থৌনা অমদি ৱাখল্লোন লৈরবা মগুন লৈরবা নহাশিংগা ৱারি শান্ননীংই। ঐহাক্না মখোয়বু অনৌবা ভারতকী নহারোন হায়না কৌনীংই। অনৌবা ভারতকী নহা হায়বদি নুংঙাইবা, থৌনা অমদি পাঙ্গল অসিনি। ঐখোয়গী পাঙ্গল লৈরবা নহাশিং অসিগী হৈশিংবা অমদি থৌনানা ঐখোয়গী অনৌবা ভারতকী মংলান অসি মংফাওনহনগদৌরিবনি। ঐখোয়না অনৌবা ভারতকী মরমদা হায়নরিবা অসি জাতিগী খেন্নবা লৈতবা, কাংলুপকী খেন্নবা লৈতবা অমদি শেঞ্জা-থুমজা লৈতবা, অমোৎপা অমদি লাইরবা লৈতবা অদুবুনি। অনৌবা ভারত্তা পুমনমক্কী চপ মান্নবা খুদোংচাবা অমদি অপাম্বা অনীংবা পুম্বা ফংবা অদুনি। শান্তি অপুনবগী খোঞ্জেল অমদি পুকচেল খোইজেল তিন্নবা অসিনা ঐখোয়গী লমজিংবা শক্তি ওইগদৌরিবনি। ঐখোয়গী অনৌবা ভারতকী নহাশিংনা মাংজিল থাদুনা অনৌবা ভারত করম্না শেমগনি হায়বদু খন্নসি। ইশানা ইশাগী লম্বী শেমজদুনা মথং মথং শমজিন্দুনা খোংচৎ মপুং ফাহল্লসি। নখোয়সু চাওখৎলসি লৈবাকসু চাওখৎহনসি। নখোয়গা ৱারি শান্নরিঙৈ অসিদা ঐ ৱাখল অমা লাক্লে। ঐনা খল্লিবসি ভারতকী জিলাশিংদা মোক পার্লিয়ামেন্ত অমমম পাংথোকপা য়াগদ্রা অসিনি? মফম অদুদা চহি ১৮দগী ২৫ ফাবগী মনুংদা লৈবা নহারোলশিংনা ফম্মিন্নদুনা অনৌবা ভারতকী মরমদা নৈনবা, থৌরাংশিং য়াৎথোকপনচিংবা পাংথোকপনি। ঐখোয়গী ৱাশকশিং অদু ২০২২গী মমাংদা পাংথোকপা য়ারোইদ্রা? ঐখোয়গী নীংতম লান্মীশিংনা পামজরম্বা ভারত অদু শেমবা য়ারোইদ্রা? মহাত্মা গান্ধীনা নীং তম্বগী ইহৌদু মীয়ামগী ইহৌ ওইনা শেমখি। ঐগী নহা ওইরিবা মরূপশিং, ঐখোয়গী ২১ শুবা চহি চাগী মঙাল নাইরবা ভারত অমগীদমক মীয়ামগী ইহৌ শাগৎপা ঙম্লোইদ্রা? চাওখৎপগী মতিক লৈরবা ভারত অমগী ইহৌ। ঐনা পাম্বসি ওগস্ত ১৫গী ময়াদা দিল্লীদা মোক পার্লিয়ামেন্ত অমা শিনবা, মদুদা জিলা পুম্নমক্তগী খনগৎলবা নহারোলশিংনা মথংগী চহি মঙাদা অনৌবা ভারত অমা করম্না শেমগনি হায়বগী মতাংদা খন্নবনি। নীংজবগী পান্দম করম্না ফংগনি? হৌজিক্তি নহাশিংগী অনৌবা খুদোংচাবা য়াম্না লৈরে। স্কিল দিব্লপমেন্ততগী হৌরগা ইনোবেসন অমসুং ইন্ত্রপ্রিনরশিপ্তা ঐখোয়গী নহারোলশিংনা মাংজিল থারি অমসুং মাই পাক্লি। অসিগুম্বা খুদোংচাবশিং অসি অনৌবা ভারতকী নহারোলশিংনা মফম অমত্তদা কমদৌনা ফংগনি? চহি ১৮ শুরকপদা মালেমগী মরমদা অমদি অতৈ হিরম কয়াগী মতাংদা নীংথিনা খঙবা অমদি কান্নবা ফংবা অদুনি ঐনা পাম্লিবসি।

