ঐগী নুংশিজরবা ইরৈবাকচাশিং খুরুমজরি। ঐহাক্না মন কী বাত্তা ৱা ঙাংবা অসিদা অদোমগী ইমুংগী মীওই অমা ওইনা নখোয়গী নরক্তা য়াওরিবোই নীংজৈ। ঐখোয়গী ৱাফম মচা-মচা তম্নবগী পুন্সিগী অৱা নুংঙাই থৌদোক কয়া অমদি পুন্সিবু মহাও লৈনা হিংবা ঙম্বা মসিনি মন কী বাত হায়বা অসি! ঙসি অসি ২০২১গী জনুৱারী অরোইবা নুমিৎনি, জনুৱারী অসি করম্না হৌখিগে হায়বা খঙহৌদে! মসিনা মতমগী খোঙজেল হায়না হায়নরিবা অদু। ঐখোয়না অমগা অমগী মরক্তা য়াইফ পাউজেল পীনবা অদু ঙরাং নহান খক্তা ঙাইরিবা খল্লি! মতুংদা ঐখোয়না লোহরি, মকর সংক্রান্তি, পোঙ্গল অমসুং বিহু পাঙথোকখ্রে। লৈবাক অসিগী তোঙান তোঙানবা শরুকশিংদা কুমহৈগী মতম ওইখি। ঐখোয়না জনুৱারী ২৩ অসি নেতাজি সুভাস চন্দ্র বোসকী মপোক কুমওন অসি পরাক্রম দিৱাস হায়না পাল্লন তৌরি অমসুং জনুৱারী ২৬তা অচৌবা রিপব্লিক দে পরেদ মীৎয়েং তাখি। রাস্ত্রপতিনা জোইন্ত সেসনদা ৱারোল পীদুনা বজেৎ মীফম হৌখ্রে। পুম্নমক্কী মরক অসিদা ঐখোয় পুম্নমক্না খৌরাংনা ঙাইনখিবা অমসু পাঙথোকখি – মদুদি পদ্মা এৱার্দশিং লাউথোকপা। জাতি অসিনা থোইদোক হেনদোকপা থবক তৌবা মীওইশিংদা মখোয়গী অথোইবা থবকশিং অমদি মীওইবা খুন্নাইদা মখোয়না লৌরিবা থৌদাংগীদমক্তা ইকাই খুম্নবনি। হন্দক্কী চহি অসিদসু মখোয়না তৌখিবা থবকশিংনা কনাগুম্বগী পুন্সিদা অহোংবা পুরকখিবা অমদি লৈবাক অসিবু মীয়ামদা শক তাকখিবা মীওই কয়া মনা ফংবা অসিদা য়াওরি। হায়বদি মীয়ামগী ইথিল খংনা থবক তৌবা অনসং হেরো কয়াসু পদ্মাগী ইকাই খুম্নবা পীবা অসিদা য়াওরি। মসিগী চৎনবী অসি লৈবাক অসিনা চহি খরদগী হৌখিবনি। ময়ামদা ঐনা হায়জরি মখোয়গী মরমদা মখোয়না লৌখিবা থৌদাংশিংগী মরমদা শোইদনা খংজিনশি…ইমুং মনুংদা মখোয়গী মরমদা ৱারী শাবিয়ু। মসিনা মীপুম খুদিংদা ইথিল করম্না পীবগে উবা ফংগনি!
হন্দক্কী থা অসিদা ক্রিকেৎ পিৎচতগী নুংঙাইবা পাউ অমা তাবা ফংলি। ঐখোয়গী ক্রিকেৎ তীমনা অহোবদা খুদোংথিবা খরা নংজরবসু অস্ত্রেলিয়া সিরিজ মাই পাক্তুনা হল্লক্লে। ঐখোয়গী শান্নরোইশিংগী হোৎনবা কনবা অমদি অপুনবগী শক্তি অসি তমজনীংঙাইনি। মরক অসিদা দিল্লীদা জনুৱারী ২৬তা মচু অহুমগী ফিরালবু খোঙ্গোইনখিবা অদু উরুবদা লৈবাক অসিনা য়াম্না নুংঙাইখিদে। ঐখোয়না মতুংদা লাক্কদবা মতমশিংদদি অনৌবা আশা অমদি অনৌবা থৌদোক থলহনসি। ঐখোয়না মমাংগী চহিদা অখাং কনবা অমসুং থৌনা লিংজেল উৎখি। হন্দক্কী চহি অসিদসু কন্না হোৎনদুনা অনীংবা অপাম্বা পুম্বা মপুং ফাহনসি। লৈবাক অসিবু খোঙজেল য়াংনা মাংলোমদা পুখৎলসি।
ঐগী নুংশিজরবা ইরৈবাকচাশিং, চহি অসিনা হোরকপদা ঐখোয়না কোরোনাগী মায়োক্তা চংশিনখিবা খোঙজং অদু চাউরাক্না চহি অমা ফাজিল্লক্লে। কোরোনাগী মায়োক্তা ভারতকী লাঞ্জং অসি ময়াম পুম্নমক্কী ফীদম ওইনখি। মতৌ অদুগুম্না ঐখোয়গী বেক্সিনেসন প্রোগ্রাম অসিসু মালেমদা তমজনীংঙাই ওইরি। ঙসি ভারত্তা মালেমগী খ্বাইদগী চাউবা কোবিদ বেক্সিন প্রোগ্রাম পাঙথোক্লি। হেন্না চাউথোকচনীংঙাই ওইবা ৱাফম অদু নখোয় খঙলবরা? খ্বাইদগী চাউবা বেক্সিনেসন প্রোগ্রামগা লোইননা ঐখোয়না মালেমগী অতোপ্পা মফমশিংদগী খোঙজেল য়াংনা বেক্সিন কাপ্পি। শুপ্নতগী নুমিৎ ১৫নিগী মনুংদা ভারতনা কোরোনা ৱারিয়র লাখ ৩০ হেনববু বেক্সিন কাপখ্রে, অমরোমদা অমেরিকাগুম্বা চাউখৎলবা লৈবাক্তদি নুমিৎ ১৮নি চংঙি; অদুগা ব্রিতেন্দনা নুমিৎ ৩৬নি চংঙি!
