ইকাই খুম্নরবা প্রধান মন্ত্রী শ্রী নরেন্দ্র মোদীগী চেবাউদা, ফেদরেল রিপব্লিক ওফ জর্মনীগী ফেদরেল চান্সেলর ঐচ.ই. মিস্তর ফ্রিদরিচ মর্জনা জনুৱারী ১২-১৩, ২০২৬তা ভারততা ওফিসিএল ওইনা লেঙলকখি। জর্মনীগী মকোক থোংবা সি.ই.ও.শিং অমসুং ইন্দস্ত্রীগী লুচিংবশিং য়াওনা অৱাংবা থাক্কী মীহুৎ কাংবু অমনা কেন্সেলরগা লোয়ননা থুংলখি।
মসিনা ইন্দো-পেসিফিক্কী মরুওইবা স্ত্রেতেজিক পার্তনর অমা ওইনা জর্মনিনা ভারতপু অখন্নবা মীৎয়েং থম্লিবা অদুমক উৎলি। খোংচৎ অসি ২০২৪গী ওক্তোবর ২৫দা ন্যু দিল্লীদা মাই পাক্না পাংথোকখিবা ৭শুবা ভারত-জর্মনী ইন্তর-গবর্নমেন্তেল কন্সল্তেসন (আই.জি.সি.) গী মতুংদা লাকখি। ২০২৫দা ভারত-জর্মনী স্ত্রেতেজিক পার্তনরশিপকী চহি ২৫ মপুং ফারকপা অমসুং ২০২৬দা দিপ্লোমেতিক রিলেসনশিংগী চহি ৭৫ মপুং ফারকপগা লোয়ননা লৈবাক অনিগী মরক্তা লৈরিবা নাকল অনিগী মরীশিংগী খোংচৎকী তাল্লক্তা থোকখি। লুচিংবা অনিনা সরকার, বিজিনেস, সিবিল সোসাইতী অমসুং একাদেমিয়াগী মরক্তা নাকল অনিগী ওইবা এঙ্গেজমেন্তকী অনৌবা ইথিল অদু থাগৎপা ফোংদোকখি। মসিনা স্ত্রাতেজিক পার্তনরশিপ অসি খুমাং চাউশিলহন্নবা অমসুং হেন্না চেৎশিলহন্নবা মরুওইবা থৌদাং লৌরি।
প্রধান মন্ত্রী মোদীনা চেন্সেলর মর্জবু অহমদাবাদতা তরাম্না ওকখি। লুচিংবা অনিমক্না সবরমতী আশ্রমদা মহাত্মা গান্ধীগী মীতমদা হৈকৎ লৈকৎ তমখি অমসুং শক্নাইরবা কাইত ফেস্তিবেলদা শরুক য়াখি। লুচিংবা অনিমক্না ইন্দিয়া-জর্মনী সি.ই.ও. ফোরমদা ৱা ঙাংখি। ভারত অমসুং জর্মনীগী মরক্তা ললোন-ইতিক অমসুং তেক্নোলোজীগী লমদা তেংবাং পীনবগী মতাংদা মিৎয়েং থমদুনা চেন্সেলর মর্জনা বেঙ্গলোরদসু চৎকনি।
প্রধান মন্ত্রী মোদী অমসুং চেন্সেলর মর্জনা ২০২৬গী জনুৱারী ১২দা অহমেদাবাদতা অকন্নবা দেলিগেসনগী থাক্তা ৱারী শানখি। মখোয়না স্ত্রেতেজিক পার্তনরশিপকী য়ুম্ফম ওইরিবা মান্নবা দেমোক্রেতিক ভেল্যুশিং, রুলদা য়ুম্ফম ওইবা ইন্তর্নেস্নেল ওর্দর অমগীদমক অচেৎপা ফিরেপ লৌবা অমসুং অমগা অমগা ইকায় খুম্নবা অমুক হন্না ফোংদোকখি। লুচিংবা অনিমক্না লৈবাক অনিগী মরীশিং য়েংশিনখি অমসুং রিজনেল অমসুং গ্লোবেল দিবেলপমেন্তশিংগী মতাংদা খন্নখি।
দিফেন্স অমসুং সেক্যুরিতী
লুচিংবশিংনা দিফেন্স অমসুং সেক্যুরিতী কোওপরেসন মপাঙ্গল কনখৎহন্নবা মখোয়গী ফিরেপ অদু অমুক হন্না ফোংদোক্নখি। মখোয়না নবেম্বর ২০২৫দা ন্যু দিল্লীদা পাংথোকখিবা হাই দিফেন্স কম্মিতীগী মীফমগী মহৈ-মশিংবু তরাম্না ওকখি। মীফম অদুদা ইন্সতিত্যুস্নেলাইজ সর্বিসেস স্তাফ ৱারী শানবা অমসুং সর্বিস চিফশিংগী ভিজিৎ য়াওনা লৈবাক অনিগী দিফেন্স কোওপরেসন মখা তানা হেঙ্গৎহন্নবা ৱারোল পীখি। লুচিংবা অনিনা জোইন্ত এক্সরসাইজ, ত্রেনিং অমসুং সেনিয়র ওফিসিএলশিংগী একচেঞ্জগী খুত্থাংদা মিলিতরী-তু-মিলিতরী কোওপরেসন হেন্না চেৎশিলহন্নবা নাকল অনিমক্না অচেৎপা ৱাফম থমখি অমসুং লৈবাক অনিগী নেভেলগী জহাজশিংনা লেপ্পা লৈতনা পোর্তশিংদা চৎমিন্নবগী মতাংদা নুংঙাইবা ফোংদোকখি। লুচিংবশিংনা লৈবাক অনিগী মরক্তা অনৌবা ত্রেক ১.৫ ফোরেন পোলিসী অমসুং সেক্যুরিতী দাইলোগ অমা লিংখৎপবু তরাম্না ওকখি।