ঐগী নুংশিরবা লৈবাক মচাশিং, হৌখিবা ‘মন কী বাত’তা ঐনা অফবা ৱাখলগী মগুনগী মরমদা হায়খি। ঐহাক সংস্কৃতকী শ্লোক অমা নীংশিংলকই –

উৎসাহো বলৱানার্য়, নামস্ত্যুৎসাহাৎপরং বলম|

সোৎসাহস্য চ লোকেষু ন কি্চিদপি দুর্লভম|

ঐনা হৌখিবা ‘মন কী বাত’তা ২০১৭কী অফবা নুংঙাইবা মিকুপশিং অদু হায়বীরকউ হায়খি। অদুগা ২০১৮ অসি অফবা ৱাখল্লোন অমদা তরাম্না ওকসি। মীয়াম্না সোসিয়েল মিদিয়া প্লেৎফোর্ম  মাইগোব অমসুং নরেন্দ্রমোদীএপতা য়াম্না অফবা ৱাখল্লোন্দা শরুক য়াবীরকখি। মসিদা ঐ য়াম্না নুংঙাইবা ফাওজখি। পোজিতিব ইন্দিয়া হেসতেগ (#)তা মীওই লাখ কয়ানা ত্বীৎ তৌবীরকখি মদু মীওই কোতি চাম্মগী ময়াদা য়ৌখি। মতৌ অসুম্না অফবা ৱাখল্লোনগী ইহৌ অসি ভারত্তগী হৌখিদুনা মালেম পুম্বদা শন্দোকখি। ত্বীৎশিং অমদি পাউখুমশিং অদু য়াম্না নুংঙাইখি। মীওই খরনা চহি অসিগী থৌদোক-ৱাথোকশিংগী মরমদা মখোয়গী থমোইদা ফাওখিবশিং অদু ফোংদোকপীরকখি। খরনা মখোয় মশাগী থৌদোকশিংগী মরমদা হায়বীরকখি।

খোঞ্জেল#

# ঐগী মিং মীনু ভাতিয়া কোই। ঐহাক ময়ুর বিহারপোকেৎ ৱানফেজ ৱানদিল্লীদা লৈজবনি। ঐগী ইচানুপী এমবিএ তম্বা পামখি। মসিগীদমক্তা ঐ বেঙ্ক লোনগী মথৌ তাখি মদু ইৱা ৱাদনা ফংখি অমসুং হৌজিক ইচানুপী নীংথিজনা লাইরিক তম্লি।

ঐগী মিং জ্যোতি রাজেন্দ্র ৱাদে কৌই। ঐহাক বোদেলদগী ঙাংজরিবনি। ঐগী ইপুরোইবনা থা খুদিংগী ইন্সুরেন্স ওইনা লুপা অমমম ককহনখি। মহাক এক্সিদেন্ত অমদা লৈখিদ্রে। মতম অদুদা ঐখোয়না কয়াম ৱাখি হায়বসি ঐখোয়তনা খঙই। সরকারগী মতেংদুনা ঐখোয় য়াম্না কান্নখি।

ঐগী মিং সন্তোষ য়াদব কৌই। ২০১৭তগী ঐখোয়গী খুঙ্গং ভিন্নর হায়বা অসিদগী নেস্নেল হাইৱে অসি লৈরে। মসিনা মরম ওইদুনা ঐখোয়গী খুঙ্গংগী লম্বেল অসি য়াম্না ফগৎলে অদুগা ললোন ইতিক্কী ফিভমসু ফগৎলক্কদৌরে।

ঐগী মিং দীপানশু আহুজা কৌইলৈকাই সাদৎগঞ্জজিলা সহারনপুরউত্তর প্রদেশতা লৈজৈ। ঐখোয়গী ভারতকী লান্মীগী মরমদা থৌদোক অনিখক্কী মরমদা পঞ্জনীংই। তেরোরিস্তশিংগী লোঞ্চিং পেদ্স ওইরিবা পাকিস্তান্দা মখোয়না তৌখিবা সর্জিকল স্ত্রাইক্না নেস্তনাবুদতা তৌখিবা অমদি মসিগা লোইননা ঐখোয়গী ভারতকী লান্মীগী থৌনা দোকলামদা উখিবা অদু চাংদম্নীংঙাই লৈতবা অমনি।

