মহাক্কী ৱারোল অদুগী হাইলাইৎশিং মখাদা পীরি
১. নীংতম্বগী চহি ৭৫ মপুং ফারকপদা লৈবাক মীয়াম্বু থাগৎচরি। হন্না-হন্না থাগৎচরি। হিন্দুস্তানগী কাচিন কোয়া খক নত্তনা মালেমগী মফম খুদিংদসু, ভারতপু নুংশিজবা উৎপা ওইনা মীপুম খুদিংনা তোঙান-তোঙানবা থৌরম পাংথোক্তুনা থৱাই য়াওনা মচু অহুমগী ফিরাল পাইহল্লি। মালেম পুম্বদা লৈরিবা ভারতপু নুংশিবীবশিংবু ভারতকী নীংতম্বগী অমৃত মহোৎসব অসিদা ঐহাক্না হন্না-হন্না থাগৎচরি।
২. ঐখোয় লৈবাক মীয়াম খুদিংনা মশাগী তৌফম থোকপা ওইনা মথৱাই থাখ্রবা নুংশিরবা বাপু, নেতাজী সুভাস চন্দ্র বোস, বাবাসাহেব অম্বেদকর, বীর সাবর্করগী মফমদা তৌবীমল খঙলি। মখোয়গী মশাগী থৌদাংনা মশাগী পুন্সিগী লম্বী ওইখিবনি।
৩. লৈবাক অসিনা ব্রিতিশ লৈঙাকপু নিকহনখিবা মঙ্গল পান্দে, তাত্যা তোপে, ভগৎ সিংহ, সুখদেব, রাজগুরু, চন্দ্রসেখর আজাদ, অশফাক উল্লা খান, রাম প্রসাদ বিসমিলকুম্বা মশিং থীঙমদ্রবা ঐখোয়গী য়াওল্লোইশিংগী মফমদা তৌবীমল খঙবা উৎলি। লৈবাক অসিনা রানী লক্ষ্মীবাই, ঝলকারী বাই, দুর্গা ভাবী, রানী গাইদিনল্যু, রানী চেনম্মা, বেগম হজরত মহল, বেলু নচিয়ার ওইরো, মখোয়গুম্বী থৌনা ফবী অমসুং নুপীগী পাঙ্গল করিনো শক্তাকখিবী মখোয় কয়াগী মফমদসু তৌবীমল খঙবা উৎলি।
৪. ঙসি অসিদি নীংতম্বগী লান্দসু শরুক য়াখিবা অমসুং নীংতম্বগী মতুংদসু লৈবাক শেমগৎপদা থৌদাং লৌখিবা দাঃ রাজেন্দ্র প্রসাদজী, নেহরুজী, সর্দার বল্লবভাই পতেল, শ্যামা প্রসাদ মুখর্জী, লাল বহাদুর সাস্ত্রী, দীন্দয়াল উপাধ্যায়, জয় প্রকাশ নরায়ন, রাম মনোহর লোহিয়া, আচার্য় বিনোবাভাবে, নানাজী দেশমুখ, সুব্রমনিয়ম ভারতীগুম্বা মশিং থীঙমদ্রবা শক্নাইরবা মীওইশিংগী মফমদা ইকায় খুম্নবগী নুমিৎ অমনি।
৫. ঐখোয়না নীংতম ইহৌগী ৱারী শাবা মতমদা ঐখয়গী জংগলশিংদা লৈরিবা ত্রাইবেল খুন্নাইশিংগী মীওইশিংগীদমক্তা চাউথোকচবসু কাওরোইদবনি। ভগবান বির্সা মুন্দা, সিধ কানহু, অল্লুরী সিতারাম রাজু, গোবিন্দ গুরু, নীংতম ইহৌগী খোঞ্জেল ওইনা অশুকপা জংগলশিংদা নিলখিবা মশিং থীঙমদ্রবা নীংতম লান্মীশিংনা ঐহাক্কী ত্রাইবেল ইচিল ইনাওশিং, ঐহাক্কী ইমা, ইচে-ইচলশিং, ঐহাক্কী নহারোলশিংগী মফমদা লৈবাক্কীদমক্তা হিংবা অমসুং শিবগীদমক্তা ইথিল পীখিবনি। নীংতম ইহৌগী মওং-মতৌ অমসুং শক্তম কয়া লৈজবা হায়বসি ঐখোয়গী লৈবাক্কী লাইবক ফবনি।
৬. ঐখোয় চহি অমা চুপ্না পাংথোক্তুনা লাক্লিবা অমৃত মহোৎসব মনুংদা লৈবাক অসিনা থৌরম কয়া উখি। মসিনা ইং ২০২১দা দান্দী য়াত্রাদগী হৌখিবনি। নীংতম্বগী অমৃত কুহ্মৈগী পান্দমশিং ফংবদা হেন্না লাইহন্নবগীদমক্তা লৈবাক মীয়াম্না জিলা, খুঙ্গং অমসুং মফম খুদিংদা তোঙান-তোঙানবা থৌরম পাংথোকখি। অশুক য়াম্না শাংবা, চাউবা, মপুং ফাবা থৌদোক পাংথোকখিবা অসি পুৱারীদা মসিনা অহানবানি।
৭. হিন্দুস্তানগী কাচিন কোয়া খুদিংদা করিগুম্বা মরম খরদগী কাওথোকখ্রবা শক্নাইরবা মীওইশিংবু নৌহৌননা অমুক্কা হন্না নিংশিংনবা হোৎনখি। ঙসিদি, লৈবাক অসিনা মখোয়গুম্বা অথৌবা কয়াবু থীদোক্তুনা মখোয়গী মশক থোকপা থৌওং অমসুং কত্থোকখিবশিংবু নীংশিংলি অমসুং ইকায় খুম্নরি। থৌওং অসিদি ‘অমৃত মহোৎসব’ মনুংদা মখোয়গুম্বা কয়াগী মফমদা ইকায় খুম্নবা উৎপগী খুদোংচাবা অমনি।
৮. ঐখোয়না ঙসি লৈবাক্কী নীংতম্বগী চহি ৭৫ মপুং ফারকপগী নুংঙাইবা ফোংদোক্লিবসিদা লৈবাক্কীদমক্তা থৱাই থাগে হায়না হিংলিবা, লৈবাক্কী ঙাক-শেল্লিবা, লৈবাক্কী ৱারেপ মঙফাওনহল্লিবাঃ সেনাগী লান্মী ওইরো, পুলিস ওইরো, লৈঙাক্তা লৈরিবা ব্যুরোক্রেত ওইরো, মীয়ামগী মীহুৎ ওইরো, কেন্দ্রগী লৈঙাক্লোই ওইখিবশিং ওইরো; ঙসি অসিদি চহি ৭৫ অসিদা মখোয়না লৌখিবা থৌদাংশিংবু নীংশিংবগী নুমিৎনি অমসুং চহি ৭৫ অসিদা লৈবাকপু মাংজিল থাহন্নবা মশাগী ওইবা মওংদা হোৎনখিবা লৈবাক মীয়াম করোর কয়াবুসু ইকায় খুম্নবগী নুমিৎনি।