প্রধান মন্ত্রী মোদীনা নেভেল এক্সরসাইজ মিলান অমসুং ফেব্রুৱারী ২০২৬তা ৯শুবা ইন্দিয়ন ওসীন নেভেল সিম্পোজিয়ম (আই.ও.এন.এস.) কনক্লেব ওফ চীফশিংদা শরুক য়ানবা জর্মনগী অপাম্বা অমসুং ২০২৬গী সেপ্তেম্বরদা এয়র কোম্বেত এক্সরসাইজ তরঙ শক্তিদা শরুক য়ানবা জর্মনগী ৱারেপ অদুগা লোয়ননা ইনফোর্মেসন ফ্যুজন সেন্তর, ইন্দিয়ন ওসীন রিজন (আই.এফ.সি.-আই.ও.আর.) দা লাইএজন ওফিসর অমা থাগৎনবা জর্মনগী ৱারেপ অদু তরাম্না ওকখি। দিফেন্স রিসর্স এন্দ দিবেলপমেন্ত ওর্গনাইজেসন (দি.আর.দি.ও.) অমসুং ওর্গনাইজেসন ফোর জোইন্ত আর্মমেন্ত কোওপরেসন (ও.সি.সি.এ.আর.) গী মরক্তা য়ুরোদ্রোন মেল য়ু.এ.ভি. প্রোগ্রামগীদমক হৌজিক চত্থরিবা কোওপরেসন অসিদা নাকল অনিমক্না নুংঙাইবা ফোংদোকখি। মসিনা ভারতনা অওনবা মিলিতরী তেক্নোলোজী শিজিন্নবা অমসুং য়ুরোপকা লোয়ননা মসিগী স্ত্রেতেজিক অমসুং দিফেন্সকী মরী মপাঙ্গল কনখৎহনবা ঙমগনি।
তেক্নোলোজী পার্তনরশিপশিং, দিফেন্স প্লেতফোর্মশিং অমসুং ইক্বিপমেন্তশিংগী কো-দিবেলপমেন্ত অমসুং কো-প্রদক্সন য়াওনা ইন্দস্ত্রীগী থাক্তা মতম শাংনা চৎমিন্নবা হেনগৎহন্নবা দিফেন্স ইন্দস্ত্রীয়েল কোওপরেসন রোদমেপ অমা শেমগৎনবা জোইন্ত দিক্লারেসন ওফ ইন্তেন্ত অমা খুৎয়েক পীনবদা লুচিংবশিংনা তরাম্না ওকখি। দিফেন্স ইক্বিপমেন্তগী এক্সপোর্ত ক্লিয়রেন্স অথুবা মতমদা ফংহন্নবা জর্মনীনা হোৎনরিবা অদু ভারতনা তরাম্না ওকখি। লুচিংবা অনিনা বার্লিন অমসুং ন্যু দিল্লীদা পাংথোকপা দিফেন্স রাউন্দতেবল/ সেমিনারশিংগী খুত্থাংদা ভারত অমসুং জর্মন দিফেন্স বিজিনেসশিংগী মরক্তা হেনগৎলক্লিবা মরী অদু থাগৎপা ফোংদোকখি অমসুং হীরম অসিদা চাং নাইনা চৎমিন্নবগীদমক তরাম্না ওকখি। লুচিংবা অনিমক্না সবমেরিন, হেলিকোপ্তরশিংগী অথিংবা থীংনবা পথাপ অমসুং কাউন্তর য়ুনমেন এরিএল সিস্তেম (সি-য়ু.এ.এস.) দা মখা তানা মতেং পাংমিন্নবগীদমক থাগৎপা ফোংদোকখি। মখোয়না ভারতকী হৈথোই-শিংথোইরবা ৱার্কফোর্স অমসুং কম্পিতিতিব কস্তশিং অমসুং জর্মনীদগী অৱাংবা তেক্নোলোজীশিং অমসুং ইনভেস্তমেন্তশিংদা য়ুম্ফম ওইদুনা মরী হেন্না চেৎশিলহন্দুনা দিফেন্স ইন্দস্ত্রিএল কোলাবোরেসন হেঙ্গৎহন্নবগীদমক থাজবা থমখি।
ত্রেনিং অমসুং এক্সচেঞ্জদা তেংবাং পীনবগী মতাংদা, লুচিংবা অনিনা লৈবাক অনিগী ইন্সতিত্যুসনশিংগী মরক্তা পিসকীপিং ত্রেনিংদা য়ান-ৱারোল অমা, আর্মদ ফোর্সেসকী মরক্তা রীসিপরেল লোজিস্তিক সপোর্ত এগ্রীমেন্ত অমসুং দি.আর.দি.ও. অমসুং ফেদরেল ওফিস ওফ বুন্দেসৱের ইক্বিপমেন্ত, ইনফোর্মেসন তেক্নোলোজী অমসুং ইন-সর্ভিস সপোর্ত (বি.এ.এ.আই.এন.বি.দবল্যু.) গী মরক্তা অনৌবা দিফেন্স তেক্নোলোজীশিংগী লমদা লৌশিং পীথোক-পীশিন তৌনবগী মাইকৈদা খুমাং চাওশিল্লকপবু তরাম্না ওকখি।
লুচিংবা অনিনা তেরোরিজম অমসুং হিংসাগী ওইবা এক্সত্রিমিজমবু মসিগী মওং অমসুং মশক মওং খুদিংমক্তা, ঙমখৈ লান্না তেরোরিজম য়াওনা অকনবা মওংদা নিন্দা তৌখি। মখোয়না য়ু.এন. চার্টর অমসুং ইন্তরনেস্নেল লোগী মতুং ইন্না তেরোরিজমবু মপুং ফানা অমসুং লেপ্পা নাইদনা লান্থেংননবা পুন্না হোৎনমিন্ননবা হায়খি। মখোয়না এপ্রিল ২২, ২০২৫দা জম্মু অমসুং কাশ্মীরগী পহলগামদা পাংথোকখিবা তেরোরিস্ত এতেক অমসুং নবেম্বর ১০, ২০২৫দা দিল্লীদা পাংথোকখিবা তেরোরিস্ত এতেক অদু অকনবা মওংদা য়ানিংদবা ফোংদোকখি। মখোয়না য়ু.এন. ১২৬৭ সেঙ্কসন কমিতীদা য়াওরিবা তেরোরিস্তশিং অমসুং তেরোরিস্ত এন্তাইতীশিং য়াওনা তেরোরিস্তশিং অমসুং তেরোরিস্ত এন্তাইতীশিংগী মায়োক্তা মতেং পীনবা হেনগৎনবা অচেৎপা ৱাফম থমখি। নাকল অনিমক্না লৈবাক পুম্নমকপু তেরোরিস্ত সেফ হেভনশিং অমসুং ইনফ্রাস্ত্রকচর মুত্থৎনবা অমসুং তেরোরিস্ত নেটৱার্কশিং অমসুং ফাইনান্সিংবু ইন্তর্নেস্নেল লোগী মতুং ইন্না থিংনবা থবক পায়খৎনবা হায়খি। লুচিংবশিংনা ম্যুচুএল লিগেল এসিস্তেন্সকী ত্রেক্তকী রেতিফিকেসন তৌবদা নুংঙাইবা ফোংদোকখি অমসুং তেরোরিজম থেংননবা জোইন্ত ৱার্কিং গ্রুপকী মখাদা খুমাং চাউশিল্লকপগী ৱাফম থমখি।