মরুপশিং, ভারত্তা শাবা বেক্সিন অসি ভারতকী মরোমদোম লেপচনবা থৌরাংগী খুদম্নি; ভারতকী মশাগী মগুন হেনগৎহনবগী খুদম্নি। য়ু.পি.দগী মরুপ হিমানশু য়াদবনা নমোএপতা অসুম্না ইবিরকই, মেদ ইন ইন্দিয়া বেক্সিন অসিনা থম্মোয়দা ইশানা ইশাবু থাজবগী ইহুল ফাওহল্লে। মধুরাইদগী ক্রিতিনা অসুম্না ইবিরকই, মাগী মীরৈবাক্কী মরুপ কয়ানা মঙোন্দা মেসেস থারক্তুনা ভারত্তা নুংঙাইবা ফোঙদোরক্লি। ক্রিতিগী মরুপনা অসুম্না ইরকই, ভারতনা কোরোনাগী লাঞ্জংদা মালেমগী মতেং পাংবিখিবা অদুদা ভারতকী মরমদা ইকাই খুম্নবা অমুক্কা হেন্না হেনগৎখ্রে। ক্রিতিজী ইরৈবাক্কী অসিগুম্বা থাগৎ ৱাহৈশিং তাবদা মন কী বাতপু তাবিরিবশিংনা চাউথোকচবা ফাওরমগনি। হৌজিক্কী মতম অসিদা তোঙান তোঙানবা লৈবাক্কী রাস্ত্রপতি অমদি প্রধান মন্ত্রীশিংগী মাইকৈদগী ভারতপু থাগৎপগী পাউজেল কয়া ঐঙোন্দা থাবিরক্লি। ব্রাজিলগী রাস্ত্রপতিনা ত্বীৎ তৌদুবনা ভারত্তা পীরকপা থাগৎ ৱাহৈ অদু উরবদি ভারত মচাশিংনা কয়াদা হরাওগদবা নুংঙাইগদবা। কিলোমিতর লিশিং কয়া লাপ্না মালেমগী কাচিন কোয়াদা লৈবা মীওইশিংনা রামায়নগী মরমদা মমুৎ তানা খঙবা অদু উবদা থম্মোয়দা ইথিল অমা পী। মসিনা ঐখোয়গী চৎনা লোনচৎকী থোইদোক হেনবা মগুন অসি।
মরুপশিং, বেক্সিনেসন প্রোগ্রাম অসিদা ময়াম্না ৱাফম অমা উবিরম্লগনি! অৱাবা তারবা মতমদা ভারতনা মালেমগী মতেং পাংবা ঙম্লিবা অসি ভারতকী হিদাকশিং অমদি বেক্সিন অসি য়াম্না মতিক চাই। ঙসিদি ইরোমদোম লেপচবা ঙম্লে, ইরোমদোম লেপচবা ভারতকী খোঙজংগী ৱাখল্লোনসু মসিনি। ভারতনা তৌবা ঙম্লিবা মখৈ মীওইব জাতিগী মতেং পাংখিগনি; মালেমগী মীয়াম্না অদুক্কী মতিক কান্নবা ফংখিগনি!
ঐগী নুংশিংরবা ইরৈবাকচাশিং নমোএপতা অমদি মাইগোভতা ময়ামগী মেসেস অমদি ফোনগী মতেংনা ময়ামগী অপাম্বা খঙনবা খুদোংচাবা ফংলি। মেসেস ময়াম অদুগী মনুংদগী ইচল নুপী প্রিয়াঙ্কা পান্দেগী ৱাফম অদুনা পুক্নিং চিংশিনখি। চহি ২৩দা ঙাইরিবা ইচানুপী প্রিয়াঙ্কা হিন্দী সহিত্যাগী মহৈরোই অমনি অমদি বিহারগী সিবানদগীনি। মহাক্না ইবিরকই লৈবাক্কী লমকোইফম ১৫দা চৎপগী ৱাফম অদু য়াম্না পামজনা থোকখি মরম অসিনা ঐহাক্না জনুৱারী ১দা য়াম্না থোইদোক হেনদোকপা মফম অমদা কোইবা চৎলুই। মফম অদুদি মাগী য়ুমদগী কিলোমিতর ১৫ লৈবা লৈবাক্কী অহানবা রাস্ত্রপতি দা রাজেন্দ্র প্রসাদকী পোক্নফমনি। প্রিয়াঙ্কনা হায়বিরকই মসি লৈবাক অসিগী অথোইবা মীওইপোকশিংবু মমুৎ তানা খঙবগী অহানবা খোঙথাংনি। মফম অদুদা রাজেন্দ্র প্রসাদনা ইবিরম্বা লাইরিক কয়া অমদি পুৱারিগী মরী লৈনবা ফোতো কয়া থেংনরে। তশেংনমক প্রিয়াঙ্কা মহাক্কী খোঙচৎ অসিনা অতোপ্পশিংসু ইথিল শোইদনা পীগনি।
মরুপশিং হন্দক্কী চহি অসিদা ভারতনা নীংতম্বগী চহি ৭৫শুবা চহিগী থৌরম অম্রিৎ মহোসব হৌগদৌরি। ঐখোয়গী নীংতম্বগী লাঞ্জংদা শরুক য়াখিবা থোইদোকপা মীওইশিংগা মরী লৈনবা মফমশিং খঙদোকপগী খ্বাইদগী মতাং চারবা মতমনি।
মরুপশিং নীংতম্বগী লাঞ্জং অমদি বিহারগী মরমদা ৱারী শারিঙৈ মরক অসিদা ৱাফম অমা হায়জহৌগে, মুঙ্গেরগী জয় রাম বিপ্লবনা তরাপুর সহিৎ দিৱাসকী মরমদা ইবিরকই। ১৯৩২গী ফেব্রুৱারী ১৫দা ব্রিতিশশিংনা মমা লৈবাক নীংজবা নহারোল কাংবু অমবু নুংশি হৈতনা হাৎখি। মখোয়গী মরাল হায়ববু ‘ভন্দে মাতরম’ অমদি ‘ভারত মাতা কী জয়’ হায়না খোলাউ লাউরুবগীনি। ঐহাক্না মরৈবাক নীংবশিংগী মফমদা নোলুকচরি অমদি মখোয়গী মথৌনা অদুবু নোলুক্না নীংশিংজরি। ঐহাক্না জয় রাম বিপ্লবপু থাগৎপা ফোঙদোকচরি। নীংশিংফম থোকপা ময়াম্না কাউনখ্রা থৌদোক অমবু নীংশিংবিরকপগীদমক থাগৎচরি।