৯. ঐখোয়গী চহি ৭৫গী খোঙচত্তা অকা-অকুম কয়া ঐখোয়না থেংনখি। অৱাবা নুংঙাইবা কয়াসু লৈখি অমসুং পুম্নমক অসিগী মরক্তা ঐখোয়গী ত্রাইবেল মীয়াম্না য়াম্না চাউখৎখি, নীংহন্নবা লৈখিদে। ৱারেপশিংবু লেম্না খক মাঙহনখিদে।
১০. মালেম অসিনা ভারতকী মপাঙ্গল লৈবা কলচর অমসুং ভেল্যুগী ওইবা নুংগী অচৌবা মতিক লৈ হায়বসি য়ানীংলমদে অমসুং ভারতকী ওইবা নুংগী পাঙ্গল, সংসকারগী চৎনবী, পুম্নমকপু অমত্তা ওইহনবা ৱাখল্লোন অমা লৈ হায়বসি অতোপ্পনা খঙদে। পাঙ্গল অদুদি লোকতন্ত্রনা খ্বাইদগী হেল্লি, গনতন্ত্রগী মমানি হায়বসিনি। হায়রিবা অসি ভারতনা হৌজিক ফংলে, অমসুং ঐখোয়গী পাঙ্গল অসি তসেংনা লৈ হায়বসু খুদম ওইনা তাক্লবনি।
১১. চহি ৭৫গী খোঙচৎ অসিদা থেংনখিবা অৱাবা নুংঙাইবা, অপাম্বা কয়াগী মরক্তগী মীয়ামগী হোৎনজমন্না মরম ওইরগা ঙসিগী থাক্তা য়ৌবা ঙম্লিবনি। লৈবাক অসিনা ইং ২০১৪দা ঐহাক্কী ইফমদা থৌদাং অসিবু শিন্নবীবা মতমদা ঐহাক্না পুৱারী ওইরবা লাল কিলাদগী ঐহাক্কী নুংশিরবা মীয়ামগী মফমদা লৈবাক্কী য়াইফরবা ৱারোল কয়া পাউদম্বা ঙমজবা নীংতম্বা ভারত্তা পোকপা অহানবা ভারত মচা ওইখিবনি।
১২. ভারতকী নোংপোক-নোংচুপ, খা-ৱাং, সমুদ্র লৈমাই নত্ত্রগা হিমালয়গী চিংদোন্দগী খ্বাইদগী থাপ্পা লেতিচুদ অমসুং লোঙ্গিচুদ ফাওবদা মহাত্মা গান্ধীগী ইনক্লুজনগী মঙলা মঙফাওনহন্নবা ঐহাক্না থবক অমত্তা থাদোকখিদে। মীপুম খুদিংগীদমক্তা ৱাবীবগী মহাত্মা গান্ধীগী মঙলান, খ্বাইদগী অরোইবদা লৈবা মীওইবুসু মপাঙ্গল লৈহনবগী মহাক্কী অপাম্বা, ঐহাক্না মসিগীদমক্তা ইশাবু কত্থোকচরি।
১৩. ঐখোয়না ঙসিগী অমৃত মহোৎসব অসিদা লৈবাক্কী মশক থোক্লবা চহি ৭৫গী মতমদা খঙদারি। ৭৬শুবা চহিগী অহানবা অয়ুক অসিদা ঐহাক্না লাইবক ফরবা লৈবাক অসিদা য়েংজবদা য়াম্না চাউথোকচরি।
১৪. লৈবাক্কী মীওই খুদিংনা অহোংবা পুরকপা পাম্মি, অওনবা লাকপা পাম্মি, অদুবু ঙাইবদি ঙমদে। মখোয়না পুম্নমক অসি মিৎমাঙদা উবা পাম্মি, থৌদাংগা মরী লৈনহন্দুনা পাংথোকপা পাম্মি। মখোয়না খোঙজেল পাম্মি, চাউখৎপা পাম্মি। চহি ৭৫দা মঙখিবা মঙলানশিংবু মখোয়গী মমিৎ মাঙদা মঙফাওনদুনা উবা মখোয়না পাম্মি। কেন্দ্র সরকার ওইরো, নত্ত্রগা রাজ্য সরকার ওইরো, লোকেলগী লৈঙাক্লোইশিংসু ওইরো, লৈঙাকপগী পথাপ অমবু ওইরবদি, এস্পিরেস্নেল সোসাইতীদা মীপুম খুদিংনা মিৎয়েং চঙবা তাই, মখোয়গী অপাম্বশিংবু ঐখোয়না ঙাইদুনা লৈগদবা নত্তে।
১৫. ঐখোয়গী অসিগুম্বা এস্পিরেস্নেল সোসাইতীনা মতম কয়াদগী ঙাইদুনা লাক্লবনি। অদুবু, লাক্কদৌরিবা চারোন শুরোনশিংদা ঙাইহন্দুনা অমুক থম্বা মখোয়না পামদ্রে, মরম অদুনা অমৃত কালগী অহানবা অয়ুক অসিদা ঐখোয়না মসিগুম্বা এস্পিরেস্নেল সোসাইতীগী অপাম্বশিংবু মঙফাওনহন্নবা য়াম্না ফরবা খুদোংচাবা অমা পুদুনা লাক্লে।
১৬. ঐখোয়না হৌখিবা নুমিৎ খরনিদা পাঙ্গল অমা উবা ফংখ্রে, এক্সপেরিএন্সসু তৌখ্রে। মদুদি, ভারত্তা পুন্না ৱাখল তামিন্নবগী চৎনবী অমা লাকপনি। পুক্নিংগী ৱাখলশিংবু ৱারেপ্তা ওন্থোক্লে, হোৎনমিন্নবগী থৌওং লৈরে অমসুং পান্দম ফংবগী লম্বীসু উবা ফংলে। মসিগুম্বা ৱাখল্লোন অসিনা ঐখোয়গী খ্বাইদগী চাউবা লন্নি হায়না ঐহাক্না থাজৈ। লৈবাক্কী মসিগুম্বা মপাঙ্গল লৈ হায়বসি ওগস্ত ১০ ফাওবা কনা অমত্তনা খঙলমদবা য়াই। অদুবু, মমাংগী নুমিৎ হুম্নিদগী হৌনা মচু অহুমগী ফিরাল পাইদুনা লৈবাক অসিনা খোঙচৎ কয়া চৎনরি। ঐহাক্কী নুংদা অমসুং লৈবাক্কী নুংদা অশুক য়াম্না চাউবা পাঙ্গল অমা লৈ হায়বসি সোসিএল সাইন্সকী অখঙ-অহৈ কয়াশিংনফাওবা খঙলম্লোই, খল্লম্লোই। মসিবু মচু অহুমগী ফিরাল অমনা মীয়ামদা তাক্লে।
১৭. মালেম্না ভারত্তা চাউথোকচবগা লোয়ননা য়েংলি, থাজবগা লোয়ননা য়েংলি। শিংনবা কয়াগী ৱারোইশিনবু মালেম্না ভারতকী লমদমদগী থিনরিবনি, মরুপশিং। মালেমদা অসিগুম্বা অহোংবা লাকপা অসি ঐখোয়গী মশক থোক্লবা চহি ৭৫গী খোঙচৎকী খুদম অমনি, মহৈ অমনি।
