ওস্ত্রেলিয়ান প্রধান মন্ত্রীগী স্পিসিয়েল ত্রেদ এনবোই ফোর ইন্দিয়া ওইনা ২০২১গী ওগস্ত ২-৬ ফাওবগী ওইনা খোঙশানলক্লিবা মমাংগী ওস্ত্রেলিয়াগী প্রধান মন্ত্রী দি হোন তোনী এবোতকা প্রধান মন্ত্রী শ্রী নরেন্দ্র মোদীগা ঙসি উন্নখি৷
ইন্দিয়া-ওস্ত্রেলিয়া কম্প্রিহেন্সিব স্ত্রাতিজিক পার্তনরশিপকী ফুল পোতেন্সিয়েল অদু ফংবা ঙম্নবা লৈবাক অনি অসিগী মরক্তা লৈরিবা বাইলেতরেল ত্রেদকী ফিভম হেন্না ফগৎনবা, ইনবেস্মেন্ত থাদনবা অমসুং ইকোনোমিক কোওপরেসন পীননবগী লম্বীশিং লিদর অনি অসিনা খন্ন-নৈনখি৷
ইন্দিয়া অমসুং ওস্ত্রেলিয়াগী মরক্তা ইকোনোমিক কোওপরেসন হেন্না-হেন্না পীনরকপা অসিনা লৈবাকশিং অসিনা কোবিদ-১৯ লাইনা-লাইচৎ অসিনা মরম ওইদুনা থোক্লক্লিবা ইকোনোমিক চেলেঞ্জশিং অসি থেংনবদা মতেং পাংলগনি, অমসুং স্তেবল, সেক্যোর ওইবা অমসুং চাওখৎপা ইন্দো-পেসিফিক রিজন অমা শেমগৎনবা মখোয়দা লৈরিবা মংলান অদু মংফাওনহনবদা মখোয়দসু মতেং পাংলগনি হায়না মখোয়না ফোংদোক্নখি৷
হৌখিবা মতমশিংদা ইন্দিয়া-ওস্ত্রেলিয়াগী মরক্তা লৈরম্লিবা অফবা মরী অদুদা প্রধান মন্ত্রীনা অপেনবা ফেংদোকখি অমসুং প্রধান মন্ত্রী মোরিসন অমসুং হান্নগী প্রধান মন্ত্রী অবোতনা মসিগী খোংচৎ অসিদা লৌরম্লিবা য়াম্না মরু ওইবা কন্ত্রিব্যুসনশিং অদু শ্রী মোদীনা পামজখি৷
প্রধান মন্ত্রীনা হৌখিবা চহিদা প্রধান মন্ত্রী মোরিসনগা লোইননা পাংথোকখিবা মহাক্কী ভর্চুয়েল সম্মিত অদু নৌহৌননা নিংশিংখ্রে অমসুং অথুবা মতমদা ফিভমদা য়ারগদি পি.এম. মোরিসনবু ভারত্তা কৌনিংবগী মহাক্কী অপাম্বা লৈ হায়না ফোংদোকখি৷
২০২০গী জুন ৪দা প্রধান মন্ত্রী মোদী অমসুং ওস্ত্রেলিয়ান প্রধান মন্ত্রী স্কোত মোরিসনগী মরক্তা পাংথোকখিবা লিদরশিংগী ভর্চুয়েল সম্মিত অদুদা, লৈবাক অনি অসিগী মরক্তা লৈরিবা বাইলেতরেল রিলেসনশিপ অদু কমপ্রিহেন্সিব স্ত্রাতিজিক পার্তনরশিপ অমদা পুখৎখ্রে অমসুং মসিগী মতুং ইন্না ভারত অমসুং ওস্ত্রেলিয়ানা পাংথোকখি, মসিগী মনুং চল্লিবশিংগী মনুংদা পনবা য়ারিবা খরা অদুদি ললোন-ইতিক চাওথোকহনবদা পুক্নিং থৌগৎপা অমসুং লৈবাক অনি কান্নবা ফংহন্নবা ইনবেস্মেন্ত ফ্লো লৈহনবা অসিনি৷ বাইলেতরেল কমপ্রিহেন্সিব ইকোনোমিক কোওপরেসন এগ্রীমেন্ত(সি.ই.সি.এ.) অমদা অমুক হন্না এঙ্গেজ তৌনবসু ৱারেপ্নখি৷ মসিগী সেয়র এম্বিসন অসিগী মতুং ইন্না দি হোন তোনী অবোতনা হৌজিক চৎলিবা খোংচৎ অসি চৎখিবনি৷
