প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা চন্দ্রয়ান-৪ হায়না মিংথোনবা মিসন অসি থাদা মাই পাক্না লেন্দ তৌরবা মতুংদা মালেমদা হল্লক্নবা তেক্নোলোজীশিং শেমগৎনবা অমসুং উৎনবা অমসুং থাগী সেম্পলশিং লৌরগা মালেমদা নৈননবা অয়াবা পীখ্রে। চন্দ্রয়ান-৪ মিসন অসিনা ভারতনা থাদা লেন্দ তৌনবা (চহী ২০৪০ ফাওবদা থৌরাং তৌরিবা) অমসুং মালেমদা হকথেংননা হল্লক্নবা ফাউন্দেস্নেল তেক্নোলোজীগী তৌবা ঙম্বশিং ফংহল্লগনি। দোকিং/অন্দোকিং, লেন্দিং, পৃথিবীদা সেফ ওইনা হল্লকপা অমসুং থাগী সেম্পল খোমজিনবা অমসুং এনালাইসিস তৌবদা মথৌ তাবা মরুওইবা তেক্নোলোজীশিং উৎকনি।
ভারত সরকারনা ২০৩৫ ফাওবদা ভারতকী স্পেস স্তেসন (ভারতীয় এন্তারিক্স স্তেসন) অমা অমসুং ২০৪০ ফাওবদা থাদা ভারতনা লেন্দিং তৌবগী পান্দম থম্লিবা অমৃত কালগী মনুংদা ভারতকী স্পেস প্রোগ্রামগীদমক পাকথোক চাউথোক্লবা ভিজন অমা পুথোকখ্রে। মসিগী মিৎয়েং অসি মঙফাওনহন্নবা, গগনযান অমসুং চন্দ্রযানগী মখা তাবা মিসনশিংগী পরিং অমা থৌরাং তৌরি। মসিদা স্পেস ত্রান্সপোর্তেসন অমসুং ইনফ্রাস্ত্রকচরগী মরী লৈনবা মপাঙ্গলশিং শেমগৎপা য়াওরি। চন্দ্রয়ান-৩ লেন্দরনা থাগী লৈমায়দা সেফ অমসুং সোফত লেন্দিং তৌবগী মায় পাকপা থৌওং অসিনা মরুওইবা তেক্নোলোজীশিং শেমগৎলে অমসুং অতোপ্পা লৈবাক খরখক্তনা লৈবা ঙম্বগী মগুনশিং উৎলে। মায় পাকপা লেন্দিং মিসনগী মহৌশাগী ওইবা সক্সেসর অমা হায়রগদি থাগী সেম্পলশিং খোমজিনবা অমসুং মখোয়বু মালেমদা হকথেংননা হল্লকপা ঙম্বগী মতিক অদু উৎপনি
স্পেসক্রাফ শেমগৎপা অমসুং থাগৎপগী থৌদাং অসি ইসরোনা লৌগনি। প্রোজেক্ত অসি ইস্ত্রোদা চৎনরিবা চৎন-পথাপশিংগী মতুং ইন্না ইফেক্তিব ওইনা মেনেজ তৌগনি অমসুং মোনিতর তৌগনি। মিসন অসি এপ্রুব তৌরবা মতুং থা ৩৬গী মনুংদা ইন্দস্ত্রী অমসুং একাদেমিয়াগী শরুক য়াদুনা লোইশিনগনি হায়না পানরি।
ক্রিতিকেল তেক্নোলোজী পুম্নমক অসি লৈবাক অসিদা শেমগৎনবা পান্দম থম্লি। মিসন অসি মখল কয়াগী ইন্দস্ত্রীশিংগী খুত্থাংদা ফংহনগনি অমসুং মসিদা থবক ফংহন্নবা মতিক চাবা খুদোংচাবা লৈগনি অমসুং ইকোনোমীগী অতোপ্পা সেক্তরশিংদা তেক্নোলোজী স্পিন-ওফ ওইগনি হায়না পানরি।
তেক্নোলোজী উৎনবা মিসন 'চন্দ্রয়ান-৪'গীদমক অপুনবা শেনফমগী মথৌ তাবা অসি লুপা কোতি ৩,০০০নি। লুপা করোর ২১০৪.০৬। শেনফম অসিদা স্পেসক্রাফ দিবেলপমেন্ত অমসুং রিয়েলিজেসন, এল.ভি.এম.৩গী থাদোকপগী ভেহিকল মিসন অনি, এক্সতর্নেল দিপ স্পেস নেতৱার্ক সপোর্ত অমসুং দিজাইন ভেলিদেতীগীদমক্তা অখন্নবা চাংয়েংশিং পাংথোকপা, অরোইবদা থাগী লৈমায়দা লেন্দ তৌবগী মিসন অমসুং খোমজিনখিবা থাগী সেম্পলগা লোইননা পৃথিবীদা সেফ ওইনা হল্লকপা য়াওরি।
মিসন অসিনা ভারতপু মী লৈনবা মিসনশিং, থাগী সেম্পলশিং হল্লকপা অমসুং থাগী সেম্পলশিংগী সাইন্তিফিক এনালাইসিসকীদমক মরুওইবা ফাউন্দেস্নেল তেক্নোলোজীশিংদা মশা-মরোমদোম লেপচবা ঙমহনগনি। মসি মপুং ফাহন্নবগী মায়কৈদা ভারতকী ইন্দস্ত্রীনা চাউনা শরুক য়াগনি। চন্দ্রয়ান-৪ সাইন্স মিৎ, ৱার্কশোপশিংগী খুত্থাংদা ভারতকী একাদেমিয়াবু শরুক য়াহন্নবা থৌরাং অসি হান্ননা পায়খৎলি। মিসন অসিনা লৈবাক অসিগী শেন্থোক ওইগদবা, হল্লকপা সেম্পলশিং ক্যুরেসন অমসুং এনালাইসিস তৌনবা ফেসিলিতীশিং লিংখৎনবগী থবকসু পাংথোক্কনি।
It would make everyone proud that Chandrayaan-4 has been cleared by the Cabinet! This would have multiple benefits, including making India even more self-reliant in space technologies, boosting innovation and supporting academia. https://t.co/ZWLMPeRrYh
— Narendra Modi (@narendramodi) September 18, 2024