১৮. ৱারেপ কয়াগা লোয়ননা ঐখোয়না তুংলমচত্তা চঙশিল্লিবা অসিবু মালেম্না য়েংনরি, অদুগা, মমৈথংদা, মালেম্না থাজবগা লোয়ননা হিংনরি। অপাম্বশিংবু ফংহনবা ঙম্বা পাঙ্গল কদাইদা লৈ হায়বা মখোয়না উরে। মসিবু ঐহাক্না নুপীশিংগী পাঙ্গল ওইনা উই। পাঙ্গল অহুমগী মওংদা উই, অদুগা মসিগুম্বা পাঙ্গল অহুমসিদি এস্পিরেসন, পুন্না ৱাখল তামিন্নবা অমসুং মালেমগী অপাম্বা ফংহনবা ঙম্বসিনি। অদুগা মালেম্না ঙসি ঐখোয়দা থাজবা অমুক হন্না লৈরক্লিবা অসিদা ঐহাক্কী লৈবাক মীয়ামগী অচৌবা থৌদাং য়াই হায়বা ঐহাক্না খঙই, মরুপশিং।
১৯. লৈবাক মীয়াম করোর ১৩০না দিকেদ কয়াদা থেংনখিবা এক্সপেরিএন্স কয়াগী মতুংদা তংদু লৈতাবা সরকারগী মরু ওইবা করিনো, তংদু লৈতাবা রাজনিতীগী মরু ওইবা করিনো হায়বা খঙলে, অদুগা পোলিতিকেল স্তেবিলিতী লৈবনা মালেমদা করি পাঙ্গল লৈ হায়বা তাকপা ঙমবগে হায়বসু মখোয়না হৌজিক খঙলে। পোলিসীদা করম্বা পাঙ্গল লৈবগে, অমসুং মালেম্না পোলিসীশিং অসিদা করম্না থাজবগে হায়বসি ভারতনা থবক্না উৎলবনি, অমসুং মালেম্নসু মসিবু নীংথিনা খঙলবনি। অদুনা, হৌজিক্তি তংদু লৈতাবা রাজনিতী লৈরবনিনা, পোলিসী খোঙজেল য়াঙলবনিনা, ৱারেপ থুনা লৌরবনিনা, মীপুম খুদিংনা চাউখৎ-থৌরাংগী লমজেলগী শরুক ওইরে।
২০. ঐখোয়না সবকা সাথ, সবকা বিকাসকী মন্ত্রগা লোয়ননা চৎখি, অদুগা লৈবাক মীয়াম্না মসিদা সবকা বিশ্বাস অমসুং সবকা প্রয়াসকী মতৌসু মিৎনা উনা উনা হাপ্পীখি। মরম অদুনা, ঐখোয়না ইশাগী নুংগী পাঙ্গলবু উবা ঙমখি।
২১. লৈবাক্কী জিলা খুদিংদা অমৃত সরোবর ৭৫ শেম্বগী কেম্পেনগা লোয়ননা ঙসি ঐখোয়না নীংতম্বগী অমৃত মহোৎসব পাংথোক্লি। খুঙ্গং খুদিংনা শরুক য়ারি অমসুং মশাগী থৌদাং পাংথোক্লি। মখোয় মশানা হোৎনজদুনা, মখোয়গী খুঙ্গংশিংদা ঈশিং য়োকশিনবগী চাউরবা কেম্পেন অমসু হৌজিক পাংথোক্লি।
২২. ঙসি, ঐহাক্না লৈবাক মীয়াম করোর ১৩০গী পাঙ্গলগী মতাংদা লাল কিলাগী ফম্বাক্তগী ৱা ঙাংলি, মখোয়গী মঙলান উরি, মখোয়গী অপাম্বা খঙলিবা অসিদা লাক্কদৌরিবা চহি ২৫ অসিদি লৈবাক্কী য়াম্না মরু ওই হায়না খল্লি। অদোম্না মসিদা অদোমগী পাঙ্গল অমসুং ৱাখল খুদিং থাদগদবনি। অদুগা ঐখোয়না পাঞ্চপরনশিং অসিগা লোয়ননা, লৈবাক্না ইং ২০৪৭তা নীংতম্বগী চহি ১০০ মপুং ফাবা মতমদা, নীংতম্বা পামজবা মীওই খুদিংগী মঙলান খুদিং মঙফাওনহনগনি হায়বগী থৌদাং লৌদুনা চৎকদবনি।
২৩. অমৃত কালগী পাঞ্চপরন – চাউখৎপা ভারতকী পান্দম, মীখা পোল্লি হায়বগী ৱাখল্লোন্দা মমি অমত্তা তাহন্দবা, ঐখোয়গী হৌরকফমদা চাউথোকচবা, অমত্তা ওইবা অমসুং মীয়াম মরক্তা মশাগী থৌদাং খঙবগী ৱাখল্লোন চেনবা অসিনি।
২৪. পুংফম অসিদা মরু ওইরিবা অসি কোওপরেতিব কম্পিতিতিব ফেদরেলিজমনি। তোঙান-তোঙানবা সেক্তরশিংদা খুমাং চাউশিন্নবা রাজ্যশিংগী মরক্তা অফবা মওংদা অথোই-অহেন তানবা ওইরসনু।
২৫. ঐহাক্না ঐহাক্কী অহানবা ৱারোল পীবদা লুনানবগী মতাংদা ঙাংখিবা অদু লৈবাক অসিনা তরাম্না ওকখি। মীপুম খুদিংমক্না মখোয়গী অঙম্বা চাংগী মতুংদা লুনানবগী মাইকৈদা চংশিনখি অমসুং অমোৎ-অকাই হায়বা অসি হৌজিক্তি হৈনদবা পোক্লে। মসি পাঙথোকখিবা লৈবাক অদু মসিনি, মসি পাঙথোক্লি অমসুং তুংদসু পাঙথোকখিগনি। ঙসিদি ভারতনা ওপন দেফিকেসন কোকহনবা ঙম্লে।
২৬. লৈবাক অসি মালেমনা ৱানরবা মতমদা অকক্নবা মতমগী মনুংদা ভেক্সিনেসনগী করোর ২০০গী পান্দম অদু লান্থোকখিবা লৈবাক অদু মসিনি অমসুং , অরিবা রেকোরদ পুম্নমক থুগাইখি।
২৭. ঐখোয়না গল্ফতগী থাওগী মীপাল তাংলমখি। ঐখোয়না করম্না বাইও-ফ্যুলগী মাইকৈদা চংশিনবা য়াগনি হায়না ৱারেপ লৌখি। চাদা ১০ ইথানোল ব্লেদিং তৌবগী মংলান অসি অচৌবা অমা ওইনা উখি। অরিবা পুৱারিনা মসি ওইথোক্লোই হায়রম্মি, অদুবু থাখিবা মতমদগী মাংজৌননা চাদা ১০ ইথানোল ব্লেদ তৌদুনা লৈবাক অসিনা মংলান অসি মংফাওনহনখি।