ঐগী মিং সতীশ বেবানী কৌই। ঐখোয়গী লৈকাইসি ঈশিংগী খুদোং চারমদে তশেংনমক ঐখোয় চহি ৪০ রোম আর্মীগী পাইপ লাইন্দা তাংজদুনা লৈরকখি। হৌজিক্তি পাইপ লাইন অসি তোঙান্না ফংজরে। মসিনি ২০১৭তা ঐখোয়গী ওইনা থোইদোক্না নুংঙাইজবা ৱাফম।

অসুম্না মীওই কয়ানা মাগী মাগী ওইবা থাক্তা থবক পাংথোক্নরি। মসিনা মীওই কয়ামরুমগী পুন্সিদা মহৈ য়াল্লবা অপুনবা অমা পুরক্লবনি। তশেংনমক মসিনি অনৌবা ভারত হায়রিবা অসিসু। মসি ঐখোয় পুম্নমক্না শেমগৎমিন্নবনি। অসিগুম্বা নুংঙাইবা মচা মচাশিং অসিগা লোইননা ঐখোয় অনৌবা চহিরোমদা খোং থাংজিনমিন্নরসি। অনৌবা চহি অসি হৌগৎলসি অমসুং ‘পোজিতিব ইন্দিয়া’দগী ‘প্রোগেসিব ইন্দিয়া’রোমদা অচেৎপা খোংথাংগা লোইননা চংশিনমিন্নরসি। পোজিতিবিতী ৱাফম অসি পল্লকপদা ঐহাক ৱাফম অমখক ময়ামদা শ্যার তৌজনীংই। হন্দক্তা কাশ্মীরগী এদমিনিস্ত্রেতিব সার্বিসতা মকোক তারকপা অঞ্জুম বশীর খান খত্তক্কী পুক্নীং থৌগৎনীংঙাই ওইবা ৱারিগী মতাংদা খঙজরকপনি। মহাক্না তেরোরিজম অমসুং নুংশিনদবগী চৈনাদগী লান্থোক্তুনা কাশ্মীরগী এদমিনিস্ত্রেতিব সার্বিসকী চাংয়েংদা মকোক তারকখি। তাবদা ময়াম্নদি ঙক্কদবা ৱাফম্নি। ১৯৯০দা তেরোরিস্তশিংনা মহাক্কী মপা মপুগী ওইবা ময়ুম-মকৈ অদু তুম্না মৈ থাদোকপীখি। মীওৎ-মীনৈ কয়াম্মুক কনবগে হায়ববু মখোয় মখোয়গী লৌরি-য়ুম্ফম থাদোক্তুনা চেন্নবা তাখি। পীক্লিবা অঙাং অমগী থমোইদদি থোক্লিবা থৌদোক অদুনা অকি-তুজুংবা অমদি নুংশিনদবগী মৈ চুখৎপদা থোইদোক্না লাইনা থোক্লবা ৱাফম্নি। অদুবু অঞ্জুম্না অদুম্না খক ওইহনখিদে। মহাক্কী থাজবা মাংখিদে। মহাক মশানা মশাগীদমক লম্বী অমা খনজখি। ঙসিদি মহাক জম্মু কশ্মীর খক্তগী নত্রে। লৈবাক অসিগী নহারোলশিংদা ইথিল পীরিবা মীশক অমা ওইরে। ফনা তমথিবা ফিভম অমা মায়োক্নবা তারবসু অফবা ৱাখল্লোন্না নীংবা কাইবগী লৈচিলবু তাকহনবা ঙম্মি হায়বসি অঞ্জুম্না খুদম ওইনা উৎলে।

হৌখিবা চয়োলদা ঐহাক জম্মু-কশ্মীরগী ইচা নীঙোল খরগা উন্নবগী তাঞ্জা ফংজখি। মখোয়গী থৌনা, মখোয়গী মংলান, মখোয়গী হৈনীংবা, করম করম্বা মাইকৈদা চাওখৎহন্নীংবা হায়বনচীংবগী মতাংদা মখোয়দগী তাবা ফংজখি। মখোয়দি পুন্সিবু ওন্থোক্না থাজজবা মীওই ঙাক্তনি। নীংবা কাইবা হায়বগী মমি অদু ফাওবা উখিদে। মখোয়গুম্বী ইচা নীঙোলশিং অদুগা ৱারি শানরুবদগী ঐহাকসু অনৌবা ইথিল কয়া পোক্লকখি। মখোয় অসিনি লৈবাক অসিগী থৌনা, ঐখোয়গী নহারোল, ঐখোয়গী তুংগী লাইবক।