ঐগী নুংশিজরবা ইরৈবাকচাশিং, ভারতকী মফম মমদা, সহর, খুঙ্গং খুদিংদা অমদি লৈরক কোনশাংশিংদা নীংতম্বগী লাঞ্জং অসি থৱায় য়াওনা লান্থেংনখি। লৈবাক অসিগী কাচিন-কোয়া শিনবা থুংনা অথোইবা মচানুপশিং অমদি থৌনা ফবী মচানুপীশিং পোকখি মখোয়না জাতি অসিগীদমক মখোয়গী পুন্সি কত্থোকখি। মখোয়গী নীংশিংবা অদু চরোল-শুরোল কয়াগীদমক তেক্তা কাইদনা থম্বীনবা অমদি মখোয়না থেংনখিবা খুদোংথিবা কয়া অদু খঙহন্নবা হোৎনবা হায়বা অসি য়াম্না মরু ওই। ঐহাক্না ইরৈবাকচাশিংবু মরু ওইনা নহা ওইরিবা মরুপশিংদা নীংখা-তম্বগী ইহৌদা থায় কৎখ্রবশিংগী য়ুম্ফম ওইবা থৌদোকশিংদা ৱারীশিং ইবিরক্নবা হায়জরি। নখোয়না লৈরিবা লম লমদগী নীংতম ইহৌগী খোঙচৎ অমদি থৌনা ফবাশিংগী মরমদা লাইরিকশিং ইবিয়ু। হৌজিক ভারতনা নীংতম্বগী চহি ৭৫শুবগী কুমওন পাঙথোক্কদবা অসিদা ময়াম্না ইবিরকপা অদুনা নীংতম্বগী লান্মীশিংগী মফমদা থোইদোকপা ইকাই খুম্নবা উৎপা ওইরগনি। নহা ওইরিবা অইবশিংগীদমক্তা ইন্দিয়া সবেন্তী-ফাইফকী মখাদা থবক তৌবা হৌরে। মসিগী মনুং চন্না রাজ্যশিং অমদি লোল পুম্নমক্কী নহা ওইরিবা অইবশিংবু থৌনা হাপকৎপিগদৌরি। ভারতকী পরিং নাইনা চত্থরক্লিবা অমদি চৎন-লোনচৎতা মমুৎ তানা নৈনবা অইবা কয়া লৈবাক অসিদা পোক্লগনি। ঐখোয়না অসিগুম্বা হৈশিংবা অসিবু উৎথোকপদা মতেং পাংগদবনি।
ঐগী নুংশিরবা ইরৈবাকচাশিং ‘মন কী বাত’ তাবিরিবশিংনা করি পাম্বগে হায়বা অদু অদোমতনা খঙগনি। অদুবু ঐহাক্তি ‘মন কী বাত’ অসিদগী অনৌবা খঙবা অমদি পাবগী খুদোংচাবসু ফংজৈ। অমরোমদা ময়াম পুম্বগা উন্নবগী খুদোংচাবসু ফংজৈ। কনাগুম্বগী হোৎনবা, কনাগুম্বগী অপাম্বা, লৈবাক্কীদমক করিগুম্বা খরা তৌনিংবগী ৱাখল্লোন পুম্নমক অসিনা ঐহাকপু থৌনা হাপ্পিরি।
হায়দ্রাবাদকী বোইনপল্লিদা মফম অদুগী মনা-মশিংগী কৈথেলদা মশাগী মথৌ করম্বা মওংদা পাঙথোক্লিবগে হায়বা অদু পারুবদা ঐহাক য়াম্না নুংঙাইজৈ। মনা-মশিংগী কৈথেলদা মরম কয়াদগী মনা-মশিং পৎতুনা-পুমদুনা মাংবা অসি ঐখোয়না উরি। পুমচাই চাইথোক্তুনা তাদুনা লৈরবা অমোৎ অকাই অসিনা মোৎশিনহল্লি অমসুং মনম চেলহল্লি, অদুবু বোইনপল্লিগী মনা-মশিংগী কৈথেলদা নুমিৎ খুদিংগী লেমহৌবা মনা-মশিংশিং অদু অদুম্না হুন্দোক্লরোই। কৈথেলগী মীশিংনা মদুদগী ইলেক্ত্রিসিতী লৌনবা লেপ্নরে। অপৎপা মনা-মশিংদগী মৈ শুংবা হায়বা অসি তাবদা অঙকপা পোক্লমগনি – মসিনা ইন্নোবেসনগী মপাঙ্গল। ঙসিদি বোইনপল্লিগী কৈথেলদা হান্না হুন্দোক খাক ওইরম্বা অদু হৌজিক্তি লনগী মপু ওইররে – মসিনা অমোৎপদগী লান ওনবগী খোঙচৎ অসি। মফম অদুদা নোংমদা চাউরাক্না অরেম খাক তোন ১০গী ময়াদা থোলকপা অদু প্লান্ত অমদা খোমজিনখ্রে। প্লান্ত অদুদা অরেমখাকশিং অদুদগী নুমিৎ খুদিংগী মৈ য়ুনিৎ ৫০০ পুথোক্লি অমদি চাউরাক্না বাইও ফ্যুএল কিলো ৩০ পুথোক্লি। মৈ অদুনা কৈথেল অদু পুমঙান ঙানহল্লে অমসুং বাইও ফ্যুএল অদুনা কৈথেলগী কেন্তীন অচা-অথক থোংবদা শিজিন্নরি – কয়াদা ফজনা হোৎনরিবা অঙকপা পোক্তরা!