২৮. অতেনবা মতমগী মনুংদা মীওই করোর ২.৫দা ইলেক্ত্রিসিতী কনেক্সন ফংহনবা অসি অরাইবা থবক অমা ওইখিদে, অদুবু লৈবাক অসিনা মসি পাঙথোকপা ঙমখি। ঙসি লৈবাক অসিনা ইমুং লাখ কয়াগী য়ুমথোংদা ‘তোতি ঈশিং’ লেপ্তনা ফংহল্লি।
২৯. এক্সপরিয়েন্সনা ঐখোয়দা হায়রি মদুদি ঐখোয় পুম্নমক অখাং কনবগা লোয়ননা চংশিল্লবি ঐখোয়গী পান্দমশিং অদু ফংবা ঙমগনি। রিন্যুএবল ইনর্জিগী পান্দম ওইরো, লৈবাক অসিদা অনৌবা মেদিকেল কোলেজশিং লিংখত্পগী ৱাখল্লোন ওইরো নত্ত্রগা দোক্তরশিংগী ৱার্কফোর্স শেমগৎপা ওইরো, লম খুদিংমক্তা খোঙজেল হান্নদগী য়াম্না য়াংখৎলকখি।
৩০. ইচিল-ইনাওশিং মালেম্না ঐখোয়দা কয়াম কুইনা সর্তিফিকেৎ পীখিগনি? মালেমগী সর্তিফিকেৎশিং অদুদা ঐখোয়না মতম কয়া হিংখিগনি? ঐখোয়না ঐখোয়গী ইশাগী স্তেন্দর্দশিং থমলোইদ্রা? করোর ১৩০ লৈবা লৈবাক অমনা মাগী স্তেন্দর্দ অসিদগী হেনগৎনবা হোৎনবা ঙমলোইদ্রা? ফীভম অমত্তদা ঐখোয়না অতোপ্পশিংগা মান্ননবা হোৎনরোইদবনি। ঐখোয়না লৈরিবা অসিগুম্না অদুমক লেপকনি, অদুবু পাঙ্গলগা লোয়ননা লেপকদবনি। ঐখোয়না মীখা পোনবদগী নীংতম্বা পাম্মি। লাপ্না লৈরিবা সমুদ্র তরেৎকী মখাদা ফাওবা ঐখোয়গী ৱাখলদা মীখা পোনবগী ৱাখল্লোন অসি চেল্লোইদবনি।
৩১. তোঙান তোঙানবা মীওইশিংদগী ৱাখল্লোনশিং লৌবগা লোয়ননা য়েংলি ব্রেনস্তোর্মিং কয়া তৌদুনা অনৌবা নেস্নেল এজুকেসন পোলিসি শেম্বগী মওং অসিদা ঐহাক্না আশাগা লোয়ননা য়েংলি অমসুং মসি লৈবাক্কী এজুকেসন পোলিসিদা মরা তাখি। ঐখোয়না হায়রিবা স্কিল অসি ঐখোয়বু মীখা পোল্লম্বদগী মনীংতম্নবগী পাঙ্গল পীখিবা অদুগুম্বা শক্তি অদুনি।
৩২. করিগুম্বা মতমদা ঐখোয়গী তেলেন্ত অসি লোলগী পলনা খাজিন্দুনা থম্বা উবা ফংখি, মসি মীখা পোনবগী ৱাখল্লোনগী মহৈনি। ঐখোয়গী লৈবাক্কী লোল খুদিংমক ঐখোয়না চাউথোকচবা পোকপা তাই। লোল অসি ঐখোয়না খঙলম্বা নত্ত্রগা খঙলমদবসু য়াই, অদুবু মসি ঐখোয়গী লৈবাক্কী লোননি, মসি ঐহাক্কী ইপা-ইপুশিংনা মালেমদা পীবিরম্বা লোলনি, ঐখোয়না চাউথোকচগদবনি।
৩৩. ঙসি ঐখোয়না দিজিতেল ইন্দিয়াগী মওং মতৌ অদু উবা ফংলি। ঐখোয়না স্তার্তঅপশিং উবা ফংলি। মখোয় অসি কনানো? মখোয় তিয়র-২, তিয়র-৩ সহরদা লৈবা লায়রবা খুঙ্গং অমগী ইমুংদা লৈরিবা মীওইশিংগী তেলেন্তকী পুল অদুনি। হায়রিবা অসি ঙসি অনৌবা দিস্কোবরিশিংগা লোয়ননা মালেমগী মমাংদা লেপ্লিবা ঐখোয়গী নহারোলশিংনি।
৩৪. ঙসি মালেমনা হোলিস্তিক হেল্থ কেয়রগী মতাংদা খন্নরি, অদুবু হোলিস্তিক হেল্থ কেয়রগী মতাংদা ৱারী শাবা মতমদা মসিনা ভারতকী য়োগ, ভারতকী আয়ুর্বেদ, ভারতকী হোলিস্তিক লাইফস্তাইলদা মীৎয়েং থম্লি। মসি ঐখোয়না মালেমদা পীরিবা ঐখোয়গী লিগেসিনি।
৩৫. ঙসিদি মালেম অসি মসিনা ইথিল পীরি। হৌজিক ঐখোয়গী পাঙ্গল অসি য়েংউ। ঐখোয় অসি মহৌশাগা লোয়ননা হিংমিন্নবা হৈবা মীওইবশিংনি। ঐখোয়গী অপৌবা ফৌ অমসুং মিলেৎ অসি ঐখোয়গী য়ুমথোং খুদিংমক্কী পোৎলম অমা ওইদুনা লাক্লি। মসি ঐখোয়গী হেরিতেজনি, ঐখোয়গী অপিকপা লৌমিশিংনা কন্না হোৎনবনা মরম ওইদুনা অপিকপা লমশিংদা ঐখোয়গী চেং-হৱাই থারি। ঙসি মালেম অসিনা মালেমগী মিলেৎকী নুমিৎ অসি ইন্তর্নেস্নেল লেবেলদা পাঙথোক্নবা মাংলোমদা চংশিল্লি। ঐখোয়না মসিগীদমক চাউথোকচবা তমসি। মালেমদা ঐখোয়না পীগদবা কয়া অমা লৈরি।
৩৬. ঐখোয় অসি পাম্বিদা ঈশ্বর ওইনা খনবা মীওইনি। ঐখোয় অসি তুরেলবু ইমা ওইনা লৌরিবা মীওইনি। ঐখোয় অসি কংকর খুদিংমক্তা সঙ্কর ওইনা উবা মীওইনি। মসি ঐখোয়গী শক্তিনি, তুরেল খুদিংমক্তা ইমাগী মওং মতৌ অদু ঐখোয়না উবা ফংলি। অসিগুম্বা অকোয়বগী ফীভম অসি পাকথোক-চাউথোকহনবা হায়বা অসি ঐখোয়গী চাউথোকচবনি, অসিগুম্বা হেরিতেজ অসিগীদমক মালেমগী মমাংদা ঐখোয়না চাউথোকচবা মতমদা, মালেমনসু মসিগীদমক চাউথোকচবা পোক্কনি।