ঐগী নুংশিজরবা ইরৈবাকচাশিং, ২০১৪গী ওক্তোবর ২, বাপুগী মপোক কুমওন্দা ঐখোয়না লেপ্নখিবা ৱাফম অমদি বাপুগী মপুং ফাখিদ্রবা থবক হায়বদি ‘স্বচ্ছ ভারত’, ‘অমোৎপদগী নান্থোক্লবা ভারত’ অসিনি। কোক নোঞ্জনীংঙাইগী মশক ওইরবা বাপুনা মপুন্সি চুপ্পা থবক অসিগীদমক হোৎনখি, মায়োক্নখি। অদুগা ঐখোয় পুম্নমক্না লেপ্নখিবসু বাপুগী চহি ১৫০ শুরকপা মপোক কুমওন্দা মহাক্কী মংলানগী ভারত ‘স্বচ্ছ ভারত’ অসি মংফাওনহন্নবগী মাইকৈদা করিগুম্বা খরতা ওইরবসু পাংথোকমিন্নসি হায়বসিনি। লু-নানবগী মাইকৈরোমদা লৈবাক শিন-থুংনা পাক শন্না হোৎনমিন্নরি। খুঙ্গং অমসুং শহরগী লম অনিমক্তা মীয়াম্না শরুক য়াবীদুনা  পাক শন্না শরুক য়াবীরকপা অসিনসু অওনবা অমা পুরকপা উজরে। শহরগী লমশিংদা লু-নানবগী থাক অসি লেপ্ননবা লাক্কদৌরিবা জনুৱারীগী তাং মরিদগীনা মার্চকী তাং ১০, ২০১৮ ফাওবসি মালেমগী ওইনা খ্বাইদগী চাওবা সর্ভে হায়বদি   ‘স্বচ্ছ সর্বেক্সন ২০১৮’ অসি পাংথোক্কনি। হায়রিবা সর্বে অসি  শহর লিশিং মরিদগী হেনবা চাওরাক্না মীওই কোতি ৪০ মুক তাবা মফমদা পাংথোক্কনি। হিরম অসিদা মরু ওইনা য়েংশিনগদবা থাকশিংদি শহরগী লম্হাংশিংদা মাংসিন্দবা, অমোৎ-অকাই খোমগৎপা, অমোৎ-অকাইশিং অদু পুখিনবগী গাড়ী থৌরাং তৌবা, সাইন্তিফিক ওইবা থৌওংদা অমোৎ-অকাইশিং অদু প্রোসেসিং তৌবা, হৈনবী হোংদোক্নবগীদমক্তা হোৎনবা, কেপাসিতী বিল্দিং অমদি লু-নান্নবগীদমক্তা হোৎনবা ইনোবেতিব ওইবা থৌওং অদুগা থবকশিং অসিগীদমক্তা মীয়াম্না শরুক য়াবা হায়বা অসিনি। সর্বে পাংথোক্লিঙৈগী মনুংদা তোঙান তোঙানবা মীওইশিংনা কাংলুপ-কাংলুপ শেমদুনা শহরশিং য়েংশিনবা চৎকনি। মীচমশিংগা উনদুনা মখোয়গী ৱাখল্লোনশিংদুগী ই-পাউ লৌগনি। স্বচ্ছতা এপ শিজিন্নবগী অমদি থৌ পাংথোক্লিবা তোঙান তোঙানবা মফমশিংদা লাক্লিবা অহোংবশিং অদুগী মতাংদা নৈনগনি। মসিদা য়েংশিনগদৌরিবা অতোপ্পা ৱফম অমগসু লৈরিবসি শহরবু লু-নালহনবা অসি শহরগী হৈনবী ওইরবরা অদুগা অসিগুম্বা থৌরাংশিং অসি শহর মশামক্না শেমজরকপরা হায়বসিনি। লু-নানবা অসি লৈঙাক খক্তনা তৌগদবনি হায়বা লৈতে মীপুম খুদিংমক অমদি মীয়ামগী ওইবা লুপশিংগীসু অচৌবা থৌদাং লৈরিবনি। ঐনা ময়ামগী মফমদা ফোংদোকচনীংবদি লাক্কদৌরিবা লু-নানবগী মতাংদা য়েংশিনগদৌরিবা অসিদা থোইদোক্না শরুক য়াবীয়ু হায়বসিনি। অদোমগী শহর অদু লৈথহৌদনবা, লৈরক-লৈকাই অদু চিৎথহৌদনবা থৌদাং য়াবীয়ু। ঐহাক্না থাজজবদা য়ুমগী অকংবা অমোৎ অকাইগা, অচোৎপা অমোৎ অকাইগসি হিগোক অমদি অশংবা মচুগী দস্তবিন্দা তোঙান তোঙান্না হাপ্পগী হৈনবীদু লৈবীরম্লগনি। অমোৎপশিং অসিগীদমক্তা রিদ্যুস, রি-য়ুজ অমদি রিসাইকল হায়বা অসি ওন্থোক্না কান্নখ্রবা থৌওংনি। লাকপীরো, ৱাশক অসিগা লোইননা ঐখোয় পুম্নমক্না অমুক হন্না অমুক্তং ইকাই খুম্নজরবা বাপুবু নীংশিংজদুনা স্বচ্ছ ভারতকী ৱাশক শক্লদুনা থবক অদু পাংথোক্লসি।