ত্রেদ অমসুং ইকোনোমী
লুচিংবা অনিনা লৈবাক অনিগী ওইবা ললোন-ইতিক অমসুং ইনভেস্তমেন্তদা লেপ্পা লৈতনা হেনগৎলকপবু তরাম্না ওকখি অমসুং লৈবাক অনিগী ওইবা ললোন-ইতিক অসি ২০২৪দা রেকোর্দ য়ৌরকপা অমসুং ২০২৫ ফাওবদা পোজিতিব ওইবা মওংদা লেপ্তনা হেনগৎলকপা অদু খঙখি। ভারত অমসুং জর্মনীগী মরক্তা পোৎলম অমসুং সর্বিসকী বাইলেতরেল ত্রেদ অসি ২০২৪দা দোল্লর বিল্লিয়ন ৫০ হেনখ্রে। মসিনা ই.য়ু. লুচিংবা অনিনা ভারত অমসুং জর্মনীগী মরক্তা মপাঙ্গল কনবা অনিমক্কী ইনভেস্তমেন্তশিং অমসুং অসিগুম্বা ইনভেস্তমেন্তশিংনা মালেমগী সপ্লাই চেনশিং দাইভর্সিফাই তৌবদা পুক্নিং থৌগৎপা ইম্পেক্তশিং অদু পনখি। এম.এস.ই.শিং, স্তার্ত-অপশিং, দিজিতেলাইজেসন, এ.আই. অমসুং ইন্নোবেসন দাইরেক্ত ইন্তর্প্রাইজেসকী খুত্থাংদা শিজিন্নদ্রিবা শেন্মিৎলোনগী পোতেন্সিএলবু মপুং ফানা শীজিন্ননবা মখোয়না অচেৎপা ৱাফম থমখি। প্রধান মন্ত্রী মোদীনা জর্মনীগী কম্পেনীশিংদা ভারত্তা ইনভেস্ত তৌনবা মখোয়গী ব্যুজিনেসশিং পাকথোক চাউথোকহন্নবা অমসুং মসিগী মপাঙ্গল কনবা ইকোনোমিক গ্রোথ, বিজিনেস-ফ্রেন্দলী এনভাইরনমেন্ত, অৱাংবা থাক্কী স্কিল লৈবা ৱার্কফোর্স অমসুং ওপরেসনশিং পাকথোক চাউথোকহন্নবগী অচৌবা খুদোংচাবশিং অদুগী কান্নবা লৌনবা হায়খি। চান্সেলর মর্জনা জর্মনীবু ভারতকী কম্পেনীশিংনা শেল থাদনবগীদমক্তা য়াম্না পাম্নবা মফম অমা ওইনা ফোংদোকখি।
লাক্কদৌরিবা ই.য়ু.-ইন্দিয়া সমিৎকী মরুওইবা ফল অমা ওইনা ইন্দিয়া-ই.য়ু. ফ্রী ত্রেদ এগ্রীমেন্ত লোইশিনবদা প্রধান মন্ত্রী মোদী অমসুং চান্সেলর মর্জনা মখোয়গী মতেং অমুক হন্না পনখি। মসিনা ললোন-ইতিক্কী খোংজেলদা মতেং পাংগনি অমসুং জর্মনী-ইন্দিয়াগী শেন্মিৎলোনগী মরীদা অহেনবা ইথিল পীরগনি।
লুচিংবা অনিনা জর্মন-ইন্দিয়া সি.ই.ও. ফোরমগী খুত্থাংদা লৈবাক অনিগী ওইবা শেন্মিৎলোনগী মতেং পীনবা হেনগৎহন্নবা জোইন্ত দিক্লারেসন ওফ ইন্তেন্ত অমা খুৎয়েক পীনবদা নুংঙাইবা ফোংদোকখি। মসিনা ভারত্তা মতম শাংনা লৈরক্লবা জর্মনগী ললোন-ইতিক অমসুং জর্মনদা লৈরক্লবা ভারতকী ললোন-ইতিকশিংনা মতেং পাংদুনা ললোন-ইতিক অমসুং ইন্দস্ত্রীগী মতেং পীনবা হেনগৎহল্লগনি।
প্রধান মন্ত্রী মোদী অমসুং চান্সেলর মর্জনা সি.ই.ও. ফোরম পাংথোকপদা নুংঙাইবা ফোংদোকখি। তেক্নোলোজী, ওতোমোতিভ, দিফেন্স, শিপ বিল্ দিং, স্মার্ত ইনফ্রাস্ত্রকচর, ফার্মা, কেমিকেলস, বাইও-তেক্নোলোজী, ইন্দস্ত্রীএল ইক্বিপমেন্ত ইঞ্জিনীয়রিং অমসুং ইনর্জীগুম্বা লমশিংদা বিজিনেস কোলাবোরেসন অমসুং ইনভেস্তমেন্ত হেন্না পুক্নিং থৌগৎনবগীদমক নাকল অনিমক্কী মকোক থোংবা সি.ই.ও.শিং অমসুং ইন্দস্ত্রীগী লুচিংবশিংগা ৱারী শানখি।
তেক্নোলোজী, ইন্নোবেসন, সাইন্স অমসুং রিসর্চ
লুচিংবশিংনা ইনোবেসন অমসুং তেক্নোলোজী পার্তনরশিপ রোদমেপ কনসোলিদেৎ তৌরিবা সেমিকন্দক্তরশিং, ক্রিতিকেল মিনরেলশিং, দিজিতেলাইজেসন, তেলিকম্ম্যুনিকেসন, হেল্থ অমসুং বাইওইকোনোমী য়াওনা ক্রিতিকেল অমসুং ইমেজিং তেক্নোলোজীশিংদা তেংবাং পীনবগী খোংজেলদা খুমাং চাওশিল্লকপবু তরাম্না ওকখি।
সেমিকন্দক্তর ইকোসিস্তেম পার্তনরশিপকী অনৌবা জোইন্ত দিক্লারেসন ওফ ইন্তেন্তকী খুত্থাংদা সেমিকন্দক্তর ভেল্যু চেনগী ইন্সতিত্যুস্নেল দাইলোগ অমা লিংখৎনবগী নাকল অনিমক্কী অচেৎপা অপাম্বা অদু মখোয়না তরাম্না ওকখি। মখোয়না ইন্দিয়ন অমসুং জর্মন সেমিকন্দক্তর ইকোসিস্তেমশিংগী মরক্তা ইন্সতিত্যুস্নেল রিসর্স অমসুং ইন্দস্ত্রীএল কোলাবোরেসন হেঙ্গৎহনবগী মরুওইবা অদু ফোংদোকখি। মমাং চহিগী মার্চ থাদা জি.আই.এফ.তি.সি.তি.দা জর্মন তেক্নোলোজী এন্তরপ্রাইজ ইনফাইনন্না গ্লোবেল কেপবিলিতী সেন্তর (জি.সি.সি.) হাংদোকখিবদা প্রধান মন্ত্রী মোদীনা নুংঙাইবা ফোংদোকখি।