অসিগুম্বা অঙকপা অসি হরিয়ানগী পঞ্চকুলা পঞ্চায়ৎকী বরাউৎ খুঙ্গংনসু উৎখ্রে। পঞ্চায়ৎ অসিনা কোনবা লমশিংদা ঈশিং শেংদোকপদা অৱাবা মায়োক্নরি। মরম অসিনা অমোৎপা ঈশিং অদু মফম মরাং খঙদনা অরেম্বদা মাংহল্লি, লাইনা কয়া শন্দোক্লি, অদুবু বরাউৎকী মীয়াম্না অমোৎপা ঈশিং অসি লনগী মপু ওলহল্লগে হায়না লেপ্নরে। খুঙ্গংগী পঞ্চায়ৎনা খুল পুম্বদা লাক্লিবা অমোৎপা ঈশিং অসি মফম অমদা তুংহল্লগা চুমথোকপা হৌরে, চুমথোক্লবা ঈশিং অদুনা হৌজিক্তি খুঙ্গংগী লৌমীশিংগী লৌবুক ঈশিং চাইবদা শিজিন্নরে, হায়বদি অকোইবগী ফীভম মোৎশিনহনবা অমোৎপা অমদি লাইনা কয়াদগী ঙাকথোকপা ঙম্লে অমসুং লৌবুক্তা ঈশিংসু ফংলে।
মরুপশিং, অকোইবগী ফীভম কন্নবা হোৎনবদা করম্না শেল তানবা য়াবগে হায়বা অদু য়েংশি, অরুনচল প্রদেশকী তৱাংদা মসিগী খুদম অমা য়েংশি। অরুনাচল প্রদেশকী চিংগী মফম অসিদা চহি কয়াদগী ‘মোন শুগু’ কৌবা চে মখল অমা শাই। চে অসি মফম অসিদা হৌবা শুগু শেং কৌবা পম্বীগী মকুদগী শা, মরম অসিনা চে অসি শাবদা উ অমত্তা কক্তে, কেমিকেল অমত্তা শিজিন্নদে, চে অসি অকোইবগী ফীভম কাইহনদে হকচাং শোকহনদে। মতম অমদা চে অসি মপান্দা থাদোক্লম্মি অদুবু অনৌবা তেক্নোলোজীনা চে মশিং কয়া শারকপনা মতম ওইরগা মসি শাবা লেপখ্রে। হৌজিক মফম অদুগী সোসিএল ৱাকর গোম্বুনা কলা অসিবু হিংগৎহন্নবা হোৎনরি, মসিনা মফম অদুগী য়েলহৌমীশিংদসু থবক পীবা ঙমলে।
ঐহাক্না কেরেলাগী পাউ অমসু তাই মসিনা ঐখোয়না ইশাগী ইথৌ পাঙথোকপা অদুবু নৌহৌননা নীংশিংহল্লি। কেরেলাগী কোত্তয়মদগী হকচাংগী ফীভম মীমান্নদ্রবা অহল অমনি এন.এস. রাজপ্পন সহাব। রাজপ্পন পেরেলাইসিসনা চৎপা ঙমদে অদুবু লুনানবগীদমক মহাক্না হোৎনবা লেপ্পা লৈতে। চহি খরগী মমাংদগী হি তোংলগা মহাক্না ৱেম্বনান্দ পাৎ চৎলগা মফম অদুদা হুনদোক্লম্বা প্লাস্তিক বোতলশিং খুল্লগা পুরকই। অমুক্তা খনবীয়ু রাজপ্পনগী ৱাখল্লোন অসি কয়াদা ৱাংখ্রবনো। ঐখোয়না মহাক্কী ৱাখল্লোন অসি খুদুং ইল্লগা লুনানবগীদমক ঐখোয়না লৌবা য়াবা থৌদাং লৌরসি।
নুংশিরবা ইরৈবাকচাশিং ময়াম্না উবীখ্রিবা অদুনি অমেরিকাগী সেন ফ্রান্সিসকোদগী বেঙ্গলুরু য়ৌবা নন-স্তোপ ফ্লাইৎ অমা ভারতকী নুপী পাইলোৎ মরিনা পাইখি। কিলোমিতর লিশিং তরাদগী শাংলবা খোঙচৎকী ফ্লাইৎ অসিদা মীওই ২২৫দগী হেন্না ভারত য়ৌনা পুরকখি। ২৬ জনুৱারীগী পরেদতসু ইন্দিয়ন এয়র ফোর্সকী নু্পী ওফিসর অনিনা অনৌবা পুৱারী অমা হৌদোকখি। হিরম খুদিংদা নুপীশিংনা শরুক য়াবগী চাং হেনগৎলক্লি অদুবু মসি খুঙ্গংগী মতাং য়ৌরকপদা মীয়াম্না খঙনবা হেক্তা ৱাৎলি, মরম অসিনা মধ্য প্রদেশকী জবলপুরগী ৱারী অমা ঐহাক্না তারকপদা ৱাফম অসি মন কী বাত্তা শোইদনা পনফম থোকই হায়না খনখি।
