ভারতকী প্রধান মন্ত্রী শ্রী নরেন্দ্র মোদী অমসুং মালদীবকী রাস্ত্রপতি ঐচ. ই. দোক্তর. মোহমদ মুইজ্জুনা ওক্তোবর 7, 2024দা উনখি অমসুং লৈবাক অনিগী মীয়ামগী য়াইফনবা চাউনা শরুক তম্মিবা মখোয়গী পুৱারীগী ওইবা মরী অমসুং অখন্নবা মরী অসি চেৎশিনহন্দুনা লৈবাক অনিমক্না খুমাং চাউশিল্লক্লিবা অদু পল্লদুনা লৈবাক অনিগী ওইবা মরীগী পায়খৎলিবা খোঙথাংশিং অদু কুপ্না য়েংশিনখি।
2. ভারতকী প্রধান মন্ত্রীনা ভারতনা মালদীবকা লোয়ননা লৈনরিবা মরীদা মরুওইবা পীরক্লিবা মহাক্কী 'নেবরহুদ ফার্স্ত' পোলিসী অমসুং ভিজন সাগরগী মখাদা অমসুং মালদীবকী চাউখৎ থৌরাংগী খোঙচৎ অমসুং মরুওইবশিংদা মতেং পাংনবা ভারতকী অচেৎপা ফিরেপ অদু অমুক হন্না ফোংদোকখি। খুদক্কী ওইবা শেল-থুমগী মথৌ তাবশিং কোকহন্নবা মালদীবকী য়াম্না মথৌ তারিবা ফাইনান্সিএল কুশন পীখিবা মে অমসুং সেপ্তেম্বর 2024দা চহি অমগী ওইনা SBIনা সবস্ক্রাইব তৌবা US দোল্লর মিলিয়ন 100গী তে-বিলশিং শাংদোকখিবা অদু য়াওনা মালদীবকী রাস্ত্রপতিনা মতম চানা পীখিবা ইমর্জেন্সী ফাইনান্সিএল এসিস্তেন্সকীদমক ভারতকী মফমদা থাগৎপা ফোংদোকখি। মহাক্না মালদীবকী 2014গী ঈশিংগী অৱাবা অমসুং কোবিদ-19গী লাইচৎ মনুংদা হৌখিবা চহি তরা অসিদা ভারতনা মমাংদা তেংবাংখিবা অদুগী মতুং তারকপা ওইনা মালদীবকী মথৌ তাবা মতমদা 'ফার্স্ত রেস্পোন্দর' ওইনা ভারতনা মখা তানা লৌরিবা থৌদাং অদুগীদমক থাগৎপা ফোংদোকখি।
3. মালদীবকী রাস্ত্রপতি দা. মোহমদ মুইজ্জুনা ভারত সরকারনা মালদীবকী হৌজিক থেংনরিবা শেল-থুমগী শীংনবশিং অসি থেংনবদা মতেং ওইগদবা নাকল অনিগী ওইবা কারেন্সী স্বাপ এগ্রীমেন্ত অমা ওইনা USD মিলিয়ন 400 অমসুং INR বিলিয়ন 30 গী মওংদা মতেং পীনবা ৱারেপ লৌখিবদা থাগৎপা ফোংদোকখি। লুচিংবশিংনা মালদীবকী শেন-থুমগী শীংনবশিং মায়োক্নবদা মতেং পাংনবা মখা তানা থবক পায়খৎনবা য়ানখি।
4. লুচিংবা অনিনা লৈবাক অনিগী মরক্তা লৈরিবা মরী অসি মীয়ামগী ওইবা, তুংলমচৎতা য়ুম্ফম ওইবা অমসুং ভারত মহাসাগরগী লমদমদা স্তেবিলিতীগী এঙ্কর অমা ওইনা লৈহন্নবা হোৎনরিবা কম্প্রেহেন্সিব ইকনোমিক অমসুং মেরিতাইম সেক্যুরিতী পার্তনরশিপ অমদা মপুং ফানা ওন্থোক্নবা পান্দম থমদুনা পুন্না থবক তৌমিন্নবগী অনৌবা ফ্রেমৱার্ক অমা শেম্নবা নাকল অনিমক্কী ওইনা খুদোংচাবা মতমনি হায়না য়ানখি। মতাং অসিদা লুচিংবা অনিনা মখাদা পীরিবা ৱারেপ অসি লৌখি:
I. পোলিতিকেল একচেঞ্জশিং
লুচিংবা অমসুং মিনিস্ত্রিএলগী থাক্তা এক্সচেঞ্জ হেনগৎহন্নবা, নাকল অনিমক্না মখোয়বু পার্লিয়ামেন্তরিয়নশিং অমসুং লোকেল গভর্নমেন্তকী মীহুৎশিংগী এক্সচেঞ্জ য়াওহন্নবা পাকথোক চাউথোকহল্লগনি। মসিগী মথক্তা, নাকল অনিগী মরী হেনগৎহনবদা মান্নবা দেমোক্রেতিক ভেল্যুশিংনা শরুক তম্মিবা অদু শকখঙলদুনা, মখোয়না পার্লিয়ামেন্ত অনিগী মরক্তা ইন্সতিত্যুস্নেলাইজ তৌরবা কোওপরেসন অমা পাংথোক্নবা য়ানা ৱারোল অমা শেম্নবা ৱারেপ লৌখি।
II. দিবেলপমেন্ত কোওপরেসন
হৌজিক চত্থরিবা দিবেলপমেন্ত পার্তনরশিপ প্রোজেক্তশিংগী খোঙজেল য়েংলদুনা, মসিনা মালদীবকী মীয়ামদা মশক থোকপা কান্নবা কয়া ফংহনখ্রে। নাকল অনিমক্না ৱারেপ লৌখি:
i. পোর্তশিং, এয়রপোর্তশিং, হাউজিং, হোস্পিতালশিং, লম্বীগী নেৎৱার্কশিং, স্পোর্তস ফেসিলিতীশিং, স্কুলশিং অমসুং ঈশিং অমসুং সীৱেরেজ য়াওনা মালদীবকী মথৌ তাবশিংগী মতুং ইন্না দিবেলপমেন্তেল পার্তনরশিপকী খুমাং চাউশিলহন্নবা পুন্না থবক তৌমিন্নবা;
ii. হাউজিংগী শীংনবশিং কোকহন্নবা মালদীবতা মতেং পীবা অমসুং ভারতকী মতেংদগী মতেং ফংদুনা হৌজিক চত্থরিবা সোসিএল হাউজিং প্রোজেক্তশিং খোঙজেল য়াংশিনহনবা;
iii. ফ্লেগশিপ গ্রেতর মালে কন্নেক্তিবিতী প্রোজেক্ত (GMCP) মতম চানা লোইশিন্নবা মপুং ফানা মতেং পীনবা অমসুং থিলাফুশি অমসুং গিরাভারু ইথৎশিংবু এক্সতেন্সন অমা ওইনা শম্ননবা ফিসিবিলিতী স্তদি অমা পাংথোকপা;
iv. মালে পোর্তকী মীচিনবা হন্থহন্নবা অমসুং থিলাফুশিদা কার্গো হেন্দলিং কেপাসিতী হেনগৎহন্নবগীদমক থিলাফুশি ইথৎতা সতেৎ-ওফ-দি-আর্ত কম্মর্সিএল পোর্ত অমা শেমগৎপদা মতেং পীবা;
v. মালদ্বীপকী ইহাৱান্ধিপপোলহু অমসুং গাধো ইথৎশিংদা মালদীবকী ইকনোমিক গেৎৱে প্রোজেক্ততা মতেং পাংনবা ত্রান্সশিম্পমেন্ত ফেসিলিতীশিং অমসুং বঙ্করিং সর্ভিসশিং শেমগৎপদা তেংবাং পীননবা খন্ন-নৈনবা;
vi. ভারতকী মতেংগা লোয়ননা শেমগৎলিবা হানিমাধো অমসুং গন এয়রপোর্তশিং অমসুং মালদীবকী অতোপ্পা এয়রপোর্তশিং অসি মপুং ফানা শীজিন্ননবা পুন্না থবক তৌমিন্নবা। মসিগী পান্দম অসি ফংনবগীদমক, নাকল অনিমক্না এয়র কন্নেক্তিবিতী মপাঙ্গল কনখৎহন্নবা, ইনভেস্তমেন্তশিং পুক্নিং চিংশিনবা অমসুং হায়রিবা এয়রপোর্তশিং অসি মপুং ফানা চলাইবদা মতেং পাংনবা খন্নগনিল;