৩৭. ‘হোলিয়র দেন দো’ হায়বগী ৱাখল্লোন চেনবা মতম অসিদা ঙসিগী মালেমনা, ঐহাক্না অদোমদগী হেন্না চাউই হায়বা ৱাখল্লোন অসিনা মরম ওইরগা কনফ্লিক্কী অচৌবা ক্রাইসিস অমা মায়োক্নরি। ঐখোয়দা মসিগী ৱারোইশিন পুরক্নবা লৌশিং লৈ। ঐখোয়গী স্কোলরশিংনা হায়বীরম্মি ‘ইকম সত বিপ্রা বহুধা বদান্তি’ হায়বদি এবসলুৎ ত্রুথ অসি অমখক্তনি অদুবু মসিগী তোঙান তোঙানবা শক্লোনশিং লৈ। মসি ঐখোয়গী মতিক-ময়াইনি।
৩৮. ঐখোয় মালেমগী য়াইফবা উবা ফংখ্রবা মীওইশিংনি; ঐখোয়না “সরবে ভবন্তু সুকিনাহ, সরবে সান্তু নিরামায়” হায়বা অসিদা থাজদুনা ঐখোয়গী মীয়াম খক্তা নত্তনা মালেম পুম্বগীদমক অপুনবা অফবা অমসুং মীওইবগী অফবা হায়বা লম্বিদা চৎখি। পুম্নমক য়াইফবা অমসুং নুংঙাইবা ওইরসনু, পুম্নমক অনা-অয়েক য়াওদবা ওইরসনু, পুম্নমক্না মঙ্গোল ওইবা ওইরসনু, অমসুং কনাগুম্বা অমত্তনা অৱাবা নংদবা ওইরসনু হায়না ঐখোয়না থৌনিজরিবা অসি ঐখোয়গী ভেল্যুশিংদা শাগোন্নরক্লবনি।
৩৯. মসিগা চপ মান্নবা মওংদা অতোপ্পা য়াম্না মরুওইবা ৱাফম অমনা অপুনবা অমসুং সোলিদরিতিনি। ঐখোয়গী অচৌবা লৈবাক অসিগী দাইভর্সিতি অসি ঐখোয়না পালন তৌবা মথৌ তাই। মশিং থিঙমদ্রবা চৎনবীশিং অমসুং থাজবশিংগা লোয়ননা শান্তি ওইনা পুন্না লৈমিন্নবসি ঐখোয়গী চাউথোকচনীংঙাইনি। ঐখোয়গী ওইনদি ঐখোয় পুম্নমক্না চপ মান্নৈ। কনাগুম্বা অমত্তনা হেন্না হন্থবা নত্রগা হেন্না ৱাংবা ওইদে; পুম্নমক অসি ঐখোয়গী ইশাগীনি। মসিগী অমত্তা ওইবা ৱাখল্লোন অসি অপুনবা শক্তমগীদমক মরুওই।
৪০. ঐহাক্কী নুংশিরবা ইচিল-ইনাওশিং, লাল কিলাগী লানবন্দগী ঐহাক্না খাংদুনা লাকপা অৱাবশিংগী মনুংদা অমা ঐহাক্না শিয়র তৌজগে। ঐখোয়গী ঙসি ঙসি ঙাংনরিবা ৱাঙাং শঙাং, মওং-মতৌ অসিদা মাংথরকপা উবা ফংই। নুপীবু ইকাই খুম্নদবা ৱাহৈ-ৱাতা ঐখোয়না শীজিন্নরি। নুপীবু ইকাই খুম্নদবা অমসুং হন্থনা য়েংলিবা ঐখোয়গী মওং-মতৌ, নাৎ অমসুং নুমিৎ খুদিংগী চৎনরিবা মওং মতৌ অসি থাদোক্নবা ৱাশকপা য়াদব্রা? জাতিগী মঙলানশিং থুংহন্নবা হোৎনদা নুপীবু ইকাই খুম্নবা অসিনা অচৌবা লন ওইগদৌরিবনি। ঐহাক্না শক্তি অসি উবা ফংই অমসুং মরম অসিনা মসি ঙাকপা ঐহাক্না পাম্মি।
৪১. পুং ২৪ মৈ পীবা হায়বা অসি সরকারগী থৌদাংনি অদুবু য়ুনিৎ কয়া য়াম্না চৎহনদবা ঙম্বগে হায়বা অসি প্রজাগী থৌদাংনি। লৌবুক্তা ঈশিং থাবা হায়বা অসি সরকারগী থৌদাংনি অমসুং খোঙথাংনি অদুবু ‘পর দ্রোপ মোর ক্রোপ’ হায়বা অসিদা মীৎয়েং থমদুনা ঈশিং মাংহনদনবা মাংদা চংশিনগনি হায়বা খোঞ্জেল অসি লৌবুক খুদিংমক্তা থোরক্কদবনি। ঐখোয়না কেমিকেল ফ্রী ফার্মিং, ওর্গানিক ফার্মিং অমসুং নেচরেল ফার্মিং হায়বা অসি ঐখোয়গী থৌদাংনি।
৪২. মরুপশিং, পুলিস নত্ত্রগা মীচম ওইগেরা, নীংথৌ নত্ত্রগা লৈঙাকপা ওইগেরা, মসিগী সিভিক দ্যুতী অসি কনাগুম্বা অমত্তনা ঙাক্তবা য়ারোই। করিগুম্বা প্রজা অমগী থৌদাংশিং মীপুম খুদিংমক্না পাঙথোকপা তারবদি ঐখোয়না থাখিবা মতমদগী মাংজৌননা পাম্লিবা পান্দমশিং অদু শোইদনা ফংগনি হায়না ঐহাক্না থাজৈ।
৪৩. ঙসি অসি মহাঋসি ওরোবিন্দোগী মপোক নুমিৎসু তারি। ঐহাক্না অথোইবা মীশক অসিবু ইকোক নোন্না খুরুমজরি। অদুবু ঐখোয়না ‘স্বদেশিদগী স্বারাজ’ অমসুং ‘স্বারাজতগী সুরত’ তাকপীরম্বা অথোইবা মীশক অদুবু নীংশিংবা মথৌ তাই। মসি মহাক্কী মন্ত্রনি। মরম অসিনা ‘আত্মনির্ভর ভারত’ ওইহনবা হায়বা অসি প্রজা খুদিংমক্কী, সরকার খুদিংমক্কী অমসুং খুন্নাইগী শরুক খুদিংমক্কী থৌদাংনি। ‘আত্মনির্ভর ভারত’ অসি সরকারগী এজেন্স নত্ত্রগা সরকারগী প্রোগ্রাম অমা নত্তে। মসি খুন্নাইগী মীয়ামগী খোঙজংনি, মসি ঐখোয়না মাংদা পুখৎপা তাই।
৪৪. ঐহাক্কী মরুপশিং, ঐখোয়না তানবা খৌরাংনা ঙাইরকখিবা অসি নীংতম্বগী চহি ৭৫গী মতুংদা মখোল অসি তাবা ফংলে। অহানবা ওইনা চহি ৭৫গী মতুংদা মেদ ইন ইন্দিয়া কেনন্না লাল কিলাদগী মচু অহুমগী ফিরালবু ইকাই খুম্নবা উৎলি। মসিগী মখোল অসিনা ইথিল পীরোইদবা ভারত মচা লৈবরা?
