১. ভারত অমসুং রিপবলিক ওফ কোরিয়া অসি অরোন অথুপ লৈতবা, পুম্নমকপু কোনশিনবা অমসুং নুংঙাই-য়াইফবা ইন্দো-পেসিফিক লমদম অমগী মান্নবা মীৎয়েং থম্লিবা অখন্নবা স্ত্রেতেজিক পার্তনরশিংনি।
২. ঐখোয়গী অখন্নবা স্ত্রেতেজিক পার্তনরশিপ অসিগী মরুওইবা য়ুম্বীদি ওপন মার্কেত অমসুং চৎন-পথাপতা য়ুম্ফম ওইবা ললোন-ইতিক্কীদমক মান্নবা ফিরেপ অমদা ঐখোয়গী নুংঙাই-য়াইফবা অমদি শেল-থুমগী সিক্যুরিতীবু মপাঙ্গল কনখৎহল্লিবা কুইনা চৎনরক্লবা অমসুং থাজবা য়াবা ইকোনোমিক অমসুং ইনর্জী রিসোর্স পার্তনরশিপ অমনি। মান্নবা ৱাখল্লোনশিং অসি অমুক হন্না চেৎশিলহনবা অমসুং হৌজিক ওইরিবা ফীভম অসিনা ইন্দস্ত্রীশিং অমসুং কৈথেলদা পীরিবা শাফু অসি খঙবা হায়বসি হৌজিক মতম অসিদা য়াম্না মথৌ তাই।
৩. ভারত-ROK কমপ্রিহেন্সিব ইকোনোমিক পার্ত্নরশিপ এগ্রীমেন্ত (CEPA) অমসুং মরী লৈনবা বাইলেতরেল ফ্রেমৱর্কশিংগী খুত্থাঙদা ঐখোয়গী ইনর্জী রিসোর্স ললোন-ইতিক অমসুং ইনভেস্তমেন্তকী তেংবাংনবা অসিবু মাঙদা পুখৎনবা ঐখোয়না হোৎনরি। ভারত অসি ROK গীদমক নাফথা অমসুং অতৈ পেত্রোলিয়ম ফীদস্তোকশিং ফংহল্লিবা মরুওইবা সপ্লাইয়র অমনি, অদুগা ROK অসি ভারতকীদমক পেত্রোলিয়ম পোত্থোকশিং অমসুং লুব্রিকেন্ত বেজ ওইলশিং ফংহনবদা মাঙজিল থারিবা সপ্লাইয়র অমনি।
৪. রিজনল কো-ওপরেসন হেন্না চেৎশিলহন্দুনা, ইনর্জী ত্রাঞ্জিসন খোঙজেল য়াঙখৎহন্দুনা অমসুং ইনর্জী রিসোর্সশিংগীদমক ওপন ত্রেদ থৌরাংশিংদা মতেং পীদুনা ইনর্জী রিসোর্স সপ্লাই চেন রেজিলিএন্স মপাঙ্গল কনখৎহন্নবা পুন্না থবক তৌনবা ঐখোয়না ফিরেপ লৌরে। কৈথেলগী তংদু-লৈতানা লৈহন্নবা অমসুং শেংনা থবক তৌবা হেনগৎহন্নবা, অমদি লৈরিবা মীওইশিংগী মীৎয়েং অদু হেন্না ফনা উৎননবা অচৌবা LNG শীজিন্নরিবা লৈবাকশিং ওইনা হেন্না নকশিন্না তেংবাংনবা মথৌ তাই হায়বা ঐখোয়না খঙলে।
৫. ইনর্জীগী লমদা রেজিলিএন্ত ওইবা ললোন-ইতিক্কীদমক ঐখোয়গী মান্নবা ফিরেপ অদু ঐখোয়না খঙই। শিপবিল্দিং য়াওনা মপাঙ্গল কনবা সমুদ্রগী ইনফ্রাস্ত্রকচর অসি লৈবাক অনিমক্কী ইনর্জী সিক্যুরিতী লেপননবা য়াম্না মরুওই হায়বা ঐখোয়না খঙই। ইনর্জী রিসোর্সশিং অসি অশোয়-অঙাম লৈতনা, থাজবা য়ানা অমসুং মতিং লৈনা পুথোক-পুশিন তৌনবগীদমক মপাঙ্গল কনবা অমসুং তোঙান তোঙানবা মচৎ য়াওবা শিপবিল্ডিং ইকোসিস্তেম অমগী মরুওইবা অদু ঐখোয়না শকখঙলি।
৬. ফীভম অসিদা য়ুম্ফম ওইরগা, ভারত অমসুং ROK না মখাগীশিং অসি হোৎনগনি:
- নাফথা অমসুং অতোপ্পা পেত্রোলিয়ম পোত্থোকশিংগী ওপন ত্রেদ থম্নবা লৈবাক অনিমক্না হোৎনবগা লোয়ননা অমগা অমগা লেংদবা, চেকশিনবা অমসুং থাজবা য়াবা ইনর্জী রিসোর্স সপ্লাই অমা থম্বা; অমসুং ইনর্জী ভেল্যু চেন পুম্বদা তেংবাংনবা।
- LNG শীজিন্নরিবা লৈবাকশিংগী মরক্তা হেন্না নকশিন্না তেংবাংনবগী লম্বী থিবা।
- ভারত্তা শিপয়ার্দশিং লিংখৎপা, শিপয়ার্দশিং মতমগা চুনহনবা, হ্যুমেন রিসোর্স শেমগৎপা, অমসুং তেক্নোলোজী পার্তনরশিপ য়াওনা শিপবিল্ডিং সেক্তরদা তেংবাংনবগী মরী মপাঙ্গল কনখৎহনবা।
৭. ঐখোয়গী মীয়ামগী সিক্যুরিতী অমসুং নুংঙাই-য়াইফবগীদমক মালেমগী ইনর্জী রিসোর্স সপ্লাই চেনশিং অসি ওপন ওইনা থম্নবগীদমক ভারত অমসুং ROK না রিজনেল পার্তনরশিংদা শরুক য়ামিন্ননবা ৱাফম থম্লি।