vii. ভারতকী মতেংগা লোইননা "এগ্রিকলচর ইকনোমিক জোন" অমসুং হা ধালু অতোলদা তুরিজম ইনভেস্তমেন্ত অমসুং হাও অলিফু অতোলদা ফিশ প্রোসেসিং অমসুং কেন্নিং ফেসিলিতী লিংখৎনবা পুন্না থবক তৌমিন্নবা;
viii. ভারত-মালদীবকী মীয়ামদা মরুওইবা দিবেলপমেন্ত পার্তনরশিপ অসি শরুক খুদিংমক্তা য়ৌহন্নবগীদমক্তা অহেনবা ফাইনান্সিংগী খুত্থাংদা মায়পাকপা হাই ইম্পেক্ত কম্ম্যুনিতী দিবেলপমেন্ত প্রোজেক্তশিং মখা তানা পাকথোক চাউথোকহন্নবা।
III. ত্রেদ অমসুং ইকনোমিক্কী তেংবাং পীনবা
বাইলেতরেল ত্রেদ অমসুং ইনভেস্তমেন্তকীদমক শীজিন্নদ্রিবা পোতেন্সিএল লৈ হায়বা অসি য়েংলগা নাকল অনিমক্না য়ানখি:
i. লৈবাক অনিগী মরক্তা গুদস অমসুং সর্ভিসেসকী ললোন-ইতিক্তা মীৎয়েং থমদুনা বাইলেতরেল ফ্রী ত্রেদ এগ্রীমেন্ত অমগী মতাংদা খন্ন-নৈনবা হৌবা;
ii. ভারত অমসুং মালদীবকী মরক্তা ললোন-ইতিক্কী মরী হেন্না চেৎশিলহন্নবা অমসুং মপানগী ললোন-ইতিক্কী মখা পোনবা হন্থহন্নবা পান্দম থমদুনা লোকেল কারেন্সীদা ললোন-ইতিক্কী ত্রাঞ্জেক্সনশিং সেতলমেন্ত তৌবা;
iii. বাইলেতরেল ইনভেস্তমেন্তশিং অমসুং বিজিনেস চেম্বরশিং অমসুং ইন্তিতীশিংগী মরক্তা হেন্না নকশিন্নবা থৌদাং লৌনবা পুক্নিং থৌগৎকনি; ইনভেস্তমেন্তগী খুদোংচাবশিংগা মরী লৈনবা ঈ-পাউ শন্দোক্নবা অমসুং ললোন-ইতিক তৌবদা হেন্না লায়থোকহন্নবা খোঙথাংশিং লৌখৎকনি;
iv. একাদেমিক লিঙ্কিংশিং শেম্বা অমসুং রিসর্চ অমসুং দিবেলপমেন্ত কোওপরেসন পাকথোক চাউথোকহনবা য়াওনা এগ্রিকলচর, ফিসরিজ, ওসিনোগ্রাফী অমসুং ব্লু ইকনোমীগী লমশিংদা কোওপরেসন মপাঙ্গল কনখৎহন্দুনা মালদীবকী শেন্মিৎলোনবু দাইভর্সিফাই তৌনবা হোৎনরিবা অসিদা মতেং পাংবা;
v. মার্কেতিং কেম্পেনশিং অমসুং কোলাবোরেতিব ওইবা খোঙথাংশিংগী খুত্থাংদা লৈবাক অনিগী মরক্তা তুরিজম হেনগৎহন্নবা হোৎনরিবশিং মপাঙ্গল কনখৎহনবা।
IV. দিজিতেল অমসুং ফাইনান্সিএলগী তেংবাং পীনবা
দিজিতেল অমসুং ফাইনান্সিএল দোমেনশিংদা লৈরক্লিবা দিবেলপমেন্তশিং অসিনা গভর্নান্স অমসুং সর্ভিসশিং ফংহনবদা অহোংবা পুরক্নবা ইথিল পীরি, মসি য়েংলগা নাকল অনিমক্না পীরিবশিং অসিদা য়ানখি:
i. দিজিতেল অমসুং ফাইনান্সিএল সর্ভিসশিং ইমপ্লিমেন্ত তৌবগী মতাংদা এক্সপর্তীস শেয়র তৌবা;