লুচিংবশিংনা রেসিলিয়েন্ত সপ্লাই চেনগী মরুওইবা অদু খঙলদুনা, লুচিংবশিংনা জোইন্ত দিক্লারেসন ওফ ইন্তেন্ত (জে.দি.ও.আই.) নাকল অনিমক্না মরুওইবা মিনরেলশিং থিবা, আর.এন্দ.দি., প্রোসেসিং অমসুং রিসাইকলিংগী খুত্থাংদা ভেল্যু এদিসন, অমসুং লৈবাক অনিমক্তা অমসুং অহুমশুবা লৈবাকশিংদা মরুওইবা মিনরেল এসেতশিং ফংনবা অমসুং দিবেলপ তৌনবগী খুদোংচাবশিং থিদোক্নবা পান্দম থম্লি।
ইন্দো-জর্মন দিজিতেল দাইলোগকী মতাংদা, লুচিংবশিংনা ২০২৬-২৭গী ৱার্ক প্লান ফাইনেল তৌখিবা অদু খঙখি অমসুং ইন্তরনেত অমসুং দেতা গবর্নান্স, এ.আই., সেমিকন্দক্তরশিং অমসুং ইন্দস্ত্রী ৪.০ অমসুং অনৌবা তেক্নোলোজীশিংদা তেংবাং পীনবগী মরুওইবা অদুদা অকনবা ৱাফম থমখি। তেলিকম্ম্যুনিকেসনগী লমদা তেংবাং পীননবা জোই.দি.ও.আই. অমা খুৎয়েক পীনখিবা অদু লুচিংবশিংনা খঙখি।
লুচিংবশিংনা ইন্দো-জর্মন সাইন্স এন্দ তেক্নোলোজী সেন্তর (আই.জি.এস.তি.সি.) গী মতম শাংদোকখিবগী ৱাফম থমখি অমসুং এদভান্স মেন্যুফেকচরিং, মেদিকেল তেক্নোলোজী, সস্তেনেবল প্রদক্সন, বাইও ইকোনোমী, ৱেস্ত তু ৱেল্থ ইনিসিয়েতিবশিং অমসুং সস্তেনেবিলিতীগীদমক আর্তিফিসিএল ইন্তেলিজেন্সকী লমশিংদা বাইলেতরেল ইন্দস্ত্রী-একাদেমিয়া স্ত্রেতেজিক রিসর্স প্রমোৎ তৌবদা আই.জি.এস.তি.সি.গী মরুওইবা থৌদাং অসিদা মখোয়না নুংঙাইবা ফোংদোকখি। লুচিংবশিংনা আই.জি.এস.তি.সি.গী মখাদা (2+2) ইন্দস্ত্রী-একাদেমিয়া প্রোজেক্তশিং অমসুং সাইন্স অমসুং ইঞ্জিনীয়রিং রিসর্সতা নুপীশিং শরুক য়াবা (ৱাই.আই.এস.ই.আর.) প্রোগ্রাম্মরশিংগী থৌদাং মশক খঙখি।
লুচিংবা অনিমক্না দিজিতেল কনভর্জেন্স, বেতরী তেক্নোলোজী, গ্রীন ত্রান্সপোর্তেসন অমসুং শেল চংদবা হেল্থকেয়রদা মীৎয়েং থমদুনা ইন্দো-জর্মন সেন্তর ওফ এক্সেলেন্স ওন ইন্নোবেসন (আই.জি.-কো.ই.) লিংখৎপগী খোংজেলদা নুংঙাইবা ফোংদোকখি। জিনোমিক্স, 3দি বাইওপ্রিন্তিং অমসুং বাইওমেনফেকচরিংদা অহোংবা পুরক্নবা বাইওইকোনোমীদা লৈবাক অনিগী ওইবা মতেং পীনবা হৌরকপদা লুচিংবশিংনা থাগৎপা ফোংদোকখি। লুচিংবা অনিনা এন্তিপ্রোতোন অমসুং আইওন রিসর্স (এফ.এ.আই.আর.) অমসুং দয়ু.ই.এস.ই. সিনক্রোত্রোন (দি.ই.এস.ৱাই.) গী মরুওইবা সাইন্স ফেসিলিতীশিংদা ভারতনা শরুক য়াবদা উৎলিবা অৱাংবা থাক্কী থৌদাংবুসু থাগৎপা ফোংদোকখি। অমসুং পেত্রা-III অমসুং দি.ই.এস.ৱাই.গী ফ্রী-ইলেক্ত্রোন লেজর ফেসিলিতীশিংদা মখা তানা তেংবাং পীনবদা থাজবা ফোংদোকখি।
লুচিংবশিংনা ইন্দিয়ন স্পেস রিসর্স ওর্গনাইজেসন (ইসরো) অমসুং জর্মন স্পেস এজেন্সী (দি.এল.আর.) গী মরক্তা স্পেসকী লমদা হেন্না ফবা দাইলোগ লৈরকপা অদু খঙখি অমসুং এজেন্সী অনিগী মরক্তা মতেং পীনবা মখা তানা হেঙ্গৎহনবগী ওইথোকপা অদু তরাম্না ওকখি। নাকল অনিমক্না স্পেস ইন্দস্ত্রীগী থাক্তা এঙ্গেজমেন্ত হেঙ্গৎহন্নবা য়ানখি।
লুচিংবশিংনা ইভিদেন্সতা য়ুম্ফম ওইবা অমসুং মীয়ামদা য়ুম্ফম ওইবা ত্রেদিস্নেল মেদিসিনগী চৎনবীশিং অসি শেল চংদবা হেল্থকেয়রগীদমক্তা পুক্নিং থৌগৎনবা মখোয়গী ফিরেপ অদু অমুক হন্না ফোংদোকখি। মখোয়না ওল ইন্দিয়া ইন্সতিত্যুৎ ওফ অয়ুর্বেদা অমসুং জর্মনীগী চেরিতী য়ুনিভর্সিতীগী মরক্তা ত্রেদিস্নেল মেদিসিনদা সাইন্তিফিক কোওপরেসন প্রমোৎ তৌনবা এম ও য়ু খুৎইয়েক পীনখিববু তরাম্না ওকখি।
