ভিদিও কনফরেন্সকী খুৎথাংদা ২০২০গী সেপ্তেম্বর ৭গী অয়ুক পুং ১০.৩০দা নেস্নেল ইজুকেসন পোলিসি-২০২০গী মতাংদা রাজ্যপালশিংগী মীফম হৌদোকপদা ভারতকী রাস্ত্রপতি শ্রী রাম নাথ কোবিন্দ অমসুং প্রধান মন্ত্রী শ্রী নরেন্দ্র মোদী ৱা ঙাংগনি।
“অৱাং থাক্কী লাইরিক তম্বদা অওনবা পুরক্নবা নেস্নেল ইজুকেসন পোলিসি-২০২০গী থৌদাং” হায়রিবা মীফম অসি ভারত সরকারগী ইজুকেসন মিনিস্ত্রিনা শীনবনি।
মমাংদা ১৯৮৬দা নেস্নেল ইজুকেসন পোলিসি লাউথোকখ্রবা চহি ৩৪গী মতুংদা ২১সুবা চহিচাগী অহানবা ইজুকেসন পোলিসি ওইনা নেস্নেল ইজুকেসন পোলিসি-২০২০ লাউথোকপনি। স্কুল অমসুং অৱাংবা থাক্কী মহৈ তম্বদা অচৌবা অওনবশিং পুরক্নবা নেস্নেল ইজুকেসন পোলিসি-২০২০না পান্দম থম্লি।
অনৌবা ইজুকেসন পোলিসি অসিনা ভারত অসি মতিক চাবা লৌশিং লৈবা খুন্নাই অমা ওইনা শেমগৎনবা পান্দম থম্লি। মসিনা ভারত্তা য়ুম্ফম ওইবা লাইরিক তাকপী-তম্বীগী থবকশিং পায়খৎতুনা ভারতনা মালেমগী সুপরপৱার অমা ওইনবা হকথেংন্না মতেং পাংনবা পান্দম থম্লি।
এন.ই.পিনা পান্দম থম্লিবা অওনবশিং অসিনা লৈবাক অসিগী লাইরিক তাকপী-তম্বীগী থবকশিং চাউনা অহোংবা পুরক্কনি অমসুং ভারতকী প্রধান মন্ত্রীনা পাম্লিবা অনৌবা অত্মানির্ভর ভারত অমা পুরকপা ঙম্নবা নৌনা শেমদোক্লবা লাইরিক তাকপী-তম্বীগী থবকশিং পায়খৎকনি।
লৈবাক শীনবা থুংনা নেস্নেল ইজুকেসন পোলিসি-২০২০গী মতাংদা তোঙান তোঙানবা ৱেবিনারশিং, ভর্চুএল কনফরেন্সশিং অমসুং মীফমশিং পাংথোকখ্রে।
মমাংদা ইজুকেসন মিনিস্ত্রি অমসুং য়ুনিভর্সিতি গ্রান্ত কমিসন্না “নেস্নেল ইজুকেসন পোলিসি-২০২০গী মখাদা অৱাংবা থাক্কী লাইরিক তম্বদা অহোংবশিং পুরক্নবা মীফম” অমা পাংথোকখ্রে অমসুং মদুদা প্রধান মন্ত্রী শ্রী নরেন্দ্র মোদী ৱা ঙাংখি।
সেপ্তেম্বর ৭গী রাজ্যপালশিংগী মীফম অদুদা রাজ্যশিংগী ইজুকেসন মিনিস্তরশিং, রাজ্যগী য়ুনিভর্সিতিশিংগী ভি.সিশিং অমসুং সেনিয়র ওফিসিএলশিংসু শরুক য়াগনি।
রাস্ত্রপতি অমসুং প্রধান মন্ত্রীগী ৱারোলশিং দি.দি নিউজদা লাইভ তেলিকাস্ত শন্দোক্কনি।