ii. ভারতকী য়ুনিফাইদ পেমেন্ত ইন্তরফেস (UPI), য়ুনিক দিজিতেল আইদেন্তিতী, গতী শক্তি স্কিম অমসুং অতোপ্পা দিজিতেল সর্ভিসশিং হৌদোক্তুনা দিজিতেল পব্লিক ইনফ্রাস্ত্রকচর (DPI) গী লমদা তেংবাং পীনবনা মালদীবকী মীয়ামগী কান্ননবগীদমক্তা ই-গভর্নান্স অমসুং দিজিতেল দোমেনগী খুত্থাংদা সর্ভিসশিং পীবা হেনগৎহনগনি।
iii. মালদীবতা চৎপা ভারতকী তুরিস্তশিংগীদমক পেমেন্ত তৌবদা হেন্না লায়থোকহনগদবা মালদীবতা রুপে কার্দ হৌদোকখিববু তরাম্না ওক্লদুনা ভারত্তা চৎপা মালদীবকী প্রজাশিংগীদমক অসিগুম্বা সর্ভিসশিং অসি পাকথোক চাউথোকহন্নবা পুন্না থবক তৌমিন্নগনি।
V. ইনর্জীদা তেংবাং পীনবা
সোলর পাৱর অমসুং অতোপ্পা রিন্যুএবল ইনর্জী অমসুং ইনর্জী ইফিসিএন্সী প্রোজেক্তশিং পায়খৎতুনা ইনর্জীগী মমল হন্থহন্নবা অমসুং মালদীবপু মাগী NDCগী পান্দমশিং ফংহন্নবা ইনর্জী সেক্যুরিতীগী থৌদাং য়েংলদুনা নাকল অনিমক্না তেংবাং পীননবা য়ানখি। নাকল অনিমক্না ত্রেনিং, ভিজিৎ একচেঞ্জ, জোইন্ত রিসর্চ, তেক্নিকেল প্রোজেক্তশিং অমসুং ইনভেস্তমেন্তশিং প্রমোসন তৌবা য়াওনা ইন্সতিত্যুস্নেল পার্তনরশিপকী ফ্রেমৱার্ক অমা শেমগনি।
মসিগীদমক, নাকল অনিমক্না মালদীবপু ৱান সন ৱান ৱর্ল্দ ৱান গ্রিদ ইনিসিএতিব অসিদা শরুক য়াহনগদবা খোঙথাংশিং মশক খঙদোক্নবা ফিসিবিলিতি স্তদী অমসু পায়খৎকনি।
VI. হকশেলদা তেংবাং পীনবা
নাকল অনিমক্না মসিদা য়ান্নখি:
i. ভারত্তা লৈবা মালদীবকী মীয়ামদা সেফ, ক্বালিতী লৈবা অমসুং শেল চংদবা হেল্থকেয়র পীনবা অমসুং ভারত্তা লৈবা হোস্পিতালশিং অমসুং ফেসিলিতীশিংগী মরক্তা লিঙ্কেজ শেমগৎপা অমসুং মালদীবকী হেল্থকেয়র ইনফ্রাস্ত্রকচর মপাঙ্গল কনখৎহন্নবা মালদীবকী তঙাই ফদবা হেল্থ সর্ভিসশিংদা এক্সেস ফগৎহন্দুনা হৌজিক চত্থরিবা হেল্থ কোওপরেসন মখা তানা হেন্না চেৎশিলহনবা;
ii. ভারতকী ফার্মাকোপিয়াবু মালদীব সরকারনা শকখঙনবা থবক পায়খৎপা। মসিগী মতুংদা ভারত-মালদীব জন ঔশধী কেন্দ্রশিং মালদীব শিনবা থুংনা লিংখৎতুনা ভারতকী মমল হোংবা অমসুং ক্বালিতী লৈবা জেনেরিক হিদাক-লাংথকশিং ফংহন্দুনা মালদীবকী হকশেলগী সেক্যুরিতীগী থবকশিংদা মতেং পাংগনি;
iii. মালদীবকী সেন্ত্রেল অমসুং রিজনেল মেন্তেল হেল্থ সর্ভিসশিংগী মেন্তেল হেল্থ সর্ভিসশিং অমসুং সপোর্ত সিস্তেমইং ফগৎহন্নবা পুন্না থবক তৌমিন্নবা;