গ্রীন অমসুং সস্তেনেবল দিবেলপমেন্ত পার্তনরশিপ/রিন্যুএবল ইনর্জী
লুচিংবশিংনা ২০২৬তা গ্রীন অমসুং সস্তেনেবল দিবেলপমেন্ত পার্তনরশিপ (জি.এস.দি.পি.) গী কম্মিতমেন্ত পেরিওদকী শরুক অনি শুখিবগী তাঙ্কক অদু উখি অমসুং ভারত অমসুং জর্মনীগী মরক্তা ফ্লেগশিপ ইনিসিয়েতিব অসি ইমপ্লিমেন্ত তৌবদা নুংঙাইবা ফোংদোকখি। মসিনা সস্তেনেবল দিবেলপমেন্ত অমসুং ক্লাইমেৎ এক্সনগী মতাংদা নাকল অনিগী ওইবা কোওপরেসন হেঙ্গৎহল্লে অমসুং এস.দি.জি.শিং অমসুং পেরিস এগ্রীমেন্ত ইমপ্লিমেন্ত তৌবদা অচেৎপা কম্মিতমেন্ত মপাঙ্গল কনখৎহল্লে। ২০৩০ ফাওবদা জর্মন গবর্নমেন্তনা য়ুরো বিল্লিয়ন ১০গী অপুনবা কম্মিতমেন্ত তৌখিবা অদুগী মনুংদা, অয়াম্বনা কন্সেস্নেল লোনগী মওংদা, চাউরাক্না য়ুরো বিল্লিয়ন ৫ অসি হান্ননা শীজিন্নখ্রে নত্ত্রগা ২০২২দগী হৌদুনা ক্লাইমেৎ মিতিগেসন অমসুং এদাপ্তেসন, রিন্যুএবল ইনর্জী, সস্তেনেবল অর্বান দিবেলপমেন্ত, গ্রীন অর্বান মোবিলিতী, নেচরেল রিসোর্স মেনেজমেন্ত, ফোরেস্ত্রি, বাইওদাইবর্সিতী, এগ্রো-ইকোলোজী, সর্ক্যুলর ইকোনোমী অমসুং স্কিলিংগী প্রোজেক্তশিংদা শিজিন্নখ্রে। অসিগুম্বা মওংদা, জি.এস.দি.পি.গী মখাদা ইন্দো-জর্মন কোলাবোরেসন অসিনা পি.এম. ই-বাস সেৱা, সোলর রোকতোপ প্রোগ্রাম, নেস্নেল গ্রীন হাইদ্রোজেন মিসন, অহমেদাবাদ, সুরত অমসুং বেঙ্গলোর মেত্রো রেল প্রোজেক্তশিং, ৱাতর ভিজন ২০৪৭, তামিল নাদুদা ক্লাইমেৎ রেসিলিয়েন্ত অর্বান ইনফ্রাস্ত্রকচর, ৱেস্ত বেঙ্গলদা বেতরী স্তোরেজ প্রোজেক্ত, এগ্রো-ফোতোভোল্তাইককী লমদা অনৌবা ইন্দো-জর্মন কোলাবোরেসন অমসুং রিনিউএবল ইনর্জী পাকথোকহন্নবা পব্লিক ফাইনান্সিএল ইন্সতিত্যুসনশিংগীদমক ফাইনান্সিং অসিনচিংবা ভারত সরকারগী মরুওইবা প্রোগ্রাম অমসুং প্রোজেক্তশিংদা মতেং পাংলি।
লুচিংবশিংনা রিন্যুএবল ইনর্জীগীদমক ফাইনান্সিং অমসুং ইনভেস্তমেন্ত মোবিলাইজ তৌবগী মরুওইবা অদু অমুক হন্না ফোংদোকখি অমসুং মালেমগী ওইনা রিন্যুএবল ইনর্জীদা ইনভেস্তমেন্ত তৌনবগীদমক ইন্দিয়া-জর্মনী প্লেৎফোর্মগী মখাদা ২০২৫গী ওক্তোবরদা সোলর ইনর্জী মেন্যুফেকচরিং অমসুং ৱিন্দ ইনর্জীগী মতাংদা জোইন্ত ৱার্কিং গ্রুপশিং হৌদোকপা অমসুং বেতরী ইনর্জী স্তোরেজ সোলুসনশিংগী মতাংদা নৌনা লিংখৎখিবা জোইন্ত ৱার্কিং গ্রুপ অসিনচিংবা জোইন্ত ৱার্কিং গ্রুপশিং হৌদোকপদা অপেনবা ফোংদোকখি। জোইন্ত ৱার্কিং গ্রুপশিং অসিনা তেক্নোলোজী, স্তেন্দর্দশিং, রেগুলেসন অমসুং রিন্যুএবল ইনর্জীগী সপ্লাই চেন রেসিলিয়েন্সতা লৈবাক অনিগী মরক্তা তেংবাং পীনবা হেনগৎহল্লগনি অমসুং ভারত অমসুং জর্মনীগী কম্পেনীশিংগী মরক্তা এক্সচেঞ্জ অমসুং ইনভেস্তমেন্তশিং হেনগৎহল্লগনি।
লুচিংবা অনিনা ইন্দো-জর্মন ইনর্জী ফোরমগী মনুংদা জোইন্ত রোদমেপকী মখাদা থবক পায়খৎপা য়াওনা গ্রীন হাইদ্রোজেনগী মতাংদা হৌজিক চৎথরিবা মতেং পাংনবদা নুংঙাইবা ফোংদোকখি। তেক্নোলোজিকেল, কম্মর্সিএল অমসুং রেগুলেতরীগী লমদা হেন্না চেৎশিলহন্দুনা অমসুং বিজিনেস-তু-বিজিনেস লিংকেজশিং মপাঙ্গল কনখৎহন্দুনা ভারতকী নেস্নেল গ্রীন হাইদ্রোজেন মিসন অমসুং জর্মনগী নেস্নেল হাইদ্রোজেন স্ত্রাতিজি অসি অমত্তা ওইনা পুন্সিন্নবগী তঙাইফদবা অদুদা মখোয়না অকনবা ৱাফম থমখি। ভারত্তা হায়দ্রোজেন রেগুলেসনশিং অমসুং স্তেন্দর্দশিং শেমগৎপদা মতেং পীনবা হেনগৎহন্নবা, লুচিংবশিংনা পেত্রোলিয়ম অমসুং নেচরেল গ্যাস রেগুলেতরী বোর্দ (পি.এন.জি.আর.