প্রধান মন্ত্রী, শ্রী নরেন্দ্র মোদীনা আত্মানির্ভর ভারত, ক্বালিতী প্রদক্তশিং শাবা অমসুং মখোয়বু মালেম শিনবা থুংনা পাম্নহন্নবগী মতাংদা ৱাখল্লোন খরা @LinkedIn দা পোস্ত তৌখি।
মখাদা পীরিবা অসি মহাক্না ফোঙদোকখিবশিংগী ৱারোলনি;
" নুমিৎ খরনিগী মমাংদা ঐহাক্না নেস্নেল কনক্লেব ওন মেত্রোলোজীদা ৱা ঙাংখি।
মসি মরু ওইবা হিরম অমা ওইজরবসু মসি মীয়াম্না পাক শন্না নৈনদে।
ঐহাক্না ৱা ঙাংখিবা হিরমশিংগী মনুংদা মেত্রোলোজী নত্ত্রগা মীজর্মেন্তগী স্তদীনা করম্না আত্মানির্ভর ভারত (মরোমদোম লেপচবা ভারত) অমগী মাইকৈদা চংশিনবদা অমদি ঐখোয়গী ওন্তোপ্রিনোরশিংগী শেন্মীৎলোন ফগৎহনবদা মতেং পাংবগে হায়বগী মতাং অসিসু অমা ওইখি।
ভারত অসি স্কিল অমসুং তেলেন্তকী পাৱরহাউস অমনি।
ঐখোয়গী স্তার্ত-অপ ইন্দস্ত্রীগী মাই পাকপা অসিনা ঐখোয়গী নহাশিংগী অনৌবা পুথোকপগী ইনোৎ অদু উৎলি।
অনৌবা প্রদক্তশিং অমসুং সর্ভিসশিং লেপ্তনা পুথোক্লি।
তেপ তৌনবা ঙাইদুনা লৈরিবা দোমেস্তিক অমসুং গ্লোবেলগী অচৌবা মার্কেৎশিংসু লৈরে।
ঙসিগী মালেম অসিনা অহোংবা, মতম কুইনা চৎপা অমসুং শীজিন্নবা য়াবা প্রদক্তশিং পাম্নরি।
আত্মানির্ভর ভারত অসি স্কেল অমসুং স্তেন্দর্দ প্রিন্সিপল অনি অসিদা য়ুম্ফম ওই।
ঐখোয়না হেন্না পুথোকপা পাম্মি। মসিগা ইরোইননা ঐখোয়না অফবা ক্বালিতীগী প্রদক্তশিং শাবা পাম্মি।
ভারতনা গ্লোবেল মার্কেৎতা মাগী প্রদক্তশিংনা থলহনবা খক্তা পামদে।
ঐখোয়না ভারতকী প্রদক্তশিংনা মালেম মীয়ামগী থম্মোই জয় তৌবা পাম্মি।
ঐখোয়না ‘ভারত্তা শাবা’ মতমদা গ্লোবেল দিমান্দ থুংহনবা খক্তা নত্তনা মালেমনা য়ারবা অমা ওইহন্নবা পান্দমসু থম্লি।
ঐহাক্না পুম্নমক্তা প্রদক্ত অমা হেক্তদা নত্ত্রগা নখোয়না পীরিবা সর্ভিসতা ‘জিরো ইফেক্ত, জিরো দিফেক্ত’কী মতাংদা খন্নবা হায়জরি।
ইন্দস্ত্রীগী লুচিংবশিং, বিজিনেসকী মীহুৎশিং, স্তার্ত-অপ সেক্তরগী নহাশিং অমসুং প্রোফেস্নেলশিংগা লোইননা ঐনা ৱারী শাবা মতমদা মসিগী মতাংদা মখোয়না হান্নদগী খঙলে হায়বা ঐহাক্না উবা ফংখি।
ঙদি, মালেম অসি ঐখোয়গী কৈথেল ওইরে।
ভারতকী মীয়ামদা মদুগী তৌবা ঙম্বগূ গুন অদু চেল্লি।
মালেমনা ভারতপু ক্রেদিবিলিতী লৈবা লৈবাক অমা ওইনা থাজবা থম্লি।
ঐখোয়গী মীয়াম্না তৌবা ঙম্বা অমসুং লৈবাক অসিগী ক্রেদিবিলিতীগা লোইননা ভারতকী ক্বালিতী খ্বাইদগী লৈবা প্রদক্তশিংনা মফম শিনবা থুংনা লাপনা চৎপা ঙমগনি। মসিনা আত্মানির্ভর ভারতকী অশেংবা ইকাই খুম্নবা অমা ওইখি – মসিনা মালেমগী য়াইফ-থৌরাংদা ফোর্স মল্তিপ্লাইয়র অমা ওইরি।"
A few thoughts on Aatmanirbhar Bharat and how it is as much about scale and standards.
— Narendra Modi (@narendramodi) January 5, 2021
We want Indian products to be accepted and admired worldwide.
My @LinkedIn post. https://t.co/edYTvDclhM
