২০১৮গী মে ২১দা রুসিয়ান ফেদরেসনগী সোচী শহরদা প্রধান মন্ত্রী নরেন্দ্র মোদী অমসুং রাষ্ট্রপতি ব্লাদিমীর পুতিনগী মরক্তা মখোয়গী ওইবা অহানবা ইনফোর্মেল সম্মিৎ পাংথোকখ্রে। সম্মিৎ অসিনা ভারত অমসুং রুসিয়াগী মরক্তা অৱাংবা থাক্কী পোলিতিকেল একচেঞ্জ তৌবগী ত্রেদিসন অদু ঙাকপগা লোয়ননা লুচীংবা অনিমক্না মখোয়গী মরূপ ওইবগী মরি হেন্না চেৎশিলহন্নবা অমদি ইন্তর্নেস্নেল অমসুং রিজনেল ইশুশিংদা মখোয়গী ওইবা মীৎয়েং একচেঞ্জ তৌনবা তঞ্জা অমা ফংহল্লে।
লুচীংবা অনিমক্না মালেমগী শান্তিগী ফিভম অমদি তংদু লৈতাহন্নবগীদমক মরুওইবা ফেক্তর অমা ওইনা ভারত অমসুং রুসিয়াগী মরক্তা স্পিসিয়েল অমদি প্রিভিলেজ স্ত্রাতেজিক পার্তনরশিপ অদুদা অয়াবা পীখি। মখোয়না কমন রেস্পোনসিবিলিতীগা লোয়ননা মালেমগী শান্তিগী ফিভম অমদি তংদু লৈতাহনবা অদু ঙাক্তুনা থম্নবগীদমক লৌরিবা থৌদাংশিং অদু শকখঙনখি।
লুচীংবা অনিনা মরুওইবা ইন্তর্নেস্নেল ইশুশিংদা মমুৎ তানা খন্নখি। মল্তি পোলর ৱার্ল্দ ওর্দর অমা শেমগৎপগী মরুওইবা অদু মখোয়না য়ানখি। ইন্দো-পেসিফিক রিজনগী য়াওনা অমনা অমগী কনসল্তেসন অমদি কোওর্দিনেসন ইন্তেনসিফাই তৌনবা মখোয়না ৱারেপ লৌখি। প্রধান মন্ত্রী মোদী অমসুং রাষ্ট্রপতি পুতিন্না য়ুনাইতেদ নেসন্স, এস সি ও, ব্রিক্স অমদি জি-২০গুম্বা মল্তিলেতরেল ওর্গনাইজেসনশিংগী খুত্থাংদা মখা তানা পুন্না থবক তৌমিন্নবদসু য়ানখি।
লুচীংবা অনিমক্না নেস্নেল দিবেলপমেন্ত প্লান্স এন্দ প্রায়োরিতীদা মখোয়গী ওইবা মীৎয়েংশিং অদু ফোংদোক্নখি। মখোয়না ভারত অমসুং রুসিয়াগী মরক্তা লৈরিবা অচেৎপা থাজবা, ম্যুচুয়েল রেস্পেক্ত অমদি গুদৱীল অদুদা অপেনবা ফোংদোক্নখি। ২০১৭কী জুন থাদা সেন্ত পিতর্সবর্গতা পাংথোকখিবা মমাংগী বাইলেতরেল সম্মিৎ অদুগী মতুংদা লাক্লিবা পেজিতিব মোমেন্তমদা অপেনবা ফোংদোক্লদুনা তুংদা চহি অসিদা পাংথোক্কদৌরিবা সম্মিৎ অদুগীদম শেম শাদুনা মহৈ য়ালহন্নবা লুচীংবা অনিমক্না মখোয়গী ওফইসিয়েলশিংদা খঙহনখি।
লুচীংবা অনিমক্না ত্রেদ অমদি ইনভেস্তমেন্তদা গ্রেজর সীনর্জী আইদেন্তিফাই তৌনবা ভারতকী নিতী আয়োগ অমদি রুসিয়ান ফেদরেসনগী মিনিস্ত্রী ওফ ইকোনোমিক দিবেলপমেন্তকী মরক্তা স্ত্রাতেজিক ইকোনোমিক দাইলোগ অমা লিংখৎপদা য়ানখি। মখোয়না ইনর্জী সেক্তরদা তেংবাং পীনবা হেঙ্গৎহনবদা য়ানখি, মসিগা মরি লৈননা গাজপ্রোম অমসুং গেলগী মরক্তা অশাংবা মতমগী য়ানা ৱারোল অমগী মখাদা মথং থাদা লাক্কদৌরিবা এল এন জিগী অহানবা কন্সাইনমেন্ত অদু তরাম্না ওকখি। লুচীংবা অনিমক্না মিলিতরী, সেক্যুরিতী অমসুং ন্যুক্লিয়র ইনর্জীগী লমদা মতম শাংনা পুন্না থবক তৌমিন্নরকপা অদু অমুক হন্না নীংশিংখি অমদি লম অসিদা হৌজিক চত্থরিবা তেংবাং পীনবগী থবক অদু তরাম্না ওকখি।
লুচীংবা অনিগী মরক্তা এনুয়েল সম্মিৎ পাংথোকপগী মথক্তা লিদরশিপ লেভেলদা অহেনবা এঙ্গেজমেন্ত অমগুম ইনফোর্মেল সম্মিৎ পাংথোকপগী ৱাখল্লোন অসি লুচীংবা অনিমক্না তরাম্না ওকখি।
চহি অসিদা ভারত্তা পাংথোক্কদৌরিবা ১৯শুবা এনুয়েল সম্মিৎকীদমক প্রধান মন্ত্রীনা রাষ্ট্রপতি পুতিনবু বার্তন তৌখি।