বি.) অমসুং জর্মন তেক্নিকেল অমসুং সাইন্তিফিক এসোসিএসন ফোর গ্যাস অমসুং ৱাতর ইন্দস্ত্রীজ (দি.ভি.জি.দবল্যু.) গী মরক্তা এম.ও.য়ু. মখোয়না ভারতকী নেস্নেল গ্রীন হাইদ্রোজেন মিসনগী মখাদা গ্রীন অমোনিয়া এ.এম. গ্রীনদগী য়ুনিপর গ্লোবেল কম্মোদিতিজদা সপ্লাই তৌনবা খ্বাইদগী চাউবা ওফতেক এগ্রীমেন্ত অমা সাইন তৌখিববুসু তরাম্না ওকখি। লুচিংবশিংনা প্রাইবেৎ সেক্তরগী স্তেকহোল্দরশিংনা হৌজিক ফাওবদা পায়খৎলিবা খোংজংশিং, মরু ওইনা ইন্দিয়ন-মার্কিন কম্পেনীশিংগীদমক ইকুই কুইদ্রিঙৈদা সাইন তৌখিবা অচৌবা ওফতেক এগ্রীমেন্ত অদু তরাম্না ওকখি।
লুচিংবশিংনা আফ্রিকা অমসুং লেতিন অমেরিকাদা ত্রাইএঙ্গুলর দিবেলপমেন্ত কোওপরেসন (তি.দি.সি.) প্রোজেক্তশিংগী মহৈ-মশিং অদুদা নুংঙাইবা ফোংদোকখি অমসুং অহুমশুবা লৈবাকশিংদা তুংকোইনা চৎকদবা অমসুং ইনক্লুসিব দিবেলপমেন্তকী মতেং পাংনবগীদমক্তা নাকল অনিমক্না মপাঙ্গল হাপ্পা অমসুং কেপাসিতীশিং পুন্সিন্নবগীদমক অচেৎপা ৱাফম থমখি। ঘানা, কেমেরুন অমসুং মালাউইদা তি.দি.সি. প্রোজেক্তশিং পাকথোক চাউথোকহন্নবা ৱারেপ লৌখিববু মখোয়না তরাম্না ওকখি।
ইন্দো-পেসিফিক, কনেক্তিবিতী অমসুং গ্লোবেল ইসুশিং
লুচিংবশিংনা ফ্রী অমসুং ওপন ইন্দো-পেসিফিক, UNCLOS য়াওনা ইন্তর্নেস্নেল লোগী ইকাই খুম্নবা অমসুং অনৌবা বাইলেতরেল ইন্দো-পেসিফিক কন্সল্তেসন মেকানিজম অমা লাউথোকপদা মখোয়গী অচেৎপা ফিরেপ অমুক হন্না ফোংদোকখি। ভারত অমসুং জর্মনিনা পুন্না লুচিংদুনা পায়খৎলিবা ইন্দো-পেসিফিক ওসিনস ইনিসিএতিব (আই.পি.ও.আই.) গী কেপাসিতী বিল্ দিং অমসুং রিসোর্স শেয়রিং পিল্লরগী মখাদা পায়খৎলিবা থবকশিং য়াওনা লমদম অসিদা জর্মনিনা লেপ্তনা অমসুং হেনগৎলক্লিবা থৌদাং অদু ভারতনা তরাম্না ওকখি।
ইন্দিয়া, মিদল ইস্ত অমসুং য়ুরোপ ইকোনোমিক কোরিদোর (আই.এম.ই.সি.) দা মখোয়গী মপাঙ্গল কনবা ঙম্বগী ৱাফম অমুক হন্না ফোংদোক্লদুনা লুচিংবশিংনা মালেমগী কম্মর্জ, কনেক্তিবিতী অমসুং চাউখৎপা হেনগৎহনবদা মসিগী ত্রান্সফোর্মেস্নেল পোতেন্সিএল অদু মরুওইনা পনখি। মসিগী মতাংদা মখোয়না অহানবা আই.এম.ই.সি. মিনিস্তরেল মীফমদা খোংথাং অসিবু খুমাং চাউশিলহন্নবা অকনবা খোংথাং লৌখৎনবা থাজবা থম্লি।
ভারত অমসুং জর্মনীনা হৌজিক্কী মতমগী অশেংবশিং অদু উৎনবগীদমক মেম্বরশিপকী পর্মানেন্ত অমসুং নন-পর্মানেন্ত কেতগোরিশিং পাকথোক চাউথোকহন্দুনা য়ু.এন. সেক্যুরিতী কাউন্সিলগী অপুনবা রিফোর্মশিং তৌবগী তঙাই ফদবা অদু অমুক হন্না ফোংদোকখি। মসিগী মতাংদা লৈবাক অনিমক্না আই.জি.এন.দা তেক্সত-বেজ নেগোসিএসনশিং হৌদোক্নবগী মায়কৈদা খোংজেল য়াংখৎনবা হায়খি।
লুচিংবা অনিমক্না য়ুক্রেনদা চত্থরিবা লানগী মতাংদা মখোয়গী অৱাবা অমুক হন্না ফোংদোকখি। মসিনা মীওইবা কয়াদা অৱাবা কয়া অমসুং মালেমগী ওইনা নেগেতিব ওইবা মহৈ-মশিং পীরি। মখোয়না ইন্তর্নেস্নেল লো অমসুং য়ু.এন. চার্টরগী প্রিন্সিপলশিংগী মতুং ইন্না য়ুক্রেনদা মপুং ফাবা, অচুম্বা অমসুং মতম শাংনা চৎনবা য়াবা শান্তি অমা পুরক্নবা হোৎনরিবা অসিদা মতেং পাংলি হায়না ফোঙদোকখি।
লুচিংবা অনিনা গাজাগী শান্তিগী থৌরাংবু তরাম্না ওকখি অমসুং গাজাদা চয়েৎনবা লোইশিন্নবা খোংথাং অমা ওইনা নবেম্বর ১৭, ২০২৫দা য়ুনাইতেদ নেসন্স সেক্যুরিতী কাউন্সিলগী রিজোলুসন ২৮০৩ লৌখৎখিবদা পনখি। মখোয়না পার্তী পুম্নমকপু মসিগী রিজোলুসন অসি মপুং ফানা চৎনহন্নবা পুক্নিং থৌগৎখি। মখোয়না গাজাদা হ্যুমেনিতরিয়ান এদকী অথিংবা লৈতনা অমসুং পাক-শন্না পীবগী তঙাই ফদবা অমসুং হ্যুমেনিতরিয়ন ওর্গনাইজেসনশিংগী অথিংবা লৈতনা চঙবগী তঙাই ফদবা অদু পনখি। মখোয়না অচুম্বা অমসুং তুং কোইনা চৎকদবা শান্তিগী মায়কৈদা হোৎনরিবশিংবু শৌগৎনবা মখোয়গী শেম-শাবা অদু অমুক হন্না ফোংদোকখি অমসুং মরক্তা লৈবা লৈবাক অনিগী ৱারোইশিনগী মওংদা মিদল ইস্তকী অয়েৎপা অদু অচুম্বা, তুং কোইনা চৎকদবা অমসুং মপুং ফানা ৱারোইশিন পুরক্নবা মখোয়না অমুক হন্না খন্নখি।