পাউ অসি য়াম্না পুক্নিং থৌগৎনীংঙাই ওই। জবলপুরগী চিচগাওগী য়েলহৌমী কাংলুপ খরগী নুপীশিংনা রাইস মিলদা নোংমগী খুশুমল ফংবা শিন্মী ওইনা থবক শুরম্মি। কোরোনাগী লাইচৎনা মালেমগী মীপুম খুদিংমক শোকহনখিবা অদুগুম্না নুপীশিং অসিসু শোকহনখি। মখোয়গী রাইস মিলগী থবক লেপখি। অসুম্না মখোয়গী শেন্থোক লৈখিদে অদুবু মখোয় নীংহন্নবা তৌখিদে; মখোয়না মখোয়গী রাইস মিল অমা হৌনবা ৱারেপ লৌখি। মখোয়গী মরক্তগী মীনা রহনগদালেনা নুপী ময়াম পুল্লগা সেল্ফ-হেল্প গ্রুপ অমা লিংখৎখি, অৱাৎপা শেনফমনা অজিবিকা মিসনগী খুত্থাংদা বেঙ্কতগী লোন লৌখি অদুগী মখোয়না থবক শুবা য়াওরম্বা রাইস মিল অদু লৈখি। ঙসি মখোয় মশাগী রাইস মিল চল্লাইরি, তেল্লবা মতম অসিদা মখোয়না চাউরাক্না লাখ অহুমগী শেন্দোং ফংবা ঙম্লে। শেন্দোং অসিনা অহানবদা মীনাজিনা বেঙ্ককী লোন শিংদোক্লে অদুগা বিজিনেস অদু চাউথোক্নবা হোৎনখি। কোরোনানা শিংনরকপশিং অদু মায়োক্ননবা হোৎনবা অসি লৈবাক্কী কাচিন-কোয়া খুদিংদা থেংনরি।
নুংশিরবা ইরৈবাকচাশিং ঐহাক্না করিগুম্বা বুন্দেলখান্দগী ৱারী শাবা তারবদি অদোমদা পুক্নিং চংগদবা অসি করম্বা মাইকৈদা ওইগদগে? পুৱারীদা পুক্নিং চংবা মীওইশিংনা মফম অসি ঝান্সিগী রানি লক্ষ্মিবাইআ মরী লৈননা উগনি। অমরোমদনা মীওই খরদা মফম অসিগী ফজরবা ইংচিক্লবা ওর্চাগী মরমদা নীংশিংহল্লি। কনাগুম্বা খরনা মফম অসিগী কা হেন্না শাবা অদু নীংশিংগনি, অদুবু হৌজিক মফম অদুদা তোপ-তোপ্পা য়াম্না পুক্নিং থৌগৎনীংঙাই ওইবা অমা পাঙথোক্লি, ঐখোয়না মসিগী মরমদা শুকশোই শোইদনা খঙজিনগদবনি। নুমিৎ খরগী মমাংদা থা অমা চুপ্না চত্থগদবা ‘স্ত্রোবেরী ফেস্তিবেল’ ঝান্সীদা হৌখ্রে। স্ত্রোবেরী অমসুং বুন্দেলখান্দ অনি অসি কমাইনা তৌরিবনো হায়না ময়াম্না শোইদনা অঙকপা পোক্লমগনি! অদুবু মসি অচুম্বমক্নি। হৌজিক বুন্দেলখান্দদা স্ত্রোবেরী অসি য়াম্না থৱায় য়াওনা থান্নরি, মসিগীদমক মরু ওইবা থৌদাং ঝান্সিগী ইচানুপী – গুরলীন চৌলানা অচৌবা থৌদাং লৌখি! লোগী মহৈরোই গুরলীন্না অহানবদা মখোয়গী ময়ুমদা মতুংদা মখোয়গী ফার্মদা মাই পাক্না স্ত্রোবেরী থাদুনা মীয়ামদা থবক অসি ঝান্সিদা পাঙথোকপা য়াগনি হায়বা উৎখি। ঝান্সিনা স্ত্রোবেরী ফেস্তিবেল অসি ‘স্তে এৎ হোম’গী ৱাখল্লোন্দা পাঙথোক্লি। ফেস্তিবেল অসিগী খুত্থাংদা লৌমীশিং অমদি নহারোলশিংদা মখোয়গী য়ুমগী মনিংদা অহাংবা লম নত্ত্রগা য়ুমথক্তা তেরেস গার্দেন শেমদুনা স্ত্রোবেরী থান্নবগীদমক পুক্নিং থৌগৎলি। অনৌবা তেক্নোলোজীগী মতেংনা লৈবাক্কী অতৈ মফমশিংদসু মসিগা চপ মান্নবা মওংদা স্ত্রোবেরী থান্নরি, মতম অমদা স্ত্রোবেরী অসি চিংগী লম খক্তদা থান্নরম্মী, অদুবু হৌজিক্তি কচ্ছকী মরুভুমিদসু পাম্বী অসি থানদুনা লৌমীশিংগী শেন্থোক য়াম্না হেনগৎলক্লি।
মরুপশিং স্ত্রোবেরীগী ফেস্তিবেল অসিনা ইন্নোবেসনগী ৱাখল্লোন উৎপগা লোইননা ঐখোয়গী লৈবাক অসিনা লৌউশিংউগী হিরমদা শিজিন্নবা অনৌবা তেক্নোলোজী অসিবুসু উৎলি। মরুপশিং লৌউ-শিংউবু অনৌবা মাইকৈদা পুনবা সরকারনা কন্না হোৎনরি, হোৎনবা অসি লেপখিরোই।
নুংশিজরবা ইরৈবাকচাশিং নুমিৎ খরনিগী মমাংদা ঐহাক্না ভিদিও অমা য়েংখি। ভিদিও অসি ৱেস্ত বেঙ্গলগী এস্ত মিদনাপুরদা লৈবা নয়া পিঙ্গলা খুঙ্গংদা লৈবা লাই য়েকপা সর্মুদিনগী মতাংদনি। মহাক্না রামায়নগী মতাংদা য়েকপা লাই অমা লুপা লাখ অনিদা য়োনখি হায়না য়াম্না হরাওনা পাউদমলকখি। মসিগীদমক মহাক্কী খুঙ্গংগী মীওইশিংসু য়াম্না হরাওখি। ভিদিও অদু য়েংলুরবা মতুংদা, ঐহাক্না মাগী মরমদা হেন্না খঙনিংবা ফাওরকখি। মহাক্কী মতাংদা খঙনবা হোৎনবদা ৱেস্ত বেঙ্গলগী মতাংদা য়াম্না ফজরবা ৱাফম খরা খঙলকখি। মদু ঐহাক্না ময়ামদা পাউদমকনীংঙি।