iv. হেল্থকেয়র প্রোফেস্নেলশিংগী স্কিল অমসুং লৌশিং হেনগৎহন্নবা ত্রেনিং প্রোগ্রামশিংগী খুত্থাংদা মতেং পাংনবা;
v. কেন্সর, ইনফর্তিলিতী অসিনচিংবা য়াওনা হকশেলগী ওইবা মান্নবা শীংনবশিং থেংননবা হেলথ রিসর্চ ইনিসিএতিবশিংদা পুন্না থবক তৌমিন্নবা।
vi. দ্রগ এদিক্সন অমসুং রিহেবিলিতেসনগী খোঙথাংশিংগী মতাংদা এক্সপর্তীস শেয়র তৌনবা পুন্না থবক তৌমিন্নবা অমসুং মালদীবতা রিহেবিলিতেসন সেন্তরশিং লিংখৎপদা মতেং পাংবা।
vii. ইমর্জেন্সী মেদিকেল ইভেক্যুএসন তৌনবা মালদীবকী কেপাসিতী হেনগৎহন্নবা পুন্না থবক তৌমিন্নবা।
VII. ঙাকশেল অমসুং সেক্যুরিতীগী তেংবাং পীনবা
ভারত অমসুং মালদীবনা লৈবাক অনিমক্কী সেক্যুরিতী অমসুং চাউখৎ-থৌরাংগীদমক মল্তি-দাইমেন্সনেল ইমপ্লিকেসন লৈবা ভারত মহাসাগর লমদমদা মান্নবা শীংনবশিং শরুক য়ামিন্নরি। মহৌশাগী ওইবা পার্তনরশিং ওইনা, মখোয়না ভারত অমসুং মালদীব অনিমক্কী মীয়ামগী কান্ননবগীদমক্তা অমসুং পাক চাউরবা ভারত মহাসাগরগী লমদমগীদমক্তা মেরিতাইম অমসুং সেক্যুরিতী কোওপরেসন হেনগৎহন্নবা পুন্না থবক তৌমিন্ননবা ৱারেপ লৌখি।
মালদীবকী পাক চাউবা এক্সক্লুসিব ইকোনোমিক জোন অসি পাইরেসী, IUU ফিশিং, দ্রগ স্মগ্লিং অমসুং তেরোরিজম য়াওনা ত্রেদিস্নেল অমসুং নন-ত্রদিস্নেল মেরিতাইম চেলেঞ্জশিংদা থেংনরি। লৈবাক অনিমক্না য়ানখি মদুদি ভারতনা থাজবা য়াবা পার্তনর অমা ওইনা, মালদীবকী মথৌ তাবশিংগী মতুং ইন্না এক্সপর্তীস শেয়র তৌনবা, কেপাসিতীশিং হেনগৎহন্নবা অমসুং অপুনবা কোওপরেতিব মিজরশিং পায়খৎপদা মালদীবকা নক্না থবক তৌমিন্নগনি। মখোয়না মসিসু য়ানখি মদুদি ভারতকী মতেংগা লোয়ননা উথুরু থিলা ফালহু(UTF)দা মালদীব নেস্নেল দিফেন্স ফোর্স (MNDF) গী 'একথা' হার্বর প্রোজেক্তনা MNDFকী ওপরেস্নেল কেপাসিতীশিং হেনগৎহনবদা য়াম্না চাউনা মতেং পাংগনি অমসুং মদু মতম চানা লোইশিন্নবগীদমক মপুং ফানা মতেং পাংগনি।
নাকল অনিমক্না মসিসু য়ান্নখি:
i. মালদীবকী মেরিতাইম অমসুং সেক্যুরিতীগী মথৌ তাবশিং মাগী নেস্নেল প্রাইওরিতীশিংগা চুনবা মওংদা ফগৎহন্নবা MNDFকী কেপাসিতী হেনগৎহন্নবা দিফেন্স প্লেতফোর্মশিং অমসুং এসেতশিং পীদুনা মালদীবকী মতেং পাংবা;