লুচিংবশিংনা ক্লাইমেৎ চেঞ্জগী মতাংদা মালেমগী ওইনা খোঙজেল য়াঙখৎপগী তঙাই ফদবা অদু পনখি অমসুং য়ু.এন.এফ.সি.সি.সি.গী থৌওংবু তরাম্না ওকখি। মখোয়না পেরিস এগ্রীমেন্তকী মরুওইবা অমসুং বেলেমদা সি.ও.পি. ৩০ পাংথোকখিবা অমসুং মসিগী মখাদা হৌখিবা চহিশিংদা লৌখিবা ৱারেপশিং, মরুওইনা জস্ত ত্রাঞ্জিসন মেকানিজম অমসুং তেক্নোলোজী ইমপ্লিমেন্তেসন প্রোগ্রাম অমা শেমগৎনবা অমসুং গ্লোবেল ইস্তেক্ তাঙ্কীগীদমক অপেনবা ফোংদোকখি। মখোয়না চাউখৎলক্লিবা লৈবাকশিংবু গ্রীন অমসুং সস্তেনেবল ইনর্জী সিস্তেম অমসুং ইকোনোমীদা অচুম্বা ত্রাঞ্জিসনদা মতেং পাংনবা অমসুং ক্লাইমেৎ চেঞ্জগী হেনগৎলক্লিবা শাফুশিংদা খল মান্ননবা ক্লাইমেৎ এক্সনবু ময়েক শেংনা হেনগৎহনবা অমসুং ক্লাইমেৎ ফাইনান্সিং অমসুং তেক্নোলোজী ত্রান্সফরগী লমশিংদা হোৎনরিবশিং হেনগৎনবা হায়খি। ইকোনোমিক দিবেলপমেন্ত অমসুং লায়রবা হন্থহন্নবা অফবা মওংদা দিজাইন তৌরবা ক্লাইমেৎ এক্সনগী পোতেন্সিএল অমসুং নেস্নেল অমসুং ক্রোস-বর্দর ভেল্যু চেনশিংদা ত্রাঞ্জিসন শেম্বদা অমসুং খোংজেল য়াংশিনবদা এক্তর পুম্নমক্না ক্লাইমেৎ ফাইনান্সিং হেনগৎহনবগী মরুওইবা অদু মখোয়না ফোংদোকখি। মখোয়না মহৌশাগী ওইবা দিজাস্তরশিং অমসুং অকনবা নুংশিৎকী থৌদোকশিংগা লোয়ননা ক্লাইমেৎ চেঞ্জ, অকোইবগী ফিভম শোকহনবা অমসুং বাইওদাইবর্সিতী মাংহনবা অসিনা সেক্যুরিতীদা থোকহনবা অকিবশিং অদুসু খঙখি।
মখোয়না মালেমগী ওইবা হকশেলগী শিংনবশিং থেংনবদা মতেং পীনবা হেনগৎনবা য়ানখি। মসিদা লাইচৎ শন্দোরকপদা শেম-শারিবা অমসুং পাউখুম পীনবা, এন্তিমাইক্রোবিএল রেজিস্তেন্স থেংননবা অমসুং শেল চংদবা হকশেলগী সেবা অমসুং হিদাক-লাংথকশিং ফংহনবদা চপ মান্নবা খুদোংচাবা ফংহন্নবা য়াওরি।
এজুকেসন, স্কিলিং, মোবিলিতী অমসুং কলচর
লুচিংবা অনিমক্না প্রজাশিংগী মরক্তা লৈনরিবা মরী অসি স্ত্রেতেজিক পার্তনরশিপকী মরুওইবা য়ুম্বী অমনি হায়না অমুক হন্না ফোংদোকখি অমসুং মহৈরোইশিং, রিসর্চ তৌরিবশিং, হৈ-শিংলবা শিন্মীশিং, আর্তিস্তশিং অমসুং তুরিস্তশিংগী মরক্তা হেনগৎলক্লিবা এক্সচেঞ্জশিংবু তরাম্না ওকখি। মখোয়না জর্মনীগী শেন্মিৎলোন, ইনোবেসন অমসুং কলচরেল লাইফদা ভারতকী কম্ম্যুনিতীনা পীরিবা মমল য়াম্লবা তেংবাং অদু শকখঙখি। অমগা অমগা খঙমিন্নবা হেনগৎহন্নবা এজুকেসন, রিসর্স, ভোকেসনেল ত্রেনিং, কলচর অমসুং নহারোলশিংগী এক্সচেঞ্জদা মতেং পীনবা হেনগৎহনবগী মরুওইবা অদু মখোয়না পনখি। প্রধান মন্ত্রী মোদীনা জর্মনীদা চৎথোক-চৎশিন তৌবদা ভারতকী পাসপোর্ত হোল্দরশিংগীদমক ভিসা য়াওদনা চৎথোক-চৎশিন তৌবগী খুদোংচাবশিং লাউথোকপগীদমক চান্সেলর মর্জতা থাগৎপা ফোংদোকখি। মসিনা ভারতকী নাগরিকশিংগী চৎথোক-চৎশিনদা মতেং পাংবতা নত্তনা মীয়ামগী মরক্তা লৈনরিবা মরী অসি হেন্না চেৎশিলহল্লগনি। মাইগ্রেসন অমসুং মোবিলিতী পার্তনরশিপ এগ্রীমেন্ত (এম.এম.পি.এ.) গী প্রোভিজনশিং মপুং ফানা ইমপ্লিমেন্ত তৌদুনা লেগেল মোবিলিতী মখা তানা মপাঙ্গল কনখৎহন্নবা অমসুং লৈবাক অসি থাদোকপা মথৌ তাবা মীওইশিং হল্লকপদা অমসুং আইন্না য়াদবা মাইগ্রেসন, মীওই লল্লোনবা অমসুং দোক্যুমেন্ত অমসুং ভিজা ফ্রোদ থেংনবদা মতেং পীননবা নাকল অনিমক্না অপাম্বা ফোঙদোকখি।