তুরিজম মন্ত্রালয়গী রিজনেল ওফিস্তা থা অসি হৌরকপদা বেঙ্গলগী খুঙ্গংশিংদা ‘ইনক্রেদিবল ইন্দিয়া ৱীকএন্দ গেৎৱে’ হৌদোকখ্রে। মসিদা ৱেস্ত মিদনাপুর, বঙ্কুরা, বিরভুম,পুরুলিয়া, ইস্ত বর্ধমান, মফম অদুগী খুৎহৈবা শিন্মীশিংনা মফম অদুদা কোইরকপশিংগীদমক্তা হেন্দিক্রাফ ৱার্কশোপ পাঙথোকই। ‘ইনক্রেদিবল ইন্দিয়া ৱীকএন্দ গেৎৱে’গী মনুংদা হেন্দিক্রাদকী পোৎলমশিং য়োনবদা খুৎহৈবা শিন্মীশিং অদু শেল মরাং কাইনা তানবা ঙমখি হায়না ঐঙোন্দা হায়বিরকই। লৈবাক পুম্বদা মীয়াম্না অনৌ-অনৌবা মওংদা ঐখোয়গী কলাশিং অদুবু মীয়াম্না পাম্নবা হোৎনরি।
ওরিশাগী রাওরকেলাগী ভগ্যাশ্রী সাহুগী মতাং অসি অমুক্তা য়েংশি। তশেংবদি মহাক ইঞ্জিনিয়রিংগী মহৈরোই অমনি, অদুবু মহাক্না হৌখিবা থা খরা অসিদা কেনবস্তা লাই য়েকপা তম্বা হৌখি অদুগা মপুং ফানা হৈবা ঙম্লে। মহাক্না লাইশিং অদু করিদা য়েকখি খঙবিরবরা – মহাক্না লাই অদু সোফ স্তোনশিংদা য়েকখি। কোলেজ চৎপগী লম্বীদা ভগ্যাশ্রীনা সোফ স্তোনশিং অদু থেংনখি, মহাক্না মদু খুঞ্জিনদুনা শেংনা চামথোকখি। নুমিৎ খুদিংগী মহাক্না পুং অনি নুংশিং অদুদা কেনবস পেন্তিংগী মওংদা লাই য়েকখি। মহাক্না নুংদা য়েকপা লাইশিং অদু মহাক্কী মরুপশিংদা খুদোল তম্বা হৌরকখি। লোকদাউন মনুংদা মহাক্না বোতলশিংদসু য়েকপা হৌখি। হৌজিক্তি মহাক্না কলা অসিগী মতাংদা ৱার্কশোপশিংসু পাঙথোক্লি। নুমিৎ খরনিগী মমাংদা সুভাস বাবুগী মপোক কুমওনদা ভগ্যাশ্রীনা নুংদা তোপ-তোপ্পা মওংদা মঙোন্দা ইকাই খুম্নবা উৎখি। ঐহাক্না মাগী তুংগী পুন্সিদা অফবা ওইনবা য়াইফ-পাউজেল পীজরি। কলা অমসুং মচুগী খুত্থাংদা অনৌ-অনৌবা কয়া তম্বা অমদি তৌবা য়াই।
ঝার্খন্দগী দুমকাদা অনৌবা হোৎনবা অমগী মতাংদা ঐঙোন্দা তমলকখি। মফম অসিদা মিদল স্কুলগী প্রিন্সিপল অমনা অঙাংশিংদা ইবা-পাবা তম্বীনবা খুঙ্গংগী ফকলাংশিংদা ইংলিশ অমসুং হিন্দীগী ময়েকশিংনা পেন্ত তৌহনখি; লোইননা লাই মখল কয়াসু য়েকহনখি, মসিনা খুঙ্গংগী অঙাংশিংদা থোইদোক্না কান্নবা পীখি। ঐহাক্না অসিগুম্বা মীওই খুদিংদা ইকাই খুম্নবা উৎচরি অদুগা মখা তানা অসিগুম্বা থবকশিং অসি পাঙথোকপিনবা হায়জরি।
নুংশিজরবা ইরৈবাকচাশিং ভারত্তগী কিলোমিতর লিশিং কয়া লাপ্না, মহাসাগর অমদি মহাদীপ কয়া লাল্লগা চিলি কৌবা লৈবাক অমা লৈ। ভারত্তগী চিলি য়ৌবদা মতম কয়া চংঙি। অদুবু মফম অদুদা ভারতকী কলচরগী লৈনম মতম কয়াগী মমাংদগী শন্দোকখ্রে। ৱাফম অমনা মফম অদুদা য়োগ অসি থোইদোক্না পাম্নৈ। চিলিগী কোনুং সান্তিয়াগোদা য়োগগী স্কুল ৩০দগী হেন্না লৈ হায়বা ৱাফম অসি তাবদা ময়াম থোইদোক্না নুংঙাইবা ফাওবিরমগনি। চিলিদা মালেমগী য়োগগী নুমিৎ অসি য়াম্না হরাও তয়াম্না পাঙথোকই। ঐঙোন্দা হায়রকপদা হাউস ওফ দিপুতীজতা য়োগগী নুমিৎ অসি য়াম্না থৱায় য়াওনা পাঙথোকই। কোরোনাগী মতম অসিদা ইম্ম্যুনিতী হেনগৎনবগীদমক য়োগবু হেন্না পাম্নরক্লি। চিলিগী কোংগ্রেস হায়বদি মখোয়গী পার্লিয়ামেন্ততা ৱারেপ অমা লৌখি। মফম অদুদা নবেম্বর ৪বু নেস্নেল য়োগ দে হায়না লাউথোকখি। নবেম্বর ৪দা করি লৈবগে হায়বা ময়াম খঙবিরমগনি, ১৯৬২গী