৪৫. ঐহাক্কী নুংশিরবা ইচিল-ইনাওশিং ঙসি ঐহাক্কী থমোয়দগী ঐহাক্কী লৈবাক্কী আর্মীগী লান্মীশিংবু থাগৎপা ফোঙদোচনীংই। আর্মী জৱানশিংনা নীংথিনা শিন্থোক্লবা মওং অমদা থৌনাগা লোয়ননা আত্মনির্ভর ওইবগী থৌদাং অসিবু মখোয়গী লেংজুমদা পুরিবা মওং অসিবু সেল্যুত তৌজরি। আর্মদ ফোর্সশিংনা লিস্ত অমা শেমদুনা দিফেন্স প্রদক্ত ৩০০ ইমপোর্ত তৌদনবা ৱারেপ লৌখিবা তানফম অসিদা ঐখোয়গী লৈবাক্কী ফিরেপ অসি অপিকপা ওইদে।
৪৬. পি.এল.আই. স্কিমগী মতাংগী ওইনা, মালেম শিনবা থুংবদগী মীওইশিংনা মখোয়গী লাইবক চাংয়েং তৌনবা ভারত্তা লাকই। মখোয়গা লোয়ননা অনৌবা তেক্নোলোজী পুরক্লি। মখোয়না অনৌবা থবক্কী খুদোংচাবশিং পীরি। ভারতনা মেন্যুফেকচরিং হব ওইরক্লি। মসিনা মীপাল তাংদবা ভারত অমগী য়ুম্ফম থোল্লি।
৪৭. ইলেক্ত্রোনিক্স গুদস নত্ত্রগা মোবাইল ফোনশিং মেন্যুফেকচর তৌবা ওইরবসু ঙসি লৈবাক অসি য়াম্না খোঙজেল য়াংনা খুমাং চাউশিল্লি। ঐখোয়গী ব্রহ্মোস মপালদা এক্সপোর্ত তৌবদা চাউথোকচবা পোক্তবা ভারত মচা লৈরমগদ্রা? ঙসি ভন্দে ভারত ত্রেন অমসুং ঐখোয়গী মেত্রো কোচশিংনা মালেমগী পুক্নিং চীংশিন্নবা হীরমশিং ওইরক্লি।
৪৮. ইনর্জী সেক্তরদা মীপাল তাংদবা ওইনবা হোৎনবা তাই। ইনর্জীগী লমদা ঐখোয়না অতোপ্পদা কয়াম কুইনা মীপাল তাংদুনা লৈখিগনি? মিসন হাইদ্রোজেন, বাইও ফ্যুল অমসুং ইলেক্ত্রিক ভেহিকল অসিগুম্বা সোলর ইনর্জী, ৱিন্দ ইনর্জী অমসুং তোঙান-তোঙানবা অতোপ্পা রিন্যুএবল ইনর্জীগী লমশিংদা মীপাল তাংদনবা হোৎনগদবনি।
৪৯. ঙসিদি নেচরেল ফার্মিং অসি ইরোমদোম লেপচনবগী লম্বী অমসু ওইরে। হারশিংদগী অহেনবা নীংতম্বা ফংবদগী, লৈবাক অসিদা লৈরিবা নেনো ফর্তিলাইজর ফেক্তরশিং অসিনা অনৌবা আশা অমা পুরক্লে। অদুবু নেচরেল ফার্মিং, কেমিকেল য়াওদবা ফার্মিংনদি ইরোমদোম লেপচবগী পাঙ্গল পীগনি। ঙসিদি, অশং-অমানগী ওইবা থবক কয়া অমা লৈবাক অসিদা থবক্কী খুদোংচাবা ওইনা খোঙলৈ থুনা হাংদোক্নরক্লি।
৫০. ভারতনা মাগী থৌশিল কয়াগী খুত্থাংদা 'স্পেস'পু হাংদোক্লক্লি। মালেমদা দ্রোনশিং অসিনা চাউখৎপা য়াবা থৌশিল কয়া অমা ভারতনা পুথোক্লি। লৈবাক অসিগী নহাশিংগী ওইবা অনৌবা থোঙ কয়া ঐখোয়না হাংখ্রে।
৫১. ঐহাক্না প্রাইবেৎ সেক্তরশিংবু থোরক্নবা পুক্নিং চিংশিনজরি। ঐখোয়না মালেম্বু খুদুম চনবা তাই। ইরোমদোম লেপচবা ভারত অমগী মঙলানশিংগী মরক্তা মালেমগী তঙাইফদবশিং পীনবা হোৎনবদা ভারতনা কৈদৌনুংদা মনীং হন্দুনা লৈরোই হায়বা অসি অমনি। মসি এম.এস.এম.ই.শিংগী ওইরবসু, ঐখোয়না মালেমদা 'জিরো দিফেক্ত, জিও ইফেক্ত' ওইবা ঐখোয়গী প্রদক্তশিং পীবা তাই। ঐখোয়না স্বাদেশিগীদমক চাউথোকচগদবনি।
৫২. ঙসি ফাওবা ঐখোয়না লাল বহাদুর শাস্ত্রিজিগী মতম্বু অমুক হন্না নীংশিংশি, মহাক্কী লাইৱা, জয় জৱান-জয় কিশান অসি হৌজিকসু লৈবাক অসিগী ইথিল ওইদুনা লৈরি। তুংদা অতল বিহারি ভাজপায়ীজিনা মসিদা 'জয় বিগ্যান' হায়রদুনা মরী অমসু অমুক হাপচিনবীরম্মি, অমসুং লৈবাক অসিনা মসিবু খ্বাইদগী মরু ওইনা লৌখি। অদুবু অনৌবা অমৃতকালগী তানফম অসিদা, জয় অনুশন্ধন হাপচিনবা অসি মথৌ তারি। জয় জৱান-জয় কিশান –জয় বিগ্যান – জয় অনুশন্ধন।
