প্রধান মন্ত্রী, শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী, শ্রী স্কোত মোরিসননা ২০২২গী মার্চ ২১দা অনিশুবা ইন্দিয়া-ওস্ত্রেলিয়া ভর্চুৱল সম্মিত পাংথোক্লগনি। সম্মিত অসি লৈবাক অনি অসিগী মরক্তা লৈরিবা মরী অসিবু কমপ্রেহেন্সিব স্ত্রেতেজিক পার্তনর্শিপকী থাক্তা চিংখৎলদুনা পুৱারী শেমখিবা ২০২০গী জুন ৪দা পাংথোকখিবা ভর্চুৱল সম্মিত অদুগী মখা চত্থরকপা ওইনা পাংথোক্লগনি।
পাংথোক্কদৌরিবা ভর্চুৱল সম্মিত অসিদা, লুচিংবশিং অসিনা কমপ্রেহেন্সিব স্ত্রেতেজিক পার্তনর্শিপ অসিগী মখাদা লৌখৎলকখিবা অনৌবা খোংথাংশিং অদুগী মতাংদা কয়া য়াম্না খুমাং চাউশিল্লবগে হায়না য়েংশিল্লগনি। ভর্চুৱল সম্মিত অসিনা অনৌবা খোংথাংশিংগীদমক্তা লম্বি য়াৎলগনি অমসুং ইন্দিয়া অমসুং ওস্ত্রেলিয়াগী মরক্তা সেক্তর মখল কয়া অমদা খুৎশম্ননা থবক তৌমিন্নবা হেনগৎহল্লগনি। লুচিংবশিং অসিনা লাল্লোন-ইতিক, মরু ওইবা মিনরেলশিং, মাইগ্রেশন অমসুং মোবিলিতী, অমসুং এজুকেশন, অতোপ্পা কয়া অমগী মনুংদা হায়রিবশিং অসিদা য়াম্না নকশিন্নবা মওংদা খুৎশম্ননা থবক তৌরগনি হায়না থাজবা থম্লি।
লুচিংবশিং অসিনা মাইকৈ অনিমক অসিগা মরী লৈনবা রিজনেল অমসুং ইন্তর্নেস্নেল ইসুশিংগী মতাংদসু খন্নরগনি। সম্মিত অসিনা লৈবাক অনিমক অসিগী মরক্তা লৈরিবা মরী অসিগী মরু ওইবা অমসুং মসিগা লোইন-লোইননা রিজনেল অমসুং গ্লোবল ইশুশিংগী মতাংদা মখোয় অনী অসিগী মরক্তা খুৎশম্ননা থবক তৌবগী মতাংদা খঙহল্লগনি।
ইন্দিয়া-ওস্ত্রেলিয়া কমপ্রেহেন্সিব স্ত্রেতেজিক পার্তনর্শিপ অসিনা কোবিদ-১৯ লাইচৎ অসি লৈজরবসু লৈবাক অনি অসিনা সাইন্স অমসুং তেক্নোলোজী, দিফেন্স, সাইবর, ক্রিতিকেল অমসুং স্ত্রেতেজিক মেতরিয়েলশিং, ৱাতর রিসোর্স মনেজমেন্ত , মসিগা লোইন-লোইননা পব্লিক এদমিনিস্ত্রেশন অমসুং গোবর্নেন্সকী মতাংদা য়াম্না নক্নবা মরী থমদুনা লেপ্তনা খুৎশম্নদুনা থবক তৌবদা খুমাং চাউশিনবগী খোংজেল অসিবু অদুমক লেংদনা থম্লি।
প্রধান মন্ত্রী, নরেন্দ্র মোদী অমসুং প্রধান মন্ত্রী, মোরিসননা ২০২১গী সেপ্তেম্বরদা পাংথোকখিবা ক্বাদ লীদর্স সম্মিত্তা অহানবা ওইনা কোবিদ-১৯ লাইচৎ অসিগী মতুংদা শক-মাই উনদুনা অহানবা ওইনা ৱাশিংতন দি.সি.দা উনখি অমসুং মখোয় অনি অসিনা খুৎশম্নদুনা ২০২১গী নবেম্বরদা সি.ও.পি. ২৬দা গ্লাসগোদা ইনফ্রাস্ত্রকচর ফোর রেজিলিয়েন্ত আইলেন্স স্তেতস (আই.আর.আই.এস.) অসি লোঞ্চ তৌখি।