ii. রেদর সিস্তেমশিং অমসুং অতৈ খুৎলায়শিং পীনদুনা MNDFকী সর্ভিলেন্স অমসুং মোনিতরিং কেপাসিতী হেনগৎহনবদা মালদীবপু মতেং পাংবা
iii. মালদীব সরকারগী মথৌ তাবশিংগী মতুং ইন্না কেপাসিতী বিল্দিং অমসুং ত্রেনিংগী খুত্থাংদা হায়দ্রোগ্রাফীগী হিরমশিংদা মালদীবপু মতেং পাংবা;
iv. SOPশিং শেমগৎপা অমসুং হেন্না ফবা ইন্তরওপরেবিলিতী ফংনবগীদমক্তা এক্সরসাইজশিং পাংথোক্তুনা দিজাস্তর রেস্পোন্স অমসুং রিস্ক মিতিগেসনগী লমদা তেংবাং পীনবা হেনগৎহনবা;
v. ইনফ্রাস্ত্রকচর, ত্রেনিং অমসুং খ্বাইদগী ফবা থৌওংশিং শেয়র তৌনবগী থোংদা কেপাসিতী দিবেলপমেন্তদা মতেং পীদুনা ইনফোর্মেসন শেয়রিংগী লমদা মালদীবপু মতেং পাংবা।
vi. ভারতকী তেংবাংগা লোয়ননা মা লেদামালদিবিয়ন দিফেন্স মিনিস্ত্রী (MoD)গী স্তেৎ-ওফ-দি-আর্ত বিলদিং অমা অথুবা মতমদা শঙ্গাবা, মসিনা MoD গী মোদর্ন ইনফ্রাস্ত্রকচর কেপাসিতী হেনগৎহল্লগনি।
vii. ITEC প্রোগ্রামশিং অমসুং ভারত্তা অতৈ কাস্তমাইজ তৌরবা ত্রেনিং প্রোগ্রামশিংগী মখাদা MNDF, মালদীব পুলিস সর্ভিসেস (MPS), অমসুং মালদীবকী অতোপ্পা সেক্যুরিতী ওর্গনাইজেসনশিংগী কেপাসিতী বিল্দিং অমসুং ত্রেনিং স্লোৎশিং হেনগৎহনবা;
viii. MNDF কী ইনফ্রাস্ত্রকচর চাউখৎহন্নবা অমসুং অপগ্রেদ তৌনবা শেলগী তেংবাং পীনবা।
VIII. কেপাসিতী বিল্দিং অমসুং ত্রেনিং
মালদীবকী হ্যুমেন রিসোর্স দিবেলপমেন্তকী মথৌ তাবশিংদা পোজিতিব ওইনা মতেং পাংলিবা তোঙান-তোঙানবা কেপাসিতী বিল্দিং ইনিসিএতিবশিং য়েংশিনদুনা নাকল অনিমক্না মালদীবকী মথৌ তাবশিং অমসুং মরুওইবশিংগী মতুং ইন্না ত্রেনিং অমসুং কেপাসিতী বিল্দিংগী মায়কৈদা মখা তানা মতেং পীনবা য়ানখি। মখোয়না মখাদা পীরিবশিং অসিগী মতাংদসু য়ানখি:
i. মালদীবকী সিভিল সর্ভেন্তশিং অমসুং লোকেল গভর্নমেন্তকী মীহুৎশিংগীদমক্তা কাস্তমাইজ তৌরবা ত্রেনিং প্রোগ্রামশিং মখা চত্থবা।
ii. নুপীশিংনা লুচিংবা দিবেলপমেন্ত প্রমোৎ তৌনবা স্কিল ত্রেনিং পীদুনা অমসুং মালদীবকী ইকোনোমীদা মখোয়গী শরুক য়াবা হেনগৎহন্নবা মালদীবকী নুপী ইন্ত্রপ্রিনরশিংদা মতেং পীনবা অনৌবা প্রোগ্রাম অমা হৌদোকপা।
iii. নহারোলশিংগী ইন্নোভেসন পোতেন্সিএল শীজিন্ননবা মালদীবতা স্তার্ত-অপ ইনক্যুবেতর-এক্সেলেরেতর অমা লিংখৎপদা মতেং পাংবা।
IX. পিপল-তু-পিপলগী মরীশিং
