জুন ৯,২০২৪ দা রাস্ত্রপতি ভাবন্দা প্রধান মন্ত্রী শ্রী নরেন্দ্র মোদী অমসুং মন্ত্রীশিং ৱাশক লৌবগী থৌরম পাংথোকখ্রে। থৌরম অদুদা ইকায়খুম্নরবা অতিথিশিং ওইনা ভারতকা য়ুম্লোন্নরিবা লৈবাকশিং অমসুং ভারত মহাসাগর লমদমগী লৈবাকশিংগী লুচিংবশিং শরুক য়াখি।
ৱাশক লৌবগী থৌরমদা শরুক য়াখিবা লুচিংবশিং অদুদি শ্রী লঙ্কাগী রাস্ত্রপতি রানিল ৱিক্রেমেশিঙ্গে; মালদিবসকী রাস্ত্রপতি দোক্তর মোহমদ মুইজু; সেচেলসকী উপ-রাস্ত্রপতি অহমদ অফিফ; বাংলাদেসকী প্রধান মন্ত্রী সৈখ হসিনা; মাউরিসিয়সকী প্রধান মন্ত্রী প্রভিন্দ কুমার জুগনৌথ অমসুং মহাক্কী লোয়নবী; নেপালগী প্রধান মন্ত্রী পুস্পা কমাল দহাল ‘প্রচান্দ’; অমসুং ভুতানগী প্রধান মন্ত্রী সেরিং তোবগেনি। মালদিবস, বাংলাদেস, নেপাল অমসুং ভুতানগী লুচিংবশিংনা মিনিস্তরশিং লোয়নরকখি।
ৱাশক লৌবগী থৌরম লোইরবা মতুংদা, প্রধান মন্ত্রী শ্রী নরেন্দ্র মোদীনা লৈবাক অসিদা লাকখিবা লুচিংবশিং রাস্ত্রপতি ভাবন্দা উনখি। পুৱারি ওইনা অহুমলকশুবা ওইনা ভারতকী প্রধান মন্ত্রী ওইনা ৱাশক লৌবদা লুচিংবশিংনা মহাক থাগৎপা ফোঙদোকখি। ভারতকী ‘য়ুম্লোন্নবনা অহানবা’ থৌশিল অমসুং ‘সাগর ভিজন’গী মতাংদা ভারতকী থাজবশিং প্রধান মন্ত্রীনা অমুক হন্না থমখি। প্রধান মন্ত্রীনা হায়খি মহাক্কী অহুমশুবা তার্ম অসিদা লৈবাক অসি ২০৪৭ দা বিকসিত ভারত ওইনবা পান্দম থমজরবশু, লমদম অসিগী মরুপ-মপাং ওইরিবা লৈবাকশিংগা লোয়ননা লমদম অসিদা শান্তি, চাউখৎপা অমসুং নুংঙাই-য়াইফবা পুরক্নবা ভারতনা মখা তানা থবক তৌগনি। লমদম অসিদা মীগা মীগা লৈনবা অচেৎপা মরী অমসুং চৎথোক-চৎশিনগী মরী হেন্না ফগৎহনগনি। মালেমগী ফম্পাক্তা ভারতনা মখা তানা গ্লোবেল সাউথকী খোল্লাউ হেন্না মপাঙ্গল কনখৎহনগনি।
রাস্ত্রপতি শ্রীমতি দ্রৌপতি মুর্মুনা রাস্ত্রপতি ভাবন্দা শীনবা চাক্লেন অমা লুচিংবশিং শরুক য়াখি। রাস্ত্রপতিনা লুচিংবশিং তরাম্না ওকখি অমসুং লৈবাক অসিগী থবক তৌবগীদমক মহাক প্রধান মন্ত্রী শ্রী নরেন্দ্র মোদীগী মফমদা য়াইফ-পাউজেল পীখি অমসুং মহাক্না হায়খি মদুদি ভারতকী গনতন্ত্রগী থবক অসি লৈবাক অসিগী মীয়াম খক্তগী চাউথোকচবা খক নত্তনা, মসি মালেমগী মীওই মিল্লিয়ন কয়াগী ইথিল অমনি।
প্রধান মন্ত্রী অমসুং মন্ত্রীশিং ৱাশক লৌবগী থৌরম শরুক য়াখিবা ভারতকা য়ুম্লোন্নরিবা লৈবাকশিং অমসুং ভারত মহাসাগর লমদমগী লৈবাকশিংগী লুচিংবশিংনা ভারতকা লৈরিবা অচেৎপা মরুপ-মপাং ওইবা অমসুং মতেং পীনবগী মরী অদু পনখি।