নবেম্বর ৪দা চিলিদা অহানবা য়োগগী ইন্সতিত্যুসন হোজে রিফল এস্ত্রাদানা লিংখৎখি। নুমিৎ অসিদা নেস্নেল য়োগ দে পাঙথোক্তুনা এস্ত্রাদাদা ইকাই খুম্নবা উৎলি। চিলিগী পার্লিয়ামেন্তনা পীবা থোইদোকপা ইকাই খুম্নবনি, মসিদা ভারত মচা পুম্নমক্না চাউথোকচরি। চিলিগী পার্লিয়ামেন্তগা মরী লৈনবা নুংঙাইরবা ৱাফম অমসু লৈরি। চিলি সিনেৎকী ভাইস প্রসিদেন্তগী রবিন্দ্রনাথ ক্ব্যুনতেরোস কৌই। মহাক্কী মমিং অসি মালেমগী মমিং লৈরবা কবি গুরুদেব রবিন্দ্রনাথ তেগোরদগী লৌরগা থোনবনি।
নুংশিরবা ইরৈবাকচাশিং মাইগোভতা মহারাস্ত্রগী জালনাদগী দা, স্বাপনিল মন্ত্রী অমসুং কেরেলাগী পলাক্কাদতগী প্রহলাদ রাজগোপলন্না মন কী বাত্তা ‘রোদ সেফতী’গী মতাংদা খন্ননবা হায়বিরকই। থা অসি হায়বদি জনুৱারী ১৮দগী ফেব্রুৱারী ১৭ ফাওবা ঐখোয়গী লৈবাক অসিদা রোদ সেফতী মন্থ পাঙথোক্লি। লম্বীগী খুদোংথিবা হায়বা অসি ঐখোয়গী লৈবাক খক্তা নত্তনা মালেম পুম্বদা য়াম্না থৱায় ৱাবা হিরম অমা ওইরে। ঙসি ভারত্তা রোদ সেফতীগীদমক্তা সরকারগা লোইননা লনাই মীওইশিং অমসুং কাংলুপ ওইনা মীওই কয়ানা কন্না হোৎনরি। পুন্সি কন্নবা হোৎনরিবা অসিদা ঐখোয় পুম্নমক্না স্তেকহোল্দর ওইবা তাই।
মরুপশিং বোর্দর রোদ ওর্গনাইজেসন্না শেম্বা লম্বীশিংদা ইন্নোবেসন স্লোগান কয়া ইদুনা থম্বাশিং অদু করিগুম্বদা পাবিরুরবরা। “দিস ইস হাইৱে নোৎ রনৱে” নত্ত্রগা “বি মিস্তর লেৎ দেন লেৎ মিস্তর” হায়বা খোলাউশিং অসিনা লম্বীদা চেকশিন্নবা মীয়ামদা পাউজেল পীরি কান্নবসু পীরি। ময়ামসু অসিগুম্বা ইন্নোবেতিব ওইবা খোলাউশিং নত্ত্রগা কেৎ ফ্রেজেস মাইগোভতা থাবিরকউ। অদোমগী ফজরবা খোলাউনা কেম্পেন অসিদা অচৌবা মতেং পাংগদৌরিবনি।
মরুপশিং রোদ সেফতীগী ৱারী শারিঙেদা নমোএপতা কোলকতাদগী অপর্না দাসনা তৌরকপা পোস্ত অমগী মতাংদা খন্ননীংঙি। অপর্নানা ঐঙোন্দা ‘ফাস্তেগ প্রোগ্রাম’দা ৱা ঙাংনবা হায়বিরকই। মহাক্না হায়বিরকপদা ‘ফাস্তেগ’না খোঙচৎ অমদা থেংনরকপগী মওং অসি তোঙানগনি। মসিনা মতম চংহন্দে; তোল প্লাজাদা লেপ্পা, কেশ পেমেন্তগী নুংনাংবা অদু লৈহন্দে। অপর্নাগী ৱাফম অসি য়াম্না চুম্মি! মমাংদা তোল প্লাজাদা গারি অমনা চাউরাক্না মিনিৎ ৭-৮ চংদুনা লান্থোকই। অদুম ওইনমক ‘ফাস্তেগ’ লাকপদগী শুপ্নতগী মিনিৎ অমা মখাইদগী মিনিৎ ২ খক্তা চংলে। তোল প্লাজাদা ঙাইবগী মতম তেনশিল্লকপা অসিনা গারিগী থাওসু খরামখৈ কনবা ঙমলে। মসিনা লৈবাক অসিগী মীয়ামগী করোর লিশিং ২১ কনবা ঙমগনি হায়না পান্নরি। মসিনা শেল অমদি মতম অনিমক তুংশিনবা ঙম্লে। ঐহাক্না হায়জনিংবদি হিরম খুদিংদা নিয়ম ঙাকপীদুনা ইশা অমদি অতোপ্পা মীওইশিংগী পুন্সি কনসি।
নুংশিরবা ইরৈবাকচাশিং, হায়নবা অমা লৈ – “ঈশিং ইরিক ইরিক পুল্লগা চফু থল্লি” । ঐখোয় খুদিংগী হোৎনবা অমমমনা ঐখোয়গী ৱারেপ মপুং ফাবা ঙমগনি। মরম অসিনা ২০২১ হৌগৎলকপদা ঐখোয়না পান্দম কয়া ফংনবা থাংবা হৌখিবা খোঙথাং অসি ঐখোয় ময়াম পুল্লগা ফংনবা চৎমিন্নসি। ঐখোয় ময়াম পুল্লগা চহি অসি মাই পাকপা অমা ওইনবা ঐখোয় পুন্না চৎপা হৌরসি। ময়াম্না ইশাগী পাউজেল ৱাখল্লোন থাবিরকপা লেপকনু। মথংগী থাদা অমুক উন্নরসি।
ইতি-ৱিদা পুনর্মিলনায়!