৫৩. ঙসিদি ঐখোয়না ৫জিগী য়ুগতা চঙশিল্লি। মালেমগী থাকশিংগা লম্বা তৌবা য়ারবা ফীভম অদু য়ৌদ্রিঙৈ মমাংদা ঐখোয়না য়াম্না কুইনা ঙাইরুবগী মথৌ তাদ্রে। খুঙ্গং অমদগী খুঙ্গং অমদা ঐখোয়না ওপ্তিকেল ফাইবরশিং পীরি। ঐহাক্না খঙলে মদুদি দিজিতেল ইন্দিয়াগী মঙলান অসি খুঙ্গংশিং ফাওদুনা চৎকনি। ঙসিদি ভারতকী কম্মন সর্ভিস সেন্তর লাখ মরিরোম্না খুঙ্গংশিংদা চলাইরি। খুঙ্গংগী নহাশিংনা কম্মন সর্ভিস সেন্তরশিং চলাইরিবা অসিদা ঐহাক্না নুংঙাইবা ফাওই।
৫৪. দিজিতেল ইন্দিয়াগী ইহৌ অসিনা সেমিকন্দক্তর শাবগী মায়কৈদা চঙশিল্লিবা, ঐখোয়না ৫জিগী মায়কৈদা মাংজিল থানা চঙশিল্লিবা, ঐখোয়না ওপ্তিকেল ফাইবর নেৎৱার্ক পাকথোক-চাউথোকহল্লিবা অসি ঐখোয় ইশাবু মতমগা চুনবা অমসুং চাউখৎপা ওইহনবা খক্তা নত্তে, অদুবু মসি অচৌবা শাফু অহুমনা ওইথোকপা ঙমহনবনি। এজুকেসন্দা ইকো-সিস্তেমদা মপুং ফানা অওনবা পুরকপা, হেল্থ ইনফ্রাস্ত্রকচরদা অহোংবা লাকপা অমসুং প্রজাশিংগী লাইফস্তাইলশিংগী ক্বালিতী ফগৎলকপা অসি দিজিতাইজেসনগী খুত্থাংদা খক্তা ওইথোক্কনি।
৫৫. মরুপশিং, ঐহাক্না ময়েক শেংনা উরে মদুদি মীওইবা জাতিগীদমক তেক-এজ হায়না থাগৎনরিবা দিকেদ অসিদা ভারতনা শীংথানীংঙাই ওইবা মওংদা মাংদা চংশিনগনি। মসিগী দিকেদ অসি তেক্নোলোজীগী দিকেদনি। ভারতনা মালেমগী আই.তী.গী লমদা মশাগী পাঙ্গল লৈজরে অমসুং তেক-এজ অসিদা শরুক তম্বা ঙম্বগী শক্তি ঐখোয়দা লৈরে।
৫৬. ঐখোয়গী অতল ইন্নোবেসন মিসন, ঐখোয়গী ইঙ্ক্যুবেসন সেন্তর, ঐখোয়গী স্তার্তঅপশিং অনৌবা সেক্তরদা শেমগৎলি, মসিনা হৌরক্লিবা নহাশিংগীদমক অনৌবা খুদোংচাবশিং পুবীরক্লে। স্পেস মিসনগী মতাংবু ওইরো, দীপ ওসিন মিসনগী মতাংবু ওইরো, ঐখোয়না শমুদ্র ইরোন্নুংদা লুনা চঙগদবনি অমসুং ঐখোয়না অতিয়া পক্না শোক্কদবনি, হায়রিবশিং অসি অনৌবা হীরমশিংনি, মসিদনি ঐখোয়না মাংজিল থানা চঙশিল্লিবসিসু।
৫৭. ঐখোয়গী অপীকপা লৌমীশিং, ওন্ত্রপ্রিন্যুরশিং, স্মোল এন্দ মিদিয়ম সাইজ এন্তর্প্রাইজশিং, কোতেজ ইন্দস্ত্রীশিং, মাইক্রো ইন্দস্ত্রীশিং, স্ত্রীৎ ভেন্দরশিং, য়ুমগী থবক শুবশিং, ওতো রিকশো থৌরিবশিং, বস সর্ভিস পীরিবা ইচিল ইনাওশিং অসিনচিংবা ঐখোয়না ইকাই খুম্নবা অমসুং মখোয়গী তৌবা মঙম্বগী মপাঙ্গল খঙবা তাউ। মখোয়না খুন্নাই অসিগী খ্বাইদগী মশীং য়াম্বা কাংবুনি, মখোয়বু শক্তি পীবা মথৌ তাই।
৫৮. হৌখিবা চহি খরসিদা থেংনরকপা করিগুম্বা খরা ঐহাক্না হায়বা পাম্মি। অদোমসু কোর্তকী মনুংদা ঙসিদি ঐখোয়গী নুপী খুন্নাইনা মতৌ করম্না আইনগী মায়কৈদা শক্তি লৈনা চঙশিল্লিবগে হায়বসিসু উবা ফংলম্লগনি। খুঙ্গংগী লমশিংদা লৈরিবা মীয়ামগী মীহুৎশিং অসি য়েংবীয়ু। ঐখোয়গী ‘নারিশক্তি’না ঐখোয়গী খুঙ্গংশিংদা সমশ্যা কয়া লোইশিন্নবা থৱায় য়াওনা থবক তৌরি। ঙসিদি ৱাখল লৌশিংগী হীরমদবু ওইরো, সাইন্সকী হীরমদবু ওইরো, লৈবাক অসিগী নুপীশিংগী শক্তি অসি ঐখোয়না উরে। পুলিস ফোর্সতসু ঐখোয়গী লৈবাক অসিগী নুপীশিংনা মীয়াম্বু ঙাক শেনবদা অচৌবা থৌদাং লৌরি।
৫৯. পুন্সিগী শিনফম খুদিংদা, শান্নবুং নৎত্রগা লানবুংবু ওইগেরা, ভারতকী ‘নারি শক্তি’ অসি অনৌবা মপাঙ্গল অমসুং অনৌবা থাজবগা লোয়ননা মাংজিল থারক্লি। মসিগী শক্তি অসি ঐহাক্না ভারতকী চহি ৭৫গী খোঙচৎ অসিদা উরে অমসুং লাক্কদবা চহি ২৫ অসিদা, ঐহাক্না নুপীশিং, ইমা অমসুং ইচল-ইচেশিং, ইচানুপীশিং, অমসুং পুম্নমক্কী শক্তি উগনি। মসিদা ঐখোয়না মীৎয়েং চঙলিবা মখৈ, ঐখোয়না ইচানুপীশিংদা খুদোংচাবা কয়া পীবা ঙমগনি, মসিবু হল্লকপা ওইনা মখোয়না ঐখোয়দা অদুক্কী মতীক পীবীরক্কনি। মখোয়না লৈবাক অসিবু হেন্না ৱাংনা থাংগৎকনি।