লুচিংবা অনিনা জর্মনীদা লৈরিবা ভারতকী মহৈরোয়শিংগী মশিং হেনগৎলকপা, জোইন্ত অমসুং দ্যুল দিগ্রী প্রোগ্রামশিং, কোলাবোরেতিব রিসর্স অমসুং হায়র এজুকেসনদা ইন্সতিত্যুস্নেল পার্তনরশিপকী নেৎৱার্ক পাকথোক চাউথোকপা অদুসু পনখি। ভারতকী মহৈরোয়শিং অমসুং গ্রেজুএৎশিংবু জর্মনীদা থবক ফংহন্নবা হোৎনরিবা প্রোজেক্তশিংদা মরী হেন্না চেৎশিল্লক্লিবা অসি উবা ফংলি। মখোয়না ইন্দিয়ন ইন্সতিত্যুৎ ওফ তেক্নোলোজী অমসুং জর্মনীদা লৈরিবা তেক্নিক য়ুনিভর্সিতীশিংগী মরক্তা লৈরিবা ইন্সতিত্যুস্নেল লিঙ্কেজশিংবু তরাম্না ওকখি। মখোয়না ইন্দিয়া-জর্মন কম্প্রিহেন্সিব রোদমেপ ওন হায়র এজুকেসন শেমগৎপবু ইনস্তিত্যুস্নেল লিঙ্কশিং হেন্না চেৎশিলহন্নবা তরাম্না ওকখি। পি.এম. মোদীনা জর্মনীগী মকোক থোংবা য়ুনিভর্সিতীশিংদা অনৌবা এজুকেসন পোলিসীগী মখাদা ভারত্তা কেম্পসশিং হাংনবা হায়খি।
লুচিংবশিংনা মাইগ্রেসন অমসুং মোবিলিতী পার্তনরশিপ এগ্রীমেন্তকী মখাদা স্কিল লৈবা মাইগ্রেসনগী লমদা হৌজিক ফাওবদা চৎথরিবা কোওপরেসন অসিদা নুংঙাইবা ফোংদোকখি। মসিগী অচেৎপা ৱাফম অসিগা লোয়ননা জর্মনগী স্কিল লৈরবা শিন্মীগী স্ত্রাতিজীগা চুননা লৈবাক অনিমক্না স্কিল লৈরবা শিন্মীশিংগী মোবিলিতী অসি শরুক পুম্নমক্কী কান্নবা ওইগদবা মওংদা লায়থোকহন্নবা পান্দম থম্লি। মসিদা শিন্মীশিংবু লল্লোনবদগী ঙাকথোকপা অমসুং ইন্তর্নেস্নেল লেবর স্তেন্দর্দশিং ঙাক্না থম্বসু য়াওরি। লুচিংবশিংনা গ্লোবেল স্কিল্স পার্তনরশিপকী মতাংদা JDIদা খুৎয়েক পীনখিবদা নুংঙাইবা ফোংদোকখি। মসিগী পান্দমদি স্কিল লৈরবা মীশিং হেনগৎহনবগীদমক ইথিক অমসুং সস্তেনেবল ফ্রেমৱার্ক অমা শেমগৎপদা মীৎয়েং থম্লি। লুচিংবশিংনা রিন্যুএবল ইনর্জীদা স্কিলিংগীদমক ইন্দো-জর্মন সেন্তর ওফ এক্সেলেন্স অমা লিংখৎনবা JDIদা খুৎয়েক পীনখিবা অদুসু তরাম্না ওকখি। মসিনা ভারত অমসুং জর্মনগী থবক ফংনবগী মার্কেৎকীদমক করিকুলম শেমগৎপদা, জর্মন অমসুং ভারতকী ইন্দস্ত্রীগা লোয়ননা তেংবাং পীনবা অমসুং রিন্যুএবল ইনর্জী সেক্তরদা ত্রেনিরশিং ত্রেনিং পীনবদা মতেং পাংগনি। মসিগী মতাংদা, সেকেন্দরী স্কুলশিং, য়ুনিভর্সিতীশিং অমসুং ভোকেসনেল এজুকেসন সেন্তরশিং য়াওনা ভারত্তা জর্মন লোল তম্বীবা পাকথোক চাউথোকহনবগী পান্দমদা নাকল অনিমক্না থাজবা থম্লি।
ভারত অমসুং জর্মনীগী মরক্তা অচেৎপা পুৱারী অমসুং কলচরগী মরী লৈনরি। লুচিংবশিংনা জর্মন মেরিতাইম ম্যুজিয়ম - লেবনিজ ইন্সতিত্যুৎ ফোর মেরিতাইম হিস্তরী (দি.এস.এম.), ব্রেমরহেভেন অমসুং লোথালদা লৈবা নেস্নেল মেরিতাইম হেরিতেজ কমপ্লেক্সকী মরক্তা এম.ও.য়ু. মতাং অসিদা, ম্যুজিয়মগী কোলাবোরেসনশিংদা অনৌবা পুক্নিং চিংশিল্লক্লি। লুচিংবশিংনা শান্ন-খোৎনবদা তেংবাং পীননবা জে.দি.ও.আই.গী ৱারোইশিন পুরকপবু তরাম্না ওকখি। মসিনা শান্নরোইশিংগী ত্রেনিং, শান্ন-খোৎনবগী গবর্নান্স, ইন্টিগ্রিটি অমসুং শান্নরোইশিংগী হকশিং, লোয়ননা শান্ন-খোৎনবগী সাইন্সতা রিসর্চ তৌবদা তেংবাং পীনবা হেনগৎহনগনি।
চান্সেলর মর্জনা মহাক অমসুং মহাক্কী মীহুৎ কাংবুবুবু তরাম্না ওকপগীদমক প্রধান মন্ত্রী মোদীবু থাগৎপা ফোংদোকখি। লুচিংবা অনিনা মথংগী ভারত-জর্মনী ইন্তর-গবর্নমেন্তেল কন্সল্তেসন ২০২৬কী অথেঙবা শরুক্তা জর্মনীদা পাংথোক্কনি হায়না য়ানখি অমসুং স্ত্রেতেজিক পার্তনরশিপ মখা তানা চেৎশিলহন্নবগীদমক মখোয়গী অপুনবা ফিরেপ অদু অমুক হন্না ফোংদোক্নখি।