ভারত অমসুং মালদীবকী মরক্তা লৈরিবা মীয়ামগী মরীশিং অসি লৈবাক অনিগী মরক্তা লৈরিবা অখন্নবা অমসুং তোপ-তোপ্পা মরীশিংগী য়ুম্ফম ওইদুনা লৈরি। নাকল অনিমক্না মরী অসি হেন্না চেৎশিলহন্নবা থবক পায়খৎনবা য়ানখি অমসুং মখাদা পীরিবশিংসি ৱারেপ লৌখি:
i. বেঙ্গালুরুদা মালদীবকী কন্স্যুলেত অমা অমসুং অদু সিতীদা ভারতকী কন্স্যুলেত অমা লিংখৎনবগী মায়কৈদা পোজিতিব ওইবা থবক পায়খৎপা। মসিনা ত্রেদ অমসুং ইকনোমিক কোওপরেসন হেনগৎহনগনি অমসুং পিপল-তু-পিপলগী মরী হেন্না চেৎশিলহল্লগনি হায়বা খঙমিন্নবা;
ii. লম্বী-থোং অমসুং সমুদ্রগী কন্নেক্তিবিতী হেনগৎহন্দুনা লম্বী-থোংদা চৎপা লাইথোকহন্নবা, শেন্মিৎলোনদা মতেং পাংবা অমসুং তুরিজম প্রমোৎ তৌবা;
iii. মালদীবকী মথৌ তাবশিং অমসুং মথৌ তাবশিংগী মতুং ইন্না হায়র এজুকেসন ইন্সতিত্যুসনশিং, স্কিলিং সেন্তরশিং অমসুং এক্সলেন্স সেন্তরশিং লিংখৎপা;
iv. মালদীব নেস্নেল য়ুনিভর্সিতীদা ICCR চেয়র অমা লিংখৎনবা থবক পায়খৎপা।
X. রিজনেল অমসুং মলতিলেতরেল ফোরাদা তেংবাং পীনবা
ভারত অমসুং মালদীবকী মরক্তা অচেৎপা মরীনা লৈবাক অনিমকপু রিজনেল অমসুং ইন্তরনেস্নেল ফোরমশিংদা কান্নবা পীরি অমসুং অপুনবা কান্নবা ফংনবগী হীরমশিংদা অমনা অমগী ভোইসকী মওং হেনগৎহল্লি। কোলম্বো সিক্যুরিতী কনক্লেব (CSC) গী চার্তরদা খুৎয়েক পীনখিবগা লোয়ননা, CSCগী ফাউন্দিং মেম্বরশিং ওইনা ভারত অমসুং মালদীবনা মখোয়গী অপুনবা মেরিতাইম অমসুং সেক্যুরিতী ইন্তরেস্তশিং মাংলোমদা পুন্না থবক তৌমিন্নবা অমুক হন্না অচেৎপা ৱাফম থমখি। মসিগী পান্দমদি সেফ, সেক্যুরিতী অমসুং শান্তি লৈবা ভারত মহাসাগরগী লমদম অমা ওইহন্নবা হোৎনবনি। নাকল অনিমক্না মল্তিলেতরেল ফোরাশিংদা নক্না থবক তৌমিন্ননবা য়ানখি।
4. লুচিংবশিংনা ভারত অমসুং মালদীবকী মীয়াম অমসুং ভারত মহাসাগরগী লমদম অনিমক্কী কান্ননবগীদমক লৈবাক অনিগী মরক্তা কম্প্রিহেন্সিব ইকনোমিক অমসুং মেরিতাইম সেক্যুরিতী পার্তনরশিপ চৎনহন্নবা পান্দম থমদুনা ভারত অমসুং মালদীব অনিমক্কী ওফিসিএলশিংদা মতেং পীনবগী লমশিং মতম চানা অমসুং মওং চুম্না ইমপ্লিমেন্ত তৌনবা খঙহনখি। ভিজন দোক্যুমেন্ত অসি ইমপ্লিমেন্ত তৌবদা খুমাং চাউশিল্লকপদু য়েংশিন্নবা অনৌবা হাই-লেবেল কোর গ্রুপ অমা শেম্নবা মখোয়না ৱারেপ লৌখি। গ্রুপ অসিগী লুচিংবা অসি নাকল অনিগী মরক্তা নাকল অনিনা য়ান্নদুনা লেপকনি।