৬০. লৈবাক অসিবু মাংজিল থানা পুখৎলিবা, লুচিংখিবা, হীরম কয়াদা খুদম ওইনিংঙাই ওইরবা থবকশিং পায়খৎখিবা ঐখোয়গী লৈবাক অসিগী রাজ্য কয়া অমা লৈ। মখোয়না ঐখোয়গী ফেদরেলিজমদা পাঙ্গল পীরি। অদুবু ঙসিদি, ঐখোয়না কোওপরেতিব ফেদরেলিজম অমা অমসুং অথোই অহেন তাননিংঙাই ওইবা মশক অমগী তঙাইফদবা লৈরে।
৬১. ঐহাক্না পুম্নমক খন্নবা পামদে অদুবু অকক্নবা হীরম অনিখক্তমক নৈননিংই। অহাবদনা শেঞ্জা থুমজানি অমসুং অতোপ্পা অমনা নেপোতিজম্নি। ঐখোয়না হেক ঙম্লিবা মখৈ শেঞ্জা থুমজা হায়বসি মুত্থৎনবা হোৎনগদবনি। হৌখিবা চহি নিপানলোম অসিদা, আধার, মোবাইলগুম্বা অনৌবা সিস্তেমশিং শীজিন্নদুনা দাইরেক্ত বেনিফিৎ ত্রান্সফরনা হুরানবশিংগী খুত্তা তারগদবা লুপা করোর লাখ অনি হেন্না কনবদা মায় পাকপা ঙমখ্রে অমসুং মদু লৈবাক অসিবু শেমগৎপদা শীজিন্নরে।
৬২. মমাংগী লৈঙাক্কী মতমদা বেঙ্ক লুৎ তৌদুনা চৎখ্রবশিংবু মখোয়গী বেঙ্ক একাউন্তশিং থিংজিন্দুনা মখোয়বু হন্না পুরক্নবা হোৎনরি। মীওই কয়া অমা জেলদা লৈহনখ্রে। লৈবাক অসিবু লুত তৌদুনা চৎখ্রিবশিং হল্লকহনগনি অমসুং মসি তানবা ঐখোয়না হোৎনগনি।
৬৩. ইচিল ইনাওশিং, শেঞ্জা থুমজানা লৈবাক অসিদা মহিক্কুম্না মরাই চাইথহল্লক্লি। ঐহাক্না মসিগী মায়োক্তা লান্থেংনগনি, হেন্না কন্না থেংনগনি, মসিবু অহোংবা অমদা পুরক্কনি। অদুগা ঐহাক্কী ইরৈচা করোর ১৩০, নখোয়না ঐহাকপু থৌজালবীয়ু, ঐহাকপু শৌগৎপীয়ু, লানফম অসিবু লান্থেংনবা ঙম্ননবা ঙসি ঐহাক্না অদোম্না শৌগৎপীনবগীদমক হায়জরি, অদোমগী মতেংগীদমক হায়জরি। লান অসিবু লৈবাক অসিনা মাইপাকপা ওইসনু হায়না ঐহাক্না থাজবা থম্লি।
৬৪. কোর্ত্তা মরাল লৈরে হায়রবা, শেঞ্জা থুমজা তৌবগীদমক মরাল লৈরবা, জেলদা চঙনবা লেপলবা, জেলদা লৈরিবা মীওই কয়াদি হৌজিক ফাওবা থৌশাদনা মখোয়গী অপাম্বা তৌদুনা মখোয়গী মিংচৎ শেমগৎলি হায়বা ৱাফম অসি য়াম্না নুংঙাইতে। মরম অসিনা খুন্নাইদা লৈরিবা শেঞ্জা থুমজা অমসুং শেঞ্জা থুমজা তৌরিবা মীগী মায়োক্তা য়ানিংদবগী ৱাখল্লোন পোক্ত্রিবমখৈ, মসি লেপ্পা লৈতনা চৎখিগনি।
৬৫. নাকল অমরোমদা ঐহাক্না খন্নবা পাম্বা ৱাফমদি নেপোতিজমনি, অদুগা ঐহাক্না নেপোতিজম, ফেমিলিজমগী মতাংদা হায়রকপা মতমদা, মীয়াম্না ঐহাকপু রাজনিতিগী মতাংদা ঙাংলিবনি হায়না খল্লি। নত্তে, লাইবক থিবনা রাজনিতিগী লমদা লৈরিবা ফত্তবা অদুনা ভারতকী ইন্সতিত্যুসন খুদিংদা ফেমিলিজম য়োকখৎলি। ঐহাক্না লৈবাক অসিগী মীয়ামদা লাল কিলাগী লানবন্দগী ভারতকী রাজনিতী অমসুং লৈবাক অসিগী ইনত্যুসন পুম্নমক নেপোতিজমগী ৱাখল্লোন অসি ভারতকী সংবিধানগী তশেংবা ৱাখল্লোন্দা ঐখোয়না মচু অহুমগী ফিরালগী মখাদা মসি মরু ফংনা মুৎথৎনবা ৱাশক লৌনবা অপীল তৌখি।
৬৬. ঐহাক্না ঙসি অমৃত কাল হৌদোকচবা মতমদা ইরৈবাকচাশিংদা অনৌবা ওইথোকপা কয়া অমা শেমগৎপগা লোইননা অনৌবা ৱারেপ কয়াসু লৌমিন্ননবা পুক্নিং চিংশিনজরি। “আজাদী কা অমৃত মহোৎসবকী অমৃত কালগী মাইয়োন্দা চঙশিল্লক্লি, অমসুং চবকা প্রয়াস অসি ‘অমৃত কাল’দা তঙাই ফদনি। তীম ইন্দিয়াগী থৌনানা লৈবাক অসিবু মাংজিল থানা পুদুনা চৎলি। ইরৈবাকচা করোর ১৩০না শাবা তীম ইন্দিয়ানা খুৎপু অমা ওইনা চৎমিন্নরবা মতমদা মঙলান খুদিংমক মঙফাওনহনবা ঙমগনি।