ঐগী নুংশিজরবা ইরৈবাকচাশিং, ৱফম খরা লৈরি য়েংবদদি পীক্না উবা অদুবু খুন্নাই অমগী মশক ওইনদি ঐখোয়বু লাপ্না লাপ্না শক খঙবীবা মতিক খরা। ঙসি ‘মন কী বাত’কী থৌরম অসিগী খুৎথাংদা ঐনা ৱাফম অমখক শ্যার তৌজনীংই। ঐনা খঙজবদা কনাগুম্বা মুস্লিম নুপী অমনা হজ খোংচৎ অসি চৎকে হায়রগদি মহাক ‘মহরম’ নত্রগনা মহাকপু ঙাকপী শেনবীবা নুপা ওইবা মরি-মতা নত্রগদি য়াদে। অহানবদা তাজবা মতমদা ঐহাক্না মসি কমদৌনা ওইরিবনো হায়না খনখি। অসিগুম্বা কাংলোন, চৎন-পথাপ অমা কনানা শেম্লিবনো? অসুম্না হন্থনা থম্বা করিগীনো? হেন্না লুনা চংশিল্লুরবা মতুংদা খঙলকপদুনি ঐনা অঙকপা পোক্লিবদি। নীং খা তম্লবা চহি ৭০ শুরবা মতুং অসি ফাওবদা অসিগুম্বা অথিংবা থম্লিবা অসি ঐখোয় ইশানা অসুম্মক ওইরম্মি। অসুক শাংলবা মতম অসি মুস্লিম নুপীশিং অসিদা চুমদবা ৱায়েল চৎথদুনা লাক্লি। অদুগা করিগুম্বা মরম অমত্তসু নৈনবীরমদে। স্লাম চৎপা লৈবাকশিংদা ফাওবা অসিগুম্বা কাংলোন পথাপ অসি চৎনদে। অদুবু ভারতকী মুস্লিম নুপীশিং অসিদদি অসিগুম্বা হকশিং অসি ফংহন্দ্রি। ঐখোয়গী মাইনোরিতী এফ্যার্স মন্ত্রালয়না তঙাই ফদবা খোংথাংশিং পাইখৎচরে অমসুং চহি ৭০ রোম চৎনদুনা লাক্লবা অসিগুম্বা চৎনবী অসিবু মুথৎতুনা অথিংবা অসি লৌথোকচরে। ঙসিদি মুস্লিম নুপীশিং অসি ‘মহরম’ য়াওদ্রবসু হজ চৎপা য়ারগনি। অদুগা ঐহাক্না নুংঙাইজরিবদি হন্দক চাওরাক্না মুস্লিম নুপী লিশিং অমগা চাহুমলোম্না ‘মহরম’ য়াওদনা হজ চৎননবগীমক চে-চাংশিং থাজিল্লকখ্রে। লৈবাক অসিগী তোঙান তোঙানবা মফমশিংদগী হায়বদি কেরলদগীনা অৱাং লমগী নুপী কয়ামরুম্না হজ চৎননবগীদমক্তা অপাম্বা ফোংদোক্নরক্লি। মাইনোরিতী এফ্যার্স মন্ত্রালয়দা ঐহাক্না থমজখিবা ৱাফমদি, নুপী মথন্তমক হজ চৎচনীংবশিং অদুগীদমক্তা অয়াবা পীবীনবা খরা নীংথিনা য়েংশিনবীয়ু হায়বসিনি। চৎনরিবা ৱাফমগী ওইনদি হজ চৎননবগীদমক্তা লোতরী তৌবগী থৌওং অমা লৈ। অদুবু ঐনা পামজবদি নুপী মথন্তা ওইবশিং অদুদি হায়রিবা লোতরী অসিদা য়াওহনবীগনু হায়বসিনি। অদুগা মখোয়বু থোইদোকপা মওং অমদা হেন্না খুদোংচাবা পীবীয়ু হায়জবনি। ঐনা চেৎনা থাজজবগা লোইননা হায়জরি মদুদি ঐখোয়গী লৈবাক্কী চাওখৎ লমজেল অসিদা ঐখোয়গী নুপীশিংগী ৱাখল, থৌনা, মখোয়গী তৌবা ঙম্বা কয়া অসিনা মাংজিল থাহনবা ঙম্লিবনি, মখা তানসু ঙমখিগনি। ঐখোয়না লেপ্তনা হোৎনগদবা অসি ঐখোয়গী নুপীশিং অসি নুপাগা চপ মান্নবা হক ফংবা হায়বা অসিনি। চাওখৎ লম্বীদা পুন্না চংসিনবা ঙম্নবা মান্নবা খুদোং চাবা ফংহনবীগদবনি।