हमारी छोटी-छोटी बातें, जो एक-दूसरे को, कुछ, सिखा जाये, जीवन के खट्टे-मीठे अनुभव जो, जी-भर के जीने की प्रेरणा बन जाये - बस यही तो है ‘मन की बात’ : PM @narendramodi #MannKiBaat
— PMO India (@PMOIndia) January 31, 2021
जब मैं ‘मन की बात’ करता हूँ तो ऐसा लगता है, जैसे आपके बीच, आपके परिवार के सदस्य के रूप में उपस्थित हूँ : PM @narendramodi #MannKiBaat
— PMO India (@PMOIndia) January 31, 2021
कुछ दिन पहले की ही तो बात लगती है जब हम एक दूसरे को शुभकमनाएं दे रहे थे, फिर हमने लोहड़ी मनाई, मकर संक्रांति मनाई, पोंगल, बिहु मनाया | देश के अलग-अलग हिस्सों में त्योहारों की धूम रही : PM @narendramodi #MannKiBaat
— PMO India (@PMOIndia) January 31, 2021
23 जनवरी को हमने नेताजी सुभाष चंद्र बोस के जन्मदिन को ‘पराक्रम दिवस’ के तौर पर मनाया और 26 जनवरी को ‘गणतन्त्र दिवस’ की शानदार परेड भी देखी : PM @narendramodi #MannKiBaat
— PMO India (@PMOIndia) January 31, 2021
इस महीने, क्रिकेट पिच से भी बहुत अच्छी खबर मिली | हमारी क्रिकेट टीम ने शुरुआती दिक्कतों के बाद, शानदार वापसी करते हुए ऑस्ट्रेलिया में सीरीज जीती | हमारे खिलाड़ियों का hard work और teamwork प्रेरित करने वाला है : PM @narendramodi #MannKiBaat
— PMO India (@PMOIndia) January 31, 2021
इन सबके बीच, दिल्ली में, 26 जनवरी को तिरंगे का अपमान देख, देश, बहुत दुखी भी हुआ | हमें आने वाले समय को नई आशा और नवीनता से भरना है | हमने पिछले साल असाधारण संयम और साहस का परिचय दिया | इस साल भी हमें कड़ी मेहनत करके अपने संकल्पों को सिद्ध करना है : PM @narendramodi #MannKiBaat
— PMO India (@PMOIndia) January 31, 2021
India is proud of those who have been conferred the Padma Awards. #MannKiBaat pic.twitter.com/8WArDo93BV
— PMO India (@PMOIndia) January 31, 2021
Currently happening in India- the largest vaccination drive in India. #MannKiBaat pic.twitter.com/9Xnq2gonMz
— PMO India (@PMOIndia) January 31, 2021
Vaccinating those at the frontline of fighting COVID-19. pic.twitter.com/PZZ9Mz7aoJ
— PMO India (@PMOIndia) January 31, 2021
India's self-reliance in medicines is helping the world. #MannKiBaat pic.twitter.com/YkgIu7b7l4
— PMO India (@PMOIndia) January 31, 2021
Priyanka Pandey from Bihar decided to do something unique- she travelled close to her home, to Dr. Rajendra Prasad Ji's ancestral place. She felt inspired by that visit. #MannKiBaat pic.twitter.com/xd9djsZSL1
— PMO India (@PMOIndia) January 31, 2021
India is proud of our freedom fighters, who hail from all parts of India. #MannKiBaat pic.twitter.com/taN2dbEUv7
— PMO India (@PMOIndia) January 31, 2021
A special request to the youth of India. #MannKiBaat pic.twitter.com/th2gQgIUAa
— PMO India (@PMOIndia) January 31, 2021
#MannKiBaat is a great learning experience for me, says PM @narendramodi. pic.twitter.com/vuHFObQnrP
— PMO India (@PMOIndia) January 31, 2021
A great opportunity for young writers... #MannKiBaat pic.twitter.com/BJiR2EsKaJ
— PMO India (@PMOIndia) January 31, 2021
Inspiring anecdotes from Hyderabad, Haryana and Arunachal Pradesh. #MannKiBaat pic.twitter.com/WHd0XDD8qJ
— PMO India (@PMOIndia) January 31, 2021
India salutes our Nari Shakti. #MannKiBaat pic.twitter.com/iBjroqwJgz
— PMO India (@PMOIndia) January 31, 2021
A unique Strawberry Festival is happening in Uttar Pradesh. #MannKiBaat pic.twitter.com/8g8zcUCVJu
— PMO India (@PMOIndia) January 31, 2021
खेती को आधुनिक बनाने के लिए सरकार प्रतिबद्ध है और अनेक कदम उठा भी रही है | सरकार के प्रयास आगे भी जारी रहेंगे : PM @narendramodi #MannKiBaat
— PMO India (@PMOIndia) January 31, 2021
Using art and culture to make a positive difference. #MannKiBaat pic.twitter.com/WJhXSdxBNz
— PMO India (@PMOIndia) January 31, 2021
A special gesture by the Parliament of Chile! #MannKiBaat pic.twitter.com/bS1Br46cDi
— PMO India (@PMOIndia) January 31, 2021
Let us keep our focus on road safety. #MannKiBaat pic.twitter.com/XfZz97IsSv
— PMO India (@PMOIndia) January 31, 2021