ঐগী নুংশিজরবা ইরৈবাকশিং, জনুৱারীগী ২৬ অসি ঐখোয়গীদি পুৱারিগী ওইবা থৌদোক অমনি। ২০১৮গী জনুৱারীগী ২৬ অসিদি থোইদোকপা মওংদা নীংশিংনীংঙাই ওইনা লৈহৌরগদবনি। হন্দক্কী চহি অসিগী গনতন্ত্র দিবস অসিগীদমক্তা আসিয়ান লৈবাক ১০গী লুচীংবশিং অথোইবা লেংবীরকপা ওইনা ভারত্তা লাকপীগনি। গনতন্ত্র দিবসদা হন্দক্তি অথোইবা লেংবীরকপা অসি অমখক্তা ওইররোই, ১০ ওইরগনি। মসি ভারতকী পুৱারিদা অমুক্তা ওইখিদ্রিবনি। ২০১৭ অসি আসিয়ান লৈবাক অমদি ভারত অনি অসিগী ওইনদি থোইদোক্না মরু ওইবা চহি অদু ওইখ্রে। আসিয়ান্না ২০১৭তা মশাগী চহি ৫০ মপুং ফারকপা মতম অসিদা ভারতকা পুল্লকপা মতমসু চহি ২৫ মপুং ফারক্লে। জনুৱারীগী তাং ২৬ অসিদা মালেমগী লৈবাক ১০গী অথোইবা লুচীংবশিংনা অমুক্তদা পুন্না শরুক য়াবীরবা হায়বা অসি ঐখোয় ভারতীদমক্তদি য়াম্না চাওথোকচনীংঙাইনি।

নুংশিরবা ইরৈবাকচাশিং, মতম অসি কুম্মৈগী মতম্নি। তৌবগীদি ঐখোয়গী লৈবাক অসি মওং অমদা কুম্মৈগী লৈবাক হায়বা অদুনি। কুম্মৈ পন্দবা নুমিৎ অসি য়াম্না তাংনা থোকই। কুইখিদ্রি ঐখোয়না ক্রিসমসকী কুম্মৈ পাংথোকখিবা অদু। মসিগী মতুংদনি অনৌবা চহিনা লাক্কদৌরিবা অসিসু। লাক্কদৌরিবা চহি অসি ময়াম পুম্নমক্কী মফমদা মপাল নাইদ্রবা হরাও-তয়াম্বা, নুংঙাই-য়াইফবা অমদি মচাক মরল পুবীরকপা ওইরসনু। ঐখোয় পুম্বা অনৌবা ইহুল, অনৌবা থৌনা, অনৌবা ইথক, অনৌবা থাজবা ময়াম অসিগা লোইননা মাংলোমদা চংশিনমিন্নরসি। অদুগা লৈবাক অসিবুসু মাংলোমদা পুখৎমিন্নরসি। জনুৱারী হায়রিবা থা অসি নুমিৎনা উত্তরায়ণদা লৈবা মতম্নি লোইননা হায়রিবা থা অসিদা মক্রসংক্রান্তি পাংথোকই। মসি মহৌশাগা শাগোন্নবা কুম্মৈনি। অদুবু মখল মখা কয়ামরুম্না য়োম্লবা ঐখোয়গী নাৎসিদা মহৌশাগী অসিগুম্বা অঙকপা থৌওংশিংবু তোঙান তোঙানবা মওংদা পাংথোকপগী চৎনবীসু লৈরি। পঞ্জাব অমদি অৱাং ভারত্তা লোহরীগী নুংঙাইবা মতমদা য়ুপি-বিহারদদি খিচ্রী অমদি তিল-সংক্রান্তি অসি ঙাইনরিবনি। রাজস্থান্দা সংক্রান্ত কৌই, অসমদা মাঘ-বিহু নত্রগা তমিল নাদুদা পোঙ্গল হায়রিবা কুম্মৈশিং অসি মাগী মাগী ওইবা মওং অমমম লোইনজরি। অমসুং মখোয়গী মশাগী ওইবা মরু ওইবা অমমমসু লৈজরি। হায়রিবা কুম্মৈ পুম্নমক অসি অনম্বনা জনুৱারী ১৩দগী ১৭ ফাওবগী মনুংদা পাংথোক্নৈ। কুম্মৈশিং অসিগী মমিং তোঙান তোঙানজবগী ৱানি, মসিগী নুংগী ওইবা মচাক, ৱাল্লোন্দি চপ মান্নৈ, মহৌশা অমদি লৌউ-শিংউগা লৈনবা মরি অদুনি।

ইরৈবাকচা পুম্নমক্কী মফমদা হায়রিবা কুম্মৈশিং অসিগীদমক্তা য়াইফ-পাউজেল পীজরি। অনৌবা চহি ২০১৮না লাকপদা পুম্নমক্কী মফমদা অমুক্কা হন্না য়াইফ-পাউজেল পীজরি।

নুংশিরবা ইরৈবাকচাশিং, হন্না হন্না থাগৎচরি। ২০১৮দা অমুক হন্না ৱারি শান্নসি।

থাগৎচরি।

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's total FDI inflow rises 38% year-on-year to $6.24 billion in April

Media Coverage

India's total FDI inflow rises 38% year-on-year to $6.24 billion in April
...

Nm on the go

Always be the first to hear from the PM. Get the App Now!
...
পি.এম.না লম্বোইবা কবির দাস জীগী মপোক কুমওন্দা শ্রদ্ধাঞ্জলি কৎখ্রে
June 24, 2021
Share
 
Comments

প্রধান মন্ত্রী শ্রী নরেন্দ্র মোদীন লম্বোইবা কবির দাস জীগী মপোক কুমওন নুমিত্তা মাগী মফমদা শ্রদ্ধাঞ্জলি কৎখ্রে‍।

লম্বোইবা কবির দাস জীনা খুন্নাইগী ফত্তবা লীচৎপু থেংনবতা নত্তনা মালেমসিদা মীওইবগী মিনুংসিগী পারাসু তম্বিরম্মি হায়না প্রধান মন্ত্রীনা হায়খি‍। মহাক্না উৎপিরম্বা লম্বীসিনা মীরোল কয়াবু মচিন মনাউ ওইবা অমদি অফবা পুকচেলগী লম্বীদা চৎননবা পুক্নিং থৌগৎখিগনি‍।

প্রধান মন্ত্রীনা লম্বোইবা কবির দাসকী অরোইবা য়াহিপ তানখিবা মফম, মাঘরদা চহী খরগী মমাঙদা চৎলুবগী পিকচরসু থাগৎলকখি‍।